** تجمع الي مسوين جراحة الفك**

[molten cake]

بنات في احد منكم قالوله يحتاج عملية فك؟ ودكاترة ثانين قالوله مشكلته تنحل بتقويم بس خطة تقويم مو بس تقويم ونسبة التغيير ٧٠-٨٠ بالاميه!؟

 

[Bero777]

مــــــــرحبـــاااا بنااات:ggdw:


بكرى اول موعد لي مع الدكتور صالح البازعي :eh_s(1):
يااااربي سهل
احس بخوف شدييد
ادعو لي تتسهل اموري معه واسوي العمليه بالجامعي
:eh_s(2):
ودي احد يطمني انه راح له بالحبيب وسوا له العمليه بالجامعي وكيف الاجراءرات خايفه مايوافق الا ب اهلي:eh_s(2):
لانها جدا مكلفه:eh_s(1):

:bye22:
​

 

[morningtulips]

بنات بفضفض لكم
انا مراااااااااااا نفسي اسوي فكي العلوي لانه متقدم
بس فيني خوووووووووووووووووووووووووووووووووووووووووووف
لان قريبتي سوت العمليه
وهي كان عندها هممم قصر الشفه العلويه عرفتوا؟ يعني كان الفك اكبر من الشفه وركبت تقويم ومافاد
الموهم هي عملت العمليه(يمكن طلعت اجمل من قبل بشوي والعيب راح)


بس


طلع شكلها فيه غرابه!!
يعني تناظرين فيها تقولين وجهها غريب؟
هذي فيها شي غريب؟؟!!
فهمتوا؟؟
وانا احب الوجه الطبيعي
ماحب يطلع شكلي غرررررررررريب
ايش رايكم؟؟؟؟

 

[innocence]

مورنينق توليبز

ياهلا وغلا

بالنسبه للدكتور صالح البازعي فاقولك بكل امانه انه مستحيل تهمه الماده
انسان امين جدا ومصلحة المريض فوق كل شي وحتى فلوسه ماسال عنها حنا اللي كنا نلاحقه عشان ياخذ الشيك
لو غيره ماخلاني اطلع من المستشفى ولاحتى اسوي العمليه الا دافعه كل التكاليف.سويت كل شي وهو دفع من عنده وعطيناه شيك باسمه
وكل المراجعات اللي قبل العمليه والقياسات واللي بعد العمليه مالها رسوم ابدا


بالنسبه لقريبتك اللي سوت العمليه وش تقصدين بان شكلها صار غريب من اي ناحيه
يمكن توها مسويه العمليه شكل الوجه والفم يصير غريب لان العضلات موبقوتها

 

[نوال89]

بنات بليز منو سوت جراحه حق الفك العلوي .اللي فوق يعني...ابي اعرف التفاصيل ووين اقدر اسويها وبجم

 

[Esraa.a]

السلام عليكم
حابة أشكر كل العضوات على المعلومات المفيدة وإنشالله تكون في ميزان حسناتكن
طبعا انا عندي مشكلة بالفك
سؤالي لكم وخصوصا الاخوات من الامارات ممكن وضع التقويم في الامارات واجراء العملية في بلد ثاني
ومن اشطر دكتور تقويم في الامارات
اتمنى تفيدوني وشاكرة لكم كتير

يصير .. مافيه شي مستحيل


بس يفضل الدكتورين يكونون بنفس المكان علشان يجتمعون عالحاله ويحطون خطة علاج بيرفكت مع بعض
علشان تطلع النتيجه أفضل

الجراح ما يقدر يشتغل من غير مساعدة دكتور التقويم
ودكتور التقويم ما يقدر يشتغل من غير مساعدة الجراح


اثنينهم يكملون بعض



طبعا فيه بنات سووها وعاجبتهم النتيجه والعكس صحيح

انتي وحظج


إذا حالتج سهله وبسيطه .. ان شاء الله خير

بس إذا معقده لا تجازفين

 

[Esraa.a]

