علموني اسب اشتم .......... ترا ماعرف

[ريووومي]

السلام عليكم بنات
شخباركم جمييييييعا؟؟؟؟؟؟؟؟
بنات انا مو متعوده عالسب والشتم والاستهزاء ابدا ابدا
المشكله اشتغل مع وحده cheap بمعنى الكلمه
من بديت اشتغل معاها ولاني حليوة واحب الضحك وادخل مع الناس بسرعه بدت الميانه بيننا تطيح المهم اعاملها بادب وباهتمام لانها مساعدتي بس كل مالها تتجرا علي من فتره امسكوها الاداره لفت نظر والذي منه لانها مب قايمه بشغلها بدت تتعدل وانا تغيرت صارت علاقتنا من بعيد لبعيد هي ماتقوم بشغلها عادي واهمال واستهتار عادي وطبيعي بس حد يشد عليها بخصوص الشغل ع طول تكشر وتزعل تبي دلع واستهتار
المهم انا الحين اعرفها من بداية السنه والله ياجماعه مايفيد فيها الحشيمه ولا الادب كلششششششششش ينفع معاها الزف والتهزيء
تخيلوا وصل الوضع بيننا انها تستهزء فيني جدام ربعها اذا مريت من جدامهم!!!!!!!!
تخيلوا من كم يوم كنت اكح اكح الا تقول ........ غيروا السجاير وتكح وتكح وضحك
ومره انا معديه مسويه شعري كيرلي تقول ام السعف والليف !!!!!!!!!!!
تخيلوووووووووووون بنات والله منصدمه منصدمه في فهالزمن اسلوب جذيه واطي انا ولله الحمد ماعلي قاصر رشاقه وبياض ومملوحه والف الحمدلله عالنعمه ينقال لي هالكلام!!!! ماصدق
وانا امشي تطنز ع مشيتي ع صوت الكعب غيره ...
تخيلوا اكتشفت انها اذا اتكلم مع حد توقف وراي تسوي حرركات بوجهها وشفايفها من وراي تتخيلون !!!!!!
اللاسف والله مب قصدي اعيب ع خلقة الله ترا هي عمرها 24 ووزنها فوق ال100 وتسوي ريجيم من اول السنه يمكن نزلت 1 كيلو او 2 بسسسسسسس
الحمدلله الذي عافانا شعرها شيه قرعه والله يابنات وتلبس نظاره كلششششششش ماتناسبها بس عمري ماعيبت عليها لان هاي خلقة الله سبحان وتعالى
والله اول ماجات الشغل ماشاء تليس بناطلين وهي متينه ومن ورى موطبيعي حجم جسمها متن متن مو طبيعي والكل يعيب عليها شلون هاي جسمها وتلبس بناطلين وبكل ثقه وتخيلوا كنت ادافع عنها واقول حرام بس شكلها طيبه!!!!!!!!!
طلعت انا اللي طيبه ومدمغه بعد...
بنات هي مسويه شله وبالفيت هي رئيست الشله ومن النوع اللي ضحك تضرب ربعها وتهزاهم وتشيل شعريدها بالموس تحب تبين انها خشنه او مسترجله ومن هالحركات
طبعا انا مارح اسكت اكثر
بس والله والله ماعرف اسب واهزء
ممكن تعلموني :bbbiu::bbbiu:
او عالاقل شاسوي؟؟؟؟؟؟؟؟ اكيد بواجهها النيه موجوده بس والله ماعرف اسب واشتم مب متعوده
عموما فديتكم لاتنسوني بالنصايح يابعدي
ومشكورين مقدما ادري مب مقصرين

 

[Tom ♥ Jerry]

.

الواهي الي بقلبها مبين .. مبين ميته من الغيره منج
بالعكس حريها اكثر انتي و سكتي عنها
و طنننننننشششيها هالنوع من الناس يموتون ليه حقرتيهم
انا اعرف نوعيتها ..
لا تعتقدين انج ضعيفه لو سمعتي و سكتتي
لا بالعكس راح تخلينها تاكل بعمرها .،

" الحقران يقطع المصران "

 

[دلوعة أبوهآ]

طنشي .. ولآتردي عليهآ
خليهآ تنبح بكيفهآ ..!



وبالعكس آلمفروض تزيد ثقتك بنفسك من كلآمهآ

 

[ارجوانه كوول]

والله خلتينى اعصب اشلون مستحمله

بصراحة لو انا بمكانج ما راح استحمل

بس اقولج خليها تولى اهى من حرتها

قاعدة تسوى حركات

 

[لمى الهاجري]

المسلسلات ما تقصر لووول

 

[* ليــــدي *]

غيرآنه منج ..
كل مآتحقرينهآ وتبتسمين بوجهآ اذآ سبت رآح تموووت حرهـ

 

[جنون العاطفه]

ريحي راسج وانتقلي ..

اريح بكثير اذا مالج نفس
لان ماراح تتعب مبين شخصيتها مريضه ​

 

[المسكـ]

بكل برود قلوليلها روحي طالعي نفسج عدل بالمنظره قبل لاتعيبين عالرايح والراد وامشي وعطيها ظهرج والله راح تفلفل وماله داعي السب ولا الغلط مبين انها محترررررررررررررره منج

 

[سفييره الكويت]

اذا قعدت تعيب وتسب وتلعن قومي تمشي روحي اي مكان بعدين ردي لا تقعدين عندها حطي معاج قران بالمكتب اذا فضيتي اقري قران

خلج مستمعه باختصار قزريها وطلعي ..


