معرض العطور و التجميل 2012 فيدونا بمشترواتكم

[Tom ♥ Jerry]

و اللي يحبون المكياج

فيه عروض حلوة
و مجموعات حاطينها بجيس و امخفضين سعرها
تشمل مكياج و عطورات و كريمات

يعني تختارين الجيس اللي يناسبج​

.


حبيبتي هاذا وين اي بوث مادري اي محل :eh_s(22):
عجبتني الفكره وايد :eh_s(7):

 

[gado0ora]

حنان دشتي مسويه عرض على الشدوات 4 ب 10 دنانير واااااايد حلوين ومسويه على الكوباكت 2 ب 10 والحمر 3 ب 10

انصحكم بالشدوات والحمر

 

[بدوية بملامح كشميرية 86]

هاليومين بروحله


ناقصني عطور ومكياج ولوشنات

ولي عوووده بمشترياتي

 

[! Miss.Q8 !]

شريت شدوات من غيرلاين عليهم خصم 50% وعطر بس ما عليه خصم
شريت من لانكوم كريمات عناية سيروم وكريم الليل والنهار وكريم العين عليهم خصم 10% بس
شريت من مكياجي كحل سلفر كان عاجبني وشريت بلشر من كوليستر من الكولكشن اليديد
وخذيت حمر من نوبا اللونغ لاستينغ وخذيت من جفنشي قلوسات على 2ونص وكنت ابي البيس بس خالص
وشريت اسفنج وبرايه من المنصور

 

[أحلى من الخيال]

.


حبيبتي هاذا وين اي بوث مادري اي محل :eh_s(22):
عجبتني الفكره وايد :eh_s(7):

باجر الصبج بروح و أجيك لج على اسم المحل
بس الأكيد إنه أهو بنص صاله 6 :eh_s(17):

 

[ذات الهمة العالية]

.

عاد تدرون ما احب اروح هالمعارض من المندوبات الي فيه
الي يلزقون و بصي كده و بصي كده

وييععععععع ودج تصرخين بويهها
يببببببه بس يرحم امج و الله اشوف عندي عيون
لو ابي استفسار عن شي راح اقولج !!!!
صج صج ينرفزون
جم مره اطلع من محلات و السبه اني اتنرفز بالمحل

ههههه أنا دخلت داخل ويهى ما صرت اشوف - هههه واقول شفينى ما اشوف وهى داخل بويهى :bbbiu:ههههههههههههههههههههههههههههههههههههههه الحمد الله الذى عافانى ممن ابتلاها به ربى الله يهدينا ويهديهم

 

[luuluuu]

بناااات شرايكم بكريم حنان دشتي؟؟؟
انا ودي بكريم ثقييل حق الحفلات وجذي بغير عن كريولاين شوي
وودي اجرب كريمها بس باااخذ راااااايكم، شراااااايكم؟

 

[كلي فرح]

السلام عليكم
يعطيكم العافية بنات
انا بروح نهاية الاسبوع باذن الله
بس حبيت
أسأل الجزيرة للعطور نازل
ومحل انفاسك دخون اللي بالمارات نازل بعد والا لا
ومشكوووورين مقدماً

 

[Tom ♥ Jerry]

.


احلى من الخيال

فددددوة و الله ما تقصرين حياتي

ذات الهمه


لوووووووووول اي صج صج يبطون الجبد
امممين الله يهدي الكل يارب

luuuluuu

ما انصحج تاخذين كريم اساس من حنان دشتي و لا كونسيلرز
انا جربته و ما عجبني جربي شوي من عندها يمكن تحبينه
عن نفسي كلش ما حبيته ..



.

