وش اسووووووووووووووووووي بنفسسسسسسسسسسسسسسسسسسسي

[cba girl : )]

حبي نفسج وثقي فيها والكل راح يثق فييج

اذا المساله مساله شكل ترا سهله !!

ترا هذا قبل زمن امي وامج الي كانت البنيه جلحه وملحه لووووول ومو كشيخه الحين الكل ماشاء الله يعرف

ومتنقعين بالصالونات والعيادات

مابي اقلب القسم عنااايه بس بعطيج نصايح سهله وخليها روتين

بس نصيحه لكل بنيييه لي شفتي وحده حلوه الله يخليها لهلها مو تقومين وتخطين خلطات وتشدين على نفسج سومين وتملين !!

لا خلي اهتمامج سهل ونتايج

شعرج ..

حمام زيت فيزوو وزيت الخلطه العجيبه وادعيلي

بشرتج ... عياده جلديه اووو ماسكات طبيعيه وكريم حمايه من الشمس ضروري

ايدج .. جلوسليد وفير اند لفلي

جسمج .. خلطه صابونيه وكريم مرطب فازلين زبده ككاو بعد السباحه

واظافرج .. مقوي اكرينال


شفتي هالاشياء خليها روتين سهله وبسيييطه وبتحسييين بفرق وقولي ماقلت

والله يوفقج وماتمر هالسنه الا وانتي عروووووس يااااارب

والسنه اليايه ولدج بحظنج

 

[خالتي قموش]

اي والله نصيب وحظوظ
مو ع العمر

كان في فقر دم حاد قبل الزواج
قالتلي الدكتوره
اكلي كبده
وباذنجان
وتركي القهوه والشاي
وشربي عصير طازج
وكثري فواكه وخضروات
شربي ماي وايد
تقصف الشعر من نقص الحديد
وحتى الاظافر و الضعف
انا عرفت يوم قلتي ويهي اصفر
قتلج فيج فقر دم
اخذي كالسيوم
فيتامين دال
زنك
بي 12
وشربي حليب كامل الدسم
حتى بشرتج تتحسن

 

[قاهره عذالي]

اصلا حبوب الخميره ممتازه للشعر والاظافر والجلد
واذا اخذت حبه خميره بعد الوجبات او حبتين راح تسمن وتحسن عندها الشعر والبشره والاظافر
لان الخميره فيها مركبات فيتامين ب
وهم الحلبه سواء حبوب او تشربهم مع الحليب يحلون جسمها وخاصه وقت الدوره تشرب منهم
وهم المكسرات بعد

 

[رشــــة مطــــر]

فديت المزيــــــونة آنــا
اولآ ياعسل الثقـة مطلوبة لازم تعطين نفسك ثقة بكل شيء خليكي وآآثقـة
وعن الكشخات والاجسام أنتي تتعلمي شلون تتكشخين شلون تلبسين أهتمي أقرأي في الكتب طبي واختــاري من هالوصفــات وأهتمـي بجسمك ببشرتك بشعرك بمظهرك برزتك مثل ماتقوليــن خليكي أحسن منهم وش اللي ناقصــك عنهــم ومكملهــم كوني افضــل منهم !
شوفي الزيــن والحلا يبي له وحده تركض وراه ولا انحــاش منا >>> خخخخخخ
وعن الزوآآج ترى بدري ياقمر عمرك 20 ماشـاء الله عيشي يومك ليما يجيكي نصيبـك
وعســى الله يوفقك !!!
ودمتٌـٌـي بـٌود . . . رشـــة مطـــر

 

[A-b-c-]

مشكلتج جدا بسيطه وراح اقولج مثال انا اعرف وحده نفس حالتج ضعييييفه وبشرتها حييل تعبانه حبوب واثار وجسمها لونه مو موحد والله كانت اذا عندهم مناسبه تموت من البجي والقهر..
وياما نصحناها وما اقتنعت وكله حاطه ابالها انها جيكره بس للصبر حدود ويتني مره وقالت انا بفتح صفحه يديه بحياتي وابي اتغير واشيل هالسلبيه الي انا عايشه فيها وفعلا تغيرت اول شي راحت عند دكتور تغذيه وعطاها برنامج غذائي وماشاءالله متنت وصار جسمها عجيب وبشرتها راحت عالجتها عند الدكتور موسى جبر والكلف ولون جسمها خذتلها كورس تنظيفات عند وحده مغربيه تيلها البيت وسوت جسمها كله ليزر وشعرها سوتله كيراتين لانه اهو ينعم الشعر ويغذيه بنفس الوقت وماشاءالله تغيرت وصارت تينن والحين واثقه من نفسها ومرتاحه مشكلتج ماتنحل بانج قاعده وتندبين حظج لا روحي تحركي تعبي على نفسج عشان توصلين لشي الي تبينه..

