روايه ما هقيت ليله فراقنا طويله لين صارت امس بعيني اطول من شهر .. !!روايتي الثانيه

[meme>the best]

اب اب اب

متااااااااااابعه واااااصلي بليييييييييييييز

 

[ارييج الكويت]

الجزء الخامس ...​

شريفه : نعم داقه خير ام سعفه
نورا تبجي : وين ابوج يا خره ابي ابوج
شريفه : انا الغلطانه راده عليج ذلفي عن ويهي مو مال احترام انتي قلبي ويهج ولا اشوفج داقه سامعه ( وسكرت التلفون )
احمد : منو داق
شريفه : مرت ابوي
احمد : شفيها عسى ما شر
شريفه : الشر كله منها خلها تولي بس
احمد : شريفه شفيج جم مره قايلج مابي هالكلام
شريفه : احمد شفيك انت بعد هاا لا تزيد اللي فيني
احمد : شريفه روحي سمي بالرحمن ونامي مالي خلق هوشه بعد
شريفه : شقصدك يعني انا كله هواش دام اني كله هواش ليش للحين انت معاي ليش للحين ما سكرت الخط يلا سكره مابي ناس ما تحمل اي كلمه مني
احمد : انتي اللي يحبج غلطان تدرين
شريفه منصدمه هذا احمد : ها
احمد : لازم من صباح الله خير هواش والعصر هواش و بليل هواش و بين الهوشه والهوشه هوشه يلا باي ابي اروح انام
شريفه : احمد
احمد : شريفه انا صبرت عليج وايد و تعبت وانا اصبر عليج ما اقدر اصبر اكثر من جذي خلاص انا تعبت
شريفه : ابي اروح انام
احمد : مع السلامه ( وسكر الخط ) ​

قعدت شريفه تفكر معقوله اني زودتها مع احمد ومل مني معقوله انا ما اتعاشر لين هالدرجه
اف اف خل انام بلا هالافكار باجر لا قعدت الصبح بدق و بيعتذر احمد ما يخليني ادري فيه والله لو اقوله احب احد غيرك بسامحني واهو اللي يراضيني خل انام و اتعوذ من بليس ​

---------------
-----------------
خالد : يما
ريم : صح النوم
خالد : صح بدنج الساعه جم
ريم : الساعه 12 حبيبي
خالد : ريم ولهان على امي وينها ما شفتها
ريم نزلت راسها ماتبيه يتعب اكثر يكفي اللي فيه : توها مشت من شوي حرام تعبانه من اليوم قاعده على امل انك تقعد ( ما دريت يا خالد انه امك ما مرت عليك او حتى سالت عنك الله يعينك يا حبيبي على اللي فيك مابي ازيد اللي فيك )
خالد : اي حبيبتي الله يعطيها العافيه
ريم : حبيبي لا تفكر بشي اللحين بس فكر بصحتك حبيبي
خالد : ولهان علي ننوس
ريم : لحظه حياتي ادقلك عليها
وتدق على نوف
نوف : هلا والله
ريم : نوف حبيبتي وين ننوس
نوف : سكتي يا ريم للحين ما نامت للحين انا بيت اهلج قاعده على امل تنام برد البيت انام وراي جامعه و بنت العز ما تبي تنام امج حاولت فيها ماكو امل تنام
ريم : ههههههه اعرفها بنتي لويه
نوف : بهذي صاجه
ريم : انزين حبيبتي عطيها التلفون خالد بكلمها
نوف بتبجي : خالد صحى
ريم : حياتي شفيج تبجين اي صحى من شوي
نوف تبجي : الحمدالله الحمدالله لك ياربي الحمدالله
ريم : الحمدالله على العافيه
نوف : ليش ما قلتيلي
ريم : انتو تردون على موبايلاتكم محد يرد دقيت على الكل نور الوحيده اللي ردت
نوف : حبيبي عطيني اياها بكلمه
ريم : اوكي بس حبيبيتي مو زين له الكلام وايد بعدها عطيه ننوس اوكي
نوف : اوكي
ريم : حبي هذي نوف تبي تكلمك
خالد : هلا بالغاليه
نوف تبجي وصوتها مببحوح : الحمدالله على سلامتك يا اخوي والله البيت من دونك ظلمه والله البيت من دونك ما ينبغى خالد ولهانه عليك وايد عفيه قوو روحك وارجع لنا مابي ابيت بدونك انت و ريوم
خالد : حبيبي ليش تبجين انا معاكم ماراح اخليكم كلش ما يفرقنا الا الموت ههههه
نوف : ياعسى يومي قبل يومك حياتي نوف دوم تقول يا عسى يومي قبل يوم خالد محد مصبرها على قولتها غيرك عاشه لله ثم لك هههه قول امين يومنه قبل يومك
خالد : لا لا نوف لا تزعليني منج لا تقولين جذي انتي العزيزه انتي اختي الغاليه
نوف : الله يخليك لنا يارب
خالد : ويخليكم لي يارب
نوف : ننوس تبي تكلمك
ننوس تبجي : بابا
خالد عينه كلها دموع من سمع صوت بنته هزه قويه بجسمه رجفه حيل مؤثره يتله لكل جسمها حس من ومان مو مكلم بنته ولهان عليها حيل حيل : ياعيون بابا
ننوس : بابا مابي فوف
خالد : ليش بابا هذي عميمه نوف
ننوس : فوف
خالد : هههههه بابا نوف قولي نوف
ننوس : بابا ماكو نام
خالد : ماتبين تنامين
ننوس : نوو ( وتبجي )
خالد : خلاص لا تبجين خلاص لا تنامين انا اكلم نوف
ننوس: ابي لعبه كبيره كبيره
خالد : من عيوني وين حلاوه بابا
ننوس : امووا ( تبوس السماعه مالت التلفون )
نوف : هههههه عطيني التلفون
ننوس تبجي : مابي ابي بابا
نوف : mary came take nanos plz
ميري : ok mdam
نوف : بنتك بلشه
خالد : نوف يبيها تنام بحظن امها
نوف : اللحين ما يصير
خالد : امبله يبها وسوي جنطتها
ريم: خالد تزعجك لا اهم شي راحتك
خالد : ما تزعج تنام الحين
ريم : عاد انت شلين راسك
خالد : يلا ناطركم
نوف : اوكي
خالد : دربالكم بالدرب حبيبيتي و تعالو مع بو حمد ( السايق ) احسن
نوف : ان شاء الله ​