 

[أحلى من الخيال]

السلام عليكم
يعطيكم العافية بنات
انا بروح نهاية الاسبوع باذن الله
بس حبيت
أسأل الجزيرة للعطور نازل
ومحل انفاسك دخون اللي بالمارات نازل بعد والا لا
ومشكوووورين مقدماً

حبيبتي
الجزيرة مو نازل بس راح يسوي عروض نفس السنة اللي فاتت
بنفس هالوقت تقريبا ان شاء الله ابلغكم
و انفاسك دخون بتأكد باجر اذا رحت
الأكيد عود جاليري موجود و هند ​

 

[هواجيس الفجر]

المعرض يووووووونس

و ماكان زحمممة

خذيت

بخور المعاريس من امل الكويت
و مجموعه مرشات من امل الكويت
و همن مجموعه مرشات من الخزامي
و بخور من كذا محل

ماشريت فرنسي و لا مكيااااج ماااابدي

 

[بداية النهايه]

مرحبا بنااات
رحت للمعرض شريت من الجزيره للعطور عود مسك
ومن اجمل عطرر وصال
وانفااسك عطر مسوووين خصوماااات مووصج
بخور عوودي ومسوين عالخلطات اربعه ب 10 دنانير
وووووووبس يبيلي رووحه ثااانيه

 

[عسوله ودلوعه]

صج فتح ‘‘ يبيله روحه يعطيج العافيه والله

 

[أحلى من الخيال]

حبايبي
اللي سألت عن الباكيج اللي قلت عنه موجود بتناغرا صالة 6 و سعره 40 دينار
و فيه محل بصالة 7 امنزل عطورات الجزيرة مقابل الكفتيريا و الطارش
ما لقيت أنفاسك دخون
لقيت محل أنفاسك عطر
و محل ابروحه اسمه دخون​

 

[أحلى من الخيال]

اليوم شريت من تريسيمي
شامبو جديد عليه عرض مع البلسم الأثنين ب 3
سيروم الشعر دينارين
و سنفرة مع كريمها ب 3 من فروتي نفس المحل
و زبدة الجسم أتوقع ب 2و نص
و سنفرة السكر ناشفة بدون كريم بعد 2 دينار
و رغوة حمام 2 بدينار
و فيه مجموعة السبراي و اللوشن و رغوة الحمام ب 2 دينار
و جل معطر و ملمع للجسم
و عطتني هدايا حلوة​

 

[أحلى من الخيال]

تذكرت
شريت مسك الأسود من القرشي ب 14 و نص الربع تولة
و دهن العود ب 30 ربع التولة بس صج روعة
و مسك روووووووووووووووووعة من جنيد ب 7 و نص
​

 

[هواجيس الفجر]

بنات انفاسك دخون متاكدين نازل بالمعرررض ؟!!!


انزين بسسسالكم الطارش دايم اشوفه ينزل معارض بس مااقرب صوبهم

شنو عندهم شي مميز و حلو و الاهم مجربينننه

 

[أحلى من الخيال]

بنات انفاسك دخون متاكدين نازل بالمعرررض ؟!!!


انزين بسسسالكم الطارش دايم اشوفه ينزل معارض بس مااقرب صوبهم

شنو عندهم شي مميز و حلو و الاهم مجربينننه

حبيبتي
لأ مو نازل
و الطارش أهم شي عندهم غلا جابر الذهبي
و الناس أذواق شوفي اللي يعجبج​

 

[غـــــلاM]

السلام عليكم

منو جربت

خلطة سيدة الشرق
مبسوس ملكي

من الماجد للعطور ؟؟؟؟؟؟؟؟؟

 

[حنان المحبه]

صباح الخير بنااااات ...
انا ودي اروووح المعرض بسسسس زوووجي موراضي يدري تجيني حاله هستيريا لاشفت الميك اب والعطور اذووووب ...
عندي امل اروح ان شاءالله....
شوفوا عندكم بيت الصابون اللبناني عندهم شمعة المساج روووعه ب١٤دك من زمان ماخذتها من معرض السنه اللي طافت حلوه بصراحه ...
وهم عندهم كريم تحطينه بأماكن النبض كذا نوع منها هم ب١٤دك
بنات عند جفنشي من مجموعة دكتور وايت حمره سحريه المجموعه اللي لون علبها ازرق ترى في مجموعتين وحده زرقا ووحده بيضاء اهي الزرقاء شكل العلبه مدوره صغيره ب١٠ وشوي بس حلووووه تحطينهد عالشفايفٍ ومسحه عالخدود شبه طبيعي احسن من الحمره السحريه مالت الحواج ....
ان شاءالله اذا تذكرت شي بقولكم ...
ادعوا لي اروح ان شاءالله...