السلام عليكم
اولا احب اشكر صاحبة الموضوع على جهودها
ثانيا انا ودي اقرا سورة البقره بس كل ماابي اقراها اطلع بسالفه ياما يروح علي اليوم وانا ماقريتها ولا اطلع
او يصير عندي شغل وكل يوم اقول بكرا بقراها لكن للاسف مااقراها
لكن يوم شفت موضوعك بحاول اقراها خصوصا اني اليوم غسلت من الدورة اعزكم الله
ادعولي تكفون ان الله يفرج كربتي الله اعلم بحالي
وجزاكي الله خير
عليكم السلام ورحمة الله و بركاته ..
العفو حبيبتي .. وهالشي ان شاء الله في فايده للكل ..
حاولي انه لما تبين تقرينها نفس الوقت تقومين وتقرين لا تأجلين كلش
اي وقت حسيتي نفسج فاضيه ومافي شي يشغلج اقريها
ترا ماتاخذ وقت منج وايد حبيبتي حاولي كثر ما تقدرين
ودام انه محتاجه رحمة الله انه يفرج كربتج حطي في بالج انه هالسوره تركها حسره و اخذها بركه
لا تتركينها ابد
و نزلي الجدول اللي حاطينه و امشي عليه
و حاولي تستغفرين باليوم كثر ما تقدرين
اغلبنا مقررين انه نستغفر باليوم اقل شي 1000 مره
حاولي حبيبتي كثر ما تقدرين تشدين على نفسج
انا يتلي فتره كسلت
بس الحمد لله شديت على نفسي و صرت اقراها كل يوم
ولما اقراها احس براحه ما بعدها راحه
سبحان الله القرآن له اثر عظيم ما يعلم في الا ربنا
و احنا بالتجربه الحمد لله عرفنا اثره العظيم
جربي و ادعيلنا
منتي خسرانه شي من وقتج
بالعكس هالوقت اللي تستغرقين في قراءة القرآن بتلاقين من بعدها ربنا يباركلج في كل حياتج
و شوي شوي تتفتحلج كل الابواب اللي مسكره
والله يا بنات هالشي عن تجربه اقوله
مع انه ليلحين في شغلات في بالي ما صارت
لكن واثقه من قدرة ربي
و عارفه انه طول ما انا اتقربله بوقت الرخاء
راح يساعدني بوقت الشده
الله يوفقكم ان شاء الله و ينولكم مرادكم
شدي حيلج و احنا كلنا معاج نشجعج
وناطرين تقولينلنه شنو سويتي
