يوميـــــات مخطوبة

[بنوتة نعومة]

نااطرين

و الله حلوة يومياتج احسن من مسلسلات رمضان

شديتينه هههههههههههه :dddds:

 

[نماين]

واي شحلات القصة يبيله تصير مسلسل

احسن من الخرابيط الي قاعدة تطلع هالايام

عسى الله يوفقك بولد الحلال ويسرلك امرك ان شاء الله

بس لا تطولين ترى ناطرينك

 

[النوار]

والله احرجتوني ..
بصدق عمري حسستوني كأني فجر السعيد على ايام مسلسل دارت الايام او دروب الشك طبعاً مو اللحين بعد ماختربت .. اقصد قبل بعزها :ggdw: ههههههههههههه

لووووووووووول يالله لا يوقف انا صرت متابعة حق قصتج والله يسوي الي فيه الخير

اميـــــــــــن ههههه .. يشرفني متابعتج وانشاءلله تستمتعين :tek:

بالتوفيق ان شاء الله
كملي متابعين :eh_s(6):
شابكه على الانترنت بشوف شغله حق الدوام
وشدتني قصتج

مشكوره بعد عمري , وعسى بس ماعطلتج عن الشعل ..
وجودج نور قصتي ..

اسلوبج روعه

متابعه بقوة

لا تطولين علينا

بعد عمري من ذوقج .. انشاءلله كل ليله بنزل يوم او يومين .. او مايتعطل المنتدى ويوهقني :0bee2e8d89:

ماشاء الله عليج خوووش اسلوب

ربي يوفقج انشاء الله


ننطر التكملة

بعد عمري من ذوقج .. انشاءلله كل ليله بنزل يوم او يومين .. او مايتعطل المنتدى ويوهقني

وناسه والله والله عاجبني اسلوبج ماشاءالله عليج

<<<<<<<< متاااااااااااااابعه

حبيبتي .. عاد تصدقين لين ارد اقرى اشوفه مليان بدليات ههههههه افشل! بس من الكيبورد كحيان والله!

بانتظار البقيه وربي يوفقج ويكتب لج اللي فيه الخير

ويرزقني انا بعد بالزوج الصالح وكل بنات االمسلمين

امين

لاتطولين علينا

بعد عمري انتي .. الله يرزقج الزوج الصالح اللي يستاهلج ويقدرج عاجلا وليس اجلاً يارب وتبشرينا او تكتبين يومياتج معاي وتصير المنافسه _03BA: وأغلبج
:dddds:
اتغشمر

 

[النوار]

اسـتمتعت وايد و أنا أقرا يومياتج ..
يعجبني تفكيرج بـسالفة الخطبة أحس تفكيرين مثلي ,,
و ناطره التـكملة = )

انا بالنسبه لي هالشي وايد مهم او يقهر او يحر .. خصوصا لما اسمع سوالف تصير ببنات يهبلون او يسوون اللي ياي يخطبهم مليون مره ..

حياج الله حبيبتي ..

لايوووووووووووووقف

متابعيييييييين وبقووووووووووووووووووه

لاتطوليييييييييين

من عيوني حبيبتي ولا يهمج

نااطرين

و الله حلوة يومياتج احسن من مسلسلات رمضان

شديتينه هههههههههههه :dddds:

والله زين لي مستقبل .. هههههههههه
ماشفتي الاكشنات اللي بتيي ..
انشاءلله تعجبكم

واي شحلات القصة يبيله تصير مسلسل

احسن من الخرابيط الي قاعدة تطلع هالايام

عسى الله يوفقك بولد الحلال ويسرلك امرك ان شاء الله

بس لا تطولين ترى ناطرينك

هههههههههه اي يبيله .. شرايج .. بس عاد ابي بطله تصير مكاني عدله مابي براطم او حواجب شياطين اللهم ياكافي! ..

