اختكم من دبي في خدمتكم

[الجـِراح]

مشكوووورين يابنات موضوعكم بصراحه يجنن



والله يخليكم اللي تعرف ترد علي صحيح فيه هارودز في دبي مول ؟ واذا فيه بأي دور تكفون ردوا علي بكره مسافره

 

[دلوعة أبوهآ]

لؤلؤه حبيبتي الله يعطيج العافيه ع مجهودج وتعبج اللي تسوينه ..
بس حآبه أسآل عن ( مركز جميرآ ) هو مثل سوق أو شي ..! وين مكآنه بالضبط عن آلجي بي آر
أنا أكثر من مره رحت الجي بي آر بس ماشفت محلآت أو سوق ..!


وبعد أبسأل عن ( آلجميرآ للسيدآت ) هو شآطيء خآص للنساء صح !!
وين مكانه وشنو آقول للتآكسي ..؟؟


وحبيبتي مشكوره

 

[نظره خجوله]

يعطيك العافيه ياقلبي انا رحت دبي واستفدت من نقريرك مررره الله يجزاك خير ويسعدك يارب

 

[bobe22]

لؤلؤة دبي ..
تسسسسسلمين و ربي يسسعدك كفيـتِ و وفيتِ :eh_s(17):

 

[لؤلؤة دبي]

لؤلؤة دبي مارديتي علي سوالي القريه العالميه مفتوحه وشنو احسن قريه فيها ورخصهم
مشكوره يالغاليه

اختي القرية العالمية مفتوحة لين نهاية مارس 2012
وكل قرية تختلف عن الثانية حبيبتي يعني مثلا اذا بغيتي جلابيات عندج القرية المصرية والكويتية
وفساتين ودراعات عندج التركية والسورية واللبنانية والكويتية
واذا عطور وتمور عندج السعودية والاماراتية
واذا تبين اشياء متفرقة ( شباصات للشعر وملابس وفواكه ) عندج التايلاندية
واذا تبين آجار ( مخلل) وملابس هندية وقطع عندج القرية الهندية
وحلويات ومكسرات من المصرية والايرانية
وملابس داخلية للصغار من السورية
واذا تبين أدويه وبهارات وقهوه عندج اليمنية
انتي سيري وبستانسين فيها ​

 

[لؤلؤة دبي]

مشكوووورين يابنات موضوعكم بصراحه يجنن



والله يخليكم اللي تعرف ترد علي صحيح فيه هارودز في دبي مول ؟ واذا فيه بأي دور تكفون ردوا علي بكره مسافره

ما عندي فكرة الغالية بس عندنا محل غاليري لافاييت في دبي مول وفيه كل الماركات

 

[لؤلؤة دبي]

لؤلؤه حبيبتي الله يعطيج العافيه ع مجهودج وتعبج اللي تسوينه ..
بس حآبه أسآل عن ( مركز جميرآ ) هو مثل سوق أو شي ..! وين مكآنه بالضبط عن آلجي بي آر
أنا أكثر من مره رحت الجي بي آر بس ماشفت محلآت أو سوق ..!


وبعد أبسأل عن ( آلجميرآ للسيدآت ) هو شآطيء خآص للنساء صح !!
وين مكانه وشنو آقول للتآكسي ..؟؟


وحبيبتي مشكوره

حبيبتي اذا تقصدين مركز تاون سنتر جميرا هو بجانب مركز مريكاتو في شارع جميرا
وتاون سنتر مركز صغير مب كبير وايد شي بداخله باريس جاليري وعيادة كايا للعناية بالبشرة، وزين يوجا، وفيت فيرست، وصالون العناية بالأظافر وعيادة دبي للعلاج الطبيعي وصالون إس أوه إس للتجميل ومنطقة العناية بالتغذية، وكل هذا يوفر حلولاً كاملة لمن يرغبون في الاستجمام والتدليل.