:krkrkr:

بنات بليز منو سوت جراحه حق الفك العلوي .اللي فوق يعني...ابي اعرف التفاصيل ووين اقدر اسويها وبجم

أنا سويت فك علوي وسفلي وذقن


عند دكتور عادل العصفور بمستشفى السيف



يعجز لساني عن وصف هذا الدكتور .. كثر ما أتكلم شوووويه بحقه





بعد شوي بحط سيرته الذاتيه



شوفي صوري قبل وبعد صفحه 305

 

[Esraa.a]

بنات بفضفض لكم
انا مراااااااااااا نفسي اسوي فكي العلوي لانه متقدم
بس فيني خوووووووووووووووووووووووووووووووووووووووووووف
لان قريبتي سوت العمليه
وهي كان عندها هممم قصر الشفه العلويه عرفتوا؟ يعني كان الفك اكبر من الشفه وركبت تقويم ومافاد
الموهم هي عملت العمليه(يمكن طلعت اجمل من قبل بشوي والعيب راح)


بس


طلع شكلها فيه غرابه!!
يعني تناظرين فيها تقولين وجهها غريب؟
هذي فيها شي غريب؟؟!!
فهمتوا؟؟
وانا احب الوجه الطبيعي
ماحب يطلع شكلي غرررررررررريب
ايش رايكم؟؟؟؟

اممممممممممم


انا مادري شنو تقصدين بكلمة غريب



بس عموما هذي حاله من بين عشرات أو حتى مئات الحالات



شوفي صور جراحة الفك بالمواقع الطبيه الأجنبيه واليوتيوب - قبل وبعد >> بصراحه نتائج مذهله

ليش تروحين بعيد
شوفينا احنا .. مثال حي قدامج

معظمنا عاجبته النتيجه .. والتغيير كان للأفضل




لا تصيرين سلبيه وتتشائمين ولا تعممين النتيجه السلبيه على كل الحالات





تفااااااااااااءلوا بالخير تجدوه :ggdw:

 

[Esraa.a]

اسراء مشكووووووووووووووووووووووووووره

والله لايحرمنا منك يارب

لانك موسوعه مثل ماقالوا البنات

كلي لكم .. وبخدمتكم :eh_s(17):

 

[Esraa.a]

اسراااء ياحبي لك .. عاد مغيره النك عشانك خخخخخ مع اني اشتقت لنكي القديم هههه احسه احلى ...

جمانه الرياض ياحبي لك والله هذا الي كنت ابيه اسماء الاطباء :*

innocence << اهلا انسنس زميلة الدوام الي ما اعرفها خخخخ .. اخباري آه يآ أخباري هههههه<< بتغني موال ... الحمد لله على كل حااااال .. الحمد لله ^_^

نرجس وينها دخلت انا وياها بدينا مع بعض ان جتني ضروف وفقت ورجعت مره ثانيه ادور اسماء اطباء و اللزي منو ^^

نرجس اخبااارهاا وين وصلت سبقتني او لسا ..

نرجس وينك؟

من حلات النك القديم عاااد .. خلج على روان المؤدبه واااايد أبرك :krkrkr:



نرجس بعد حالها من حالج .. اختفت

للأسف ماندري عن أخبارها والله

 

[Esraa.a]

بنات انا خلاص قررت اسوي العمليه
عند الطويرقي او البازعي في الرياض
مشكلتي دوامي.!!
لاني جديده مابي اخذ اجازه وما اتوقع يعطوني لاني جديده واجازاتنا كلها قصيره عدا الصيف
والصيف الي بعد الجاي مطول
لانو الصيف هذا مشغولين بزواج اختي واخوي
يعني عادي لو اغيب اسبوع مثلا ولا مايصير؟
تاخذ وقت؟
موضوع الدوام والعمليه موترني