مشكوره حبيبتي :tek:

 

[التجارة شطارة]

بنات هذي قصة النوار صج صج ولا هي تنقلها لنا من منتديات ثانية

 

[النوار]

يوم الاربعا ..
قعدت على صوت المنبه .. موعدي للحمام المغربي بعد نص ساعه ..
انا بأي مناسبه ..
لين متضايقه .. او فرحانه ..
لين متملله .. او حتى مشغوله ..
احب اريح روحي بالحمام المغربي .. احس اني اطلع فررررررررررش ..
اتمزلق .. او اللي اروح لها تينن فنانه او مكانها وايد نضيف ..
بس مواعيدها بالطق او لازم مايطوفني الموعد .. قمت ركضه ركضه زهبت هدوومي .. او طرت
البيت كان سهده محد فيه المهم طلعت او وصلت الصالون .. سويت سمكره
حمام مغربي او حلاوه
او سكراب او حمام زيت لشعري .. خذ لي 3 ساعات او اكثر ....
المهم ركبت السياره او قعدت اتمشى على سعتي ..
المهم .. كانت عندنا وحده من ربعنا ابوها متوفي .. العصر رحنا لهم انا او امي شوي
او بعدين رحنا المجمع نتمشى

سوالف عادي
تسوقنا شوي .. شريت لي جوتي يديد للبدله باجر ..
مع انه عندي جوتي يناسبها بس امي لزمت على اخذه ..
ههههههههه تبي تحس انه في شي يديد الظاهر ..
المهم تفرفرنا بالمحلات ..
او بعدين رحنا قهوة Paul
انا اكلت سيزر سالد او امي شربة عصير برتقال .. كانت بتطلع بالليل تتعشى مع ابوي انا ماتغديت ..
المهم سولفنا شوي .. قالت لي السوالف اللي تعرفها عن المره .. او وين كانت تشوفها
بهالجم يوم احس امي مو على بعضها ..
خايفه تكلمني او اعصب او اقول لها لاتضغطين علي ..
ودها نتكلم بالموضوع بس ماودها اهيا تفتح الموضوع عشان ماتضايق ..
تعرفني اذا ضغطو علي تنقلب عناد ..
المهم انا حسيت فيها ففتحت الموضوع
قلت لها ترى يمه عادي .. انا اللحين خلاص جد قاعده افكر
او ماعندي مانع للزواج اذا الريال كان مناسب او الله كاتبه من نصيبي باخذه ..
او قوليلي اذا عندج شي ..
قالت لي انا ابي افرح . انا بزواج اختج ماكنت فرحانه كانت دايما تحسسنا انه احنا
ضاغطين عليها لكن شوفيها اللحين شلون مرتاحه مع زوجها ..
انا امج او لي نظره بالناس .. مابيج تاخذين بنظرتي بس انا
لكن خلي بالج مفتوح او تقبلي مني انتي بنتي او اكيد انا مابي لج غير الزين
قلت لها انشاءلله .. انتي استانسي عادي .. بنقعد او بنسولف ويا المره ..
تقول ابوج بهاليومين بدى يسأل .. رفيجه دايما يقعد بديوانية ابو الولد ..
ويمدحهم وايد يقول خوش ناس ..
او الولد متعلم بامريكا او مركزه وايد زين او له مستقبل ..
او عندهم خير بيعيشونج مثل ماانتي عايشه انشاءلله

او سأل بعد رفيجه معاه بنفس الوزاره .. او قاله الولد طموح
او مؤدب وبادارته الكل يحبه او مسؤوله وايد مرتاح منه .. او قاعدين يتهاوشون عليه يشتغل بضمير
او مايطوف الصلاه .. يقول دايما التقي وياه بالمصلى الظهر .. او اسولف وياه اسلوبه حلو او زين

انا مرتاحه او حتى لما استخرت نمت او حلمت كأنه يايتني مره او ماعطتني سله كله عود قطع كبار
او في بينهم ذهب .. او قالت لي هذي حق بنتج اللي اهيا انتي ..
قالت لي الراي الاول او الاخير لج .. احنا هذي مسؤوليتنا او انتي شوفي ..
قلت لها معليه باجر بنشوف شسصير او الله يكتب اللي فيه الخير ..
قالت لي انشاءلله ويفرحني فيج ويبلغني اشوف عيالج او عيال عيالج ..