---------------------------​

نورا طلبت الاسعاف و راحت مع الريال و جوان
جوان كانت طايحه بالشارع و الدم من كل مكان طالع منها محد يدري شلون وصلت لي هالحاله و الشلي حصل
نورا تدق على حامد و ما يرد عليها دقت على شريفه بس كلامها خلاها ما تدق على نور او خالده تسالها وين حامد ​

في البحر ...
خالده : منو اللي يدقدق
حامد : نورا
خالده : وليش ماترد عليها
حامد : مالي خلق
خالده : داقعه اكثر من 10 مرات
حامد : تغلط الغلطه و تتسامح لسانها ما تحطله حدود
خالده : رد عليها عشاني
حامد : عشانج بس ... هلا نورا
نورا تبجي و ماسكه ايد جوان : انت وينك الحق علي
حامد يسمع صوت الاسعاف : شفيكم شصاير
نورا : ان صار شي بجوان ماراح اسامحك
حامد : نوروو تحجي خلصيني
نورا : جوان بالاسعاف مادري شفيها حامد الدم من كل صوب يطلع منها حامد الحقني ولي يعافيك تعال انا اسفه تعال بنتك بتضيع من ايدنه
حامد : اي مستشفى يلا يايين انا وخالده لاتحتين هدي بالج
نورا تبجي و عيونها حرقتها من البجي وتشاهق من البجي : حامد ... اللحق ...بنتك .. بضيع من ايدنا بتضيع
حامد : يا مره هدي بالج هدي بالج
خالده : شصاير
حامد : جوان بالمستشفى
نورا : احنا وصلنا لا تاخر
حامد : ان شاء الله
خالده : شفيها
حامد : مادري مادري
يركب حامد سياره و يدوس حيل بشكل جنوني وخالده حاطه ايدها على قلبها من السرعه
خالده تمسك ايد حامد : هد هد حامد بتموتنه خفف السرعه
حامد : بنتي بتضيع
خالده : ماكو الا العافيه
حامد : الله يستر الله يستر ​

----------------------------
نوف : انا تحت خالد بس ما اقدر ادخل
خالد : ليش
نوف : ممنوع تعالو اخذو ننوس وانا برد مع الخدامه البيت
خالد : اللحين ريم تي
نوف : اوكي حبيبي
خالد : خلي بالج بالطريج وخلي الخط شغال معاي لمن توصلين البيت اوكي
نوف : لا تحاتي خالد بو حمد مثل ابوي ههههه اهو مربيك لا تحاتي
خالد : ما قلت شي بس هم
نوف : حياتي لا ريح انت ولا تدير بال لمن اوصل ادق عليك استانس انت ومرتك وبنتك
خالد : حبيتبي والله
------------------
نورا قاعده على الكرسي وريلها مو شايلتها من مكانها
حامد مع خالده دخلو شافوها
نورا شافتهم وراحت صوب حامد ولمته : الحق على بنتك يا حامد قلبي ياحامد يتقطع بنتي بنتي بتروح
حامد : هدي بالج خليج قويه مافيه الا العافيه ان شاء الله
طلع الدكتور من غرفه العمليات
حامد : كا الدكتور امشو نشوفه
الدكتور : انا اسف البقى براسكم
خالده : هاا شتقول
الدكتور : نزفت وايد و كل شي فشل بسرعه وايد تاخرتو و قلبها ما تحمل الضغط وماقدرنا نسيطر على حالتها
نورا تطيح بالارض : يما بنتي ضاعت
حامد غطه ويها بالغتره : لا حول الله ولا قوه الا بالله ان لله وان اليه راجعون
نورا تطق على قلبها : بنتي راحت سمعت يا حامد بنتك راحت واخر شي كانت عاصيه لامها و ابوها بنتك راحت بنتك ماتت
خالده تلم نورا : هدي بالج لا حول الله ولا قوه الا بالله
نورا : راحت بنتي راحت بنتي
خالد تبجي و دموعها جنها نار تمشي على خدها من الحسره : لا الله الا الله ياربي اغفرها وسامحها ياربي ارحمها و اغفر لها ياربي
نورا : خالده بنتي راحت بنتي راحت يما قلبي يما يا حرقت قلبي عليج يابنتي ماعشتي حياتج
خالده : هدي يا نورا هدي و قولي ان لله وانه اليه راجعون عند الله راحت الله يبيها عنده
نورا : يما يبنتي
خالده : استغفي ربج الاعمار بيد الله ادعيلها يا نورا قولي لا اله الا الله قولي لا اله الا الله
نورا مو قادره تنفس : بنتي بنتي
حامد : قومي يا نورا قومي هدي بالج لا يرتفع السكر عليج
نورا : حامد بنتنا راحت ماراح نشوها بعد راحت يا حامد راحت
حامد : راحت للغالي راحت لربها
نورا : يما عليج يا بنتي ​

