اللي خدامتها مرتبه وسنعه تتفضل لاهانت

[روح ملكية]

السلام عليكم ورحمة الله


بنات حبايبي اتمنى تساعدوني*

خدامتي توها واصله جديده وابي اعلمها من البدايه تعليم صحيح*
ابي تساعدوني خاصة اللي عندها خبره واللي خدامتها سنعه ومرتبه ابيكم تقولون لي شنو اهم القوانين والقواعد عن الغسيل والترتيب والنظافه *اللي احطها للخدامه عشان تمشي معاي صح*

لاتخلوني بنات عطوني نصايحكم ومن خبرتكم*
والله يجزيكم كل خير*

 

[حظ من عنده انا]

نفس حالتج

خدامتي جديده وماتعرررف تسسوي شي


وولادتي قررريبه الله يهون علي وعلي كل حامل

والله يعين بنفاسي لا ترفع ضغطي بغبائها

 

[روح ملكية]

رفع

 

[يازمان العجايب]

علميها طريقتج في العناية بنفسها ولبسها ويلون تكون نظيفه يعني وصيها تتسبح وتحط ديودرنت واشتريلها بودر او سبراي جسم
اخذيلها يونيفورمات ذربه لان أشوف ناس يهولون بلبس الخدم
عوديها تلبس سكارف أنا ماخذتلها علي لون ملابسها في البيت
بالطلعة ماتلبس
ماخذتلها تكرمين جودي ابيض واسود للطلعه

 

[يازمان العجايب]

نسيت بعد وصيها ماتدش لمن تستاذن يعني تطق الباب موتدز وتدرعم
الصوت ماحب اللي اناديها وترد علي من بعيد

 

[روح ملكية]

زمان العجاايب ماقصرتي الله يرزقج كل خير


بسوي كل اللي قلتيه

انا عندي شغلات واجد بعلمها بس تعرفين اللي حاايس وموعارفه شلون ابدي معاها خايفه لاتزهق من كثر قوانيني

 

[f@rsaq8]

اول الايام طلعي مايتها جان ياييه لشغل ولا هياته عاد مو تكرفينها كرااااف يعني شغليها لا تخلينها قاعدة خليها تقوم مبجر ايام دوامات والعطل ع 8 ختقوم وتبلش مساح وخمام وهسوالف من اول مادش شوفي اغراضها ليكون ياييبه شي مني مناك وقوليلها موبايل ماكو كل شهر ايبلج كرت تكلمين اهلج وسالفة اليونفورم خل تخلي جم واحد لطلعة ماتلبسة للبيت عشان ماينتلف من كراف

 

[روح ملكية]

اول الايام طلعي مايتها جان ياييه لشغل ولا هياته عاد مو تكرفينها كرااااف يعني شغليها لا تخلينها قاعدة خليها تقوم مبجر ايام دوامات والعطل ع 8 ختقوم وتبلش مساح وخمام وهسوالف من اول مادش شوفي اغراضها ليكون ياييبه شي مني مناك وقوليلها موبايل ماكو كل شهر ايبلج كرت تكلمين اهلج وسالفة اليونفورم خل تخلي جم واحد لطلعة ماتلبسة للبيت عشان ماينتلف من كراف

عدل كلامج وزين. انج نبهتيني مافي موبايل وماراح اكرفها عشان لاتنصدم


الله يجزاج خيير ويسهل امورج

 

[ناتشوو]

وبعد
جزاكم الله
خل نستفيد

 

[أدب عربي]

اب اب

 

[غزوى]

علميها شوي شوي لين تفهم

 

[الله كرريم]

علميها انه الملابس لما تنغسل وتنشف لازم تعطيهم اوتي ، وترتبهم وتحط كل شي بمكانه ، وعلميها تغسل ايدينها دايم بالصابون، علميها تكنس البيت بعدين. تمسك فوطه وتمسح الارضيه بماي ومعطر ، علميها اذا كنست تشيل الفرش والكراسي وتكنس اللي تحته مو تخليه مجمع وصخ ، علميها دايم تمسح الطاولات وماتخلي غبار باي مكان ، عامليها بالوسطيه لان فيه خدم اذا ضحكتيلهم مايحطون لج اعتبار وماراح تخاف منج ، انتبهي اذا ضاع شي من اغراضج اسألي عنه عشان يكون بمعلومها انج منتبهه لبيتج واغراضج ، وعلميها الادب وماتعلي صوتها وتطق الباب وماتتليقف ، واذا كلفتموهم فاعينوهم ..

