أخوي شاب راسنا واحنا ندور له

[long time]

هلا ^^

بنات أخباركم ؟ ؟

الله يسلمكم انا عندي اخو عمره 31 ندور له عرووس من زماان اهو يفصل من شغله ويرجع علشان كدا ننقطع + هو مو دارس عنده ابتدائي
واحنا ودنا في عروسه مشرفه وحلوه بس مانلاقي

وانا لقيت وحده عمرها 27 لكن امي تقول كبيره انتو شرايكم ؟ ؟

 

[Tom ♥ Jerry]

.


27 مناسبه له ..
الله يعينكم و تلقون له الزوجه الصالحه يارب

 

[غداً القاك]

بالعكس مناسبه وقريبه من عمره
وبالنهايه استخيروا الاستخاره اهم شي
ربي يوفقه يارب وتفرحون فيه

 

[عسل سل]

فهمي امج انه مو معقوله تزوجونه وحده عمرها 22 او صغيره لانه بالثلااثين مو معقووله يتشرط خصوصن انه ابتدائي يعني امج الله يهداها فهميها هالنقطه

 

[zgrtya]

انا اشوف انها مناسبه لعمره

لأن اخوج أساساً كبير

و مو صغير عشآن تدورون له وحده صغيره !

و بعدين اخيتي العمر مو ضروري

أهم شي التفاهم بينهم

و الانسجام كذلك !!

 

[english muffin]

فهمي امج انه مو معقوله تزوجونه وحده عمرها 22 او صغيره لانه بالثلااثين مو معقووله يتشرط خصوصن انه ابتدائي يعني امج الله يهداها فهميها هالنقطه

نفس الراي :eh_s(15):

 

[قاهره عذالي]

لا 27 و28 و29 وة30
مناسب له
لو كبره عادي
اخوج مو صغير
تعدى الثلاثين

 

[حلوه بس هبله]

يمكن امج تبي له صغيره تدلعه ويمكن تبيها صغيره عشان تشبع فيها قبل لا تكبر وتحس ان مرت ولدها كبرت بسرعه وتبي لاخوج وحده تدلعه وترجعه كم سنه لورا و يمكن هو قايلها بينه وبينها هالشي او لمح ترا الحين الشباب يبون الصغيره عشان الدلع وعشان تحسسه انه لسه صغير فهمتي علي ؟! ( بصراحه هذا من توقعاتي الخورافيه ههههه لا تهاوشوني ) ، الله يوفقج حبيبتي وتلاقون له بنت الحلال الي تسعده

 

[بطوووطة$بيضة]

الحين اللي عمرهم اربعين سنه جنهم عشرين سنه من كثر المحورف ابعمرهم

انا عمري ٢٦وجني ام اعيال

اذا بنت ناس توكلوا على الله خاصة ان اخوج مافيه مميزات وايد صراحة

 

[معلمة شيسمونه]

طبعا ما ازيد على كلام البنات اللي كتبوا قبلي

بس انا كبنت رغم انه عمري 25 الا انه لو بيجيني اخوج ما بوافق --------- ترى انا متزوجه بس اضرب مثل

لانه بصراحه ومن غير ماتزعلين الشهاده اهم شي الحين واللي ما عنده شهاده غير مرغوب لو كان اخلاق وطيب

يعني لو البنت ام 27 وافقت قوولوا الحمدالله خاصه ان كانت بنت ناس وزينه

هالشي لازم اخوج يفهمه ويعرفه وهم امج تفهم هالشي .. لا تحسب انه الناس نفس اول اهم شي الريال

اقولج شي من غير مبالغه انا ما رضيت اتزوج الا جامعي نفسي !!
فما بالج بتفكير باقي البنات ..

لو كانت البنت بنفس عمره هم عادي

ترى انتهى زمن الريال ما يعيبه شي ؟؟ وانه لازم ياخذ صغيره
ودامه هو تاخر بالزواج لازم يعرف انه مو كل شي يبقى على حاله واختياراته اللي كانت قبل بباله لازم تتغير .