حامد ياب ماي لنورا و خالده وحالتهم حاله حالتهم كا حاله اي احد يروح منه قطعه منه كاي احد يروح منه صديقه او اخو او صديقتها او اختها هذي اقوى راحت منها بنتها اللي شالتها 9 شهور بنتها قطعه منها حشاشت يوفها
--------------------------------
نور قاعده تلبس ملابسها و توها بتطلع من الباب
محمد : انتي وين رايحه
نور : بروح لريم
محمد : شايفه الساعه جم
نور : اي
محمد : قعدي ماكو طلعه
نور : محمد بروح بشوف اخوي
محمد : ولا رحتيله اللحين بيستانس يعني
نور : اكيد اي
محمد : نور قعدي وقصي الشر
نور : بس اخوي
محمد : اخوج ماهو طاير لكن طلعه اللحين لا
نور : شفيك اليوم ليش مزاجك جذي
محمد : يعني بالعقل هذا وقت طلعه الساعه 3 الفجر
نور : اي بروح لاخوي كلها الطريج 10 دقايق
محمد : نوووور قتلج ماكو روحه يعني ماكو روحه فاهمه
نور : محمد ابي اشوف اخوي
محمد يقوم من السرير : متزوج ياهل انا
تلحقه نور الحمام : انا ياهال محمد
محمد : يعني اقوم من النوم عشان اوديج لاخوج هذا كلام بالله عليج
نور : انا اروح محد قالك ودني
محمد : ليش شايفتني مو ريال اخلي مرتي تطلع هالوقت ترا انتي زوجتي مو بنت شوارع اهلج ما ربوج تطلعين بروحج هالحزه
نور جنه كاتين عليها ماي بارد : شنو يعني انا اهلي ماربوني وبنت شوارع
محمد مستغرب شلون قال هالكلام : نور لا تفهمين غلط
نور : شنو لا تفهمين غلط كلامك له معانه واحد شلون ما افهممك غلط تدري لانه اهلي عرفو يربوني اخلاقي ما تسمحلي ارد عليك انا رايحه المستشفى مابيك توني
محمد : نور ماكو طلعه بروحج قتلج ( وياخذ مفتاح السياره )
نور : وخر محمد عطني المفتاح قتلك عطني المفتاح
محمد : قلت ماكو يعني ماكو
نور : محمد ترا نفسيه واصله لي خشمي مالي خلقك
محمد : نطري ابدل و اوديج
نور : مابيك توديني مابي منك شي انا بنت شوارع ما اصلحلك خليني اروح ما اصلحلك
محمد : بلا خرابيط نور
محمد يروح يلبيس ترينق
نور : محمد مابي اركب معاك مابي حتى اشوف ويهك انت شلون تقولي هالكلام انت منو عشان تقولي هالكلام
محمد برود : انا ريلج
نور تروح صوبه وتلف ويها عليها : تدري شكثر ندمانه على اليوم اللي تزوجتك فيه كثر ندم ابوي على زواجه من نورا
محمد : نور قصري الشر قتلج
نور : انا ما ربوني اهلي انا اعلمك شلون ما ربوني اهلي
تطلع نور من الغرفه و تروح بوكس المفاتيح اللي بالبيت وتاخذ مفتاح سياره محمد وتروح القراج
محمد : نور يامينونه
وتروح المستشفي محمد يتصل في نور و كل ما يدق تسكر الخط بويه لحقها بالسياره لين ما وصلت المستشفى
محمد : نور نور نور
نور : نعم
محمد : ردي البيت نتفاهم
نور : مابي ارد معاك ولا ابي اشوفك اليوم
محمد : نور
نور : محمد روح لا اصرخ جدام الناس كلهم
محمد : شهالكلام انتي شفيج
نور : محمد خلني قتلك
محمد : انا الغلطان اللي لاحقج لي هني
نور : محد قالك رد بيتكم مالك لزمه هني
محمد شافها عطها نظره تخرع جنه يقولها هين يا نور
راحت نور الحمام ودخلت تبجي
نور : اه يا ربي ليش قاعد يصير فيني جذي ليش انجرح من محمد ليش قاعد ينكشف كل يوم عن يوم بشي مو زين ياربي احنا تزوجنه بالحلال يالله ياربي تهديه يالله ياربي العفو العافيه ياربي شلون يا محمد تقول عني جذي شلون ترضى علي انهان و انهان من منو انهان منك انت انت اللي اعدك كل شي بحياتي الله يا زمن صج ماكو شي يظل على حاله انا لازم انزل الياهل لازم مابيه يعيش جذي يالله ياربي تسامحني يالله ياربي تغفرلي ذنبي يارب ​

