مجرد فضفضه

[خيول الغدر]

آلسسلام عليكم
كيفكم

انا بنت عمري 16 سنه مشكلتي مع امي وابوي
بصراحه موعارفه من فين ابداء
بتكلم عن ابوي
( ابوي دااايييم يساافر برا السعوديه بسبب شغله وانا متعوده ع هالشيء وموعلاقتي مع ابوي قؤؤيه
لاني انا مهتمه بدراستي وابوي مهتم بشغله وماشووفه باليوم غيرساعتين ابوي بهالفتره بديت اتجنبه ومااحاكيه لاني عرفت انه متزوج ع امي ومكذب علينا انه يسافر عشان شغله وهو يرؤؤح لعند زوجته الثانيه
انا من عرفت بهالشيء ماقلت لامي لاني مابي اضايقها وهي عندها الضغط فسكتت لان معامله ابوي لامي ماتغيرت معاملته كووويسه مع الايام امي عرفت ان ابوي متزوج بس مومني من خالتي لان زوجة ابوي راحت من وقاحتها لعند اهل امي وقالت لهم ان زوج بنتكم متزوجني وبدت تقول ككلام وانا عرفت هذا ككله بالصدفه
كنت اسمع امي باخر الليل تكلم اخوي عشان يتصرف )
هالحين بتكلم عن امي
( امي من عرفت بزواج ابوي جالسه بالبيت عشانا وانا مابيها تتحمل شيء هي ماتبيه من عمري 15 نفسيتي مرره تعبت لان اسمع امي باخر الليل تبكككي وتدعي ع ابوي وهومسافر كنت اتضاايق ككثير لان هي امي وهوبعد ابوووي ومارضى احد يدعي عليه بنفس الفتره جدتي ماتت الله يرحمها امي كانت تقول لابوي يوديها لامي وابوي موراضي لان اهل امي بنفس المدينه الي زوجة ابوي فيها
ابوي كان تفكيره ان امي بتروح لهناك تخرب عليه بس امي كانت تبي تروح لامها لانها تعبانه بالمستشفى ووضعها مرره صعب وتوفت وامي ماشافت امها لان ابوي موراضي يخليها تسافر من يومها وامي كاره ابوي وتدعي عليه )
( ومرت ابوي ابي اوقفها عند حدها وتووقف روحاتها لعند اهل امي وتخخرب ع امي هناك الكل يشهد لامي باخلاقها وطيبة قلبهاا اهل ابوي نفسهم ضد ابوي بزواجه ع امي )

للحين ع هالوووضع مشاككل مع بعض واسمع امي تبكككي وم اقدر اسوي شيء واحيانا امي تخيرني بينها وبين ابوي لان هي بتروح لعند اهلها


اختار مين انا امي وابوي محتاجتهم بحياتتتي صعبه عليا اسمع كلمتهم واختار واحد اعيش معاه

 

[zgrtya]

قعدي مع امج و فهميها إنج ما انوجدتي بالدنيا الا منها و من ابوج .. عشان لا تدعي عليه و هيك

و سالفه منو تختارين ؟؟ الوضع صعب هني

بس غالبا اختاري الطرف الي محتاجته بحياتج ..

و الله يوفقج

 

[كلهآ ملح ..}]

يالله وش هالوقآآحه بزوجه ابوتس
ياعمري الله يطمن قلبتس وامتس محتاجه قربتس هديها ياقلبي وخلتس قريبه منها اكثثثر

 

[قمر بيت أبوها]