اتمنى ما تكونين زعلتي من صراحتي .. بس والله قلت لج هالكلام من قلبي ​

 

[روانتي 12]

مناسب عمرها بنسبه لعمر اخوج
فهمي امج ان اخوج مو صغير عشان ياخذ وحده صغيره

 

[hend6363]

طبعا ما ازيد على كلام البنات اللي كتبوا قبلي ​

بس انا كبنت رغم انه عمري 25 الا انه لو بيجيني اخوج ما بوافق --------- ترى انا متزوجه بس اضرب مثل ​

لانه بصراحه ومن غير ماتزعلين الشهاده اهم شي الحين واللي ما عنده شهاده غير مرغوب لو كان اخلاق وطيب​

يعني لو البنت ام 27 وافقت قوولوا الحمدالله خاصه ان كانت بنت ناس وزينه ​

هالشي لازم اخوج يفهمه ويعرفه وهم امج تفهم هالشي .. لا تحسب انه الناس نفس اول اهم شي الريال​

اقولج شي من غير مبالغه انا ما رضيت اتزوج الا جامعي نفسي !!
فما بالج بتفكير باقي البنات .. ​

لو كانت البنت بنفس عمره هم عادي ​

ترى انتهى زمن الريال ما يعيبه شي ؟؟ وانه لازم ياخذ صغيره
ودامه هو تاخر بالزواج لازم يعرف انه مو كل شي يبقى على حاله واختياراته اللي كانت قبل بباله لازم تتغير .​

اتمنى ما تكونين زعلتي من صراحتي .. بس والله قلت لج هالكلام من قلبي ​

ب الضبط نفس الي بقوووول

 

[خالتي قموش]

27 مو كبيره و تعرف تدلع و تكشخ
ماكو كبيره الحين
الحين عيايز تشببو
اهم شي انها بنت حلال و اخلاقها محترمه
واسفه بس اخوج مو دارس الثانويه حتى
اسفه بس الحين البنت تبي واحد متعلم ومثقف

 

[Uou0Uo]

حبيبتي لازم اخوك يلتزم بشغلة ع الاقل ولا لو استمر ع هالحال لاتزوجونة واقنعوة يدرس ع الاقل ليلي والعمر اهم شي يكون قريب من بعض علشان التفكير يكون قريب صعبة ياخذ صغيرة والاستخارة اهم شي ولازم يفهم انها مسؤولية لانة موصدق بيتزوج وهو كل شوي فاصل منىشغلة

 

[غـرامـي أنـت]

بالعكس مناسبه لعمره حيييل

 

[عويتقة]

اي كبيرة الله يهديك هي مناسبة له جدا جدا جدا والله يهنيهم

 

[تواضع انثى]

انتي اهم شي خلي اخوك يستخير قبل لا يتقدم للبنيه وبعدين لو الولد عمله راقي وراتبه مقبوول

والاخ اخلاق ودين اتوقع كذا يكفي تدرين ان صديقة امي زوجها بس معاه ابتدائي والحين شوفوا شكثر عمايره ووين مسكنهم

في احسن مايكون وعايشين عيشه ماشالله تبارك الرحمن يعني ترا اسمه متعلم مو امي مدري هاذي تنقال للرجال بعد

وبعدين احس الحين الي ماخذ شهادة جامعيه مفهي حاله زي حال الي ماتعلم ابد مادري ذا رايي

 

[كلي -حنية]

صغيره هو كبير

 

[_كلي دلع_]

ليش عمرها مناسب له ..

وفهمي امج ان اخوج ككبير بالثلاثين مو بالعشرين علشان اتزوجونه بنات صغار ..

والله يكتب الي فيه الخير ..^

 

[ام الدرر]

حبوبة قبل ما تزوجونه
المفروض تحسون انه جاد ويتحمل مسؤوليه
زوجتوه ورجع فصل من شغله
شتسوون ​