اختكم من دبي في خدمتكم

[لؤلؤة دبي]

مشكوره لؤلؤة دبي ع رد 

العفو فديتج

 

[*عاشقه الورد*]

موضوعج عجييييب والله وااايد استفدنا منج

الله يعطيج العافيه حبيبتي :*

شهر 6 ان شاء الله بنحضر عرس بدبي في قاعه مينا السلام ...تقدرين تعطيني اسامي صالونات اللي تكون قريبه من القاعة يكون شغلها حلو وذرب شعر + مكياج !!!


واكون شاكره لج حياتي​

 

[brettey]

حبوبه ابي اسم المستشفيات الحكوميه بدبي للاحتياط انا معاي يهال اذا تردين عليي بالخاص جزاج الله خير لان اخاف ما اقدر ادش مره ثانيه
وعسى ربي ينولج مرادج

 

[زهور المحبة]

السلام عليكم

يالغالية بغيت اسئلج عن محطات المترو وشنو المولات والاماكن اللي يمر فيها

وهل فعلا يغني عن التكاسي

 

[لؤلؤة دبي]

موضوعج عجييييب والله وااايد استفدنا منج ​

الله يعطيج العافيه حبيبتي :*​

شهر 6 ان شاء الله بنحضر عرس بدبي في قاعه مينا السلام ...تقدرين تعطيني اسامي صالونات اللي تكون قريبه من القاعة يكون شغلها حلو وذرب شعر + مكياج !!!​

واكون شاكره لج حياتي​

حبيبتي اذا تبين شي بروفشينال عندج الاماراتيات ييون لين عندج وشغلهم ما يعلى عليه والحين اغلبية البنات والحريم يسوون الميكب والشعر للاعراس عند المواطنات وبعطيج اسماهم
(( نداء سعيد - خلود التميمي - نجلاء النعيمي - طيف -منال الشامسي -عايشه البحرينيه - ام شما- ريحانة - فرح - وفاء البحرينية - نادية ال علي -العاش - خولة اهلي - هناء - عائشة العوضي)) واذا بغيتي ارقامهم فالج طيب

واذا تبين صالون عندج صالون جراند فلورا وصالون شارم وصالون مورا وصالون ايمان - مركز عالم المكياج

 

[لؤلؤة دبي]

حبوبه ابي اسم المستشفيات الحكوميه بدبي للاحتياط انا معاي يهال اذا تردين عليي بالخاص جزاج الله خير لان اخاف ما اقدر ادش مره ثانيه
وعسى ربي ينولج مرادج

هلا اختي ما تشوفين شر ان شاء الله والمستشفيات الحكومية
مستشفى دبي
مستشفى لطيفة ( الوصل سابقا)
مستشفى راشد
مستشفى البراحة

وبكتب لج ع الخاص بعد فالج طيب ^^

 

[لؤلؤة دبي]

السلام عليكم

يالغالية بغيت اسئلج عن محطات المترو وشنو المولات والاماكن اللي يمر فيها

وهل فعلا يغني عن التكاسي

محطه الراشدية
مراكز التسوق : بن سوقات سنتر​

محطة دبي مول
مركز التسوق :دبي مول وبرج خليفة
( ملاحظة المحطة الي عند دبي مول شوي بعيدة تركبين الباص ويوصلج لين البوابة )
محطه ديره ستي سنتر
مراكز التسوق : مركز ديره ستي سنتر​

محطه الرقة
مراكز التسوق : مركز الغرير + مركز الريف​

محطه الاتحاد
مراكزالتسوق : السوق القديمه


محطه خالد بن الوليد
مراكز التسوق : برجمان​

محطة طيران الامارت ( شي باص يوصل الى مركز فاستفيال سيتي )​

محطه مول الامارات
مراكز التسوق : مول الامارات​

محطه ابن بطوطة
مراكز التسوق : ابن بطوطة

محطه مرسى دبي
مراكز التسوق : مركز المارينا + ممشى مرسى دبي + ممشى جميرا​

اختي اول ما تروحين اي محطه للمترو بتشوفين كتيبات صغيره بأسم دليلك المبسط لاستخدام المترو
وهذا اللينك مالهم بيفيدج واايد حبوبة
http://metro.rtaprojects.me/upload/MetroPocketBrochure2011_arb.pdf​

والتاكسي في دبي غالي ووكل مكان ممكن تسيرين بالمترو

 

[الشيخه فطامي]