يا ابوي اخذ امي من المجمع او انا رجعت ..
كنت تعبانه لويه من الصبح .. رحت البيت قعدت اعدل بكبتي ..
وقطيت اللي مابيه ..
او نمت

 

[النوار]

بنات هذي قصة النوار صج صج ولا هي تنقلها لنا من منتديات ثانية

قصتي حبيبتي

 

[LoOoLoOo-23]

نواااااااااااااااااااااااااااااااااااااااااااااااااار لا يوقف لا يوقف لايوقف .... ماشاءالله الله يتمم عليج يارب

 

[Ga6waah83]

مشالله عليج حبيبتي
الله يوفقج ويعنيج يا رب ويرزقني ويرزق كل بنت الزوج الصالح اللي يريحها ويحطها بعيونه وما يشوف غيرها يا رب ...

 

[ام الفهد712]

الله يتممم عليج يااارب

ويكتبلج اللي فيه الخيررر انشاالله

لايوقف لايوقف لايوقف

 

[كرندارو]

الللللللللللللللللللللللللللللللللللللللللله قصتج حدها عجييييييييييييبه ياالله كمليها واحنا ناطرينج

عاشت نواره ايواااااا نواره

 

[كرندارو]

عاد لا تطولييييين ما وصيييج : yaaaaaarb:

 

[خوش بنيه]

هههههههههههه لا تشيلين هم حتى بدلياتج حلوه مع اني مالاحظت فيه بدليات انتي فضحتي نفسج ههههههههههههههههههههههههههههههههههههههههه

 

[خوش بنيه]

وناسه قاعد يطق مطر حيل

ادعو بنات

 

[bnt_7waa]

يالله ناطرين باجر الخميس لاطولين

خوش قصه

الله يكتب لج الي فيه الخير

 

[يابختي]

متابعتج....قصتج حلوة

 

[GAP]

الله يكتبلج الي فيه الخير ان شاء الله

انا طلعت من الموضوع ابي اعرف الصالون الي يمزلق شووود اتمزلق انا بعد

 

[النوار]

اليوم يوم العشى ..
يوم التعارف ..
اليوم اللي محد عارف فينا شسالفته وشبيصير فيه ..
قعدت من النوم مبجر ..من السبع وانا اتقلب بالسرير طارت من عيني النومه ..
حاولت ارد انام ماقدرت .. لين الساعه 8 او نص استسلمت او قمت ..
طلعت من داري ولا البيت ضباب من العود ..
او امي مو موجوده ..
والخدم كل وحده بمكان .. منثرين عندهم يوم النظافه اللي يشوف يقول بيتنا ماتنظف من سنه ..
وخدام يدتي يساعدونهم!! .. امي بعد تحب تبالغ ههههه ماعندها سالفه بيتنا شحلاته مايحتاج هالخبه .. دقيت عليها
ولا اهيا بالصالون تحني شعرها ..
امي فيها كحه ماتتحمل العود .. ففرصتهم يبخرون ..
المهم دخلت المطبخ .. على الطاوله اطقم العزايم لماعيين او امي عندها طقم قفاش او سجاجين او شوك ماتطلعهم بأي مناسبه ..
حمام لضيوف يلق جنه عروووس! هههههههه

باروح الصالون ولا ماعندي فلوس .. مكتب ابوي قريب للصالون فقلت امر ابوي اخذ فلوس وبالمره اشوف مكتبه اليديد
المهم طلعت ولا الجو اينن مطر رذراذ
او غيم
ماكان ودي اوصل ..
عندي بسيدي اغنيه حق عبدالله رويشد احب اسمعها مع هالجو .. وقفت على جنب او طلعته ..
او قعدت اسمع ..
وانا ماسكه الخط السريع
..

اذا طق المطر ورد .. عشب اخضر وسط حوشك
واذا صار الورد جوري
على غصونك تذكرني ..
اذا زاد الهوى ونشدت
احبالك على خيامك
تذكرني او خلني مرةٍ امر على بالك
تذكرني ..
اذا طق المطر ..

وشلون اسلى .. شلون اسلى
فرحي او نظر عيني كل ماطريت اسمك
كل ماطريت اسمك تغنى كل مافيني

تنكشف اسرار روحي ليمن طريت اسمك
ولا لي غرد على غصني غرد على غصني وزهر كل انتظاري
اغنيلك عصافير اتفنن في هواك ارجع ..
وانته صوتي وصوت الناس .. لي قلت بفرح ارجع
تذكرني وخلني مرةٍ امر على بالك

الله عليك شلون انا بديره او همسك مايجيني
الله عليك الخاطر المجروح ينطر ضوى جيتك وانا وحنيني ..

