اسطنبول

[بشكوشة]

بنات انا ناوية اروح تركيا ان شالله الاسبوع الياي مع ريلي
ابيكم تساعدوني وتقوليلي احسن الفنادق في اسطنبول ويكون الفندق قريب من الاماكن السياحية علما ان زيارتي بتكون فقط 4 ايام
وابي اسأل اذا في باخرة يكون فيها عشى وتفتر باسطنبول

 

[بشكوشة]

اشدعوة بنات ٣٨ مشاهدة ولا وحدة ردت

 

[ترتر زري]

بالنسبه للفنادق اونس شي تقسيم قريب من شارع الاستقلال وكل شي يمج

بس الأماكن السياحيه مو يم بعض مطشرين واسطنبول كبيره

هناك حطولكم سايق يوديكم كل مكان

وفي البسفور في سفن سياحيه انا رحت التور بس اكيد في سفن فيها عشا

 

[بشكوشة]

مشكورة
اهلي ما مدحوا تقسيم يقولون ازعاج وفيها بوق
بالنسبه للفنادق ماعندج خبر لان اغلب فنادقهم وصخه

 

[أم رموسه]

فندق في منطقة السلطان احمد اسمه ديلوكس جولدن هورن
موقعه ميه ميه وغرف حلوووووووه
اطلاله رووعه على أيا صوفيا ومسجد احمد

عيبه غرف صغيره
مافي مطعم عندهم يعني احنا وصلنا بالليل وحدنا جوعانين ولما سالنا قال مافي مطعم بس بوفيه الإفطار وصراحة ماشفته ما اقعد الصبح

بس حطي ببالج تأخذين كرت الفندق اسهل للوصول تعطينه سايق ويوصلج لان إحنا قعدنا ساعه ندوره وما يعرفون انجليزي حيل



الفندق الثاني في تقسيم اسمه ايليت وولد فندق خمس نجووم
عجيييييييييب ورووعه الغرف

بس تقسيم مافيها الا تمشي بشارع الاستقلال وبالليل ما امشي فيه
نركب المترو ونروح لمجمع جواهر حلو

أنا منزله صور المجمعات واذا ضعت اوريهم الصوره وأقول وير ذس
*

 

[دنيا جديدة]

اب
اتمنى لكي رحله رائعة
اللهم صلي وسلم وبارك على نبينامحمد

 

[دلوعة أبوهآ]

السكن بمنطقة تقسيم حلو صحيح زحمه ونآس بس حلوو ويونس ..
وسلطان آحمد هاديء ..



جربي آلسكن في المنطقتين ..

 

[ترتر زري]

مشكورة
اهلي ما مدحوا تقسيم يقولون ازعاج وفيها بوق
بالنسبه للفنادق ماعندج خبر لان اغلب فنادقهم وصخه

اهي تقسيم خرشه بس تونس ولا في بوق ولا شي بالعكس نطلع بالليل متأخر

يمج شارع الاستقلال هذا حق تمشي الليل وناااااااااااااااسه :eh_s(15):
كله مطاعم

أنا ما أفكر أسكن بغيير تقسيم وبالنسبه للفندق منطقة الفنادق بتقسيم فيها سيكورتي وأمان

في فندق جديد اسمه اوبرا هذا توه مفتوح شوفيه بموقع بوكنج

 

[.:lady bug :.]

انا هم بروح
شنو تنصحوني برحلات