عملية تكبير الصدر 2012

[Heaven Light]

الحمدالله على سلامتج ..
صراحة خوش موضوع ما شاء الله كاتبة ادق التفاصيل ..
الله يرزج بالنتيجة اللي تمنينها ..

​

 

[فركيته]

الحمد لله على سلامتج

 

[زوجة الوزير]

الحمدلله ع السلامه

 

[beauty rose]

حمدلله على سلاااامتج و الله ييهنيج بعمليتج
انا بعد ودي اسويها بس المشكلة ودي اسويها بدون لا يدري ريلي لووول
بس مستحيل طبعا ههههههه
و نفس سؤال البنات شلون الملمس ؟ و تحسين ان صدرج طبيعي ؟ ولا جنه صناعي

 

[sweet lady]

حمدلله عالسلامة

 

[Floé]

الحمدلله على سلامتج حبيبتي

أمنية حياتي اسوي العملية ..

مشكورة عالموضوع و عالتفاصيل ..


بسألج جم سؤال بعد اذنج
1- الملمس شلون يكون ؟ يابس ؟ وسط ؟ ولا نفس الصدر الطبيعي ؟
2- وشكله يصير جنه كرتين (نفس صدر فيكتوريا بيكهام اذا تعرفينها) ولا جنه طبيعي ؟
3- اللي مايدري انج مسوية عملية يقدر يكتشف انج مسوية من شكلهم او ملمسهم ؟؟


ومشكوووووووووورة

هلا والله اختي الغالية الله يسلمج من الشر
والله انا جذي كنت دايم اتمنى اسويها و ما بقى حل بديل ما جربته بس ما كو فايدة الا اني اسوي العملية و الحمدلله الي طاح همها
اخذي راحتج و البنات سالو اللي تبون :eh_s(22):
1- الحين الملمس يابس بس انا مر علي هالملمس لما كنت بالنفاس و كان يحتقن الحليب بس الدكتورة قالت ترى بعد 6 اسابيع يتغير و مع تمام الشهرين انتي ما راح تحسين انج مسوية عملية :yaaaaaarb:
2-شوفي اهوا حاليا مرتفع جنه صدر فيكتوريا و مدور بس مع الوقت ينزل ان شا الله وياخذ شكل احلا اذا الله كتب يعني (الحين ما يسكرون على بعض يبيلهم وقت)
3- والله ليلحين رحت زوارتين محد لاحظ اني مسوية شي .. يمكن بعد لان حشوتي صغيرة مو وايد واضحة وانا كنت البس برى فيها سفنج ما فرق على الناس شكلي

انتي اللي مشكوووورة عل مرور الحلو :eh_s(17):

 

[Floé]

الحمدالله على سلامتج ..
صراحة خوش موضوع ما شاء الله كاتبة ادق التفاصيل ..
الله يرزج بالنتيجة اللي تمنينها ..

​

الله يسلم غاليج :eh_s(7):
مشكورة حبيبتي .. والله في بالي مثل ما استفدت لما قريت تجارب البنات اتمنى افيد اللي يهمه الموضوع من تجربتي بعد :eh_s(22):

الله يسمع منج و هذه احلى دعوة والله :eh_s(2):

 

[Floé]

فركيته و زوحة الوزير و سويت ليدي
الله يسلمكم من كل شر و مشكورين على المرور الحلو ؛***

 

[Floé]

حمدلله على سلاااامتج و الله ييهنيج بعمليتج
انا بعد ودي اسويها بس المشكلة ودي اسويها بدون لا يدري ريلي لووول
بس مستحيل طبعا ههههههه
و نفس سؤال البنات شلون الملمس ؟ و تحسين ان صدرج طبيعي ؟ ولا جنه صناعي

الله يسلمج و يسمع منج ان شا الله
سويها و توكلي على الله بس طبعا مع موافقة ريلج
انا سنتين و نص و انا احن عليه الله وكيلج :eh_s(2): ما صدقت لما وافق على طول رحت اسويها قبل لا يهون

الملمس الحين حلو و مقبول بس ستل يابس يبيله وقت خصوصا ان صارلي 4 ايام بس من سويتها
ان شا الله كل ما تغير شي راح اكتبه لكم هني و تتابعه اللي حابه تعرف اكثر عن الموضوع :eh_s(7):

 

[Om Zayoona]

الف الحمدلله على سلامتج حبيبتي ..
هل كان من ضمن أسألتج حق الدكتور اذا كان في علاقة بين السيلكون والمرض الشين الله يكافينا شره ؟
وهل في مجال لتسرب السيلكون على الرغم من انهم يقولون الحشوات اليديده قطعه وحده ومو معبيه عشان جذي ما تتسرب ؟
كنت مقررة اسويها بس اختي خرعتني تقول حطوا بالتلفزيون بس مادري أي قناة دكتور يتكلم عن الحشوات وقال انه يتسرب وفي حال التسرب احتمال كبير الوحده يصير فيها الشين !
والدكاتره هني يقولون لأ !
منو نصدق ؟؟؟
عسى الله يطيب خاطرج بالنتيجة اللي تبينها واحسن ان شاء الله

 

[Floé]

امس بعد ما شالو البربيش اليسار حسيت براحة و حرية اكثر صج حركة ذراعي اليسار ليلحين اثقل من اليمين لان البربيش اليمين شالوه ثاني يوم من العملية اما اليسار شالوه امس يعني رابع يوم العملية
امس رديت البيت و خذيت شور صج كان فلم رعب و وايد خايفة بس الحمد الله وايد اهون من ما تخيلت بس ليلحين عندي مشكلة في انيانظف شعري او اسويه بضمير لان مثل ما قلت ذراعي اليسار حركتها ثقيله
السبب؛ فتحت البربيش كانت صوب الابط عزكم الله فلما ارفع ايدي احس بنغزة خفيفة بس اخترع و ارد ايدي مكانها
نشفت اللزقات بالسشوار .. لبست هدومي بس ما قدرت انشف شعري عدل
المهم نومت امس وايد اريح و الحمدلله جربت انام على يميني و نمت براحة اكثر من الايام اللي طافت