وصلت لابوي ..
ودخلت او قعدت معاه اول ماشافني ضحك
قالي شخبارج ويا لوية اليوم .. قلت له تمام ..
قعد يسولف وياي شوي .. بس ماطولت طلعت عشان ألحق عالصالون خلصت او رحت حق طبيب الاسنان .. سويت تبييض بالليزر
شنو عجيــــــــــــــــــــب يابنات والله بتصيرون نفس اللي بدعاية كرست بدون مبالغه ..واااااااااايد زين
المهم ..
وانا اهناك دقت علي خالتي .. قالت لي تبين نطلع نتغدى
قلت لهم تذبحني امي ..
قالت لي ماعليج انا باكلمها
المهم .. اتفقنا نتلاقى بلانوتر .. خلصت من الصالون او رحت لها
تغدينا او قعدنا نسولف ..
ماحسيت اني احتاج هالتغيير الى بعد ماحصلته .. خلينا سالفة اليوم على جنب او تمت خالتي تسولف لي باشياء ثانيه ..
حسيت اني مستانسه .. او راح الضغط .. طول اليوم قاعده افكر ..
لو لو لو ..
اعوذ بالله من الشيطان .. صج انه هالكلمه ماتييب إلا المغثه .. المهم بعد ماخلصنا قالت لي باروح انا الصالون
اتجهت للبيت ..
صليت العصر او قعدت بدار امي .. ويات اختي الهذاره ..
او امي داير راسها مع السواق يديد او غبي او مايدل كل مكان ..
المهم قلت حق امي انا ماعندي شي بطلع اييب كم غرض ..
المهم .. بعد مده اقناع وافقت او رحت .. مشوارين .. خلصتهم او رجعت .. او بتدت اختي بالمكياج ..
اول ماقعدت قالت لي لاتكلمين ولاتشوفين المنظره خليني اكمل او بعدين تحجي .. اذا ماعجبج شي نقدر نعدله ..
تحلطمت بس غصبتني او قعدت ..
وشوفها تييب بهالشدوات السوده .. كلهم سوود!! مادري ليش كل دقيقه خذت من علبه غير!! ماكنت اشوفهم يفرقون ..
المهم او تحط او اقولها بس .. تقولي سكتي ماعليج وتحط وتحط ..

