رحلتي لماليزيا الخضراء ..يناير 2012

[oum toumi]

يوم الاثنين 30 مارس بعد اجراءات الجيك اوت نطرنا سائق الوكالة بالضبط على الساعة 12 الظهر وصل توجهنا لجزيرة لنكاوي الحالمة ...:eh_s(17):
على الطيران الماليزي وايد افضله على اير اسيا :rerrerek: الكراسي مريحة وواسعة عكس اير اسيا و ممتاز للرحلات الطويلة بعد, خلصنا الاجراءات المعتادة في مطار كوالامبور و الرحلة تقريبا 45 دقيقة
بدات جزر لنكاوي بالظهور

لنكاوي ارخبيل جزر بالقرب من حدود تايلند و تتميز بالهدوء عكس بينناج و غالبية سكانها من المالاي المسلمين و نسبة الصينيين فيها قليلة جدا مو مثل بينانج و كوالالمبور :eh_s(7): يعنى هدوء علاخر و الصراحة اخر الايام وصل لدرجة الملل:ch12:
المناظر الطبيعية فيها بالفعل خلابة بس الرطوبة و الحرارة مرتفعة:rgewrg:
المطار صغير و هاديء وبيتبعكم وايد ناس يعرضون اجراء جولة و يتكلمون بالعربي الفصحى بعد لول
​

​

خارج المطار
​

 

[oum toumi]

تقريبا من المطار للفندق نصف ساعة و المناظر روعة على امتداد الطريق :eh_s(7):​

​

الفندق Langkawi bayview في العاصمة kuah - الغرفة superior sea view +فطور​

الانترنت مجاني في الغرف​

الغرفة​

​

​

​

اللة يعزكم الحمام​

​

​

​

المنظر اللي تطل عليه الغرفة فيه سوق شعبي و موقف سيارات اجره و محلات بقالة و مطاعم​

يعنى كل شي متواجد بالقرب من الفندق​

​

 

[oum toumi]

كان الحجز المبدئي في منتجع موتيارا في شاليهات على البحر بس اللي سمعته عن الشاليهات تدخل حشرات و جذيه وكثرة الشواذي في المنتجع خلانا نكسل الحجز:eh_s(10): ..

المهم بعد الجيك ان نزلنا تحت الفندق













نستكشف المنطقة المحيطة و ندور مطعم للغدا بس كل المطاعم تايلندية و صينية وانا ماطيق اكلهم احسه مقرف :cxxxp: و طبعي ماحب اجازف بالاكل







كنا يواعي و التعب هالكنا فقررننا نتغدي بالفندق و صراحة المينيو ماعجبني كل شي مدخلين فيه سي فود :rgewrg: و انا معاه موب على مودة طلبنا برجر و الله يعز النعمة مو ذاك الزود بس الجوع كافر



و الحساب 89 رنجت



ارتحنا باجي اليوم بالفندق وعلى طول نوم ماصحيت الا بالليل - حشى نومة اهل الكهف - و الحبيب و فطومة لا يزالان في نوم عميق .:ch12:..

بالليل الصراحة هدوء لدرجة الوحاشة مع ان المنطقة حيوية في وسط العاصمة و طلبي العشا بعد من الفندق رجعته مثل ماوصل:eh_s(2):



ب 63 رنجت

مافي اي قنوات عربية بالفندق بس تابعت فيلم لكرستينا ريتشي مشوق اسمه

after Life

و بالصبح كان جدولنا نروح الحديقة الشرقية + التلفريك​

 

[غرام الحب]

تقرير حلو
كملي حبوبه متابعينج

 

[أحلى همبه كويتية]

ما شاء الله عليك بالعافية والحمد لله ع السلامة
ياحلوها من ديرة تونس حيل
خياراتها متعددة

هيجتي ذكرياتي بالبراميد
ياحلو الريوق بس كانهم خليه نحل اللي يشتغلون

كملي بحط قلاص الشاي والحلو واتابع هالتقرير الحلو مثل راعيته

 

[أحلى همبه كويتية]

وتصويرك تبارك الرحمن ايهبل
يسلمووو الديات يارب

 

[دانه الكوويت]

:eh_s(8)::eh_s(8):مااشاء مبين تقريرج روعه

 

[نور عمري ميمي]

روووووعه يعطيك العافيه

 

[oum toumi]

وتصويرك تبارك الرحمن ايهبل
يسلمووو الديات يارب

شكرا اختي تسلمين و باحاول اكمل باقرب وقت

 

[oum toumi]

شكرا حبوبات على الردود الحلوة

 

[oum toumi]

من الصبح توجهنا لريوق الفندق
والزحمة موطبيعية و لاحظت تواجد افواج من الرهبان البوذيين بزيهم التقليدي و صادفناهم في الحديقة الشرقية اللي رحنا لها
​

اكلات الماليزيين الغريبة:eh_s(10):
​

اخذنا تاكسي من الفندق للحديقة الشرقية Oriental Village و اللي يوجد فيها التلفريك
تقريبا الطريج 45 دقيقة
​

بالقرب منها فنادق لنكاوي المعروفة دانا لانكاوي و موتيارا و لانكاوي لاغون و البرجايا و غيرهم
​

​

​

صورت عامل يقط الزبالة لول
​

 

[oum toumi]

رحنا نقص التذاكر و الاخوة الرهبان صادفناهم بعد هناك
​

​

لسوء الحظ سبقنا فوج كامل من السياح السريلانكيين و اعذروني بس الريحة ضاربة مليون
:eh_s(16):​

