" طريقه تقلبين فيها البنت الي ببطنج لـ ولد !! "

[! بــدويه وآآيــد !]

،





مسسساء ../.. صبـآح .. الخيـر


فيه موضوع بخاطري اكتبه من فتره

لكن ماشاءالله الي مشمرين عن جمومهم ويتحقطون للمواضيع يخلون الوحده تهون !!
اتمنى موضوعي يكون نقاش مو هواش هذي اول نقطه


انا لاحظت بالمنتدى ان الاغلبيه يبون صبي فقط صبي ولا للبنات !!

وبتقولون لي اهي بس تمنت ودعت ربها بقول لكم لا تقول لكم سويت سونار وقالوا لها بنت ومواضيع عمره غلط معاكم السونار هذي كل مالها وتزيد !! يعني قالو بنت قولي الحمدلله الا تبي السونار غلط والي فيها ولد
والا الي بالسابع وفيها بنت وتدعي ربها ان يكون صبي !!

والمواضيع الي تبي طريقه لانجاب الولد وتحديد جنس إلجنين الي هابين فيه

والا وحده ماصار لها شهر متزوجه كاتبه اللهم ارزقني توأم صبيان !!

ووحده ذاك اليوم تدعي عسى بنتي ماتجيب البنت خلفتها كله صبيان !!


لبرهه حسيت ان راح نرد لوأد البنات وان الولد معاه تذكره لوالدته لدخول الجنه بدون حساب

شفت قبل شوي اليمني الي دفن رضيعه لانها بنت ما استغربت اذا انتوا يالحريم صار تفكيركم جذي !!

بنات انا ادري بتقولون فيه حريم يبون ولد يسكتون الرجال لكن فيه بعضهم ماسبق لهم الانجاب اساسا وبعضهم عندهم ولد ويبون ولد !! هل الولد يخلي الرجل يعشق زوجته والبنت تخليه ينفر منها ؟؟

ذاك اليوم على صباح الخير ياعرب مطلعين عن الاردن هابين بتحديد جنس الجنين ويبون ذكور فقط !
وطلعوا مفتي السعوديه قال تحديد جنس الجنين حرام شرعا حراام شرعا حرام شرعا لان الشيخ قال هذا يعتبر قتل الاجنه بالارحام يعني بدال لايسوون وأد البنات بعد الولاده يسوون وأد البنات وهم بالارحام يقتلون جينة البنت متخيلين !!

اتوقع لو الطب يقتل جميع جينات البنات ويحييون جميع جينات الذكور كويتيات اول من يسويها

وبقول معلومه ان الرجل اهو المسؤول عن نوع جنس الجنين حيواناته المنويه عباره عن l&x الـx حيوان منوي مدور صغير وهي البنت والـl حيوان منوي طويل وضعيف وهو عباره عن الذكر يعني المرأه عباره عن وعاء يستقبل فقط والغسول القلوي وهالسوالف تنشط الحيوان المنوي l عشان تخترق الرحم قبل الx


والله صرت لما ادش القسم انغث وانا واثقه من عنوان الموضوع واجد فرحوا ودشوا ويمكن وحده حامل بالثامن داشه بتقلب بنتها ولد خخخ

الي عندها بنات بالعكس الله يرزقها بالولد لكن انا هالموضوع كتبته عن الي تبي ولد وبس ماتبي بنت كلش !!


كلام بقلبي حبيت اقوله واتمنى انه مايضايق احد ويوعي بعض البشر الي اتمنى اتمنى يتوعون شوي !!

 

[Meeesh]

معاج حق بس مرات بعض البنات يتمنون ولد مو عشان انه ولد وغير واحسن لا لا
يكون تفكيرهم انه عندها بنت وودها بولد من باب التغيير فقط لاغير
مثلي انا عندي ولد وامنيتي اكون حامل في بنت
بس بالاخير كلهم حلوين واللي يجي من الله حياه الله اهم شي تمام الخلق والخلقه
في ناس مو قادرين يحملون او كل حملهم في مشاكل واطفالهم مشوهين او معاقين يعني الوحده تحمد ربها قايمه وقاعده عالخلقه الحسنه

 

[sosowaty]

صح لسااااانج يالغاليه

وهاذي هديه ما بحسوون فيها الا اذا انحرمو منها

 

[ليه الجفآ]

حبيبتي كلامج حلو

وبنسبه لي ولعايلتي عسى ربي يتمم علينا .. مانهتم بيكون ولد او بنت .. اهم شي الخلقه سليمه الحمدالله

وانا اشوف اللي تحوس وتكتئب من نوع الجنين بصراحه تخلف ..

كلنا نعرف ان جنس الجنين من الرجل .. والاغلبيه صار فاهم هشي ..

مرات استغرب لما اشوف للحين فيه ناس جذي ..