حبيبتي لؤلؤة دبي بس حبيت اشكرج على جهودج او ردورج الطبيه

ماقصرتي يالغلا رايتج بيضه

انشاء الله انا عل الصيف رايحه دبي او ردودج بالموضوع كافيه او وافيه

 

[زهور المحبة]

ماقصرتي يا قلبي عساه بميزان حسناتج


ان شاء الله ناوية اروح 4 ايام
وودي اعرف الاماكن والمولات اللي يم بعض
لان التكاسي الله يسامحهم نصاااااابيييييين يقعد يفرفر فيج بس علشان ياخذ اكثر لهم سوابق معانا
فبغيت اعرف الاماكن اللي يم بعض علشان نتفاى مخاسير التكاسي ونصبهم وعلشان نكسب وقت لان الرحلة قصيره
شنو المولات للي يم بعض والاماكن السياحية

مثلا القرية العالمية شنو حولها

قرية البوم اللي يفر فيج شنو حوله

السوق الصيني شنو يمه

وجذي

كثرنا عليج الطلبات الله يعينج

وتسلمين يالغاليه

 

[لؤلؤة دبي]

ماقصرتي يا قلبي عساه بميزان حسناتج


ان شاء الله ناوية اروح 4 ايام
وودي اعرف الاماكن والمولات اللي يم بعض
لان التكاسي الله يسامحهم نصاااااابيييييين يقعد يفرفر فيج بس علشان ياخذ اكثر لهم سوابق معانا
فبغيت اعرف الاماكن اللي يم بعض علشان نتفاى مخاسير التكاسي ونصبهم وعلشان نكسب وقت لان الرحلة قصيره
شنو المولات للي يم بعض والاماكن السياحية

مثلا القرية العالمية شنو حولها

قرية البوم اللي يفر فيج شنو حوله

السوق الصيني شنو يمه

وجذي

كثرنا عليج الطلبات الله يعينج

وتسلمين يالغاليه

اختي القرية العالمين بتسكر خلاص تاريخ 31/3/2012 ​

سوق نايف وسوق عكاظ وسوق مرشد وسوق الذهب كلهم في منطقة اسمها ديرة قريبين من بعض
فاستفال سيتي ومردف سيتي سنتر قراب من بعض يعني مثلا تتغدوون في مردف وتتعشوون في فاستيفال سيتي
سوق التنين الدراقون ماركت واوت لت مول قراب تقريبا من بعض
دبي مول وفيه كيدزينيا مكان ممتع للصغار وبرج خليفة وسوق البحار والنافوره الراقصه يبدا العرض من اربع الي عشر كل عشرين دقيقه عرض وكلهم نفس المكان
مول الامارات وابن بطوطة ومركز الواحة على شارع الشيخ زايد ​

لامسي بلازا ومركز وافي وسوق الكرامة عند بعض ​

قرية البوم السياحية وحديقة الخور وحديقة وندرلاند عند بعض ​

مركز الغرير والريف مول موجود في شارع الرقة وهالشارع حيوي فيه عدد من المطاعم ​

مريكاتوا موجود في شارع جميرا وها الشارع بعد حيوي وفيه مطاعم وكافيهات ​

فندق اتلانتس وفيه حديقه مائيه ومطاعم واكواريوم ممكن تقضون فيه النهار كاملوبالليل ممكن تروحين جميرا او مرسى دبي ( ذا ووك)
وهاي الاماكن تقدرين تروحين بالمترو يعني بدلا من التاكسي
ورحلة سعيدة واي سوال فالج طيب حبيبتي ​

 

[زهور المحبة]

بيض الله وجهج
وجزاج الله مليووووووون خير

 

[دلوعة أبوهآ]

حبيبتي بغيت أسآلك عن آلسباحه مع الدلآفين ..! فيه مدرب صح ..؟
هو في اتلآنتس ..

بكم سعر آلشخص ...؟

متى أوقات الدوآم ..؟
يومياً فيه ..؟ وآلساعه كم


وكيف بخصوص الحجآب فيه مشآكل واحراج ولآ عادي ...؟

 

[لؤلؤة دبي]

حبيبتي لؤلؤة دبي بس حبيت اشكرج على جهودج او ردورج الطبيه

ماقصرتي يالغلا رايتج بيضه

انشاء الله انا عل الصيف رايحه دبي او ردودج بالموضوع كافيه او وافيه

مرحبا بج حبيبتي اي وقت في بلدج الثاني الامارات ^^

 

[لؤلؤة دبي]

حبيبتي بغيت أسآلك عن آلسباحه مع الدلآفين ..! فيه مدرب صح ..؟
هو في اتلآنتس ..