وفي سؤاااااااااال مهم
كيف اضمن رأي الدكتور الحقيقي يعني الامين بدون طمع مادي؟؟؟
لانري حت للبازعي والطويرقي وحسيت هدفهم مادي هالشي خوفني كثيررررر ايش رايكم
ابي رأي حقيقي بدون طمع ؟؟

بعد الست أشهر تقدرين تاخذين إجازه من الدوام >> هذا نظامنا بالكويت .. مادري إذا انتوا نفسنا او لأ



من واقع تجربتي >> أحس الوحده من بعد جراحة الفك يبيلها فترة راحه شهر عالأقل


أنا قدرت أمارس حياتي طبييييييعي بعد أسبوعين تقريبا الحمدلله .. بس مشكلي بصراحه كانت الورم
ما حبيت الناس تشوفني بهالشكل .. تحسين الوجه مو طبيعي >> فيه خلل



عن نفسي داومت بعد شهر من الجراحه




سؤال

انتي خلصتي فترة علاج التقويم ؟؟



لأنه التقويم بروحه ياخذ وقت طويل .. يعني عاااااااااادي احتمال تخلصين علاجج بعد سنه او سنه نص ( خصوصا إذا ما كنتي حاطه تقويم من قبل )
علشان جذي لاااا تحاتين موضوع الاجازه وموعد العمليه >> انتي مطوله مطوله اولريدي



إذا ما قدرتي تسوينها بالصيف
ان شاء الله الدوام يعطونج إجازه بعد الست أشهر لا تشيلين هم

 

[Esraa.a]

طيب بنات انا بركب التقويم اشيل ضروس العقل ولااخليهم

شرايكم ايش الافضل

معظم حالات جراحة الفك يتم قبلها خلع ضروس العقل >> فيه حالات يتم خلعها أثناء العمليه


بس يفضل قبلها عالأقل بست أشهر علشان مكان الخلع يلئم





سألي الجراح او دكتور التقويم >> لأنه الخلع ضروري

 

[Esraa.a]

ادريبج غناتي راعية واجب :eh_s(7):

انا عندي خلع ضرسين فوق بعض بس الفراغ كبير ما ضنتي يتسكر بالتقويم لازم زراعه :eh_s(11):

اما قمي سمايل .. والله مااعرف كم ملي يبالي علشان ينشال ما خبروني
بس يبالي اٍسأل الدكتور عندي معه موعد يوم الاثنين الياي دكتورالجراح ودكتورالتقويم بيجتمعون مع بعض :yaaaaaarb:
والله احس اني وايد عندي قمي سمايل بس يكون في الضحك يوم اضحك :d
الشفه اللي فوق ترتفع وطير فوق فوق فوق :eh_s(9)::eh_s(16):
اما الخشم انا خشمي طويل ومتوسط الحجم .. فما أدري كيف بيكون بعد العمليه .. اخاف يخترب السيستم كامل :rgewrg:
:d
ما ادري بشوف دكتور بيقص لثه ولا لازم جراحة :bbbiu:
انا سويت اشعه عاديه واشعه بانوراما واشعه رنين مغناطيسي واشعه ما ادري شو المهم سويت تقريبا فوق 4 اشعات من سنة تقريبا
بس لازم اسوي اشعه عقب ما اخلص من التقويم صح :eh_s(10):

يالله يا كريم .. موعدي يوم الاثنين ياي مع الجراح ودكتورالتقويم مع بعض بيجتمعون ويستلموني يخززون في خدودي :d
شو تنصحيني اسألهم فيه :eh_s(22):
دنتي استازه في دا مقال :d:rerrerek:

ليش ما يتسكر ؟؟


انتي اشكثر صارلج حاطه تقويم ؟؟


خالعه 4 أسنان >> واحد من كل جنب ( اللي هو الضرس رقم 4 اللي يصير بعد الأنياب ) صح ؟؟؟