الله يستر عليهم ويرزقهم



يعطيح العافيه يابدويه على المووضووع الحلوو ..



..​

 

[ورده عنابيه]

ماقصرتي بدويه عالموضوع انا عندي بنت والحين حامل وقالولي ولدالحمدلله صج اني فرحت بس والله ان بنتي تسوي الدنيا ومافيها والحمدلله حتى زوجي يموت في بنته والحين حامل وخاطري في ولد عشان افرح زوجي موعشان احب الاولاد اكثر من البنات هذا بالنسبه لي \\\\ ومعاج حق في اللي ماعنده اطفال وتوها متزوجه وتبي توام صبيان صراحه احسها شفاحه عند البعض توج متزوجه وتبين توم عيل شنقول عن اللي متزوجه فوق العشر سنين وربي مارزقها \\\ الخلاصه انا اايد كلامج واقول البنات والاولاد نعمه مايقدرها الا اللي فاقدها وكلهم حلوين ورزق من رب العالمين

 

[kuwaitiya_84]

ماقلتي شي غلط صدقتي بكل كلمه انا عندي بنت وولد وحامل بنتي تقولي ابي اخت ولدي يقول ابي صبي مثلي
والحمدالله علي نعمة ربنا كافي يكون الطفل سليم معافي شفايدته ولد ومريض وتعالي عابلي فيه من مستشفي لي مستشفي
وفي ناس تتمتي الضني وماعندها وناس تدعي الا ولد هذاك قبل الي الريال يبي ولد ويطلق علشان ولد مو الحين ويعطيج الف الف عافيه
وبالنسبه لي مو ابي ولد علشان شي لا بالعكس تربيتهم وايد صعبه بس ابي بنتي تظل دلوعه ان يبت بنت اهلي بيدلعونها لانه اخواني يحبون البنات

 

[sunshine22]

كلش ولا موضوع​

بنات من غلط معاها سونار خالده المجيبيل او ماجده اليتامى​

:d:d:d

ههههههههههههههههههههههههههههههههههههههه​

مادري اضحك او ابجي من هالسؤال الغبي​

 

[ghadeeeer]

كلااااااااااااامج على العين والراس لا والمصيبة أكثر اللي عندهم صبيان رياييلهم يا يخونونهم يا متزوجين عليهم عمره البنت ولا الولد ماكانوا مقياس حب الزوج لزوجته كا رفيجتي مطلقة وعندها 3 صبيان وطليقها ما يدري عن عياله مع إنه دين ولحيته لي ركبه
أهم شي الصحة والعافية والخلقة التامة
بجري صبي والحمد لله وريلي عطاني هدية معتبرة بولادتي لكن بهالحملة ربي يتممها علي قالوا لي فيني بنت والله حلف ريلي وقال إذا يبتي بنت بصحة وعافية أدبل لج الهدية
قبل زواجي كنت أتمنى ضفر ياهل خاصة إني تزوجت فوق 30 سنة يعني بنت ولا صبي كلهم نفس الغلا بعد لي ويه أتشرط على ربي أستغفر الله

 

[! بــدويه وآآيــد !]

،


٨

هههههههههه


حياكم بنات


وبقول سغله قالتها لي امي

اذا ما اغناج جبينج ما اغناج ضنينج

معنى هالكلام اذا ما اغلاج زوجج عشانج انتي ما راح يغليج عشان ضنينج = ضناج

يعني الولد والضنى ماراح يزرعون حب زوجج لج اذا ماحبج من الاول

 

[Meeesh]

اصلا مافي احلى من البناااااااااااااااات هم اللي يشيلون الام ويحوفون ويزوفون فيها لاكبروا
يااااااارب ترزفني البنت الباره الصالحه ياااااارب

 

[أإلع ـشق دلع ـهـأإ]

البنات والصبيان كلهم نعمه من الله سبحاانه

اهم شي الخلقه الزينه واللي تبي نوع الجنس تطلب من ربها واهو السميع

اما شي يحدد الجنس مسسسستحيييييل

 

[مفنوده]

وااااااااي يا حلووو البنااات والله او ما حملت ف بجري تمنييييييييت بنيه و الحمدالله ربي رزقني بنيه

والله محد يهتم ف الام الا البنيه وتحن عليها كثرها ..

