" طريقه تقلبين فيها البنت الي ببطنج لـ ولد !! "

[L O V E]

موضوعج حلووو بدويه
بس المشكله في الناس
والله يقهروون بنت عمي عندها 3 بنات وتوها يايبه الرابعه لما درو انها يابت بنت قالو مسكينه !!
ليش مسكينه ابي افهم
اكيد اهي تتمنى الولد لكن مستانسه في البنيه واللي يروحون استقبالها يزيدون الطين بله
ليش بنيه جان عالجتي شدعوووه عليكم حرااام
يعني حتى لو اهي مستانسه يكدرون الوحده غصب
ومايمنع بعد الدعاااء والاستغفار بنيه انجاب الولد وكله على رب العالمين
من اول ماهي في بطن امها مكتوب لكل وحده بتتزوج من وبتيب عيال وهالكثر
والله يرزق كل وحده الضنى وااللي تتمنى البنت واللي تتمنى الولد

 

[دلوعة مبارك]

صيحيح كلامج .... واهم شي يكون البيبي بكامل عافيتة ..... سواء بنت ولا ولد


وان شاء الله الي يجيب الولد اكيد بيجيب البنت ..... وعسى الله يصلحهم ويخليهم لنــــــــــااااا يارب

 

[ام الشوامس]

اي والله صاجه
الكل عنده اللي تييب صبيان ماشاالله و تكون العين عليها

يا حلات البنات عزوة ولمة عند اهلهم
الله يحفظ لنا عيالنا
و موزين الاعتراض على قضاء الله و قدره

 

[شـيـوخـهـ]

من قريت اسم الموضوع وانا عارفه ان الهدف منه الي طرحتيه بارك الله فيج على هالطرح

ما ننكر ان اي وحده تتمنى ان الله يرزقها ولد وان الله يرزقها بنت بس المو حلو ان

الي الله يرزقها في بنات اذا اهي ماحست بنقص للاسف المجتمع والمحيط يحسسها بهالشي

ياحلو البنات والله والله يصلحهم ويهديهم والله يرزق كل وحده الي تتمناه يارب

والاهم انه يكون كامل مافيه نقصان ولا البنت ولا الولد الحين نفس الشي

 

[لياحه بنت لواح]

يعطيج العافيه

واللي يجي من الله حياه الله

وصاجه الرجال هو اللي يحدد الجنين
والله يرزق كل محروم بضنا سواء بنت والا ولد
كافي الوحده تصير ام

 

[ELFAD3Ah]

مافي احن من البنت على امها وابوها <<<وجهة نظر
يارب ترزقني ببنيه واشوفها عروس

اب

 

[حكآية قلب]

هههههههههههه


انا وحدددددة اموت بالصبيااااان


و لعلمج مااااينفع لمااا يكبرون غير البناااااات



تلقين العيال لما يتزوجون كل واحد لحرمته وعياله


ووووالبنت كل يوم وترك مسيرة علي امها




اناااااا احب العيال حيل بس وهم صغاااار



اماااا البنااااات يجننووووووون


الحمدالله انا فيني عروسه و مستااانسه

للعلم انه ابو الشبااب يبي بجره ولد !!


ووووططططنقررررر بس الحين طخ


ياااااحلووو البنات وبس ماينفع الا هم

 

[mrs.perfect]

كلامج صح وعين العقل
لكن هذا ما يمنع انه الوحدة تدعي ربها باي شي يكون بخاطرها
ولا يمنع انه الوحده تاخذ بالاسباب

لكن اهم شي انه الانسان يحمد ربه ويشكره على النعمه
لانه العيال رزق من رب العالمين سواء كانوا بنات او اولاد

وسبحان الله بن ادم طماع الي عندها بنات تبي اولاد
والي عندها اولاد تبي بنات
وهذي فطرة بالانسان


الله يرزق كل وحدة بما تتمنى ويعطي كل محرومة يارب*

قلتي اللي بقولة بالطريقة الصح

 

[رسلان العجمان]

والله الحمدالله على الصبيان والبنات كلهم نعمة من عنده
والله يرزق الي عاوز

 

[!الجادل الصعب!]