حديقة شاطئ الجميرا
هي حديقة للعوايل ما عدا (يوم الاثنين مخصص للسيدات والأطفال)
أوقات الزيارة: يوميا من 07:30 صباحا - 10 مساءا ،عدا يوم الجمعة من 8 صباحاً - 11 مساءاً
والدخول بالسيارة 20 درهم والفرد 5 دراهم ​

 

[الذهب 123]

مرحباا

هذا ثاني رد لي بموضوعج خيتووو

حبيت اعرف اذا تقدرين توفرين لي

مخاوير من دبي لان عندي ظروف

ومااقدر

وشكراً

​

 

[لؤلؤة دبي]

تثبيت تثبيت تثبيت تثبيت تثبيت تثبيت تثبيت تثبيت تثبيت تثبيت تثبيت تثبيت تثبيت تثبيت تثبيت تثبيت تثبيت تثبيت تثبيت تثبيت
الصراحه الموضوع اكثثثثثثثثثثثثثثثثثثثثثثثثثثثثثر من روعه والغاليه لؤلؤة دبي ماقصرت وبيض الله وجها ردت علينا وحده وحده
نبي الموضوع مرجع لنا لانه شامل واكيد اكثر وجهة سفر بالنسبه لنا دبي نروح لها اكثر من مره بالسنه
ارجو منو خواتنا المشرفات يثبتون الموضوع ماعليكم امر
ويعطيج الف الف عافيه يالؤلؤتنا

تسلمين حبيبتي وربي يعافيج

 

[لؤلؤة دبي]

لؤلؤة دبي ..
تسسسسسلمين و ربي يسسعدك كفيـتِ و وفيتِ :eh_s(17):

العفو فديتج هذا واجب ^^

 

[لؤلؤة دبي]

مرحباا

هذا ثاني رد لي بموضوعج خيتووو

حبيت اعرف اذا تقدرين توفرين لي

مخاوير من دبي لان عندي ظروف

ومااقدر

وشكراً

رديت عليج حبيبتي على الخاص

 

[دلوعة أبوهآ]

حبيبتي اذا تقصدين مركز تاون سنتر جميرا هو بجانب مركز مريكاتو في شارع جميرا
وتاون سنتر مركز صغير مب كبير وايد شي بداخله باريس جاليري وعيادة كايا للعناية بالبشرة، وزين يوجا، وفيت فيرست، وصالون العناية بالأظافر وعيادة دبي للعلاج الطبيعي وصالون إس أوه إس للتجميل ومنطقة العناية بالتغذية، وكل هذا يوفر حلولاً كاملة لمن يرغبون في الاستجمام والتدليل.

حديقة شاطئ الجميرا
هي حديقة للعوايل ما عدا (يوم الاثنين مخصص للسيدات والأطفال)
أوقات الزيارة: يوميا من 07:30 صباحا - 10 مساءا،عدا يوم الجمعة من 8 صباحاً - 11 مساءاً
والدخول بالسيارة 20 درهم والفرد 5 دراهم ​

حياتي مشكوره ع ردك ..
بس مآعتقد السنتر اللي قلتي عنه.. لآنهم قالولي فيه محلآت للأكسسوارات واشياء يمكن تراثيه
فمآدري هو صح ولآ لآ ..


طيب شرآيك في الحديقه تنصحينآ نروحهآ ..! ولا فيه مكآن آحلى ..؟؟


لقلبك :eh_s(7):

 

[دلوعة أبوهآ]

سوري نسيت أسأل عن آلميك آب ..

بس ألقآه بٍ سيفورآ ..! ووين فروعه غير دبي مول ..؟؟
لآني أبي مآركات مثل urban decay وغيره ...



,

وآخر سؤال وآلله ادري تعبتك معآي ومنحرجه منك .. :eh_s(22):

شنو آلمطآعم اللي بدبي مول اللي تطل ع النآفوره ....؟


:eh_s(17):
​

 

[محبه الهآشمي]

سوري نسيت أسأل عن آلميك آب ..​

بس ألقآه بٍ سيفورآ ..! ووين فروعه غير دبي مول ..؟؟
لآني أبي مآركات مثل urban decay وغيره ...​

,​

وآخر سؤال وآلله ادري تعبتك معآي ومنحرجه منك .. :eh_s(22):​

شنو آلمطآعم اللي بدبي مول اللي تطل ع النآفوره ....؟ ​

:eh_s(17):​

سيفورا موجود ف فيستفال سيتي بعد ..

