تزوجتي وانتي بعمر 30 وفوق..تعالي

[غراوي]

الله يرزقج ياقلبي وتلبسين الفستان الأبيض جريييب انا اعرف وايد تزوجو فوق الثلاثين كل شي بيده سبحانه ادعي واوقني الجواب

الله يجزاج خير

هذاك اول ياماما النرة تضيع بدون رجال الحين لا المرة تسوق تشتغل تقدر تشيل عمرها يعني الرجال زيادة عدد بس

اسمحيلي مايعجبني تفكيرج ربي ماخلق لي رحم عشان اخليه فاضي
وانا مابي الرجال عشان فلوسه وميوديني مشاويري ابيه عشان فطره فيني واذن فاهمتي

الله يرزقك ياقلبي ويكتب لك النصيب

انا مو باقي ع 30 الا كم شرطه وللحين ماتزوجت ادعي لي معاك
ربي يزوجنا ويستر علينا ونشيل عيالنا السنه الجايه << متلهفه بقوه والله
ربي اني لما انزلت لي من خير فقير

الله يرزقج ويرزقني بالزوج الصالح ويفرحنا

انا اعرف اثنين من قرايبنا توهم متزوجين واحد عمره 32 اعزب وتزوج وحده بنفس عمره 32 عزباء تصير بنت خالته

والثاني عمره 45 اعزب وتزوج وحده عمرها 40 عزباء

الله يوفقهم ان شاء الله ويرزق كل بنت بالزوج الصالح اللي يسعدها ويهنيها

اي هذا الكلام اللي ودي اسمعه

 

[غراوي]

بنات احساسنا والله نفس احساس المحرومه من العيال
اهيا عالاقل نص العمي عندها ربي عطاها الزوج وخذا منها العيال
احنا العمي كله لازوج ولاعيال
بس احنا لازوج نمارس الفطره معاه ولا ظهر نتكي عليه بعد عشر سنين قدام بعد مابي ياخذ امانت ابوي لان الاعمار بيد الله
محرومات من كلمة زوجه وكلمة ام
نبي الحلال ومانبي غيره

لاتحسبون اننا ماننجرح لما ندش عرس او نشوف بنات اصغر مننا بعشر سنين لابسه الطرحه
ومع هذا نقابل الكل ببتسامه وداخلنا صرخه ودموع
والله قلبي مغموت وموقادره اكمل

الامر بيد الله ادعوا لنا

 

[tofa7a34]

بنات احساسنا والله نفس احساس المحرومه من العيال
اهيا عالاقل نص العمي عندها ربي عطاها الزوج وخذا منها العيال
احنا العمي كله لازوج ولاعيال
بس احنا لازوج نمارس الفطره معاه ولا ظهر نتكي عليه بعد عشر سنين قدام بعد مابي ياخذ امانت ابوي لان الاعمار بيد الله
محرومات من كلمة زوجه وكلمة ام
نبي الحلال ومانبي غيره

لاتحسبون اننا ماننجرح لما ندش عرس او نشوف بنات اصغر مننا بعشر سنين لابسه الطرحه
ومع هذا نقابل الكل ببتسامه وداخلنا صرخه ودموع
والله قلبي مغموت وموقادره اكمل

الامر بيد الله ادعوا لنا

سبحان الله نفس شعوري واحساسي وخصوصا اذا كانت العروس انتي مربيتها وشايلتها بايدج وهي صغيره والحين اتشوفينها وهي عرووس

يارب يارب لاتكسر بخاطرنا وارزقنا يارب عاجلا غير اجلا

 

[فاطمة3]

انا اايد ان الوحدة تتزوج بالثلاثين احسن لاحقة علا الهم اذا تزوجتي مبجر شكلج يكبر بسرعة تصيرين ام عيال انا وحدة تزوجت عمري ثلاثين الي يشوفني يعطيني ستعش الحين وخلال سنة بصدرة صادر كبر شكلي بعد الخلفة وحنة الزوج والياهل بس ماكير حيل صار عمري ثلاثين شكليا مالي خلق اهتم بروحي مافي وقت

 

[السماء والارض]

