- إنضم
- 3 يوليو 2009
- المشاركات
- 143
- مستوى التفاعل
- 0
- النقاط
- 0
السلام عليكم ـمساكم الله بالخير حبيباتي ـ بصراحه بدخل الموضوع بسرعه ويارب تفهموني وربي كبرت عشر سنين احس شكلي اكبر من عمري والله ــ بدخل بصلب الموضوع يوم الاثنين الي طاف صارت مشكله عوده دخلت امي واخوي غرفتي وقالت افتحي اللاب حقج واطلعي برا الغرفه وقالتها بنبره حاده واخوي داخل معاها عساسا انه مش مسوي شي وانا ما لاحظت شي ابد فتحت اللاب لان ماعندي شي اخاف منه وطلعت شوي الا امي قالت تعالي وخلتني مع اخوي قالي افتحي حساب الفيس بوك فتحت كل الحسابات الصدمه وين الصدمه ان حسابين فيهم اشياء وسخه وانا اصلا مادري هم بالاصل ثلاث حسابات حسابين لي بس الاول حقي الخاص وهو نظظظظظظيف مافيه شي والثاني قددددييم بس مخترق يعني يدخل شخص ثاني عليه ومسويلي بلاوي سوده يدخل ويسبني ويهدد لمن سويتلي حساب خاص الثالث الله يسلمكم موب لي هو حق وحده اعرفها من النت انا مسويه لها الايميل وهي سوت لنفسها الحساب بالفيس بوك واعرف الباس وورد لانها تثق فيني حييييييل طبعا هالحساب دخلته مرتين في حياتي من سنه ونص وبعدها نسيته طبعا مره اخوي سالني منو ذي قلت له وحده اعرفها واقسم بالله ان الحساب كان نظيف مافيه وصاخه او صور وصخه بالعكس كان حساب عادي المهم يوم المشكله قالي اخوي فتحي الحساب فتحته الا الصاعقه يقولي في افلام وصور ً(جنس) قالي منو ذولي شلون تعرفينهم قلت ماعرفهم وحلفت له وانا صاجه ماعرفهم عطاني كف لف راسي وماذكر الكلام الي بينا من الصدمه وتهاوشت مع امي وقالت انتي مش بنتي من اليوم ورايح مش بنتي ماقدرت اوظح لهم ان الحساب مو لي لو تكلمت بيقولون كذابه لاني صرت بعيونهم. ولا شي وانا ماكذبت تدرون كم عمره الي مد ايده علي ؟؟؟!' عمره 16 سنه وانا عمري 22 سنه وتدخل اخوي الي اكبر منه وقلبت هوشه وانا من الصدمه مو قادره اتكلم ولا ادافع عن نفسي ابدددد شي ربط لساني وجابو تلفوني وفتشوه ولاب توبي فتشوه تلفوني مافيه شي وربي ولا اللاب كلهم نظاف ورغم ذا كله سحبوهم مني الحين اكتب لكم من اي باد اختي الصغيره الي قاهرني " اخوي الي كنت احبه اكثر واحد من اخواني واعزه حيل واحب اسولف معاه واحب استهبل معاه ونسوي بلاوي اليهال وخطط كاننا يهال ًـ وكنت له ستر وغطا على كل بلاويه يسوي فيني جذي اقسم بالله اني اعرف عنه بلاوي سكت انا عنها عشان لا يطيح من عين امي وابوي عشان لا يفقدون الثقه فيه والبلاوي عرفت عنها من احد برا بيتنا يعني بلاويه يدرون فيها الناس وانا ساكته !!!! المشكله صارت يوم الاثنين الي طاف بعد اسبوع يوم الاحد بالظبط رحت اكلم امي ويالله رضت تكلمني حسستني اني زباله قلت لها انا مش وسخه انا مش جذي انا بنتج الي تعرفينها شوفي التلفون واللاب نظاف اكبر دليل اني نظيفه ومافي شي ينخش عليج ووظحت لها سالفه الحسابات حقت الفيس بوك قالت ليش ماتكلمتي يوم المشكله قالت ماقدرت بتقولون اني كذابه قلت تهدا الامور وساعتها اتكلم وجا الوقت عشان اكلمج والله يابنات ان اخوي ذا قليييييل حيا يوم السبت مسوي مع امي مشكله كبيره يعاملها كانها ولا شي لمن يناديها يقولها هيه هيه تعالي تفاهمي معاي كانه ينادي احد من الشارع مو كانها امه والله ان ربعه يحطهم على راسه واحنا ولا شي عنده والله والله يابنات انها بكت بسببه وطلعت من البيت وحسيت قلبي يتقققطططععع ويوم اصالحها بكيت قلت تفكرين هين علي اشوف اخوي يكلمج بهالطريقه عمرج شفتيني اتكلم معاج بهالطريقه والله اني امس مت يوم بكيتي قلت موتي ولا دمعتج والله كنت ابكي من حرقه قلب على الي صار وهي تطالع الارض ولا طالعتني بعدين قالت لي روحي حق اخوانج قوليلهم عشان ماتطيحين من عينهم قلت لا اكلم واحد اما الثاني الوسخ لا والف لا عقب الي سواه فيني وفيج تبيني اكلمه عساه مارضا ولا يهمني وكلمت اخوي بعدها وقال بصراحه مادري لازم اتناقش مع امي ومادري لو كلمها او لا ؟ بس عقبها طلعت مع امي واختي نشتري مكياج قامت تكلمني تقولي شفي ذا حلو ذا مش حلو وانا اتلعثم بالكلام احس اول مره اكلمها ويوم الي بعده نفس الشي بس احس في شي للحين شنو مادري والله يابنات فكرت اهرب من البيت والله فكرررت بقوه فكرت اذبح روحي بس ماقدرت فكرت باهلي وجماعتي والله يابنات الي بعمري يبون الطلعات والوناسه بس انا اتمنى اتزوج باقرببب فرصصه عشان ارتاح واريح اهلي مني والله مو عارفه شقول افيدوني. باي شي كلما حاولت ابني عقلاتي بامي يجي شي يهدمها وهالمره بسبب الخايس اخوي وربي اني كرهته كره العمى :eh_s(16):
التعديل الأخير:
مو عارفه شسوي اااخخخخخخ ياررربي متى اتزوججججج