المهم بعد مانكسرت رقبتي من القعده قمت ..
يمـــــــــــــــــه .. جنه طاقيني بوكسات ..
هالمكياج على عيونها حلو لانه عيونها طواليه وكبيره انا عيني مدوره او مايناسبني واايد اسود ..
المهم نادت امي او امي الحمدلله قالت اي لا غيريه ..
غسلة ويهي ..
او طردتها من الغرفه .. او قعدت على سعتي ..
رطبت بشرتي اول .. بعدين حطيت كونسيلر ..
او الفاونديشن .. مااستخدمت مال الحفلات خذيت مال كل يوم انا احبه مال ماكس فاكتور نفس لون بشرتي بالضبط
حطيته .. او بعدين خذيت بيس ابيض كريمي مال ماك او حطيته على عيني كامل ..
بعدين بعضمة الجفن مادري شيسمونها حطيت رصاصي خفيـــــــــــف من ماك بعد
او بعدين فوقه تحت الحاجب حطيت ابيض شوي اقوى او فيه لمعه خفيفه مال ميك اب فور افر البودره وااااايد حلو ..
بريشة كحل لانكم .. خطيت الكحل .. عرضته شوي .. او خليته شوي طويل .. طالع شوووي لي برى ..
بمسكرة لانكوم مشطة رموشي .. او تحت شوي .. او بقلم الكحل شوي سويت خط على منبة الرموش كلش خفيف ..
حطيت على شفايفي .. حمره طافيه ورديه فاتحه .. مع محددها مالت ماك اللي اسمها روز
او بخدودي بالعضمه حطيت بلاشر وردي شوي درجته غامجه من ماك او من جيرلان مشيت وردي فاتح على ويهي طقه خفيف ..
لبست بدلتي اللي قلت لكم عنها من قبل .. او تراجي لولو صغار او قلب ..
لبسة ساعه او اسواره مع الساعه او خاتم صغير ..
او رحت لامي ..
وااااااااايد استانست علي .. حتى اختي .. اللي مايطلع منها قالت لي لا صج بالمكياج اليوم غلبتيني .. بس عالعموم كل واحد يعرف حق ويهه
طيبتني امي بدهن العود او قرت علي .. او ياو خالاتي .. او يدتي ..
قالو لي لين ياو لاتقعدين دشي بعدين
انا مارضيت .. قلت لازم اكون قاعده لانه هالحركه تصير بالخطبه .. واليوم مو خطبه فلازم اقعد ..
قالو لي عادي روحي او اول مايدشون تعالي او انا عييت
ماكنت ابي المره تصيد علي نقطه ..
المهم احنا ماكنا ندري من بيي بالضبط
عالساعه 8 رن تلفوني رفيجتي تتطمن دخلت داري اتكلم ..
بالصدفه بهاللحظه ياو الحريم او دخلو ..
انا حتى الجرس ماسمعته .. المهم .. خلصت تلفوني او رديت .. دخلت ولا النسوان داشيين او كلهم واقفين يسلمون ..
انا رجعت على وره او طقتني البوهه شاسوي .. هذا اللي ماكنت ابيه ..
شلون ادخل او اهما يسلمون اسطف اخر شي او اسلم عليهم؟
صج توهقت المهم رديت دخلت .. توهم النسوان قاعدين ..
كانو 5
انا عيني جنه عليها ضباب .. ماقاعده اشوف ..
ابي اركز بالويوه اشوف منو الاكبر عشان اسلم عليها ماشوف ابد .. ماددري شصادني او تدودهت وقفت بنص الطريج يمكن نص دقيقه كامله او بعدين مشيت ..
جان توقف امي او تقول لهم هذي نوار
المهم وقفو او انا رحت حق اول وحده على يميني .. اخته اللي ويا اختي بالجامعه كانت .. بعدها امه او يمها امها ..
واختها او بنت اختها
المهم سلمت او امه ماشاءلله لسانها حلو ..
انحرجت من كلامها او قعدت بعيد يم خالتي اللي اهيا صديقتي .. جان تقولي امه تعالي قعدي يمي ..
واااايد بغيت اموت
وبتدت السوالف .. او امه كانت حاطه ايدها على ريلي او انا ارجف .. ابتسمت لي ..
واااايد ارتحت لها ..
قالت لي لولوه تسلم عليج كان ودها تيي ويانا لكن تدرس بدبي او ماعندها اجازه ..
قلت لها انشاءلله بالمرات اليايه ..
قالت لي جريب انشاءلله
المهم
انا كنت بالنص بين الام او اليده ..
ماكنت مرتاحه او فشله اقوم مناديتني
او عيون خالاتي علي او اهيا حيل جريبه ..
انا ماحب لما اكلم احد يكون قاعد بويهي ..
اللي حتى مسامات ويها اشوفها!!
ولا اقدر ادني محاصره!
يات الشغاله
بتصب الشاي جان انط
قلت لها روحي انا اصب
طبعا اهيا فرصه بس عشان اقوم ماقصد اتسينع ههههههههه
المهم صبيت الشاي او او وزعته او خليت اللقاح والنعناع
والشكر عطيتهم استكانات الشاي او طرت برى
كنت احس اني بس ابي اشرد من العيون اللي متركزه علي
او ابي اتنفس ..
قالولي انه خالتي بعدين قامت او رقعت الدمار اللي سويته
لحقتني بعدين او تمت تقولي ترى تيننين او من عينهم مبين شقد عاجبتهم او حدج على طبيعتج او رجعي قعدي يم بنت خالته محد يمها سولفي وياها..
دخلت او لقيت يمها مكان او قعدنا نسولف بالجامعه او هالسوالف

تعبت بكمل بعد شوي

 

[يابختي]

بسهر اقرى التكملة..ناطرتج

 

[كويتيات]

^_^

تهبليــــــــــن كملــي