منو سوت انابيب عند د.اسامه صالحة في رويال حياة

[ومضات]

السلام عليكم ورحمة الله

ربي لا تذرني فردا وانت خير الوارثين

خواتي اللي سوتها عند الدكتور اسامة يريت اعرف طريقته و العناية و كل شيء من الستاف الي اصغر تفصيل لانه خايفه ومتردده

للامانه الدكتور واضح ومبين واثق بنفسه وكل شيء في النهاية بيد الله سبحانه ، بس انا رويال اعتبرها فندق مو مستشفي يعني احس جنهم مهتمين بالشكل والمضمون اقل من عادي:bbbiu: مجرد راي يحتمل الصواب والخطا

فاللي سوتها عنده ابي رايها بكل صراحة وامانه بالدكتور والعملية عنده

لانه مشالله اكثر المراجعات تبارك الرحمن عنده حمل

يارب ماتمر السنه الا انا وخواتي اللي في القسم كلهم حمل ويشكرونك

 

[miss_uk]

انا كنت اراجع عندة بدار الشفا،، وماشالله فاهم

 

[وليدي وينك]

وعليكم السلام اختي انا سويت عنده في دار الشفاء وللامانه ماارتحت عنده حييل كنت متضايقه منه للاسف هو دكتور قليل الكلام وحييييل للاسف هذي خصله مو حلوه في مثل حالاتنا ودنا انه يشرح لنا الوضع ويعلمنا شنو بنسوي وشنو خطة العلاج للاسف كان يدري انها اول محاوله لنا وماكنا نعرف اي شي عن اطفال الانابيب وكان يسوي لي سونار وهو ساكت ويطلع وانا مااعرف شنو السالفه مره سالتها ويالله يرد يعني مايخليج علي بينه اول باول لا يخليج ماتعرفين شنو الطبخه للاسف وعقب مافشلت عمليتنا رحت له وهو ساكت انا سالته قلت شنو الاسباب الطبيه بنظرك اللي فشلت العمليه علشان اتحاشاها في المرات المقبله قال السمنه ايه ليش ماقال لي من الاول انا كنت ماادري عن اي شي اول مره اسوي انابيب وماكنت سامعه عنها من قبل واجد يعني ماكان عندي خلفيه ايه ليه ماقال لي قبل لانبلش مع اني كنت اراجع عنده من زمان كان قالي علشان اخفف وزن المهم وعقب قال لي الحيوان المنوي ماكان ممتاز زين ليه ترجعه لي وانت تعرف انه مو ممتاز وكميته قليله علي قولته المهم عقب مافشلت العمليه خذينا منه تقرير بالحاله وطلع كاتب انه فتح لزوجي وطلع معاه بداية الحيوان المنوي مو حيوان كامل  ورجعه لي وهو كان عارف انه مستحيل يسير حمل لانه تنقسم البويضه سبحان الله عادي بس مايصير حمل لانه مو مكتمل النمو حنا ماعرفنا الا من تقريره اللي هو كاتبه بنفسه خذيناه معانا بلجيكا التقرير وقالو لنا ليه يرجع لج البويضات وهو عارف انه ماراح يكون حمل ؟؟!!! قلنا والله ماندي الله العالم شغل تجاري وصراحه انا ماكنت مرتاحه من الاول لانه ماكان يقول لنا اي شي يالله يطلع منه الكلمه والله هذا اللي اعرفه عنه وانتي يارب الله يوفقج روحي. اذا تبين وشوفي اول مراجعه وتوكلي علي الله سوا عنده او عند غيره وبالنهاية انتي الحكم وللعلم انا والله عرفت انه برويال حياة بس والله مادري اذا تغير الحين والا علي طبعه والله يغفر لنا وله

 

[وليدي وينك]

والله يرزقج ولايحرمنا ويحرمج يارب تري انا كنت اشوف عنده حوامل واجد لانه دكتور نساء وحوامل ويولد بعد علشان جذيه عنده حوامل واجد

 

[شنوووفه]

انا كنت اراجع عنده واايد زين وحته ريلي ارتااحله وعطاانه رقمه الخااص :>
انشالله يارب تحملين

 

[مهرة الخليج]

نفسه خايسه وتجاري وماهمه الا الفلوووووس هذا رايي بختصار وعن تجربه باسامه صالحه ... ناهض حماديه احسن منه بالف مره ولاحظي اثنينهم جربتهم ولا حملت عندهم بس اقول لج ... من ناحية الاهتمام والوضوح والنفسيه وحتى اذا مو ضامن النجاح ما يسويها ناهض حماديه وبس​

 

[ومضات]

اختي وليدي وينك الله يرزقني ويرزقج ويرزق كل محرومة بس انتي من متي مراجعته ؟ انتي متينه لانه معروف السمنه لازم الوحدة تنزل من وزنها اذا تبي تسوي العملية وفي قانون معين حسب كتلة الجسم وجذي

وانا شفت مراجعه عنده تقول موقف عمليتها لين تضعف !!

