حبيبتي بالأول أهم شغله ـ وحطي عشرين خط تحت كلمة أهم شغله ـ ان أي عناية ما تبين إلا بالاهتمام وانج تاخذينها عاده وشغله تستمرين عليها ..
بتكلم عن نفسي ومرتاحة للحين حتى أحس بالنتايج حلوه الحمدلله ..
1. ابتعدت عن المستحضرات والمكياج وقليل جدا احط خرابيط ع ويهي الا حزة المناسبات والزوارات ووقت ما دق براسي لول
2. يوميا الصبح أول ما أقعد للدوام وبعد ما اصلي لازم انظف ويهي بماي ورد
3. بعد عدة تجارب فاشلة مع كريمات ترطيب (سن بلوك) مع العلم إنها تكون من ماركات معروفه إلا إني من الاحظ ان بشرتي الحساسه ما ناسبتها سواء حبوب أو انه ثقيل عالبشره مارد استخدمة
4. بالنسبالي تناسبني الكريمات مالة الجمعية الخفيفة مثلا مرطب فازلين او سيباميد ومن هالنوعيه وايد خفاف وما حسسو بشرتي
5. صارلي شهر تقريبا ماخذه حبوب فيتامين تقوي البشرة والشعر والاظافر وكاني ملتزمة فيها ليمن اخلص الغرشه
6. قمت اشرب تقريبا كل يوم حلبه (احطه بماي مغلي ومن يبرد ازيده واحطه بالثلاجه واشرب قلاص صغير كل يوم + مرات احظ معاه ماي ورد)
7. في حال حسيت ان بشرتي بتحبب خاصه وقت الدورة ـ تقريبا بالاسبوع مره ـ امسح ويهي بماي لومي واخليه نص ساعه
8. تقريبا بالاسبوع مره احط ماسك الروب بويهي وايد أحبه
9. مادري اذا هالشغله تأثر بس مخلصه كذا جلسة ليزر
10 . اممممم احاول اتذكر اذا اسوي شي ! ، احم صح اغسل ويهي بغسول هيمالايا مره باليوم عقب ما ارد من دوامي ومرات ارد اغسل من ارجع من الكلية
هذا اللي اذكره للحين ، وهيه صح شريت اليوم رغوة بوندس لتجديد البشرة شي جذي نسيته ، بس ليما الحين ماجربته !
هذا بالنسبة للويه ، جذي تحسين اللستة طويلة بس تراها شغلات خلاص خذت عليها الحمدلله بالعكس استانس بالاهتمام تحسين بالانتعاش والتألق لول شدخل !....
(ملاحظة: لو بشرتج تجددت وصارت صافية ما تحتاجين لشي اسمه تبييض ، ومانصحج بكريمات التبييض بالعموم ، اهتمي بعنايتج واستمري عاللي تحسينه يناسبج لا أكثر + اهتمي بأكلج حبوبه واذا شاكه عندج نقص فيتامينات وغيره راجعي الدكتور وان شاء الله ما فيج الا العافية + ريحي نفسيتج وكثري ذكر الله)
وبس هيك ، ربي ينولج خير الدنيا والاخرة :eh_s(17): ..