​

مناظر من التلفريك وزجاج التلفريك جعل الصورة غير واضحة:rgewrg:​

​

مناظر خلابة و طبيعة بكر بالفعل​

​

يوقف التلفريك في محطتين ينزل منها الركاب عشان يركبون سلالم توصل بهم لمنظر مفتوح للانكاوي بالكامل بس ماحب المرتفعات نطرت و ماركبت :eh_s(22):​

​

 

[سموو الأميرة]

مــاشاء الله .... واااايد حلوووووه الصوره

يعطيج العافيه يالغلا والحمدلله على السلامه

 

[oum toumi]

صورة من المحطة الثانية​

​

بعد الرجوع تجولنا شوي في الحديقة الشرقية و كان فيه تصوير لقناة ماليزية و المذيعة تتجهز للتقرير :wqedqw:​

مناظر من الحديقة
​

​

تعبت من من المشي قعدت ارتاح و تنحت يم هالمنظر يمكن نص ساعة
​

فيه محلات وايد تعرض خدمات المساج و مساج السمك fish spa بس لاني قارية عنه مضر وينقل امراض ماجربته :0bee2e8d89:

:gathering:
طالبات مدارس لنكاويات منحاشين من الدوام لول
​

 

[oum toumi]

بره الحديقة فيه عر ض التجول ب langkawi duck tours​

​

وهو باص برمائي مشابه للي في دبي ينزل في بحر لنكاوي من البر و العكس ينطلق كل ساعة قصينا تذاكر
​

و قضينا نص ساعة اضافية في الحديقة ننطر
:bbbiu:​

تقريبا الساعة واحدة الظهر و الحر قاتل
​

داخل الدك تورز و المرشد السياحي ماليزي مسلم اسمه زكي يتكلم عن لنكاوي و المناظر اللي نمر عليها
​

​

واحد من اجمل شواطيء لنكاوي :eh_s(17):
​

​

و هو الشاطيء اللي صورت فيه جودي فوستر فيلم Anna and the King سنة 1999 و هو فيلم يعرض القصة الشهيرة للمدرسة الانجليزية اللي وقع في غرامها ملك سيام وبدل مايصورونه في تايلاند مكان القصة الاصلية صوروه في لانكاوي:blueSmCLR:​

​

 

[oum toumi]

​

مناظر بحرية في لنكاوي:eh_s(22):
​

​

​

​

​

مرفا اليخوت
​

​

خلصت التور و مدتها ساعة الا ربع تقريبا
​

فندق the Dana Langkawi
​

 

[oum toumi]

رجعنا الفندق ودورنا على مكان للغدا يم الفندق فيه مجمع والحكومة الماليزية خلت لانكاوي الجزيرة الخالية من الضرائب ولكن البضائع في غاية الرداءة يعنى ماتسوى المشتري كلش كوالالمبور اهي للتسوق :lkmnkl:​

​

فيه مطعم عربي تغدينا فيه​

​

طلبت برياني دياي و مسعقه و فتوش و الاكل لاباس فيه​

​

​

باقي اليوم قضيناه بالراحة بالفندق الان الجو متعب و تحسين يستهلك طاقة الواحد ولنكاوي من الساعة سبع هدوء تام و كل مكان مسكر :ch12:​

 

[كوكا كولا]

ما شاء الله تقريرج وااااااااااايد حلو
عاد كنت ادور شغلات حلوة في لنكاوي لأن بقعد فينا انا وزوجي 3 أيام (ليلتين)
وجوله البرمائية عجبتني حيل وهم المطعم لأن ادور شغلات جذي علشان ما اتوهق لي رحت
مع ريلي هناك ويكون عندي خبره لأن اول مره نروح ماليزيا
وسفرتنا بالصيف بإذن الله


كملي كملي

يالللللللللللله ناطررررررررررررررين الباااااااااااااااقي حمستينااااااااااااا

 

[oum toumi]

ما شاء الله تقريرج وااااااااااايد حلو
عاد كنت ادور شغلات حلوة في لنكاوي لأن بقعد فينا انا وزوجي 3 أيام (ليلتين)
وجوله البرمائية عجبتني حيل وهم المطعم لأن ادور شغلات جذي علشان ما اتوهق لي رحت
مع ريلي هناك ويكون عندي خبره لأن اول مره نروح ماليزيا
وسفرتنا بالصيف بإذن الله


كملي كملي

يالللللللللللله ناطررررررررررررررين الباااااااااااااااقي حمستينااااااااااااا

شكرا عزيزتي
هذا المطعم اللي دورناه كان يم فندقنا في العاصمة بس يم منتجعات الدانا و البرجايا فيه مطعم اسمه السلطان اكلات عربية لاباس فيه صاير يم مرفا يخوت بالقرب من الدانا و بعد فيه مطعم هندي اسمه pappadom على ما اعتقد
اذاكنتوا ثنين بس بدون يهال جربوا فلل فندق الوستن اللي فيها بركة سباحة خاصة و روعة للعرسان ...:eh_s(8):​

 

[oum toumi]

مــاشاء الله .... واااايد حلوووووه الصوره

يعطيج العافيه يالغلا والحمدلله على السلامه

الله يسلمج ياعمري وماعندي محاولات وايد في التصوير بس حاولت اضبط الصور و طلعوا الحمدلله اوكي_03ba:
​