بكم سعر آلشخص ...؟

متى أوقات الدوآم ..؟
يومياً فيه ..؟ وآلساعه كم


وكيف بخصوص الحجآب فيه مشآكل واحراج ولآ عادي ...؟

حبيبتي اول شي نحن في دولة عربية مسلمة واكيد الحجاب عادي ومافي اي مشاكل ^^

اما في فندق اتلانتس شي السباحة مع الدلافين والتقاط الصور معهم وفي مدرب اكيد

والمدة نصف ساعة والاطفال تحت سنّ 12 سنة يجب أن يكونوا بمصاحبة شخص بالغ

تشمل تجارب الدلفين:
- إجراءات دخول/ تغيير ملابس لـ30 دقيقة
- تعليمات لـ15 دقيقة
- 30 دقيقة في المياه


اما الاسعار بالنسبة للكبار

890 درهم مغامرة الدلافين في أتلانتس والسباحة معهم

325 الجلوس لمدة 10 دقيقة على حافة المياه حول الدلافين وتكون قريباً منها بما يكفي للمس وتقبيل دون النزول إلى المياه

1450 درهم الغوص على عمق 3 متر في المياه، وسيوفر إطلالة متميزة على المخلوقات الجذابة.

175 جولة إرشادية خلف The Lost Chamber

للاستفسارات والحجوزات في Dolphin Bay
[email protected]

انا بنصحكم ادفعو بس 1300 ليله في اتلانتس

بدشوون الاكواريوم ببلاش و المدينه المائيه ببلاش ، بس حوض الدلافيين باسعار اقل عن الزوار العادين ​

 

[مزووون العذبه]

السلام عليكمم ..

الله يجزاج خيرر ابي محلات عبي راقيه وفيها موديلات وقصاات بس مايكون حيل غاالي يكون عادي ,,غير مركز الهيل جيته ماعجبني شي وغير المولات بعدددد ويعطيج العافييه

 

[الشيخه فطامي]

حبيبتي شرايج

ارماني برج خليفه

العنوان داون تاون

العنوان دبي مول

ارمادا

اي واحد؟

 

[لؤلؤة دبي]

السلام عليكمم ..

الله يجزاج خيرر ابي محلات عبي راقيه وفيها موديلات وقصاات بس مايكون حيل غاالي يكون عادي ,,غير مركز الهيل جيته ماعجبني شي وغير المولات بعدددد ويعطيج العافييه

روحي مدينة عجمان تبعد عن دبي حوالي ساعة ونصف الى ساعتين خلال الزحمة
بنايات الشيخ حميد للعبي... وعند سوق الذهب اسئلي اي حد وبيدلج عليهم ...
مجمع كبير للعبايات والشيل اكثر من 50 محل والاسعار حلووة ومناسبة جدا

 

[لؤلؤة دبي]

حبيبتي شرايج

ارماني برج خليفه

العنوان داون تاون

العنوان دبي مول

ارمادا

اي واحد؟

ارماني برج خليفه (( الشي المميز فيه هو الموقع في برج خليفة و استايل الفندق أرماني من حيث الديكور والأثاث ومطل على النافورة الراقصة ومطعم البوفيه Mediterraneo اكله لذيذ جداا وشي ارماني سبا بعد لمحبي الاستجمام والراحة ))


العنوان داون تاون ((روعه المنظر والجو العام وايد حلو موقعه حلو مقابل برج خليفه، على اليمين دبي مول تسيرين له في 5 دقايق وعلى اليساار سوق البحااار))



العنوان دبي مول(( متصل في دبي مول تنزلين من اللفت دايركت على المول ))


ارمادا ((شقق حلووة ونظيفة مطلة على النوافير الراقصة و برج خليفة))


كل الفنادق حلووة وراقية وانتي وذوقج حبوبة

 

[زهور المحبة]

صج ترا انا موجوده بدبي دار الحي
اليوم وصلنالها
علشان جذي سالتج عالقريه شاللي حوالينها

 

[حضن امى]

اختى الله يجزاج خير علي المجهود اللى تبذلينه لنا
حياتى انا مااقدر اروح عجمان
ابي عبايات حلوه ورخيصه ماتكون في ابن هيل
مافيه مجمعات بدبي تبيع العبي الرخيصه