ومانصحج تطنزين عليها مثل ما نسمح لصاحبتج تسب وتطنز مانسمح لج انتي تبادلين الاساءه بالاساءه لانه هذا بيزيد الوضع سوء



ماراح يحل المشكله اضافه انه بيزيد الحقد بقلبها وبتتعبين قلبج معاها..!



يقول الله تعالى : " يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ "

والحل معاها هو

(وَإِذَا خَاطَبَهُمُ الْجَاهِلُونَ قَالُوا سَلاماً)

 

[Uou0Uo]

حبيبتي حسيت من كلامك انها عفوية وتمون بقوة ماحسيت انها غيرانة ومن هالسوالف لاتسوين مثلها ابد كلميها ع جنب بهدوء وقولي لها اني ماحب هالاسلوب صح احنا خوات واكثر بس مااحب تسوين هالسوالف وقولي لها لو مااحبك واحترمك كان تكلمت قدام البنات بس لانك طيبة واللي تسوينة اكيد لانك تمونين صدقيني بتخجل من نفسها لانها شافت انك تستحقين الاحترام ومن بعدة خليك رسمييييييييية سلام وعليكم السلام لااقل ولااكثر

 

[خالتي قموش]

كانت معاي في الكليه وحده جذي
تتعمد تطلع فيني عذروب باي طريقه
انا ما ابين اني مضايقه
بلعكس واثقه من نفسي و الناس تعرفني انا شنو وهي شنو
وعلى فكره هي قاعده تهزء نفسها هي مو انتي
عطيها اكبر طاف
لان ما يعيب الا المعيوب والمقهور

وعلى فكره هي فيها نقص بشخصيتها وتحاول تعوضه بانها تنقص من شخصيتج و شكلج
وايد مرو علي جذي
الانسان السوي ما يسوي جذي
لا تنزلين لمستواها ابد
قلبتي علي المواجع

 

[لعشقي روآيه]

حبيبتي بقولك مقوله واعتمديها ..

وإذا أتتك مذمه من ناقص ..
فهي الشهاده لك بأنك كامل..

طنشي وأنا أختك وماعليك منها..
ولآتحرين نفسك عشانها..

 

[أم علي المندوبة]

بكل برود قلوليلها روحي طالعي نفسج عدل بالمنظره قبل لاتعيبين عالرايح والراد وامشي وعطيها ظهرج والله راح تفلفل وماله داعي السب ولا الغلط مبين انها محترررررررررررررره منج

رايي من رايها، ما راح تسكت الا لما تحرجينها و اذا ما يازت عنج اشتكي عليها

 

[غـرامـي أنـت]

من رايي طنشيها اسفهيهها

 

[Fatn]

ياكثررهم ها النوعيه
انا احس ها الشيء يعتمد على التربيه وكل واحد وكيف تربى
طنشي ولا تخلينها تحرك ابد
با العكس اذا تطنزت طالعيها بكل ثقه واضحكي
خليها تشوف قد ايش عقلها صغيير
وبا النهايه القافله تسيير والكلاب تنبح

 

[ام الدرر]

حبوبة حديث الرسول صلى الله عليه وسلم
((ليس المؤمن بالطعان ولا اللعان ولا الفاحش ولا البذئ))
ترفعي ياقلبي عنها
من اسلوبها هذي لو رديتي عليها بسب او شتم
بترد عليج باسلوب اكثر سوقيه وقلة ادب ​

 

[روانتي 12]

حبيبتي خليج مثل ما انتي ترفعي عنها ولا تردين عليها خليها تقول الي تقوله ويكون بعلمج كل ماسبت او حشت عنج وانتي ماتدرين اعرفي انها اخذت سيئاتج وانتي اخذتي حسناتها

 

[ســــوسو]

يبا كل واحد يسوي بصله وأنتي أصلج طيبلاتتتعلمين منها الشام وتنزلين مستواها علميها أنتيالأصل وخليتنقهر وتصير مستواج لالأخلاق الطيب والله يهديكم وهديكمم

 

[ســــوسو]

يبا كل واحد يسوي بصله ووأنتي أصلج طيب لا تتعلمين منها الشتايم وتنزلين مستواها أنتي علميها شلون شلون توصل مستواج والله يهديكم وهديكم. £
رَبَّنا وَلَكَ الحَمْدُ، حَمْداً كَثيراً طَيِّباً مُبارَكاً فيه

 

[اميره1980]

اذا سبيتيها نزلتي لمستواها
الحل مو انج تتعلمين السب و تسبين و راح تصير عندج عاده و تكون هي اللي غلبتج و بسببها تعلمتي قله الادب خليج عالية و محترمة


هالاشكال خليها تنابح على روحها و حقريها و تجنبيها و مبين ان عندها نقص و محترة و على فكرة ترا الكل من تحت لي تحت يضحك عليها لانها بويه و لسانها طويل ترا الشمس ما يغطيها منخل

موووووووووووووووووفقة