اللهم إني أسلك بأنك أنت الله لا إله إلا أنت الاحد الصمد الذي لم تلد ولم تولد ولم يكن لك كفواً أحد أن ترزق من كتبت الموضوع ومن قرأته ومن علقت عليه وجميع من تريد الزواج بزوج ذا خلق ودين يقر بها عينها وتسعد به ويسعد بها أمين يارب العالمين ليس لنا رباً سواك نسألك أن لا تحرمنا من خير ماعندك بشر ماعندنا.
كثير من النساء تزوجن بعمر 30 لعل الله قضى أمراً فيه خير في التأخير بالزواج

 

[classicyah]

قبل كم شهر ، اتزوجت وحده عمرهـآ بالـ 40

و خذت شيخ الريـآييل ،

ماشاءالله تبارك الله ، الكل يحسدها على نصيبهـآ

و للعلم البنت جميله جداً ، مع انها بال 40 لكن موليه ما يبين عليها

ربي يسعدهـآ و يهنيهـآ يـآ رب . .

،

لا تفقدون الأمل

كل تأخيره و فيهـآ خيـره

و عليكم بالدعـآء و بالإستغفـآر و الصدقه و قيآم الليل . .

و الله يرزقكم جميعاً بالزوج الصـآلح و الذريـة الصـآلحـه . .

 

[الدانه 123]

عادي ترا الاجانب عندهم تفكر تتزوج بعد ال 35 بس هني اللي معقدين المره وعليه
الزواج ماله عمر معين ولا يعتمد على الجمال ولا حتى الاخلاق خخخ النصيب من الله وياما حلوات وملتزمات ماتزوجو

 

[بعد روحي]

البنت مهما اشتغلت ودرست وراحت ويات ،، بس تبقى تحتاج الريال بنهاية اليوم
مهما يكون إحنه بشر ، عندنه حاجة عاطفية وحاجة جنسية

آنه مطلقة من يوم عمري 20 سنة ،، وألحين عمري 22 سنة
وكل ماشفت وحه من رفيجاتي تزوجت ولا ان احملت
الله وكيلكم اظل ايام ابجي

:eh_s(2)::eh_s(2)::eh_s(2)::eh_s(2): ادعولي الله يعوضييييييييييييي :eh_s(2)::eh_s(2)::eh_s(2)::eh_s(2):
والله يرزقكم كلكم يا بنات بالزوج الصالح

 

[shy rose]

عندي ناس من اقاربي تزوجو فوق 30 ومبسوطين

 

[حلم ميت]

بنات احساسنا والله نفس احساس المحرومه من العيال
اهيا عالاقل نص العمي عندها ربي عطاها الزوج وخذا منها العيال
احنا العمي كله لازوج ولاعيال
بس احنا لازوج نمارس الفطره معاه ولا ظهر نتكي عليه بعد عشر سنين قدام بعد مابي ياخذ امانت ابوي لان الاعمار بيد الله
محرومات من كلمة زوجه وكلمة ام
نبي الحلال ومانبي غيره

لاتحسبون اننا ماننجرح لما ندش عرس او نشوف بنات اصغر مننا بعشر سنين لابسه الطرحه
ومع هذا نقابل الكل ببتسامه وداخلنا صرخه ودموع
والله قلبي مغموت وموقادره اكمل

الامر بيد الله ادعوا لنا

حاسة بشعورج وبكل كلمة كتبتيها لاني بالضبط كنت اعيش هالشعور بالذات اذا شفت الي اصغر مني متزوجه وانا باقي لي كم شخطة على الثلاثين
الى ان صارت لي تجربة وعتني من الي اعيشه
صدقيني اقول لها لج بكل قووة
عدم الزواج ارحم بوااااااجد من زواج فاشل صج ماتزوجت بس انخطبت من واحد مافيه شي مشترك بينا ومافيه تكافؤ همي كان اهرب من العنوسة ومابقى شي على الملجة كنت اجهز للحفلة والفستان من غير نفس كأني مغصوبة وبروح الموت برجولي والله كنت ابجي اذا قرب الموعد ونفسيتي تدهورت
ندمت على الايام الي كنت اتمنى ان اتزوج وضيعتها في الحزن
الحمد لله انسحبت من الخطبة قبل ماتورط ونفسيتي الحين مرتاحة
عرفت ان الله يدبر لنا الافضل وهو وحده العالم شنو الاحسن لنا