اختي مهرة والله من ناحة مادي ماحست فرق كلهم نفس الاسعار بس ناهض ماجربته وهذا مو نفيسه اهوا جذي جدي و تدرين احنا نبي انسان ياخذ ويعطي

كل هذا مو مهم المهم شغله والنتيجة

 

[ومضات]

رفع بنات محد بعد مجربه

 

[شافوك بحساسي]

الله يرزقج يارب ويرزقنا

ماعندي فكره عنه بس حبيت اقولج شغله
حاولي تسوين رجيم لان سمعت ان السمنه لها تاثير

 

[دآنة آلرشآيده]

والله دكتورشاطر انا راجعت عنده قبل بس مارتحت لهـ
بس والله الكل يمدحونهـ انتي صلي استخاره والله يكتب لج الخير ​

 

[ومضات]

اختي دانه ليش ماكملتي معاه دام واثقه انه شاطر ؟

اهوا اسلوبه شوي جاف لكن مع المراجعات عادي طيب انا ماهمني اسلوبه المهم شغله وطريقته واغلب المراجعات قالولي اهوا وقت العمليه يتحول شخص ثاني طيب ويدعي و يطمن البنات والله اعلم

 

[ومضات]

محد مسوي عنده !!

 

[فول وفلافل]

انا جربته في دار الشفا ، ما عجبني مو لانه اسلوبه جاف لا !! اللي ما عجبني ان تخيلي بدا معاي العلاج والابر من غير ما يفحص عالرحم بالسونار !! شلون تبدي وانت ما تطمنت علىوضع الرحم والبويضات هالشهر ؟؟ طبعاً هذا اكبر دليل خلاني ادري انه ما همه المريض كثر ما همه انا يسوي العملية حسب رغبتج انتي والنتيجة كيفج بالطقاق

نصيحة مني .. اذا تبين تعالجين و في رويال حياة جربي فاطمي و. حفصه انا اراجع عندهم و طريقتهم يسوونها بضمير لدرجة ان لو الجنين ما انقسم الانقسامات اللي من خلالها يعرفون انه سليم او لا ما يرجعونه لج ولا يرضون يجمدونه .. فاطمي وايد افهم و اوضح من اسامة

 

[ومضات]

انا جربته في دار الشفا ، ما عجبني مو لانه اسلوبه جاف لا !! اللي ما عجبني ان تخيلي بدا معاي العلاج والابر من غير ما يفحص عالرحم بالسونار !! شلون تبدي وانت ما تطمنت علىوضع الرحم والبويضات هالشهر ؟؟ طبعاً هذا اكبر دليل خلاني ادري انه ما همه المريض كثر ما همه انا يسوي العملية حسب رغبتج انتي والنتيجة كيفج بالطقاق

نصيحة مني .. اذا تبين تعالجين و في رويال حياة جربي فاطمي و. حفصه انا اراجع عندهم و طريقتهم يسوونها بضمير لدرجة ان لو الجنين ما انقسم الانقسامات اللي من خلالها يعرفون انه سليم او لا ما يرجعونه لج ولا يرضون يجمدونه .. فاطمي وايد افهم و اوضح من اسامة

انا في شي واحد خلاني اتردد مثل ماقلتي ماطلب كشف انا بس وريته فحوصاتي وقالي زوجج عنده مشكلة من نتيجة فحصه فمادري هل مع بداية العلاج بيكشف مادري !! انتي يعني سويتيها عنده ؟

صدقين مشالله اعرف بنات سنين ماحملوا وحملوا عنده ويمدحونه وايد مادري محتارة :bbbiu:

تصدقين عاد فاطمي ذموه لي وقالولي مايقعد بالكويت وويهوقج وكل شي علي د حفصه

انتي وين سويتيها ؟

 

[ومضات]

Uppppppp

 

[ومضات]

ررررررفع

 

[ومضات]

وين مراجعاته !!؟

 

[عسل حدي]

اللهم اني اشهدك واشهد حملة عرشك وملائكتك
وجميع خلقك اني رضيت بك اله لا شريك لك
وان محمدا عبدك ورسولك
.
اللهم لك الحمد والشكر حتى ترضى
ولك الحمد والشكر اذا رضيت
ولك الحمد والشكر بعد الرضا
ما شاء الله تبارك الله