ام جديده استفساار

[عروس حزينه]

:eh_s(9):



الحمدلله ربي رزقني ببنيتي الله يحفظها لي :yaaaaaarb:
عمرها 5شهور متا تبدي تاكل

وهي تنام 10 بليل تقعد الصبح شسوي لها بليل اقعدها ابدل لها واعطيها حليب
:bbbiu:

والااذا بجت اعطيها
:eh_s(11):

احس مهملتها ومقصره فيها وهي وحيدتني:eh_s(16):
ام اول مره مااعرف شي
وشلون البامبرز اغير القياس اذا كبرت والحليب:yaaaaaarb:

ابي اصير ام سنعه
انا احس انها لعبه احبها والعب معاها بس:eh_s(11):

 

[دلع86]

الأكل ابدي عطيها نوع واحد من الخضار بس لمده ثلاث ايام وشوقي اذا ماتحسست منه ابدي خلطي معاه نوع ثاني وجربيه بعد لمده ثلاث ايام وجذي
وعطيها تمر منقوع
وعصير برتقال مخفف
اما الحليب علي حسب العمر تعطينها مكتوب على العلبة
والبامبرز حسب وزن بنتج تختارينه

 

[ام الحلوااات]

الأكل ابدي عطيها نوع واحد من الخضار بس لمده ثلاث ايام وشوقي اذا ماتحسست منه ابدي خلطي معاه نوع ثاني وجربيه بعد لمده ثلاث ايام وجذي
وعطيها تمر منقوع
وعصير برتقال مخفف
اما الحليب علي حسب العمر تعطينها مكتوب على العلبة
والبامبرز حسب وزن بنتج تختارينه

مــــا قـــصــــرتـــي :ggdw::ggdw:

بـــس الا فــــضـــــل مـــا تــــخــلــيــهــــا طـــووووول اللـــيــل نـــايــمــــه بــــدووون حـــلـــيـــب لازم تــرضــعـــيــهــــا بــعـــد نـــص اللـــيـــل حــتــــى لـــو مـــا تــبـــي

 

[miss_uk]

انا اشوف عدادي اتنام باليل دام اسم الله عليها ما قامت بس اول ماتقوم الصبح عطيها رضعه بعدين ريوق اليهال المطحون مع ماي او حليب

 

[mrs.perfect]

شوفي خلي رضعتها مع صلاة الفير
حتى لو ماقامت انا متأكده انها يوعانه
الاكل ملوبا عنده اكل خفيف عالمعده للياهل من عمر اربع شهور
وهم شوي خضار

 

[mrs.perfect]

وصج بخري بنتج اسم الله عليها
باسم الله ماشاءالله لا اله الا الله
في حريم سهاري مع عيالهم

 

[نور83]

الله يخليها لج ياربً وتشفوينهاً عروس بالعكس النوم المتواصل للبيبي في اليل وايد زين لا توكلينهاً الحين صبري عليها بعد شهر شهرين ولعبيً معاها بالعكس أحلى شي وعادي تحسين انج مهملتهاً هذا اكبر دليل انج وايد مهتمهً فيها بس لانجً ام اول مرة تحسين جذي. أنا دائماً احس أني مقتصرة مع بنوتي. بس عادي الله يخليهم لنا ياربً

 

[عروس حزينه]

مشكوووورين مااقصرتم حبيباااتي

استفدت منكم

ابي اعرف اخصص لها بجامه عند النوم وشلبسها بالبيت ؟؟

 

[انثى الكويت]

شوفي البامبرز انا استخدم ماركه ليبرو مكتوب الوزن عليه واقيسوزن بنتي بين فتره وفتره ولما اشوف وزنها اعرف شنو يناسبها اي رقم من الحفاض والحمدالله كل شي تمام

بنتج اسمله عليها طام تنام متواصل لا تقعدينها وتشربينها الا اذا بجت بليل عطيها بس حليبه اوكي وخليها تنام النوع غذاء لها زين

وبلشي وكليها الصبح بودر العيش والغدا خضار كوسا قرع بطاط وجور مع ذره ملح مو وايد وتهرسينه مع ماي الفوح نفسه

وبليل عطيها سيريلاك ولا بودر فواكه لا تعطينها الغراش الفواكه مو زينه كلها مواد حافظه اوكي

بليل اقصد الاحد الاقصى الساعه ٧

انا اتعامل مع بنتي بالساعات وهذا كلام الدكتور زيدي الساعات تزيدين الكميه ظظمثلا عمرها ٥ شهور تشرب من ٥-٦ ارقام حليب

انا بنتي تشرب ٥ ارقام مثلا كل اربع ساعات يعني ٦ بليلً اشربت ١٠ بليل موعد ؤضعتها

وكل ساعتين ابدل حفاضه خلصت اكل ابدل حفاضه وهكذا


ملابس البيت البسها التبان كله زراير افرول كامل الي اقصده هذا للبيت يدفي ريولها من هوا التكيييف

كل يوم بس اقعد من النوم ابدل ملابسها احط لها بودر بعد ما امسح من صوب ارقبتها واعطر ملابسها
وامشط شعرها
واحط لها صدريه يديده بعد ما رضعتها وبطلت لها

وجذي انتي سنعه وماحد يقدر يبطل حلجه عليج

 

[@سوسن@]

طيب مو الافضل نعطيهم سيرلاك مع الحليب قبل النوم عشان ما يجوعون بليل؟

 

[عروس حزينه]

ماقصرتوووو يالسنعاات تستفدت منكم الله يحفظ بيبياتكم يااارب

 

[mama-dodo]

بنتي بعمر بنتج
امي الحين قالتي اعطيها عصاير واكل
الاكل طازج اطحنه واسويه نفس الشوربه بس فيه شوية ثقل
و اعصر لها الفواكه واشربها
كل شي طازج
الاكل الي بالجمعيات العلب والاقراش
كله مواد حافظه مو زينه

الله يخليها لج

 

[Um Tuki]

عمرها 5شهور متا تبدي تاكل

تبتدي تاكل لما يصير عمرها 6 شهور ..

طبعا ابتدي معاها بأشيااءخفيفة .. مثلا حطي بسكوت فالحليب او سيريلاك و هالاشياء ..

وهي تنام 10 بليل تقعد الصبح شسوي لها بليل اقعدها ابدل لها واعطيها حليب
والااذا بجت اعطيها

مافضل انج تخربين رقادها .. لين قعدت سويلها حليب و بدليها ..

احس مهملتها ومقصره فيها وهي وحيدتني:eh_s(16):
ام اول مره مااعرف شي

لا حبيبتي مو مهملتها ان شاءا لله والدليل سؤالج .. و كلنا امهات اول مره هههه لكن تعلمنا من عيالنا و عيال اخوانا و خواتنا ..

وشلون البامبرز اغير القياس اذا كبرت والحليب

البامبرز على حسب وزنها .. مكتوب عالبامبرز من كم لي كم كيلو .. و كل ما حسيتي ظاج عليها اخذي رقم اكبر ..
في 1 و 2 و 3 و 4 و 4+ و 5


ربي يحفظها لج ..

 

[عروس حزينه]

ماقصرتي

جزاج الله الف خير