 

[hooryah q8]

الله يرزقج بالزوج الصالح ان شاء الله

 

[lovely life]

ادعولي بنات انا كمان انا بعد عمري 35 سنة وما اجاني شي مناسب صراحة ما ابي اتزوج لمجرد الزواج نفسه ابي اتزوج زواج مقتنعة فيه اقتناع تمام ليس لمجرد قول الناس ليش ما تزوجتي و تساؤولاتهم

الله يرزقنا جميعا الزوج الصالح يعرف ربه حق المعرفه

 

[فدوووو]

بنات احساسنا والله نفس احساس المحرومه من العيال
اهيا عالاقل نص العمي عندها ربي عطاها الزوج وخذا منها العيال
احنا العمي كله لازوج ولاعيال
بس احنا لازوج نمارس الفطره معاه ولا ظهر نتكي عليه بعد عشر سنين قدام بعد مابي ياخذ امانت ابوي لان الاعمار بيد الله
محرومات من كلمة زوجه وكلمة ام
نبي الحلال ومانبي غيره

لاتحسبون اننا ماننجرح لما ندش عرس او نشوف بنات اصغر مننا بعشر سنين لابسه الطرحه
ومع هذا نقابل الكل ببتسامه وداخلنا صرخه ودموع
والله قلبي مغموت وموقادره اكمل

الامر بيد الله ادعوا لنا

والله نفس احساسي قبل واقول ياربي وش العيب فيني لين وصل عمري 27 سنه

وارجع من الزواج ونفسيتي صفر من الضيقه والهم رغم ان امي وابوي مو مقصرين معي حييل

بس كان نفسي بالفستان الابيض واشيل بيبي بحضني

لدرجه صرت مااحب اروح للزواجات واذا ماجيت مناسبه او عزيمه قالوا لي مغرورة

صج كنت انخطب بس اردهم وبعضهم يروحون بدون رجعه

لين ابوي قال لي في واحد من القرايب بيخطبك انتي موافقه قلت ايه بعد الاستخاره وتوقعت بيروح ولاراح يرجع مثل غيره بس سبحان الله يوم صارت الملكه كان صابين فوقي مويا بارده

بس تدرين طلع فيني عين وحسد رغم اني عاديه جدا بس جذابه وشعري طوويل من الله


لاتياسين اختي وادعي ربك وبيرزقك ان شاء الله مثل مارزقني ورزق بناات كثثير اعرفهم تزوجوا بالثلاثين وبعمري بعد

 

[غراوي]

حاسة بشعورج وبكل كلمة كتبتيها لاني بالضبط كنت اعيش هالشعور بالذات اذا شفت الي اصغر مني متزوجه وانا باقي لي كم شخطة على الثلاثين
الى ان صارت لي تجربة وعتني من الي اعيشه
صدقيني اقول لها لج بكل قووة
عدم الزواج ارحم بوااااااجد من زواج فاشل صج ماتزوجت بس انخطبت من واحد مافيه شي مشترك بينا ومافيه تكافؤ همي كان اهرب من العنوسة ومابقى شي على الملجة كنت اجهز للحفلة والفستان من غير نفس كأني مغصوبة وبروح الموت برجولي والله كنت ابجي اذا قرب الموعد ونفسيتي تدهورت
ندمت على الايام الي كنت اتمنى ان اتزوج وضيعتها في الحزن
الحمد لله انسحبت من الخطبة قبل ماتورط ونفسيتي الحين *مرتاحة
عرفت ان الله يدبر لنا الافضل وهو وحده العالم شنو الاحسن لنا

الله يعوج يارب ويرزقنا كلنا بالازواج الصالحين

ادعولي بنات انا كمان انا بعد عمري 35 سنة وما اجاني شي مناسب صراحة ما ابي اتزوج لمجرد الزواج نفسه ابي اتزوج زواج مقتنعة فيه اقتناع تمام ليس لمجرد قول الناس ليش ما تزوجتي و تساؤولاتهم
*
الله يرزقنا جميعا الزوج الصالح يعرف ربه حق المعرفه