​

 

[ارييج الكويت]

السلام ...

اول شي احب اقولكم اسفه على التاخير ووعد ماراح يتكرر وبنسق وقت كل يومين انزلكم بارت كافي و وافي ..

السموحه حبايبي واتمنى لكم القراءه ممتعه ...

اختكم اريج الكويت ..

 

[ارييج الكويت]

احب اشكر اللي صبرو علي رغم تاخري و حرمانهم من الروايه ...

احب اعتذر لكم حبايبي


ميمي ..
مزاج عنزيه ..
نبع الكون ..
مفاهيم الخجل ..
خفايا البحر ..

اشكركم على تشجيعكم ومتابعتكم لي حبايبي ..

 

[ارييج الكويت]

،'​

آول شي يسسسلمووو حبوبه عالروايه طريقتج حيل
حلوووه بالكتابه ...
بتكلم عن شخصيآات آلروايه ..:
ريم وخآلد » حبييييتهم شحلاتهم وشحلات حياتهم
وإستانست إن العمليه نجحت بجيت لما وقف قلبه « عشت الدور​

نور ومحمد » شخصية محمد تهبببببل حبيتها وحتى
نور تنحـب ... ​

آمآا آم خآلد « قططططع إن شاء الله تموت ويفتگون منهآا
گسر خآطري خآلد لما دعت عليه ​

شـريفـه » نووووو كومنت .. ماحبيتها بالمررره :/ ​

ويسلمووو مره ثانيه سسوري عالتعليق الطويل
بس اعجبتني حييييل وسجليني من متابعينج
ننـطر البآرت آلـقآاااااادم p​

-​

مرحبا حبيبتي اهلا وسهلا فيج الله يعافيج حبيبيتي

انا مزجت بين جميع الاطباع الزين و الشين عشان يصير بالروايه احداث شرانيه هههههه

حبيتي اتشرف بمرووج و متابعتج للروايه والسموحه من التاخير و فرحتني انج اول مره تابعين روايه مو مكتمله شرفلي لي انج تكونين من متابعيني حبوبه ..


اتمنى لج متابعه ممتعه و ان شاء الله بظبط تنزيل البارتات كل يومين بارت كافي وافي


اختج اريج الكويت

 

[شوشة حبيبي]

حبيبتي مشكوره عالبارت
وناطرين البارت اليديد

 

[روحين في رـوح]

hf hf hf hf
اب اب اب اب اب اب اب اب اب اب ابا ب اب اب اب ابا ب ابا ب اب اب

 

[مزاج عنزيه]

،'


يعطيـج آلعآفيه حبيبتـي عآلبآارت
وبإنتظـآار آلبارت آلجديد ..
وإخذي رآحتج


Up

Up

Up




​

 

[ام ناصر 80]

يعطيج العافيه وناطرين البارت

 

[مزاج عنزيه]

،'



Up

Up

Up


-


​

 

[ملآمح يوسفيه]

,

ممنوع وضع روااابط الاغاني

 

[نبع الكون]

يلا حبوبة ناطرييينج

 

[ارييج الكويت]

السلام مثل ما وعدتكم كل يومين بارت ,,, عطوني دقايق و انزل البارت

 

[ارييج الكويت]