 

[خالتي قموش]

انا بعد كنت ضعيفه
بس سمنت من حبوب الخميره
روعه
بس التزمي فيهم
مو يومين وخلاص

 

[* ليــــدي *]

إذا سمتني بتنحل مشاكلج وتزيد ثقتج بنفسج

 

[ســــوسو]

ما بقولج الجمال مو مهم لا مهم بس الأهم الي جمال الداخلي الي بس يعرفونج عدل بشفونج أهم من الجمال الجمال الخارجي يتعد ونتي بعد تقدري تكونين حلوهوأحلا منهم بعد وأهم شي الصحه والعلم

 

[ســــوسو]

وتقبلي مروري أمانه بنات دعولي بالخير "اللهم أصلح لي ديني الذي هو عصمة أمري، وأصلح لي دنياي التي فيها معاشي، وأصلح لي آخرتي التي فيها معادي، واجعل الحياة زيادة لي في كل خير، واجعل الموت راحة لي من كل شر"

 

[al-mazyona]

مشكورين بنات فديتكم مااقصرتوا

بنات طيب وشلون أعرف حبوب الخميره الأصليه ؤش لونها وكم سعرها وزبيب. كم مره في اليوم استخدمه ووش أحسسن طريقه أني إخمره

ولا أكل الزبيب كذا ، والحلبه أكلها قبل النوم يعني أحسسن ولا في الصباح ، وأنا بشرتي بس.سمراء ولونها مو موحد.بس ؤمافيها حبوب

ولاشيء بس أنها سمراء .. طيب بنات أنأ أبي يطلع لي جسم.يعني خصر وجسم رهيب والله يعطيكم ألف عافيه فديتكم ماقصرتوا

 

[قاهره عذالي]

اذا سمره ترا سهل التبييض ان شاء الله بس ارجع البيت احط لج ملف خلطات
هذي نعمه وجمال انه بشرتج صافيه

حبوب الخميره من الصيدليه ابلعي حبتين بعد كل وجبه

الحلبه مع الحليب تاخذين ملعقتين حلبه حب كبار وتحطينهم على النار مع كرتون حليب كامل الدسم ابو ربع لتر

وتخلينه على ناااااااار هااااااااااااااااااااااااااااديه حيل خفيفه بس يتسخن وتشوفين الحليب صار اصفر

اشخلي الحليب من الحلبه وحليه بسكر واشربيه ونااااامي


اما طريقة الزبيب كتبتها لج برد


نصيحتي تشترين حبوب اسمهم ملتي فيتامين فيهم كل المعادن والفيتامينات
وتكفي منهم حبه باليوم بعد الغدا او العشا تاخذينها


وطبعا ركزي ع المكسرات وعسل المكسرات اكلي منه قد ماتقدرين

 

[مفعمه بالحيويه]

الله يكلفي بنات عمج شر عيونج
اعوذ بالله شنو هالحجي اشكره كلامج حسد

تمني حق غيرج الخير علشان الله يوفقج
و اذا على موضوع الزواج لا تخافين الجياكر يتزوجون قبل الحلوين هالشي معروف لووووووووووول

اعوذ بالله من سم لسانج

البنت تشكي همها تصيح قلبي يعورها من نظرات الناس لهاا يشوفوها غريبه يقارنونها ببنات عمها بكلامهم ونظراتهم

وانتي تغثينهاا بكلامج

قولي كلمه طيبه والا اسكتي حتى ضحكتج مالها داعي

 

[مفعمه بالحيويه]

حبيبتي ولا تظايقين ولا شي يبي لج برنامج مكثف عنايه


بكتب لج نظام انا مشيت عليييه كنت ضعيفه وتغيرت 200 درجه


فيه حبوب الحلبه يبيعونها فمحلات (جي ان سي ) اخذي حبتين كل يوم واشربي بعده قلاص (حليب بودره كامل الدسم )

حاولي تشربين هالحلييب مرتين فاليوم ،

حبوب الحلبه بس حبتين لا تزيدين على كيفج

سوي سلطة خضره كل يوم مرتين مثل الخس الجرجير الخيار كل شي لونه اخضر

اشربي عصير وماي وايييييد التقصف ترى من جفاف الجسم

بالنسبه للشعر قريت انع زيت كيشور الهندي (الي طرف كرتونته فضي ) يوقف التساقط وينبت شعر

