معرض العطور و التجميل 2012 فيدونا بمشترواتكم

[حنان المحبه]

بناااات نسيت اقولكم ...
الطارش عندهم دهن عوووود يهبل اسمه (((نفيس)))
خذته اختي مع تجهيزهد السنه اللط طافت وتمدح فيه حيل بس شوي غالي ...

جزا الله خير اختي اللي فاتحه الموضوع ...

 

[clairefountaine]

احلى من الخيال حبيبتي وين لقيتي منتجات تريسيمي؟؟؟

 

[حنان المحبه]

بنات مايجيبون ماركة ايربان ديكي ميك اب حلو شدواتها ويمدحون محلها الاسود ...
سؤال ؟؟
شنو منتجات تريسيمي...

 

[أحلى من الخيال]

منتجات تريسمي
بصالة 5 عند بوث رشة عطر
راح تلقين بالبوث نفسه تريسمي و فروتي
​

 

[أحلى من الخيال]

بنات مايجيبون ماركة ايربان ديكي ميك اب حلو شدواتها ويمدحون محلها الاسود ...
سؤال ؟؟
شنو منتجات تريسيمي...

شامبو لأنواع الشعر
المتقصف / الغليظ / المصبوغ / الجاف .....
و كل شامبو معاه بلسم
رغوة تصفيف الشعر و سبراي تثبيت
بخاخ حماية للشعر من السشوار و سيروم روعة
كريم للشعر هذا اللي أذكره
​

 

[luuluuu]

انا اليوم بروح

 

[الشيرازية]

مرحبا بنات انا امس رحت واشتريت عطر هوت كوتور القديم البارفيوم 50 مل ب27 وربع واخذت عطر كيم كارديشيان 50 مل ب12 اعتقد واخذت عطر مادري اهو من عطورات الجزيرة ولا لا اسمه black oud اشحلاته ب23 ونص واشترت اختي عطر بيونسيه اسمه heat ب15 دينار وعطر فرساتشي الجديد نفس شكل الاسود والوردي القديم اللي غطاته كبيرة بس صيفي ولونه اصفر ب23 او 24 دينار وكنت ادور الماجد عمري ماجيته ولا شريت منه بس حبيت اروح اشوف العطور اللي يمدحونها البنات عنده بس ما لقيته وين صاير هذا بنات دورته لما تكسرت رجولي مالقيته اللي تعرف تقول قبل لا يسكر المعرض صج لايطوفكم عطر pure white linen الابيض واللي لونه علي وردي بس مسكت نفسي من كثر العطور اللي عندي كانو واحد ب39 وواحد ب36 وسلامتكم

 

[Tom ♥ Jerry]

.

^


عليج بالعافيه

 

[amoOoNA Al_mazyoNa]

ايه حبيبتي موجود


بس انتي فيدينا شنو تاخذين منه​

خذيت منهم قبل سنفره .. وخذيت هالمره صابون

 

[amoOoNA Al_mazyoNa]

_خذيت من hr ماسكرتين و قلم كحل و خذيت كريمين برونز للــويه .

_خذيت من خان للصابون صابون امسوين عرض 2 ب5دنانير بس مو كل الصابون عليهم عروض لا أشياء معينه.

_خذيت من بيت الصابون اللبناني صابون و بودي سبراي و غسول للويه عروضهم واااايد حلوه

_خذيت من محل مناديل معطره على ريحة بخور وعود ومسك.

وماشريت عطور لأني مومحتاجه عندي

 

[Tom ♥ Jerry]

.



مشترياتي :*


من وحده لبنانيه " رساله الحب " عجبني حييل

حق بنتي من desny

خذيت العلبه الصفره هاذا واقي شمس " حمايه " قبل الميكب و يصير حق الايد بعد
و حمرتين :

من بيوتي بوكس " عطر + لوشن " ايننننننننن

اخر شي من خان الصابون

على فكره ترا ماسكه نفسي وايد وايد ما حبيت اخذ
لاني راح انبط من الميكب و العطور
حتى ريلي يقول خلاص لا تاخذين شي ..
بس هذول بس جيي خذيتهم لوول ..

قبل المعرض كنت شاريه عطور وايد بعد
ماكنت ادري انه في معرض
كنت ماخذه d&g + coco chanel + virsacci


.

 

[looksh]

المعرض يهبببببببييبببببل

رحت له امس الضحى وكان حلوو وقته لا زحمه ولا شي يعني اشم على راحتي
ومشترياتي:

الجسار >>> بخور عجيب علبتين بخمسه وخذيت زعفران رووووعه ((( كلهم مجربتهم من قبل)))

الرصصي >>> بخور عود عجييييب مخشوش داخل عنده التوله بـ١٠ وخذيته بـ ٨

اصغر علي >>> مخلط اسمه المعتمد كلمه رووووعه شوي عليه بـ١٢ اذا ماني غلطانه وانا شاريته من الخبر يعني مجرب وشريت فرسان رجالي حلو بـ١٥

الجبري >>> لازم اروح المعرض اشتري منه وهو مخلط (عزززززوف) ثقيل بس حلو للعبي والشيال ثلاث حبات بـ١٠ وخلطه للفراش نفسه عزوف ثلاث حبات بـ٦