تابع للجزء الخامس ...​

​

​

​

في المستشفي

ريم : وهذا بابا كاهو
خالد بفرح : يا عيون بابا تعالي
ريم تنزل ريماس و تركض لي فراش ابوها
ريماس : بابا انا احبك وايد
خالد شايل ريماس و دموعه نزل ريم شافت المنظر قعدت على الكرسي تدمع عينها و تخنق صوتها عشان لا تبجي و تشهق
خالد يلملم بنته و يحببهها جنه اول مره يشوفها من زمان مو شايفها : يا عيون بابا انا احبج انتي وماما وايد ريم ريم
ريم تمسح دموعها : هلا
خالد : ليش هالدموع
ريم تقوم و تروح تمسك ايد خالد : دموع فرح يا خالد دموع فرحه الحمدالله الله ردك لنا يارب الله يعافيك و يقومك بالسلامه يارب و يخليك لنا ذخر طول العمر و تشوف ولدك اللي بطني و تشيله بيدك و تربيه بيدك و نشوف احفادنا وعيال احفادنا يارب
خالد : حياتي امين امين يارب دام انتي يمي كل شي يهون
نور : يا عسى دوم هالفرحه
خالد : اوه اوه هذي عميمه نور يت
نور : هههههه المزعجه عندكم اليوم جنه
ريم : هههههه شسوي باخوج بعد
نور : اي زين يسوي خل يشوفها بعد عمري ولهان عليها
ريم : عليهم بالعافيه ( تدمع عينها )
نور تروح وتلمها : واي يا خالد هالبنت دموعها سبيل كل شوي تبجي دموعها ما توقف تبجي اكثر من ما تضحك
ريم تخش ويها بايدها و تلم نور حيل : نور خايفه يروح مني خايفه اخسره
خالد سادح ريماس على صدره يلعب بشعرها : ماما مافيها شي ننوس بابا انتي نمتي
ريم : شلون بعيش بدونه
خالد فجاه يصرخ : نور طلعيها بره
ريماس قاعده تبجي اول مره تشوف ابوها يصرخ
نور : هد بالك خالد شفيك الله يهديك
ريم : ما تقولي اذا رحت عني منو اعيش معاه بهالدنيا
خالد يهدي اعصابه : نور طلعيها بره
ريم تبجي حيل
نور : تعالي حياتي امشي نروح نقعد بره
ننوس تبجي : ماما ماما
خالد : اخذيها حتى اهي طلعيهم بره كلهم
نور : شفيكم حسدتكم توكم زينكم ريم اخذي ريماس و قعدي بره خليني مع خالد شوي
ريم تمسح دموعها : ان شاء الله
نور تروح وتقعد يم خالد وتمسك ايده : شفيج يا اخوي
خالد ينسدح راسه و يضغط على راسه حيل من الصداع : نور ريم و ريماس والكل متضايق و على انا يا نور انا مابي اشوف احد متضايق نور مابي اشوف احد متضايق مابي اشوف احد متضايق وانا ما اقدر اسوي له شي انا قاعد بهالفراش و الكل متضايق و زعلان وانا مو قادر اسوي شي احس روحي عاجز مالي قوه ريم صغيره شلون بتعيش و تحمل حياه بدوني
نور تقاطعه وتمسح على ايده : هد بالك يا خالد انت تدري مرتك دمعتها بعينها تبجي حتى على باباي لا تلومها تشوفك بهالمنظر طايح بالفراش اعذرها
خالد : لا حول الله ولا قوه الا بالله الله كريم
نور تقوم و تشوف ريم ماسكه ريماس و تبجي بدون صوت : شوفها دموعها على خدها مسكينه اعذرها يا خوي اعذرها
خالد : ما عليج امر ناديلي اياها و خلي ننوس عندج شوي اذا ما فيها كلافه
نور تبوس راسه : من عيوني يا بعد عيوني
نور تنادي ريم : ريم حبي تعالي خالد يبيج
قربت ريم لنور : يلا عاد مسحي هالدموع و خليج قويه ولا ترا بشيشه يتزوج عليج
ريم تمسح دموعها : ان شاء الله
نور : عطيني ننوس
ريم تبوس راس خالد : انا اسفه خالد ( وتمسح دموعها )
خالد : حياتي مابي اشوف دموعج مابي اشوفج متضايقه لا شفتج متضايقه انا اضيق و تضيق الدنيا فيني
ريم : انا اسفه خالد
خالد : اسفه و للحين تبجين
ريم : مو بيدي خالد ( وتبجي اكثر )
خالد : تعالي بابا تعالي على صدري ( ويحط ايدها على قلبه ) شفتي هالنبض
ريم : اي
خالد : ما ينبض الا عشان انتي تستانسين والله ما ابيه خل يوقف
ريم : لا خالد بليز لا تقول جذي
خالد : والله مابيه اذا كنتي بتزعلين و تتضايقين
ريم تمسح دموعها : ان شاء الله
خالد : احبج يالجيكره
ريم : ههههه احبك
خالد : فديت هالضحكه وفديت هالذروس
ريم : الله لا يحرمني منك
وغمضت ريم عيونها و شوي شوي راحت بسابع نومه على صدر خالد ونور خذت ننوس البيت معاها
----------------------
حامد و خالده و نورا بيت خالده
ام نور : ان لله وان اليه راجعون هدي بالج يا ام خالد
نورا : الله قاعد يعاقبني بعيالي الله قاعد يعاقبني
خالده : شهالكلام يا نورا هذا قسمه الله قولي الحمد لله
حامد : نورا بس هدي بالج قومي نرد البيت اكيد نوف بروحها بالبيت
نورا : شلون برد البيت و بنتي مو فيه شلون
نور : السلام عليكم
حامد بعصبيه : انتي وينج ليش يايا هالحزه وين كينتي
نور : يبا بسم الله انطر اللحين بقولك كنت بيت رفيجتي و خالد دق علي وايد تعبان و يت خذيت ننوس منه لانه ما يقدرون يتحملونها
حامد : نور
نور : دق على خالد اساله يبا ( نور تشوف امها ) شصاير
نورا : بنتي راحت بنتي راحت
خالده : هدي بالج يا ام خالد
نور : شصاير
حامد : عطيني البنت وروحي لامج
نور : يما شصاير
خالده تغطي ويها : جوان عطاج الله عمرها
نور : شنو شقاعده تقولين
خالده : قولي ان لله وانه اليه راجعون
نور فقدت كل احساس بجسمها : لا حول لله ولا قوه الا بالله
نورا : كله مني الله بلاني باللي سويته بامج
نور تبجي : شلون يمه شلون شلي قاعد يصير شلي قاعد يصير فينه عين ما صلت على النبي جوان شلون ماتت شلون تروح البنت توها صغيره اه يا راسي يبا مو قادره تعبانه
حامد عابرته الخنقه : هذا اللي الله كاتبه هذا اللي الله كاتبه
نور تروح تلم ابوها جنها بيبي و تبيجي بحضنه: يبا مو قادره
حامد : لا حول الله ولا قوه الا بالله