اكلى وجبات دسمه ،+ الفواكه كل يوم


امشي على هالنظام 6 شهور بتشوفين فرق كبييير


وبسسسسس ان شاء الله تكونين احلا بنت

 

[شباصـه فرنسيــه]

ماشاء الله البنات ماقصرووا .. بغيت اقولكك نصيحهه لاتقارنين احد فيكك قولي انا حلووه بس يبيلي عنايه
وع فكرهه دوم البنات اللي بس يذمون انفسهمم حلوات *_^ بس لو يثقوون بأنفسهم ..
وموفقهه ي رب

 

[* ليــــدي *]

في دكتوره قالت لي الخميره مجموعة بكتيريا ومع السنين تضر
وتسوي مشاكل بالجبد و المعده اخذي حبوب سيبروفيتا اول سبوع تنامين بس ممتازين

 

[الزورق222]

ليش تجبين طاري بنات عمك هذا حسد اذا الله خلقك اقل منهم بالجمال مو معناتها ناقصه وهم كاملين

بس باختصرها لك من الاخير الشينه حظها قايم ماهي مثل المزيونه العيون عليها والحسد ذابحها هذا الكلام من الواقع
مثل اللي متعلمه ومعاها شهاده الدين ذابحها والمسؤوليات كاسره ظهرها عكس اللي قاعده بالبيت والمصروف جايه
دنيا حظوظ الشينه تبي زين الزينه والزينه تقول عطيني من حظك

..>>>>>>> لا تزعلين من صراحتي ترا بيكون حظك احسن منهن

ههههههههههههههههههههههههههههههههههههههه عليج رد مو صاحى ..

لكل وحدة لها نصيب يااصبية لازم تثقين بنفسج وهذا المهم وياليت لاااتحسدين بنات عمج مو زين الحسد انتى اهتمى بنفسج ومالج دخل بالناس ..
شوفى ياحلوة اللى يتكلم عنج بوجهج سكتيه حتى لوقالوا عند عوبه هذا المفروض يصير صراحة بعض الناس ماتستحى ويبيلهم احد يقص السنتهم بوجيهم ويوقفون عند حدهم هم يحاولون يهدمون ثقتج انتى لاتعطينهم اى فرصه ..ومثل ماقالت اذا كنتى مؤمنة بقبحج سورى على اللفظ ترى البنت الموحلوة هى اللى ماشى سوقهاا والبنت الحلوة يامطلقة او معنسة وهذى الحقيقة ..ان شاءالله ماتكون صراحتى زعلتج بس انتى عرضتى مشكلتج واحنا نتناقش فيهااا ومو شرط يكون كلامى هو الصحيح لكن نقاش فقط وانتى شوفى اراءنا ولج الحكم ..

 

[شمعة مزاجيه]

الله يوفقك

 

[قطررة ندى]

معليش ياقلبي خلي ثقتك بنفسك قويه وبتشوفين الفرق

 

[dalo0oa121]

انا مشكلتي اشوف نظام غذائي بالمنتدى لكن مالي خلق

 

[al-mazyona]

اذا سمره ترا سهل التبييض ان شاء الله بس ارجع البيت احط لج ملف خلطات
هذي نعمه وجمال انه بشرتج صافيه

حبوب الخميره من الصيدليه ابلعي حبتين بعد كل وجبه

الحلبه مع الحليب تاخذين ملعقتين حلبه حب كبار وتحطينهم على النار مع كرتون حليب كامل الدسم ابو ربع لتر

وتخلينه على ناااااااار هااااااااااااااااااااااااااااديه حيل خفيفه بس يتسخن وتشوفين الحليب صار اصفر

اشخلي الحليب من الحلبه وحليه بسكر واشربيه ونااااامي


اما طريقة الزبيب كتبتها لج برد


نصيحتي تشترين حبوب اسمهم ملتي فيتامين فيهم كل المعادن والفيتامينات
وتكفي منهم حبه باليوم بعد الغدا او العشا تاخذينها


وطبعا ركزي ع المكسرات وعسل المكسرات اكلي منه قد ماتقدرين

مشكوووووووووووره فديتش ماقصرتي طيب ممكن تعطيني ماعليش امر خلطات زينه للبشره لتبييض واكووون شااكره لش فديتش وبدعي لش كل ماتذكرتش :eh_s(7):​