 

[ورد الطايف]

مشكوره لؤلؤة دبي ع رد 

 

[لؤلؤة دبي]

سوري نسيت أسأل عن آلميك آب ..​

بس ألقآه بٍ سيفورآ ..! ووين فروعه غير دبي مول ..؟؟
لآني أبي مآركات مثل urban decay وغيره ...​

,​

وآخر سؤال وآلله ادري تعبتك معآي ومنحرجه منك .. :eh_s(22):​

شنو آلمطآعم اللي بدبي مول اللي تطل ع النآفوره ....؟ ​

:eh_s(17):​

حبيبتي محل سيفورا الي في دبي مول اكبر من الي في فاستيفال سيتي وشي بعد في مردف سيتي سنتر

والمطاعم المطلة ع النافورة الراقصة بعضها ضمن دبي مول وبعضها في سوق البحار مثلvapiano ، وافي قورميه، مطعم عبدالوهاب ، برج الحمام، و كافيه بلان، فريريز الجلسات الخرجيه للمطعم ، مطعم أو كافيه سوبريم - وكرم بيروت، نابوليتانا، مطعم فبيااانو، وغيرها واايد ،
واحلى شي تتجويلين في المكان وتختارين المطعم الي يعيبج ورحلة موفقة الغالية

 

[لؤلؤة دبي]

حياتي مشكوره ع ردك ..
بس مآعتقد السنتر اللي قلتي عنه.. لآنهم قالولي فيه محلآت للأكسسوارات واشياء يمكن تراثيه
فمآدري هو صح ولآ لآ ..


طيب شرآيك في الحديقه تنصحينآ نروحهآ ..! ولا فيه مكآن آحلى ..؟؟


لقلبك :eh_s(7):

الحديقة حلووة بس مافيها وايد اشياء ،
جربي ((حديقة الخوور)) حلووة وهي كبيرة واايد بداخلها بحر الي هو جزء من خور دبي واذا عندج اطفال بيستانسون بعروض الدلافين ومدينة الطفل والتلفريك وبجانب حديقة الخور شي ((حديقة وندرلاند)) وهي مدينة ملاهي للكبار والصغار وشي بعد العاب مائية

 

[STAR KUWAIT]

السلام عليكم
بقيت أسأل عن شقه فندقيه حق عايله من خمس أشخاص أو 6 أشخاص
وتكون شقه فندقيه من 3 غرف نوم وصاله ومطبخ تحضيري .
وين ألاقي شقه بهالمواصفات الله يعافيج وأهم شي موقعها يكون قريب من المولات و سعرها مناسب حق أسبوع . انا جربت من قبل تشيلسي تاور و فلورا بارك أبي غيرهم الله يعافيج

 

[دلوعة أبوهآ]

مشكوره حبيبتي مآقصرتي ..

عسآكم ع آلقوه ,

 

[لؤلؤة دبي]

السلام عليكم
بقيت أسأل عن شقه فندقيه حق عايله من خمس أشخاص أو 6 أشخاص
وتكون شقه فندقيه من 3 غرف نوم وصاله ومطبخ تحضيري .
وين ألاقي شقه بهالمواصفات الله يعافيج وأهم شي موقعها يكون قريب من المولات و سعرها مناسب حق أسبوع . انا جربت من قبل تشيلسي تاور و فلورا بارك أبي غيرهم الله يعافيج

حبيبتي دورت لج شقق فندقية في موقع البوكينق ( booking.com)

نجد للشقق الفندقية ، كورال الخوري لشقق الفندقية ، كورب اكزكتيف للشقق الفندقية، فندق روز جاردن

فندق و شقق كونكورد الإمارات ،لوتس للقق الفندقية وسبا - مارينا- البستان رزيدنس-
توباز ليفينج كورت - ولدن توليب للشقق المفروشة - هاربور فندق ورزيدنس ​

وانتي ادخلي وشوفي بعد ورحلة سعيدة وموفقة حبيبتي ​