-------------------------------
نوف :عزيز تخيل محد بالبيت امي مادري وينها اهي وابوي
عزيز : اكيد طالعين تعرفين امج وابوج يحبون الفنادق و السفر مو غريبه يقولولج سافرنه
نوف : هههههه اي عادي تعودت
عزيز : درستي لباجر
نوف : اي الله يستر عزيز لحظه في احد ينادي
عزيز : يالخبله لا يكون قاعده توهمين البيت مسكون
نوف : عززيز لا تبيجني بروحي خوافه بروح انام عند جوان
عزيز : تخيلي تروحين غرفه جوان ما تلاقينها شصير فيج
نوف : اموت
عزيز : ههههههههه
نوف : يما صج قمت اخاف بروح لجوان
عزيز : يالخبله
نوف : بروح بروح
عزيز : خلاص عيل يلا نوم العوافي حبي و تغطي عدل و سلميلي على جوان اوكي
نوف تطق الباب محد يرد : الله يعافيك ان شاء الله يوص...
عزيز : تبين شي
نوف : .....
عزيز : الووو
نوف بخوف : عز..ي..ز
عزيز : هلا
نوف : جوان ... مو .. بفراشها و الليت مصكوك
عزيز : تتغشمرين تخرعين روحج بروحج يمكن بالحمام
نوف تبجي : والله عزيز عزيز انا خايفه ببجي محد بالبيت
نور : نوف
نوف تصرخ من قمت راسها : يما يما منو
عزيز : نوف شفيج
نور تلم نوف : اسم الله عليج شفيج
نوف : من وين طلعتي
نور : من الباب
نوف : شفيج تبجين
عزيز : نوف نوف
نوف : عزيز شوي واكلمك نور عندي
عزيز : اوكي سلميلي عليها
نوف : اوكي باي
نوف : يسلم عليج
نور : الله يسلمه
نور : تعالي قعدي بقولج شي
نوف : اوكي بس شفيج تبجين
نور تلم نوف وتحط راسها على صدرها و تمسح علي شعرها : حبيبتي انتي تدرين ان الدنيا قسمه ونصيب وان الدنيا مجرد محطه وبنمشي منها وان الموت حق
نوف تشيل راسها وطالع نور : منو مات ابوي امي منو
نور : حبيبيتي هدي بالج
نوف : نور منو مات قويليلي منو
نور سكرت حلجها وتمسح ددموعها : جوان
نوف كل جسمها يرجف : شنو منو
نور : حبيتي هدي بالج
نوف تضحك : قاعده تتغشمرين جوان اختي اختي جوان
وتقوم نوف وتروح غرفه جوان : نور جوان بالحمام شوفي الباب مسكر جوان بالحمام ليش تقولين ماتت شنو ماتت جوان ما تموت
نور تمسح دموعها : قولي ان لله وانه اله راجعون
نوف تفتح باب الحمام و تلقا الليت مسكر وماكو احد
نوف : جوان ماتت
نور : حبيبتي ابجي صرخي طلعي اللي بقلبج لا تضحكين
نوف بصدمه ماتدري شتسوي : جوان اختي
نور : حبيتبتي بس
نوف : وين ابوي
نور : بيتنه
نوف تقوم تركض تروح بيت ابوها الثاني
نور دقت عليه محمد ما رد عليها
بعد ثواني وصلها مسج من محمد
" لو سمحتي خلينلي لا تكلميني اللحين "
نور تمسك الموبايل حيل و تبجي ودموعها اربع اربع : ياربي صبرني ياربي صبرني

نوف تدخل البيت و تلقا الكل يبجي
نوف : ماما صج نور اللي تقوله
نورا : خالده اخذيها وخيرها عني
نوف : ماما جوان ماتت
خالده : تعالي حبيبتي تعالي
نورا قامت وراحت الحمام : بس ارحموني بس