صح كلآمج مجتمعنآ فيه بعض التخلف من هـ النآحيه والكل آعتقد في نآس حوآليه بالتفكير هذآ ..!
مره قريت عن وحده حآطه قصتها .. تقول ان فبطنها بنت و زوجهآ مآيبي بنت لآن عندهم بنآت وتظل تدعي تدعي
وكل شهر سونآر وبنت يقولون .. لمآ ولدتها طلع ولد ..!
استغفر الله بس .. آمنآ بـ الله الدعآء قوي بس مو يقلب البنت ولد .. آكيد ان الي فبطنها ولد من الاسآس والسونآر غلط او انهآ جذآبه .. زمن المعجزآت انتهى ..!

 

[ياغلاهم قطر]

ههههههههههه عنوانج الصراحة نقز شياطيني قلت هاذي اللي اليوم بتقرا مني كلام يخليها تحسف انها فكرت بهالشي
هههههههههههه

كفيتي ووفيتي و صدقتي بكل كلمة كتبتيها الخلقه من رب العالمين ة حرام اخنا نغير شي الله كاتبه علينا
و المفروض مع تقدم العلم و التطور الناس تكون واعيه اكثر
بس لاسف صرنا تشوفهم يصيرون متخلفين اكثر
اغلب اللي يلجأوون لتحديد جنس الجنين سبحان الله يعاقبهم في خلقته او نموه
واذل جا خلقه سليم يعاقبهم فيه اذا كبر

البنات و الاولاد زينة الحياة و الدنيا اثنينهم يكملون الثاني


ومشكوووووره عالطرح الحلو مثلج

 

[آزٍرٍيت آتوٍبهٌ]

بنت ولا سبي كلهم نعمه من ربي وحلوين

وبهالزمن والله ماتنفع الام الا بنتهاااا

 

[ديما ديما]

كلام صح واكيد البنات والصبيان نعمه من الله سبحانه وتعالى

 

[kingq8q8]

كلش ولا موضوع​

بنات من غلط معاها سونار خالده المجيبيل او ماجده اليتامى​

:d:d:d

ههههههههههههههههههههههههههههههههههههههه​

مادري اضحك او ابجي من هالسؤال الغبي​

لا والله لاتضحكين ابجي على ملاقتج اشفيها اذا سألنا ونزلنا موضوع بهالشغله اذا انتي مو هامج

غيرج يهمه ...... واعتقد المنتدى للكل ومو معقوله اي موضوع ينزل لازم تعلقون عليه وتنتقدونه

وبالنسبه لصاحبة الموضوع

موضووووعج روووعه وكلامج مقنع ومريح والبنت والولد كلهم خير وبركه بس مايمنع ان الوحده

تتمني اللي تبيه الله قادر على كل شي وقادر انه يقلب البنت اللي ابطنج ولد مافي شي صعب على

رب العباد يقول للشئ يكن فيكون...

ومثل ماالبنات حنونين ترا العيال ذخر وعزوه لاهلهم وخواتهم

ويعطيج العافيه

 

[كويتيه مذهله 87]

هذا الموضوع كنت بكتبه لان صج تخلف والله


حتي لو عندج 5 بنات وماعندج ولد حمدي ربج قولي الحمدالله


وحتي البنات الي ينزلون عن الي غلط معاها بالسونار ويردون عليها بنات يطمنونها بس قوووولي الحمدالله علي الي بين معااااج بنت ولا ولد نعمه من اللله

وبعضهم يضيق خلقهم علي الي ربهم رزقهم

 

[FJ style]

كلامج عين العقل
بس بصحح لج معلومة
تحديد الجنس مو الكل افتى بحرمته
في من اباحه لظروف مثل مثلا وجود امراض وراثية بالعايلة تنتقل مع نوع معين من جنس الاطفال وغيره واهني ممكن يلجؤون لتحديد الجنس
وفي حالتي عندي اربع بنات والف الف الف الحمدلله واموت عليهم
بس بخاطري ولد يكون بإذن الله عون لخواته بعد عيني وهم عون لي انا
تلوع جبدي نظرة بعض الناس لي وانا حولي بناتي
ودي ابط عيونهم
بناتي نور عيوني ومجتمعنا رغم هالتطور مازال متخلف بهالسوالف
حتى خالتي قامت تنقز وتقول بس وقفي لا تحملين
يعني واحد من اهل زوجي عنده اولاد وبنات بس يا ربي الحمدلله عالنعمة عياله مرضى وفيهم سوالف ربي يعافينا
اقول حق زوجي احمدالله عندنا بنات بصحتهم وعافيتهم