نفس تفكيري ماودي بسبب هالمره اني انجبر اوافق علي اي شخص بس عشان انحاش من العنوسه
ابي عالاقل رجال زين*

والله نفس احساسي قبل واقول ياربي وش العيب فيني لين وصل عمري 27 سنه

وارجع من الزواج ونفسيتي صفر من الضيقه والهم رغم ان امي وابوي مو مقصرين معي حييل*

بس كان نفسي بالفستان الابيض واشيل بيبي بحضني*

لدرجه صرت مااحب اروح للزواجات واذا ماجيت مناسبه او عزيمه قالوا لي مغرورة*

صج كنت انخطب بس اردهم وبعضهم يروحون بدون رجعه*

لين ابوي قال لي في واحد من القرايب بيخطبك انتي موافقه قلت ايه بعد الاستخاره وتوقعت بيروح ولاراح يرجع مثل غيره بس سبحان الله يوم صارت الملكه كان صابين فوقي مويا بارده*

بس تدرين طلع فيني عين وحسد رغم اني عاديه جدا بس جذابه وشعري طوويل من الله*


لاتياسين اختي وادعي ربك وبيرزقك ان شاء الله مثل مارزقني ورزق بناات كثثير اعرفهم تزوجوا بالثلاثين وبعمري بعد

الله يوفقج يارب
شلون عرفتي ان فيج عين وحسد

 

[غراوي]

عادي ترا الاجانب عندهم تفكر تتزوج بعد ال 35 بس هني اللي معقدين المره وعليه
الزواج ماله عمر معين ولا يعتمد على الجمال ولا حتى الاخلاق خخخ النصيب من الله وياما حلوات وملتزمات ماتزوجو

هذا انتي قلتيها الاجانب مو احنا
وكلامج صح وعدل وانا مو ضد حكمت الله

وتصدقيت لو يجيني اخوي بو 27 سنه بدور له مره صغيره مو كبيره لاسباب عده

يعني مالوم الناس علي تفكيرهم

الله كريم

 

[بولندية]

88
88
88
88

في رياييل اكبر منج ما تزوجو او مطلقين اذا بيدور على وحدة بيشوف وحدة كبيرة من طقته يعني مو صغيرة

و حبيبتي اذا تدعين ربج و انتي بهاليأس ماراح يعطيج اللي تبين لازم تتفائلين لا تقولين ما اقدر لان هالتفاؤل بيكون بينج وبين ربج و ربج كريم بيعطيج اللي تبين ان شاءالله

ادري العيشة صعبة وايد بدون زواج بس كثري استغفار تفائلي انا كنت ابي شي وتميت ادعي ربي سنة ونص وكل ما دعيت كل ماصار العكس

بس ما يأست كلش بالعكس كل ما اشوف ان دعائي يصير العكس يزيد تفائلي اصلا كنت استانس اذا صار العكس كنت اقول اكيد اختبار من ربي و استمريت بالدعاااء و لااستغفاااااار لما ربي استجاب لي بلحظة ما توقعتها كلش

صبري حبيبتي ادري صبرتي وايد بس ماعليه ماتدرين جان هذا اختبار من ربج يمكن ربج يحب يسمع صوتج بالدعاء علشان جذي زواجج متأخر

اعرف وحدة تزوجت 32 سنة و الحين عندها 4 بنات رفيجة امي تزوجت عمرها 40 صج وايد على الاربعين بالنسبة لج بس يمكن تتزوجين باجر و يمكن بعد دقيقة ماتدرين نصيبج وين

بالعكس روحي استقبالات روحي عروس تخيلي نفسج مكان المتزوجات حسسي نفسج انج متزوجة ترى هالاحساس حلو و يفيدج بعد لان هذا قانون الجذب و عـــــــــــــن تجربة انا قبل لا اتزوج كنت اشوف المتزوجة اللي حياتها حلوة ومستقرة احب اعرف عن حياتها شلون صايرة احب اشوفها مو حسد لآ لان احس الحياة حلوة اذا شفتهااا احس الدنيا للحين بخير

