استفسار

[حلوه بس هبله]

السلام عليكم
مساكم / صباحكم خير
شلونكم :eh_s(17):
بنات ابسالكم بخصوص الوحده تبي تتزوج من ورا اهلها شخص تبيه واهلها رافضين لان عندها طفل وهي مطلقه وخايفين ان اهل ابو الطفل ياخذونه بس هي تبي تتزوج من وراهم
بس تبي تعرف شلون الاجراءات يعني بخصوص الشهود وجذي
بصراحه ماعندي فكره بالموضوع فقلت اسالكم
( لحد يهاوشني ترا مالي شغل هي تبي فكره عن الموضوع :eh_s(2): )

 

[حلوه بس هبله]

٥ مشاهدات ومحد رد علي

 

[عويتقة]

والله ما عندي فكرة بس ما حبيت اقرأ المشكل بدون دعوى حلوة
يااارب ييسر امورها ويفتح لها ابواب الخير وتتهنى فحياتها ولا تشوف يوم اسود ياااااااااااااااارب

 

[روانتي 12]

سلام عليكم . .

والله صعبه حيل . . وان درو اهلها بتروح فيها . .

الله ييسير لها أمورها . . موفقه .

 

[عسل سل]

تعليق بسيييييييييييط عندي
((بدايه كل فعل فكره معينه تدووور تدوووور بمخ الانساان ليين تطبق ولاحولله ولاقوه ))

 

[حلوه بس هبله]

امين يارب فديتكم
بس تبي تعرف طريقه الشهود بخصوص هالموضوع

 

[روانتي 12]

تعليق بسيييييييييييط عندي
((بدايه كل فعل فكره معينه تدووور تدوووور بمخ الانساان ليين تطبق ولاحولله ولاقوه ))

صج ؟!

طيب ياما فكرنا بأشيئاء كثيره لكن ماطبقناها مع ان مقتنعين فيها ؟

 

[* ليــــدي *]

اذا اكبر من 21 تروح المحكمه إهيآ واللي تبيه
ويكون معاهم شهود من ربعه او اخوآنه ويتزوجون

 

[حلوه بس هبله]

طيب والبنت يكون عليها شهود ولا شلون ؟؟!

 

[دلوعة أبوهآ]

اللي راح تسويه أكبر غلط
ورآح تندن بعدين


آلله يعينهآ

 

[شافوك بحساسي]

لــــــــــــــــيش من ورا اهلها..؟؟؟؟؟



هالزواج اللي مثل جذي مايستمر والله اعلم

خليها تقنعهم مره مرتين عشر
واذا خافو على الولد ياخذونه مومشكله ياخذونه بعد مو اللي مااخذه؟؟ ابوه عادي

واكيد ماراح تنحرم من شوفته
انا اقول خليها تترك هالفكره او تواجه اهلها

 

[* ليــــدي *]

طيب والبنت يكون عليها شهود ولا شلون ؟؟!

إذآ البنت رآشدهـ وتبي تتزوج واهلهآ رآفضين
عآدي تقدر تزوج روحهآ وشهود من اللي بيتزوجهآ ..
بس خل تسأل شيخ لان الزوآج إشهآر و آعتقد لآزم علم وليهآ ..
عمتي محآميه وواااااااجد آقرا قضآيا من هالنوع عندهآ بنات يزوجون نفسهم بسبب ظلم اهلهم ..

 

[حلوه بس هبله]

مادري عنها والله
بس كل القصه ان طليقها تزوجته غصبن عنها هي عمرها من عمري يعني ٢٢ سنه وعندها ولد عمره تقريبا ٥ شهور وزوجها كبير شوي يعني ٣٤ سنه
وتزوجته مغصوبه وعشان ترضي اهلها وبصراححه تقرف منه وماتقدر تعيش معاه لان ماعمرها تشوفه زوج لها بحكم. العمر والشي الثاني الي تبي تتزوجه كانت تحبه قبل زواجها وهومستعد يتقدم لها واهله مو معارضين ابدا ابدا مع ان البنت حظريه والولد بدوي واهله كلش مو معارضين وامه تعرف البنت وتدري ان الولد يحبها وموافقه على البنت وكل شي تمام المشكله باهل البنت وبالاخص الام اصلا قبل لا تتزوج البنت امها كانت رافضته لاسباب مو مقنعه والي اعرفه ان البنت والولد مرتبين امورهم ان يتم زواجهم ويسافرون برا يكملون دراسه بس الام رفضت وغصبوها على واحد ماتبيه عشان جذي هي ميته وتاخذه وللعلم البنت والولد من الجنسيه السعوديه يعني مادري شلون الاوضاع بالسعوديه يمكن غير الكويت وذي كل القصه

 

[اميره1980]

اذا من البداية تبي تسوي شي بغير علم اهلها شلون اللي بيتزوجها بيثق فيها و هي تسوي بلاوي من ورا اهلها ؟
رفيجتج خل تفكر بعقل اول و تفكر بولدها بعد مو بس بروحها ليش الانانية ؟

يا ان تتزوج و تخلي الولد عند ابوه و تشوفه بين فترة و الثانية او انها تشيل الفكرة من راسها و تقعد تربي ولدها
ترا الشي اللي تسويه من ورا ظهر اهلها عمرها ما راح تفرح فيه
و تبي تتزوج من غير علم اهلها و يمكن تحمل صح ؟؟ شبتقول حق اهلها؟؟ لو اخوانها يذبحونها و ما يدرون انها متزوجة ؟؟ معاهم حق
الله يهداها و يكملها بعقلها

 

[حلوه بس هبله]

نصحتها والله بس كلما اتكلم معاها تموت من البجي ومن الظيم الي شافته من طليقها
وهي تحب ولدها ما تكرهه وودها تتنازل عنه عشان تعيش حياته بس في شي يمنعها يقولها لا
مدري شتسوي وانا مو عارفه شسوي ودي اساعدها
بصراحه مره قالت لي لو اهرب معاه واروح لديرته معاه ماعندي مشاكل لان هي قبل زواجها واجهت مشاكل كثيره وحبيبها يبي يساعدها باي طريقه حتى لو هو يبعد عن اهله عشانها

 

[فطوم السعوديه]

مابني على خطأ لا يستمر ..

من شروط عقد الزواج وجود ولي الأمر

وعاد بالسعوديه والله ان ماتتزوجه الا بوجود ابوه يووووه لاتحلم


واذا برا السعوديه اتوقع عادي بس ترى من شروط عقد الزواج حضور ولي الامر

 

[حلوه بس هبله]

اجل تحلم تتزوجه هههههههه
بكلمها اقولها مسكي ارظج وخليه يتقدم مرتين وثلاث لمن امج توافق لان حرام هي صغيره وهو بحدود ال ٢٤ سنه يعني حلوين لبعض

 

[* ليــــدي *]

مآشاءالله فيه خير رغم طلآقهآ يبيهآ ..
خل تمسك فيه وتقنع آهلهآ بدل من ورآهم و ترضي الطرفين
موفقين يآرب ..

 

[عادت ذكرياتي]

الله يفرجها عليها ...


أب

 

[pink Barbie]

ما يصير تزوج نفسها
لازم شهود
عمتي عندها احفاد مستوعبه يعني عمرها بالاربعين مو واحد وعشرين بعد
المحكمه مارضت تزوجها ولدها عمره اخر العشرينات اهوا اللي زوجها
يعني خل تنسى هالشي ماراح يصير لازم احد من اهلها الدنيا مو فوضه :/