واهم شي نظافتها ديدرنت وسبراي وتتسبح كل يوم *

 

[ناتشوو]

جزاج الله خير

الله كريم
عسى الله يرد ابوج بالسلامة

 

[الله كرريم]

ثااانكس ماسويت شي 

 

[أغلى حبيبه]

انا خدامتي ماصارلها اسبوعين عندي

ابد مثل اليهال اول اسبوع

رحت شريت لها ادوات النظافه وعلمتها عليهم

يعني كل يوم قبل لا تنام اقولها يلا وين الفرشه المعجون والصابون والملابس عشان تتسبح قبل النوم

اول اسبوع كانت اطنش بعض الايام من اشوفها بتروح تنام اقولها وين هذا وهذا يلا دشي الحمام والحمدالله الحين ماقام تنسى

وملابسها على طول اتغسلهم ماتكودهم

واكل بالدار مافي بس بلمطبخ

واذا دشت المطبخ تشتغل تلبس الصدريه النايلون وتلف شعرها بالسكارف

وملابس الطلعه غير عن ملابس البيت وهم تكرمين الجوتي

واذا ريلي مو موجود بالبيت عادي تقعد بالصاله مع اليهال بس اذا ييه تروح غرفتها

هذا اللي اذكره واذا تبين بعد شي معيين بالتنظيف والترتيب قوليلي

 

[ناتشوو]

جزاج الله خير
اغلى حبيبة

سوال للجميع
متى غسل الملابس
اشلون تنظيم الشغل
بمعنى اول ماتقعد شنو اول شغل تسويه؟


والبنات اللي مافي مجال يحطون لها غساله خاصة
بسبة المكان
تخلونها تغسل ملابسها بيدها
ولا بغسالتكم؟

اشلون ع التلفون
اذا عطيتوها واحد
معاها دايما ولا حزة راحتها ولا اشلون؟

 

[looksh]

اول شي مبروك الخدامه
وثانيا الله يثبتها لج وانشاءالله تكون زينه


اهم قواعد للتعليم الخدامه:
1) النظافه لاتقولين حرام واجد عليها علميها بالمعقول ان كل يوم تمسح سيراميك وكل يوم تغسل ملابس مو يوم وترك

2) الادب والاحترام تطق الباب وتناديج مدام مو ماما وماتعلي صوتها على عيالج ولاتصايح من بعيد

3) علميها على ترتيب والكشخه تقوم تسبح وتنظف وتلبس ينوفورمات وحتى عيالج لما يقومون من نوم تغسل لهم وتبدل لهم

واتمنى ان اكون افدتج

 

[** رش رش **]

خوووش موضوع
كملو بنات لا توقفون خل نستفيد

 

[ام عزيزان]

الاشغال اليوميه:

1-تنظيف الحمامات
2-تنظيف الاثاث
3-كنس الارضيه ومسحها
4-كنس ومسح الدرج والمساحات الخارجيه
5-ترتيب الغرف وتنظيفها
6-مسح ارضية المطبخ وترتيبه بعد كل وجبه
7-غسيل اي فوط استعملت في التنظيف
8-الكوي



الاشغال الاسبوعيه او كل 10 ايام:

1-تنظيف الثلاجه عامه والي تحتها
2-ترتيب دواليب الملابس
3-تغيير مفارش اسرة غرف النوم
4-مسح الدرابزين
5-تنظيف درج المنظفات عادة يكون تحت مغسلة المطبخ
6-الفرن كامل
7-غسل سطول الزباله
8-تغيير وغسل خداديات غرفة المعيشه



الاشغال الشهريه:

1-النوافذ والمكيفات
2-الابواب والجدران والافياش
3-السطح
4-العاب الاولاد
5-تنظيف الطبخ كامل
6-الفريزر
7-تنظيف علب البهارات والسكر والشاي بالكلوركس
8-اللمبات
9-غرفة التخزين
10-غرفة الخادمه


وزيدي ونقصي ورتبي حسب الاعمال اللي عندج

 

[ناتشوو]

ماشالله ام عزيز يعطيج العافية