30 توج بزمانا هذا عادي مافيها شي بس حسب كل وحدة و طريقة حياتها شلون مملة ؟؟ ولا مستانسة بالحرية ؟؟

اشتركي بدورات طلعي مع رفيجاتج مع اهلج مع بنات عمج أي احد

ادري قرقت بس بصراحة وايد معورة قلبي

 

[حلم ميت]

ياحبيبتي غراوي مافيه بنت تبقى بلازواج لان ببساطة الزواج مثل الموت مكتوب على بني ادم >> خوش تشبيهه هههههه
الفرق ان فيه بنات يتزوجون مبجر وبنات يتزوجون متأخر
بنات يقبلون اول واحد يطق بابهم وبنات لهم شروط مايبون يتنازلون عنها
والا في النهاية الكل بيتزوج في العشرينات في الثلاثينات في الاربيعنيات
مافيه بنت تبقى بلازواج لااخر يوم في حياتها الانادر حيييييييييييييييييييييييل يمكن نسبة 2% فقط

 

[al-musk]

اعرف وحده عمرها 37 جمال وشهاده وغنى بس سبحان الله نصيبها ماجا وماكان أ؛د يخطبها وفجاة تزوجت واحد كبرها او اكبر منها بشوي وهم شهادة وولد عيله وخوش صبي..

ربج يأخر الخير لغاية عنده والدنيا كلها ابتلاءات وربج أعلم بالنيات مو كل شي احنا نبيه يكون خير

وانتي دايم ادعي ربي ارزقني الزوج الصالح المصلح والله يرزق كل الي مو متزوجات
وصدقيني كل تاخيرة فيها خيرة والحين الزمن مو مثل أول .. يعني العمر مو حيل شي أساسي

 

[فدوووو]

غراوي لاني رحت لشيخ يقرا علي لحالي

 

[Chay7aLeeB]

انا توني كملت 30 وتوني بديت انخطب بس مشكله تفكير الريال لي ياج جنه متفضل عليج الي يفرض شروط الدنيا كلها وانتي مالج شي على قولة رفيجاتي انتي بهالعمر لازم تتنازلين لي متى بتقعدين وموعاجبهم تفكيري .. الحمدالله موقاصرني شي عشان اتنازل عن كل حياتي عشانه واهو مايبي يغير لو شعره .. انا مو مع الي توافق على اي واحد بس عشان تفتك من البيت ومن كلام الناس لان الناس ماراح يفيدونج بحياتج بعدين والبيت حتى لو كثرت مشاكله بس بالنهايه اهلج يعني لي قبلتي اي ريال بتنتهي مشاكلج؟ مو يمكن تزيد وتعالي حززتها فججي مشاكل البيت والا الزوج والا حياتج الي عفستيها بتسرع منج عشان فلان قال وفلانه قالت

كل تأخيره فيها خيره حبيبتي ومحد ياخذ من هالدنيا غير نصيبه وانا نفس احساسج بس مو اذا رحت عرس لا اذا زرت والده لان من عمري 12 وانا ودي يكون عندي بيبي ماكنت مستوعبه ان قبلها لازم يكون في ريال بس الحمدالله على كل حال

لاتأيسين وان شاءالله ربي يرزقنا بالازواج الصالحين المصلين الصايمين القايمين الليل القارئين للقران واللي يخافون ربهم فينا عاجلا غير اجلا امين يارب العالمين

وانا دايما ادعي اذا لي خير بالزواج يارب تعجله واذا فيه شقى وزيادة هم يارب تبعده عني من الي اشوفه واسمعه حوالي هم الزواج صار يخوف

ادعي ربج باللي تبين وتتمنين وكثري قراءة القرآن وقيام الليل مع الاستغفار والصدقات وكوني على ثقة اذا مااخذتي الي تبينه بالدنيا ان شاءالله تاخذينه بالاخره والله يوفق الجميع بكل مايحبه رب العالمين ويرضاه

وياااااااارب ماتعدي هالسنه الا كل بنت مو متزوجه او منفصله متزوجه ومتهينه في بيت زوجها وكل متزوجه ربي يرزقها بالذرية الصالحه ويسخرها لزوجها ويسخر زوجها لها .. امين

ربي اني لما انزلت الي من خير فقير