---------------------------
يوم جديد // دفنو جوان الصبح و العزا العصر في بيت خالده الكل دره ماعده خالد خافو عليه وقرروا ما يقولوله نورا حالتها حاله ما سكتت ممن البجي ماتبي تاكل اي شي و حالتها حاله خالده رغم حزنها الا انها كانت قويه تساند ام خالد و بناتها ونوف ماطلعت للعزا كانت بحالته صدمه واكتفت انها تبقه بغرفه جوان وماتبي تكلم احد كل ما ياها احد طردته و زادت بجي ماسكه لابتوبها و تشوف صورها اهي و جوان مع بعض تشوف صور سفرتهم و صور الحديقه و صورها بالعروس و صورها كلهم و تبجي وتقوم تصلي وتدعي لاختها و ترد تبجي هذي حالتها طول اليوم // حامد ايمانه بالله قوي وكان متحمل رغم انها بنته اخر عياله توفت الا انه راضي بامر الله // ريم ومثل ما الكل عارفها بس تبجي تطيح يغمه عليها و تقوم تبجي و تطيح وتقوم // اما نور كانت قويه الحياه عليمتها وايد وقست عليها وايد قلبها ما عاد يتاثر بحزن صارت بدون احساس كل ما صار شي قالت يالله ياربي الاجر والعافيه
--------------------------------
جاسم : لا حول الله ولا قوه الا بالله اخوها واختها مره وحده
روان تبجي : الله يصبرها
جاسم : امين الله يصبرهم يارب و يهون عليهم ان شاء الله ويأجرهم
روان : انا بروح انام عند شريفه ممكن
جاسم : اي اكيد حياتي طمنيني عليكم اوكي حبيبي
روان : ان شاء الله لحظه حبيبي رقم غريب يدق يمكن شريفه
جاسم : اوكي
روان وصوتها ممبحوح : وعيلكم السلام
: روان
روان : اي منو معاي
فهد : انا فهد
روان : منو فهد
فهد : فهد ال ...
روان : هلا والله
فهد : عسى ما شر لايكون دقيت بوقت غلط
روان : لا عادي بس اخت رفيجتي اليوم توفت
فهد : لا لا لاحول لله ولا قوه الا بالله عظم الله اجرج
روان تبجي : اجرنا و اجرك مشكور
فهد : لا لا ليش هالدموع مو زين ترا الدموع تعذب الميت بقبره
روان : انا اسفه
فهد : خليج قويه
روان : ان شاء الله بغيت شي
فهد : مو وقته اللحين اكلمج وقت ثاني بس ممكن طلب
روان : تفضل
فهد : تطميني عليج بمسج
روان : ان شاء الله
فهد : يالله انا اخليج ودربالج عليى نفسح
روان : ان شاء الله
جاسم : منو داق
روان : نوف اخت شريفه
جاسم : شفيها
روان : تسالني متى تين
جاسم : اللي اعرفه شريفه ما تكلم نوف
روان عصبت : جاسم شهالخرابيط هذي اختها منو بكون غيرها
جاسم : وشفيج عصبتي
روان : جاسم اانا بروح الحين اكلمك بليل
جاسم : اوكي باي

----------------------------
احمد : احبها والله
نبيل : ماكو حب اللحين شهالخرابيط
احمد : انا ادري تكلم غيري يا اخوك بس القلب يا بو شعيل
نبيل : البنات مو كفو اللحيت يا بوشهاب لا تعب روحك نصيحه مني
احمد : الله يعين الله كريم
نبيل : بسك حب بسك خرابيط
احمد : الله كريم يابوشعيل الله كريم ماردها بتحس


----------------------------------
بعد 4 ايام خلص العزا و هدت النفوس وقالو لخالد لكن كان ايمانه بالله قوي تعب شوي لكن الله قواه و رخصو من المستشفى و رد البيت // شريفه و نوف تقربو شوي من بعض // روان و فهد زادت علاقتهم وصارت تكلمه اكثر من جاسم //

-------------

شريفه : خلصتي
نوف : ايه يلا تعالي اللحيت اطلع
شريفه : اوكي حبي
شريفه : الوو
احمد : صباح الخير
شريفه : صباح النور
احمد : شلونج اليوم
شريفه : الحمدالله
احمد : اقدر اشوفج اليوم
شريفه : لا ما اقدر وايد تعبانه احمد
احمد : اوكي حياتي مو مشكله انا اخليج اللحين واذا تبيت شي دقي علي
شريفه : اوكي
نوف : منو
شريفه : محد
نوف: اوكي

