مبروك عليكم الكانون كانونيـات :eh_s(7): ( FRWLA + pusy cat ) :eh_s(7):
الإعدادات في كذا نوع تصوير تكون اعداداتها جاهزة مثل تصوير سريع + تصوير ليلي اللي اهو بفلاش وتصوير منظر طبيعي + صورة شخصية ,, هذيلا اعداداتهم ثابتة ,,
التغيير بالاعدادات يصير على صفحة المانوال مكتوب حرف الـ M ما عليج من الـ Tv + الـ Av
سرعة الغالق اتييلج اول شي من فوق عاليسار واتييلج على طريقة 20/1
فتحة العدسة مخصصين لها رمز ومعاها السرعات - الهيئة F8.0 - F4.5
أما الايزو فا اهي حساسية العدسة من ناحية الإضاءة ( المكان اللي انتي فيه والمناسبة ) يعني اذا عندج عيد ميلاد اكيد وقت الكيكة الشموع اهي الوحيدة اللي تكون شغالة فا ترفعين من مستوى حساسية الصورة من 100 المعتاد إلى 400 أو 800 - انتي جكجكي فيها لين توصلين المستوى المطلوب للإضاءة
لازم تتعبثين فيها وتعرفين ,, جربي التصوير بكل الإضاءات عشان تعرفين ,,
_ ظلمة + عالشمس وفي اعدادات غيرها وايد ,, من ناحية انج تصورين بجو مغيم أو مشمس أو فلاشات ( عرووس ) الخ الخ ..
دشي اخذي مقدمة عن التصوير من اخوي خالد عبدالغفور ,, كتبي بـ يوتيوب ( دقايق فوتوغرافية خالد عبدالغفور )
وعندج الاستاذة تهاني الأيوب ,, كله يعتمد على نوع التصوير اللي حابته ..