أذا كلامي صح >> يعني ما تحتاجين زراعه


ما خلعوه علشان يزرعون مكانه >> هم خلعوه لأنهم محتاجين المسافه

أما إذا أنا فاهمه غلط >> هذا شي ثاني



بالنسبه لقص اللثه >> من كلامج القمي سمايل عندج كبيره .. بهالحاله لازم جراحة علشان تنحل المشكله ما تنفع الحلول الترقيعيه مثل قص اللثه

أزيدج من الشعر البيت >> التقويم راح ينزل اللثه أكثر >> يعني القمي سمايل ممكن تكبر أكثر مع التقويم .. لكن شي بسيط
علشان جذي انسي موضوع قص اللثه



والأشعه >> اييييييي نعم تحتاجين أشعه مره ثانيه عقب ما تخلصين التقويم الجراحي أي قبل العمليه لأنه المقاسات راح تتغير >> فبالتالي يحتاجون أشعه يديده وقوالب للأسنان يديده وصور يديده
كل اللي سويته بالخطوه الأولى .. راح تسوينه بالخطوه الأخيره اللي هي ما قبل العمليه

علشان تضمين الشغل يكون دقييييييق ومضبووووط



نصييييييحه
كل الأسئله اللي بخاطرج تعرفين إجابتها .. كتبيها على ورقه علشان تسألين الدكتور وماااا تنسين ولاااااااشي >> لأنه احتمال تنسين كل شي إذا شفتيه >> ياما وياما صارت فيني

 

[Esraa.a]

اسراء حبيبتي

انتي سويتي العمليه ولا بعدج؟

ايييييي الحمدلله سويتها وافتكيت :eh_s(9):


بعد كم يوم أكمل شهرين ان شاء الله :rerrerek:

 

[Esraa.a]

مشاءالله زين خففهم الحمدلله وراح تبلشين مرحلته التقويم الف مبروك:eh_s(9):مشاء الله عليه دكتورك:eh_s(15):عمليتك معقده :bbbiu:المهم اسراء سويتيها وارتحتي منها الحمدلله:yaaaaaarb:ننتظر الصور:ggdw:

تنتظرين الصور هااااا .. تسوين روحج مو شايفتني :krkrkr::krkrkr::krkrkr:




والله أنا قلت إذا حابين تشوفون الصور خل أي وحده تتبرع وتساعدني في تنزيلهم لأني مااااااا أعرف أنزلهم للأسف بس محد رد علي

 

[وحيدة امى]

اسراء حابه اشكرج حيل وماقصرتي الله يوفقج ويفتحها بوجهج ساعدتيني بالخاص ومثل ماقتلج محتاره والماده خايفه احتاج اكثر

 

[Esraa.a]

اسراء حابه اشكرج حيل وماقصرتي الله يوفقج ويفتحها بوجهج ساعدتيني بالخاص ومثل ماقتلج محتاره والماده خايفه احتاج اكثر

بعدعمرررررري والله .. ما سويت إلا الواجب :eh_s(17):



انتي أهم شي صلي استخاره .. وربي يكتب لج اللي فيه الخير



مااااا ألموووومج المبلغ مو شووويه


بهالحاله ضرووروي تتفقين مع الدكتور عالمبلغ من البدايه وتقولين له إنج ما راح تدفعين أكثر علشان يكون بالصوره
إذا وافق كان بها >> ما وافق يسلم راسه




بس عموما دكتور عادل قالي ان شاء الله بنشوفلنا حل بالمبلغ بعد ما ناقشته لأنه فعلاااااا وااااااايد

بالغوا الصراحه >> مادري من قايل لهم إنه قاعدين على بنك أو تحت بيوتنا آبار نفط


كل مستشفى خاص للأسف هدفه الأول والأخير المااااااااااده .. وطبعا محد ماكلها غيرنا :eh_s(4):


مضطرين ندفع غصبن علينا .. ماسكينا من ايدنا اللي تعورنا :jumpon:


انا عن نفسي ما كان عندي خيار ثاني
وما عندي استعداد أبداااا أنتظر مواعيد الحكومه >> سنتين أو أكثر بعد
وهم ما عندي استعداد أقط نفسي بيد أي دكتور يلعب فيني