--------------------------------
في الجامعه
شريفه قاعده بستار بوكس راسها يعورها حيل مو قادره تسوي اي شي من قله النوم
امنه : هاي
شريفه : هايات
امنه : شلونج
شريفه : قصري صوتج راسي يعورني
امنه : شفيج
شريفه عصبت : قتلج قصري صوتج سكتي احسن شتبين
امنه تفتح موبايلها و توري شريفه الفيديو و الصور
شريفه بصدمه : ايا حقيره ايا زباله
امنه : اللفاضيج لو سمحتي
شريفه : ليش مصورتني يا حقيره
امنه : انتي معصبه اللحين لمن تهدين دقي علي هذا رقمي يلا حبو اشوفج على خير اليوم تدقين علي ولا والله صورج عند ابوج واخوج
شريفه : ياحقيره
قامت وراحت سيارتها صرخت بكل صوتها قعدت تبجي تبجي لكن ما فادها شي
احمد دق عليها
شريفه : اكلمك بعدين احمد
احمد : شفيج
شريفه : مافيني شي اكلمك بعدين
احمد: ليش تببجين تحجي شفي
شريفه قاطعته بعصبيه : احمد قتلك بعدين اكلمك خلصني سكر بس
سكرت التلفون
نوف تركب السياره : شفيج شريفه شفيج ليش هالبجي بس مو زين تبجين على الميت
شريفه : انا ضعت انا انتهيت
نوف : شنو شفيج
شريفه : وديني بيت روان تكفين
نوف : ما ادله
شريفه بقمته : دقي عليها خل تيني
نوف : اوكي
روان : الو
نوف تبجي : شريفه تبيج وينج
روان : شفيها كاني باركينق الجامعه
نوف : تعالي اخذي شريفه
روان : اوكي اوكي
يت روان وفتحت الباب و شافت شريفه مختنقه و حالتها حاله
روان تمسح شعرها : شفيج حبي
شريفه تلم روان حيل : امنه تهديدني بصور
نوف : شنو صور
روان : سكتي نوف خل نفهم
شريفه : صور انا بالحفله مع صبي
نوف نصدمت بس سكتت وضلت تبجي
روان : منو امنه
شريفه : بنت ... بنت... الحقيره الحقيره
روان : حبيبيتي هدي بالج كل شي بينحل
شريفه : بتورهم ابوي واخوي
روان : فوضه اهي شقالتلج بالضبط
شريفه قالت لروان كل السالفه
روان تطق شريفه : يا حقيره ياحقيره شلون تسوي جذي يا شريفه
شريفه تبجي حيل : مادري مادري
روان : شهالبلوه اللي طاحت علينا شهالبلوه
شريفه : مادري يكفي اختي توها توفيه راسي بينفجر خلاص ماني قادره اتحمل
نوف : تعالي حياتي تعالي انا معاج لا تحاتين
روان : عطني ادق عليها
شريفه :هذا رقمها دقي عليها
روان تدق على امنه
امنه : هاي يا حلوة
روان : هايات
امنه : زين دقيتي
روان : خلصي شتبين عشان تعطيني صوري
امنه : انا طلبي صغير وايد
روان : خلصيني شنو اهو
امنه : لا لا جذي تكلميني
روان : فاضيه انتي
امنه : ترا انتي اللي تحتاجيني مو انا
روان : انتي وحده فقيره معقده ناقصه عقل و دين وحقوده جم تبين خلصيني
امنه : خليت الدين لج يا ام دين و بعدين انا مابي فلوس
روان : عيل تبين ذهب
امنه : ههههه خفيف دمج يابنت ال ...
روان : خلصي شتبين فكيني
امنه : ابي خالد ال ... يصير زوجي
روان : هااا شنو
امنه : من قال ها سمع
روان : انتي شتخربطين
امنه : اللي سعتي ويلا الحين باي ولا فكرتي رديلي خبر ( وسكرت الفون )
روان : الو الو سكرته الحقيره
شريفه : شنو تبي تبي فلوس اعطيها فلوس
روان : ماتبي فلوس
نوف : عيل شتبي
روان : تبي تبي
شريفه : شتبي
روان : تبي تتزوج خالد اخوج وعندج اليوم وترديلها خبر
شريفه : يا يمه لحقيني يايمه ياربي ياربي
نوف : خالد متزوج ومستحيل يتزوج على ريم لو تطيح السمى على الارض
شريفه : شسوي روان شسوي
روان : مادري مادري




------------نهايه البارت الخامس------------
​

 

[مزاج عنزيه]

،'


وااااي كسسرت خاطري شريفه
الله ياخذ هالـ آمنه هـذي .. وآكيد مستحيل
خالد يتزوج علـى ريـم ؛؛ ويمكن موت جوآن
يعدل من آم خآلد هآلنسسسره :/
يسسلمووو حبـووبه عالبـآرت يعطيـج آلعآفيه
وبإنتظـآار آلبآرت آلجديد ...






-

​

 

[نبع الكون]

كملي يا قلبي
اب اب اب اب اب

 

[A7laa kuwaitia]

متابعه يديده
اب اب اب اب اب اب

 

[ام ناصر 80]

وينج طولتي

 

[A7laa kuwaitia]

اب اب اب اب اب اب اب

 

[ارييج الكويت]

السلام عليكم بنات

انا جدا جدا متاسفه على التاخير والله العالم انه خارج عن ارادتي انتو عارفين مشاكل الانترنت وهالمره وايد اخترب و للحين مو راضي يتصلح يا اما اليوم او يوم الاحد ...

اتمنى تعذروني ما تزعلون لاني طولت وايد هالمره عليكم..

اضطريت اروح احد الكيفهات واشترك معاهم و اشبك ...

راح انزل البارت اليوم وباجر عشان ما اعلقكم و اتاخر عليكم بعد زياده ..


اختكم اريج الكويت