السلام عليكم ورحكه الله وبركاته
والله مدري من وين ابتدي بس انا حدي مخنوقه حيل انا مشكلتي مع زوجي احبه حيل وهو بعد بس احنا بغربه والنفسيه زفت كل مره نتخانق انا اسكت ولا ارد لاني احس اني ببكي مهما كان عندي كلام ما اقدر اتكلم ذيك الساعه وهو يقول انتي تعبتيني تزعلين من اتفه شي وحارمتني من اشياء كثيره وهو صادق بس مو بيدي مثلا..... انا منقبه وهني ما يتقبلون النقاب بالمره حاولت فيه اني اكشف وجهي على الاقل لان نظرات الناس لا تطاق ..رفض وقال ربك هنا هو ربك بالديره مع ان في علماء اجازوا كشف الوجه للمنقبه للضروره بس ما اقتنع وكنت برد الديره بروحي واتركه من كثر ما انا متضايقه بعدين قلت بتحمل علشانه واقلل طلعات عشان المضايقات يعني ما اتسوق الا لضروره واحيانا اروح المحلات نص الليل تكون فاضيه واستمرينا على هالحال 6شهور وانا كاتمه بصدري لانه طول اليوم وانا بالبيت وهو يطلع اخرتها صار يلعب على البلاستيشن 4 الى 5 ساعات وانا قاعده ما يكلمني بس احيانا اطلع كل جمعه لبنات عربيات هني بس مو كل اسبوع وحاول فيني انه نروح سياحه للمدن الكبيره المزحومه قلت ما تناسبني الناس اللي يسال واللي يصور واللي يضحك ....لا احد يفهمني غلط ....
انا معتزه بحجابي بس حدي متضايقه هذي غربه طويله مو يوم ولا يومين حاولت اشغل نفسي بالبيت بس ماكو فايده هم فيه وقت فاضي ابي اطلع واشوف الدنيا المهم البارح كان يلعب بلاستيشن وجيته بكل هدوا وقلت له حبيبي مشتاقه لك:ggdw:
قال انتي متضايقه لاني اطول على البلاستيشن ؟توقعت انه حس وما سالني الا ناوي يغير طبعه بس المشكله انه انفجر في وجهي لما قلت ايه متضايقه :eh_s(2): قال مو كافي انه انتي حارمتني من الطلعات ولا نشوف الدنيا كله لانك خايفه من نظرات الناس وانا مضغوط بالدراسه ولما احب انبسط تزعلين؟
انا سكت عشان اقفل الموضوع بس هو ما رضى يقفل وقعد يذكرني بمواقف تافهه انا ناسيتها ولا كنت اظن انه يفكر فيها اصلا وقال اطلع العب عند الربع اذا مو عاجبك توقعت لانه زعلان يقول هالكلام بس اليوم من صحى من النوم ما يكلمني قلت اسوي لك ريوق رفض وصارما يطلب مني شي وعمل اكل لنفسه وطلع.. انا الحين على المغرب قلت جاي على العشاء ؟قال سوي عشاء لنفسك ..واخذ البلاستيشن ناوي يسهر عند ربعه وانا حدي مخنوقه انا قررت ما ارجع الديره واتحمل نظرات الناس علشانه اخرتها صدمني انه مو مقدر تضحيتي ويقول اساسا انتي حارمتني من الوناسه والسياحه والمفروض ما تتكلمين لو اجلس العب اليوم كله
والله مدري كيف اتصرف المشكله انه انا فيني الصيحه مو قادره اتكلم ادري انه عيب فيني بس حدي حساسه ولا احب احد يجرحني بالذات هو ولما اجي اتكلم احس اني ببكي وتخنقني العبره
بنات لو كنتوا مكاني وتحبون ازواجكم كيف تتصرفون ؟ترى هو مافيه الا هالعيب بس :eh_s(9):بس هذي غربه وتعرفون نظرات الاجانب للي لابسه بس سكارف فما بالك نقاب :eh_s(10):