تقدرين تقولين شريت راحتي بملبغ وقدره

بس ان شاااااااء الله الفلوس تتعوض دام احنا بخير والنتيجه بيرفكت :wqedqw:

 

[Esraa.a]

السيرة الذاتية للدكتور عادل العصفور
cv​

- أستاذ مساعد، كلية طب الأسنان، جامعة الكويت.
- بكالوريوس طب وجراحة الأسنان من جامعة ترينيتي كولج دبلن، ايرلندا الجنوبية1991.
- شهادة التخصص في جراحة الفم والوجه والفكين، جامعة الينوي في شيكاغو، الولايات المتحدة الأمريكية 2000.
- شهادة الزمالة في تخصص جراحة الاصابات والعمليات الترقيعية للفم والوجه والفكين.
- حاصل على البورد الأمريكي في تخصص جراحة الفم والوجه والفكين (أول دكتور كويتي) 2004 .
- عضو الجمعية الأمريكية في جراحة الفم والوجه والفكين.
- عضو الأكاديمية الأمريكية في جراحة الفم والوجه والفكين.
- عضو الجمعية العالمية في جراحة الفم والوجه والفكين.
- عضو الجمعية الآسيوية في جراحة الفم والوجه والفكين.
- عضو مؤسس للرابطة الكويتية لجراحة الفم والوجه والفكين.​

 

[Esraa.a]

ملاحظه:

هذي جزء من سيرته الذاتيه .. وطبعا ما خفي أعظم >> كافي خبرة أكثر من 20 سنه بهالمجال
بصراحة أنا مابي أمدح بدكتور عادل أكثر .. لكن هذا حق والحق ينقال
يشهد الله ما وراي أي مصلحة والدليل مو بس أنا امدح فيه أغلب البنات الي راحوا عنده مدحوه ,, عمليتي وخلصت منها وحتى مراجعاتي عنده تقريبا خلصت .. هدفي مساعدة البنات في اختيار الدكتور المناسب لأنها مرحله جدااا مهمة في جراحة الفك
عانيت من هالمرحله في بداياتي وتأزمت نفسيا فمابي هالمعناة تنتقل لوحدة ثانية .. دفعت فلوس بما فيه الكفاية بالمراجعات وفتح الملف والاستشارات والأشعة ... إلخ ، يعني ضيعت وقت عالفاضي ,, رحت لأكثر من 5 دكاترة لكن ما ارتحت إلا معاه من بعد الاستخارة .. كافي تعامله وأخلاقه الراقيه واحترامه .. لأني رحت لدكتور قبله ( من غير ذكر أسماء) من كثر ما كانت أخلاقه وتعامله زفت تخيلوا بجاااااااااني وكان الوقت نهار رمضان ( الله يسامحه) .. وأصلا محد عرف لحالتي وبرد جبدي غيره ..الأبواب كانت متسكره بوجهي لكن هو فتحها .. يعطيه ألف عااااااافيه وجزاه الله ألف خير
إذا الدكتور ممتااااااز .. خبرة طويلة وشايفين شغله بعينكم >> يعني تطمنوا وارتاحوا انتوا في أيدي أمينه

دكتور عادل عرض لي صور الحالات اللي سوالهم العمليه قبل وبعد وقالي مستعد أعطيج أرقامهم الشخصيه وتستفسرين أكثر عن الأشياء الايجابية والسلبية بنفسج لأنه يقولج إسأل مجرب ولا تسأل طبيب >> شوفوا لأي درجة واثق من نفسه ومن شغله تبارك الرحمن

مابي أزيد حجي لأنه مثل ما قلت يعجز الساني عن التعبير
الكلمة الوحيدة اللي أقولها: الله يكثر من امثاله بالوطن العربي لأنه فعلا محتاجين لدكاترة جذي علشان يرتقي الطب عندنا