الروقي >>> مخلط اسمه الاميره نوره بـ١٠ ومخلط اسمه (شي) و ( الشيخ ) وثالث نسيته كلهم ثلاثتهم بـ١٠

سيد جنيد >>> بخور مشرب مااعرف شنو اسمه التوله بـ١١

السرتي >>> مرش للفراش وللبيت اسماهم ورد طائفي وشباب وعود ثلاثتهم بـ ٥

مس جلارمو >>> بوث حلو شكله وقالي ان عندهم فرع بلندن وهو يستورد من عنده عطوراته خياااال شريت عطر اسمه ادم بـ٦

وسيبا ميد >>> شريت بسعر تكلفه كريمين بـ٣ وشي للحفاضات و٤مناديل بـ٣او ٤ وماي كولونيا للفراش البيبي وملابسه عجبني حييييل بدينار وشي

سولارن >>> حمرتيين رووووعه لون احمر ناري وبنفسجي


وووبس

وانشاءالله مانسيت شي لان حيييييل حلو المعرض ويستاهل تعنين له وتقومين من الصبح

واتمنى تكونون استفدوا

 

[دلوعه ززوجي]

يونس المعرض شكلي برد اليوم يهبل.
شوفوا انا رحت عند اهلي ماكنت نوي اروح مكان
جان اشوف خواتي وامي بيروحون وبطلت بوك
ماكو غير ٢٠ قلت أكيد مايكفي ماراح اروح
بعدين قلت امي امشي انا اعطيج
ورحنا وأخذ من امي ١٠
سج يونس ويهبل
أخذت عطر ديزل من تاناغرا ٨وعطر ثاني متدري شسمه بس روعه ٥ بعد منهم.
ومن الفرنسي عطر لوي ٦
وعطر من محل فرنسي روع شوي عليه ٥بس والله زين يععني توقعت أني ماراح اشتري
شي بس شكل كل مره يجهز من المعرض حق الصيف واشتا عطوري

 

[حيزبونة كيوت]

بناااات متي الفترة المسائية ??????

 

[أحلى من الخيال]

بناااات متي الفترة المسائية ??????

كم الساعة 5 إلى 10​

 

[أحلى من الخيال]

مرحبا بنات انا امس رحت واشتريت عطر هوت كوتور القديم البارفيوم 50 مل ب27 وربع واخذت عطر كيم كارديشيان 50 مل ب12 اعتقد واخذت عطر مادري اهو من عطورات الجزيرة ولا لا اسمه black oud اشحلاته ب23 ونص واشترت اختي عطر بيونسيه اسمه heat ب15 دينار وعطر فرساتشي الجديد نفس شكل الاسود والوردي القديم اللي غطاته كبيرة بس صيفي ولونه اصفر ب23 او 24 دينار وكنت ادور الماجد عمري ماجيته ولا شريت منه بس حبيت اروح اشوف العطور اللي يمدحونها البنات عنده بس ما لقيته وين صاير هذا بنات دورته لما تكسرت رجولي مالقيته اللي تعرف تقول قبل لا يسكر المعرض صج لايطوفكم عطر pure white linen الابيض واللي لونه علي وردي بس مسكت نفسي من كثر العطور اللي عندي كانو واحد ب39 وواحد ب36 وسلامتكم

حبيبتي
أنا قلت لكم الماجد مو نازل​

 

[F.DIAMOND_Q8]

بنات وين صايره ماركة نوبا
مرتين اروح وما لقيتها

بلييز اللي تعرف اتقولي بأي صاله و وين بالضبط​

 

[أحلى من الخيال]

بنات وين صايره ماركة نوبا

مرتين اروح وما لقيتها​

بلييز اللي تعرف اتقولي بأي صاله و وين بالضبط​

موجودة بصالة 6 بالبوث المقابل
لمكياج المنصور و عليها خصم
و أكثر من مكان لقيتها​

 

[بدوية بملامح كشميرية 86]

بنات اليوم ناويه اروح

متي يسكررر

اخاف اروح القاه مسكر ؟؟؟

 

[زبدة ككاو]

أخر يوم السسسبت إللي مــآراحت تروح لايطووفهــآ
إللي عجبني من دآر الطيب عطر طرحة العروس خذيت منه ورحت اليوم ولا ألقاه خالصصص يقول خالص من الشركة بعد مــآشاءلله روعا روحوا باجر يمكن تلقونه
والبنفسج القديم لقيته عند الشـآيع
وخذيت معمول حنان هذا روعا ما أستغني عنه للبيت وللكبت وللفراش شي والله ماشاءلله جنه عوود
ومبخررر
معمول العفاسي إللي بـ 5 روعــآ جنه عود مبخر مال القرشي لايطوفكم
معمول أصغر علي استبرق خذيته بس الصراحه موذاك الزود يعني بخليه للأيـآم العادية ، قطر الندى من أصغر علي وايد حلو
والله يابنات ماكثرت صج المعرررض روعااا شي موطبيعي بس أنـآ مـآ أحب أجهز للصيف وآيــد حلاته للشتاا
وبالعافية عليكم مشترياتكم