صج حمل البربيش لما طاح ،، طاحت معاه الاشياء الجايدة
هذه تطورات اليوم و عندي موعد يوم الاحد الياي ان شا الله :eh_s(17):

 

[Floé]

الف الحمدلله على سلامتج حبيبتي ..
هل كان من ضمن أسألتج حق الدكتور اذا كان في علاقة بين السيلكون والمرض الشين الله يكافينا شره ؟
وهل في مجال لتسرب السيلكون على الرغم من انهم يقولون الحشوات اليديده قطعه وحده ومو معبيه عشان جذي ما تتسرب ؟
كنت مقررة اسويها بس اختي خرعتني تقول حطوا بالتلفزيون بس مادري أي قناة دكتور يتكلم عن الحشوات وقال انه يتسرب وفي حال التسرب احتمال كبير الوحده يصير فيها الشين !
والدكاتره هني يقولون لأ !
منو نصدق ؟؟؟
عسى الله يطيب خاطرج بالنتيجة اللي تبينها واحسن ان شاء الله

هلا والله ام زيونة :eh_s(17):
انا قريت عن الموضوع بصراحة ما لها علاقة كلش بالمرض الشين الله يكفينا شره و المسلمين
بالنسبة لتسرب السيليكون اللي تكلم عنه الدكتور نادر صعب و اعتبره فضيحة في مجال عمليات التجميل هو عن حشوات السيليكون ماركة pip اذاماني غلطانة لان غشائها خفيف و يتشقق و تنتشر منه المادة لكن حتى د.نادر قال ليلحين لم يتم اثبات ان لها علاقة بالمرض الشين بس احتمال المضاعفات اكيد هذا بخصوص اللي انتي سمعتي عنه بس مثل ما قلتي الحشوات الحين قطعة وحدة و حتى لو يصير فيها شي الله لا يقوله تتم بمكانها لين تطلعينها لانها كتله وحدة وتضل متماسكة
انا عن نفسي انصحج فيها بس تاكدي من المقاس انا احاتي احس مقاسي صغير :eh_s(2):
الله يسمع منج و كل الشكر على وجودج الحلو :eh_s(22):

 

[Floé]

اليوم الرابع بعد العملية كان عندي موعد ليزر في دار الفؤاد و ما اقدر ائجله ركبت سيارتي سميت بالرحمن و رحت الموعد خلصت جلستي و رحت الفرع شريت اغراض للغدا و رديت البيت :eh_s(22):

الف حمد و شكر لله على كل حال :yaaaaaarb:

 

[khawla&tito]

الحمدلله ع سلامتج

طيب اقدر لو اطلع بنفس يوم العملية؟

 

[Floé]

الحمدلله ع سلامتج

طيب اقدر لو اطلع بنفس يوم العملية؟

الله يسلمج من الشر

والله انا اللي سمعته ان اغلب الدكاترة يطلعون بنفس اليوم و انا كنت بروح عند الدكتورة شيرين ابو الفتوح بس دكتورتي تقول انها تفضل تحط بربيشين على الصدر على اساس يطلع الدم و يخلوني بالمستشفى يوم واحد بس يقيسون فيه حرارتي و ضغطي بين فترة و الثانية و يعطوني مسكن في الوريد كل ما احتجته
وهمن ساعدوني بوايد اشياء مثل كرمكم الله الحمام و الملابس و غيرها (من يعاف الدلع) :eh_s(22):

 

[Floé]

حايشني شعور بالذنب و شبه اكتئاب :eh_s(11):

احس مقاسي ليلحين صغير :eh_s(11): مادري شسوي :eh_s(2):

 

[beauty rose]

بعد عمري الله يهنيج بعمليتج و يعطيج الصحة و العافية يااااارب
مشكورة حبيبتي لانج شاركتينا تجربتج

 

[غاده بنت وليد]

..~

[/اسآل الله رب العرش العظيم ان يشفيك
وماتحسين باي الم ولا تحتاجين لمسكن\
انه سميع مجيب ساله لا يخيب..

انا والله بعد النحف ساير صدري مترهل وموحلو ابدااااا
فعلا لازم شد..

وربي يهينك بالنتيجه اللي تبينهااا،،
..~size]​

 

[q8ia7]

مشكورة حبيبتي على الرد

لا توسوسين وتقعدين تفكرين جذي اتوقع الحجم الوسط احسن وايد من الكبير حيل
مو حلو تغييير قوي وجذري من صغير لي كبير حيل ..


بسألج اكيد من خبرتج وبحثج قبل العملية سمعتي عن حقن الصدر بالدهون من الجسم ..
شرايج في هالشغلة ؟
انا ودي اسويها لأني بنت ولأن اهلي ما يرضون بس راح اسويها انشالله اذا تأكدت منها بعلم امي بس ..



والف الحمدلله على سلامتج

 

[Floé]

بعد عمري الله يهنيج بعمليتج و يعطيج الصحة و العافية يااااارب
مشكورة حبيبتي لانج شاركتينا تجربتج

حبيبتي ما قصرتي و الله يسمع منج
انتي اللي مشكره على اسلوبج الراقي و ان شا الله قدرت افيدكم لو بشي بسيط :eh_s(22):