هذا ايميله للي حابه تستشيره أو تاخذ نصايح مجانية منه ..وياليت ترسلون صور الفك والأشعة علشان تاخذون كلام دقيق أكثر

[email protected]

 

[غزال1]

ليش ما يتسكر ؟؟


انتي اشكثر صارلج حاطه تقويم ؟؟

مسرع ما تنسين
خبرتج قبل صار لي سنة تقريباً :eh_s(14):

خالعه 4 أسنان >> واحد من كل جنب ( اللي هو الضرس رقم 4 اللي يصير بعد الأنياب ) صح ؟؟؟


أذا كلامي صح >> يعني ما تحتاجين زراعه

لا لا لا لا وين رحتي فديتج .. ضرسين فوق بعض من جهة اليسار .. نسميهن عندنا طواحن اللي يطحنن الأكل :ggdw: ويكونون في الخلف قبل الاخير
وها الضرسين الحلوين مخلوعين من زمان قبل ما يخلعوا جورج بوش أيام بوش الأب :eh_s(9):


ما خلعوه علشان يزرعون مكانه >> هم خلعوه لأنهم محتاجين المسافه

أما إذا أنا فاهمه غلط >> هذا شي ثاني

لا ما حصلش اي حاقه :eh_s(16):


بالنسبه لقص اللثه >> من كلامج القمي سمايل عندج كبيره .. بهالحاله لازم جراحة علشان تنحل المشكله ما تنفع الحلول الترقيعيه مثل قص اللثه

أزيدج من الشعر البيت >> التقويم راح ينزل اللثه أكثر >> يعني القمي سمايل ممكن تكبر أكثر مع التقويم .. لكن شي بسيط
علشان جذي انسي موضوع قص اللثه

فديتج .. ما اعتقد قمي سمايل عندي كبير .. بس وقت ما اضحك الشفه اللي فوق ترتفع فوق فوق >> ويستوي شيلوها شيله :eh_s(9):

والأشعه >> اييييييي نعم تحتاجين أشعه مره ثانيه عقب ما تخلصين التقويم الجراحي أي قبل العمليه لأنه المقاسات راح تتغير >> فبالتالي يحتاجون أشعه يديده وقوالب للأسنان يديده وصور يديده
كل اللي سويته بالخطوه الأولى .. راح تسوينه بالخطوه الأخيره اللي هي ما قبل العمليه

علشان تضمين الشغل يكون دقييييييق ومضبووووط

انتي شو سويتي من اشعه ..:ch12:
لا تقولين لي لازم رنين مغناطيسي :eh_s(16): ما ابيه ما ابيه .. وايد مزعج .. حتى يوم طلعت من الغرفه طلعت وانا فيني دوار حسيت اني واقفه والناس اللي حولي يدورون عليه نفس فتاحيه ورده
بس احس الجراح اللي ويايه نصاب عذبني في اشعات على الفاضي .. انزين جان سويت لي اشعه بعد التقويم وفكيتني من الروحه والرده :eh_s(4)::eh_s(4):
ياني تعذبت عذاب حسيت من يومها اني اداوم في مستشفى من كثر ما اني رايحه عليهم :krkrkr:





نصييييييحه
كل الأسئله اللي بخاطرج تعرفين إجابتها .. كتبيها على ورقه علشان تسألين الدكتور وماااا تنسين ولاااااااشي >> لأنه احتمال تنسين كل شي إذا شفتيه >> ياما وياما صارت فيني

لا تطمني ها المره ما يخرش ميه .. بهريه هري من كثر ما اسأله بنزل تعب اشعات على ظهره

على فكره انا ارسلت ايميل حق دكتور عادل العصفور استشيره في حالتي .. شكراً خذيت الايميل .. عادي اضيفه عندي على المسن ولا لا اخاف تزعل مرته :eh_s(9):

إلا بسألج انتي اول ما طلعتي من العمليه كيف كان ويهج متورم كثير ولا وسط .. وخشمج كيف كان .. << بس رجاءً لا تبالغي وايد تريني خوافه