وزوجتك أبوك وش يوديها لأهل أمك !
وأهل أمك وش حقه يستقبلونها من الأساس وليش يقولون لأمك حرآآم
وامك ماالومها لما تدعي علي ابوك لانها افقدت امها قبل لا تشوفها ردت فعلها طبيعيه جدآ
وابوك لما تزوج مو من حقك تكرهينه لان الشرع الله حلل له ليش تحرمينه
وقولي الحمد الله متزوج غيره ماشي بطريق الشين علاقات وزنا ومخدرات ومال حرام
انتي اقنعي نفسك واقنعي امك بهالفكره هو خلاص تزوج وش حقه تزعلون تبكون علي شي انتهي
الحمد الله ابوك أخلاقه زينه وامك موجوده ولا قصر معاها علي كلامك
انظروا للموضوع من زوايا اخري
ونصيحه يالغلا لا تتدخلين بين امك وابوك الا بكل خير يعني لا توقفين مع طرف ضد الاخر لان الزوجين بينهم اسرار حتي اولادهم مايعرفونها
وانتي توك صغيره انتبهي لدراستك ولا تكبرين الموضوع قولي الحمد الله والله مصايب الدنيا تخوف وموضوعك ان شاء الله بسيط
الله يوفقك ويسعدك يالغلا وتعيشين بين امك وابوك دايم الدوم يارب

 

[غراوي]

الله يعين امج ماتنلام وتصرف ابوج جدا ساذج..اذا الشرع حلل له 4 ليش يخشخش عن الناس

انتي مبين عليج عاقله وفاهمه ماشاءالله عليج ربي يحرسج ويوفقج ويابخت اللي بياخذج

حبيبتي روحي لامج وقولي لها يمه لا تستعجلين بالعجله الندامه لا تتشتت العايله ونطلع احنا الخسرانين..اذا امج تبي ترتاح شوي عند اهلها خل تقول لبوج انا بروح ارتاح عند اهلي شوي وروحي انتي معاها ازري امج بمحنتها
بس لا تدمر العايله وتطلق ومرت ابوج تظفر بكل شي
خلج مع امج لانها احق فيج

 

[خيول الغدر]

تسلمؤؤ ع ردودكم

 

[خيول الغدر]

الله يعين امج ماتنلام وتصرف ابوج جدا ساذج..اذا الشرع حلل له 4 ليش يخشخش عن الناس

انتي مبين عليج عاقله وفاهمه ماشاءالله عليج ربي يحرسج ويوفقج ويابخت اللي بياخذج

حبيبتي روحي لامج وقولي لها يمه لا تستعجلين بالعجله الندامه لا تتشتت العايله ونطلع احنا الخسرانين..اذا امج تبي ترتاح شوي عند اهلها خل تقول لبوج انا بروح ارتاح عند اهلي شوي وروحي انتي معاها ازري امج بمحنتها
بس لا تدمر العايله وتطلق ومرت ابوج تظفر بكل شي
خلج مع امج لانها احق فيج

آبوي سعودي وامي يمنيه
لو امي ترؤح لليمن عند اهلها م قدر اروح معاها لان جو اليمن م يناسبني رطووبه
يعني بالمختصر ساحلي رحتها مره وكنت بالمستشفى لانه م نسبني

لوتروح وقت الدراسه درستي بالرياض م قدر اسافر وابوي بكل اجازه يرؤح لعند زوجته الثانيه
هو عندنا بالسعوديه بسبب شغله ولوجات الاجازه انتها شغله وراح لها
يعني لو امي ترؤؤح وقت الاجاه فتره م ابوي ينتهي من شغله ويسافر يقول تبون تخربون ووتمشكلون مع زوجتي شيء اكيد منه

/

قمر بيت ابوها
تسلمي ي قلبي ع ردك
بس انا ذكرت ان زوجت ابوي راحت لعند اهل امي لانها تبي امي تعرف ان ابوي متزوج عليها
وليش اهل امي قالو لها ان ابوي متزوج ؟ م رح يسكتون لازم بنتهم تعرف بهالشيء انه متزوج
وانا م ابكي لا ن ابوي متزوج ممو معترضه الشرع حلل اربع ويمكن ابوي له سبب بزواجه الله اعلم
بس منقهره وابكي لاني موقادره اهدي امي من فتره موت جدتي وامي م تبكي بسبب زواج ابوي السبب واضح وكتبته لان ابوي منعها وجدتي متت قبل لاتشوفها كله اثر عليها

 

[دلوعة أبوهآ]

آلله يعينكم ..