بس مع تقدم التكنولجيا وتطور العلم بعد في ناااااس جهله عفانا الله والله قلبي يعورني يوم اشوف وحده تقول مابي بنيه ابا ولد

نااااااس يتمنوون ضفر ياااهل وانتي تتفلسين

الحمدالله ع النعمه والعقل

 

[سارة ة]

اي واللة كلامج عدل

 

[00اوركيد00]

حبيبتي انا من الي اتمنى الولد
والله مو عشاان تفضيل الولد على البنت ولا عشان كلام الناس
وباول حملي كان احساسي بنووته لدرجة اني سميتها وكل اتكلم عن بطني انها بنت
وقالت لي بالثالث ولد وبديت احب الفكرة اني اجيب ولد
لاني مجنونة ملابس اولاد بشكل مو طبيعي صرت امر على ملابس الاولاد
وتخانقت مع زوجي على اسم الولد هو يقول اسم وانا مابغيه
وصرت اتكلم مع خواتي على ان الي ببطني ولد
واهلي خلاص عرفو اني بجيب ولد
وبالرابع اروح لها اتاكد
وتقول لي بنت
والله اني وقتها قلت الحمدلله على نعمته
وزوجي مبسوووط وعادي عنده
بس اني حبيت فكرة اني اجيب ولد
بلاخص انكم يا الكويتيات عارفين السعودية المراه ماتسوق سيارة >.< لاحد يتشمت هههههههه
وانا والله والله احب البنات ودايم اقول يارب ارزقني ب5 بنات و3 اولاد احب العايله الي عدد افراد البنات اكثر

ومادام عندي بنوته فحبيت التنويع

تكفووون بنات ادعو لي السونار الجاي يصدق معي بالولد ترى جد تعلقت بالولد ويارب يطلع صالح بار تقي تام الخلقه ويكمله بجمال واخلاق سيدنا محمد صلى الله عليه واله وسلم

 

[سعودية بالكويت]

يمه خرعتيني بدوية أول ماقريت عنوانج قلت بخاطري

شنو فيها بدوية أستخفت معقولة جذي تفكيرها

بس الحمد لله إني دخلت موضوعج بغيت أطنش

صادقة والله بكل كلمة قلتي كلهم نعمة من الله وأهم شيء السلامة والصلاح

فعلا أنا أستغرب من اللي توها متزوجة وحملت ع طول بدون أدوية ودكاترة

وتقول أبي ولد لا ويمكن تزعل لاقالوا لها بنت شنو خلت للي مايحملون ع طول

ومتزوجين من سنين أنا شخصيا حملي بعد سنة ونص زواج وماكان بسهولة بعد

تعب ومعاناة وأدوية وأبر بس الحمد لله أنا وزوجي نحمد الله ونقول اللي من الله خير

وبركة وأقوله لو كانت بنت يقول نعمة من الله اهم شيء الضنى المتعافي وريحني رده

مو متحجر وأهم شيء الولد​

 

[وصايف4]

اول شي مافيها شي الوحده اذا دعت ان الله يرزقها باللي تبي
بس انا ضد انها تعترض على كتبت الله
وبني ادم بشكل عام طمااع كل شي يبي اللي عنده بنات يبي صبيان واللي صبيان
يبي بنت
اهم شي الذريه الصالحه
وزيدي الموضه الحين اشوف تمجيد للبنت محد ينفع الا البنت البنت هي تبر في امها اللي جابت بنت حرام
موشرط حتى الولد يكفي انه عزوه وسند لامه بكره انا يبطون چبدي اللي يقولون الله يرزقج هالمره في بنيه محسسيني عندي عشر عيال

 

[ام اغلى الناس]

اي والله معاكم حق
بعض البنات يحرقون الدم
ودي هالبنات اللي مو عاجبهم انها بنت يدشون قسم تاخر الحمل ويشوفون معاناة اللي ماحملوا
مره قريت وحده معاها بنتين ويمكن ٣ صبيان وتبي تحديد جنس تبي صبيان !!!!!
واعرف وحده اذا بناتها جابوا بنات زعلت !!!!
واعرف وحده كل سنه تحمل عشان الصبيان!!
و واجد من هالناس الله لا يبلانا

اللي صج من حقها تدعي هي اللي ماعندها صبي يكون محرم لها لما يكبر
اما اللي بس تبي رضا زوجها ف اقولها
اعرف حريم ما حملوا كلش و ازواجهم يموتون فيهم
و حريم معاهم درزن عيال بس ما توفقوا مع ازواجهم
الحب والتوافيق من الله مو من الصبيان

 

[tanning_oil]

لا حول ولا قوة الا بالله

كل شي من الله خير ونعمه

 

[بحرينيه كوول21]

الحمدلله على كل حال
بنت او ولد
الي ايي من الله
حياااااه الله

 

[عنووشه]

انا مت ناحيتي عندي بنت بس اذا جا يوم وتمنيت ولد مراح يكون حرام لانه هالشي احسه من باب التغيير


يعني عندي بنت وابي اجرب تربيت الولد وغلاه

بس اكيييد مراح اروح اعالج عشان اجيب ولد


لانه اللي بيجي مت الله حيااه الله

والحمدالله بنت ولا ولد مثل الشي ومحد بيقط ضناه