احم طولت عليج بس حبيت اعلق ع موضوعج الرائع

 

[بيت التوت]

لوووووووووووووول عنوانج موتني ضحك

مكبره الموضوع وااااااااااااااايد انا اقول كل وحده وضروفها

 

[بيت التوت]

اي والله صاجه اعرف وحده مسطره له 3 صبيان وكله مسافر وهايت ولايدري عنها
ووحده عندها بنتين ويموت عليها ومايصبر عن بناته ولا امهم
والله يخلي لج ولدج ويرزقج بالبنوته الي تفرح قلبج

شوفي بس حبيت اوضح لج معلومه الوحده فينا اذا تمنت الولد ماتتمناه عشان يقوم سوقها عند ريلها ولا يحليها بعينه ولا يزيد محبتها بقلبه لا قلبي
الوحده تتمني الولد عشان الولد سند لامه وابوه وخواته خالتي اخت امي عندها 3 بنات بس وماعندها عيال وابوهم متوفي تعالي شوفي لي صكت الدنيا فيهم ولا ضامها الريل تتمني يكون لها اخ يوقف بويهه وياخذ لها حقها ويحسب لها الريال الف حساب ان وراها احد مايرضي علي ضيم اخته
الام اذا كبرت منو يشيلها ويصرف عليها غير ولدها اذا ربي هداه واصلحه
لاتطالعين الامور من زاويه وحده شوفيا من كل الجهات
ويابناااااااااات تكفون لاتجرحون احد بردودكم او تطنزون علي مواضيع بنات الله اعلم بحالهم منكم انتوا ترا محد يحس الا لمجرب
البنت حنونه علي امها والولد بعد ذخر وعزوه لأهله لاتهمشون الموضوع
واللي اتحب البنات عسي ربي يكثر بناتها واللي اتحب لصبيان عسي ربي يكثر عيالها

وبس :eh_s(7):

 

[بشوشه]

الله يحفظ لي بناتي عساني ما اطلب شي الا ركضووووو يجيبونه لي و لو اطرش ولدي والله ما يتحرك من مكانه ههههههههه
لكن اتمنى و التمني مو غلط ان اخاويه بولد اخ و سند له
هذي رغبتي و لكن
انت تريد
و انا اريد
و الله يفعل ما يريد

مستحيل افكر اجرب خلطه او توقيت او دوا او ابر عشان احمل بولد احب ارضى بقسمة ربي
انا و خواتي عزوة بعض و صديقات هذي ميزه حلوه للبنات عكس الاولاد كل واحد وله ربعه و اصحابه

الحمدالله عالقسمه و النصيب و النعمه اللي احنا فيها
في ناس تتمنى انها تشعر بالامومه مو تبي تختار بنت وولد

موضوع حلو ورائع جدا جدا جدا

بس بغيت اقول شغله صارت اليوم اذا توثقين بكلامي
صديقة اختي الكلووووز ( المقربه)
قالو لها ولد وجهزت كل شي ازرق مع اختي و تساعدها اختي بكل شي الحين اهي بالشهر ال7 قالولها بنت يعني صح السونار احتمال يخطي ههههههههه

 

[عواش1987]

واااي يا زين البنات ويا زين بنتي ( الغلا ) اي نعم اهي الغلا كله تهبل تينن اصلا احس اهي غير عن خوانها او خواتها اللي بيوون واااي هاذي حبيبتي بجري ربي يحفظها

وانا حامل الحين وحدي ابي بنوته حق بنتي

ونفس الشي ابي ولد على قولتهم من باب التغيير

والله اللي اييي من الله حياه الله اهم شي الصحه والعافيه

خوش موضوع صراحه تسلم ايدج