ابي احد ينصحني بس بدون تجريح
والله مدري من وين ابتدي بس انا حدي مخنوقه حيل انا مشكلتي مع زوجي احبه حيل وهو بعد بس احنا بغربه والنفسيه زفت كل مره نتخانق انا اسكت ولا ارد لاني احس اني ببكي مهما كان عندي كلام ما اقدر اتكلم ذيك الساعه وهو يقول انتي تعبتيني تزعلين من اتفه شي وحارمتني من اشياء كثيره وهو صادق بس مو بيدي مثلا..... انا منقبه وهني ما يتقبلون النقاب بالمره حاولت فيه اني اكشف وجهي على الاقل لان نظرات الناس لا تطاق ..رفض وقال ربك هنا هو ربك بالديره مع ان في علماء اجازوا كشف الوجه للمنقبه للضروره بس ما اقتنع وكنت برد الديره بروحي واتركه من كثر ما انا متضايقه بعدين قلت بتحمل علشانه واقلل طلعات عشان المضايقات يعني ما اتسوق الا لضروره واحيانا اروح المحلات نص الليل تكون فاضيه واستمرينا على هالحال 6شهور وانا كاتمه بصدري لانه طول اليوم وانا بالبيت وهو يطلع اخرتها صار يلعب على البلاستيشن 4 الى 5 ساعات وانا قاعده ما يكلمني بس احيانا اطلع كل جمعه لبنات عربيات هني بس مو كل اسبوع وحاول فيني انه نروح سياحه للمدن الكبيره المزحومه قلت ما تناسبني الناس اللي يسال واللي يصور واللي يضحك ....لا احد يفهمني غلط ....
انا معتزه بحجابي بس حدي متضايقه هذي غربه طويله مو يوم ولا يومين حاولت اشغل نفسي بالبيت بس ماكو فايده هم فيه وقت فاضي ابي اطلع واشوف الدنيا المهم البارح كان يلعب بلاستيشن وجيته بكل هدوا وقلت له حبيبي مشتاقه لك:ggdw:
قال انتي متضايقه لاني اطول على البلاستيشن ؟توقعت انه حس وما سالني الا ناوي يغير طبعه بس المشكله انه انفجر في وجهي لما قلت ايه متضايقه :eh_s(2): قال مو كافي انه انتي حارمتني من الطلعات ولا نشوف الدنيا كله لانك خايفه من نظرات الناس وانا مضغوط بالدراسه ولما احب انبسط تزعلين؟
انا سكت عشان اقفل الموضوع بس هو ما رضى يقفل وقعد يذكرني بمواقف تافهه انا ناسيتها ولا كنت اظن انه يفكر فيها اصلا وقال اطلع العب عند الربع اذا مو عاجبك توقعت لانه زعلان يقول هالكلام بس اليوم من صحى من النوم ما يكلمني قلت اسوي لك ريوق رفض وصارما يطلب مني شي وعمل اكل لنفسه وطلع.. انا الحين على المغرب قلت جاي على العشاء ؟قال سوي عشاء لنفسك ..واخذ البلاستيشن ناوي يسهر عند ربعه وانا حدي مخنوقه انا قررت ما ارجع الديره واتحمل نظرات الناس علشانه اخرتها صدمني انه مو مقدر تضحيتي ويقول اساسا انتي حارمتني من الوناسه والسياحه والمفروض ما تتكلمين لو اجلس العب اليوم كله
والله مدري كيف اتصرف المشكله انه انا فيني الصيحه مو قادره اتكلم ادري انه عيب فيني بس حدي حساسه ولا احب احد يجرحني بالذات هو ولما اجي اتكلم احس اني ببكي وتخنقني العبره
بنات لو كنتوا مكاني وتحبون ازواجكم كيف تتصرفون ؟ترى هو مافيه الا هالعيب بس :eh_s(9):بس هذي غربه وتعرفون نظرات الاجانب للي لابسه بس سكارف فما بالك نقاب :eh_s(10):
ابي احد ينصحني بس بدون تجريح
