تـجمع عـمليآت الخـشوم (2)

[$نرجس$]

هلاا حبيبتي قطووه انشاءالله اموورج تسااهييل ويطلع حلوو ياارب

 

[Dreamy G!rl]

شفت الموضوع وماحبيت اطلع من دون رد

استغفر الله انتو من جد تتكلمون وبكل جرأه ووقآحه اسمحولي على هالكلمه من جد وقاحه

يعني ماتدرون انو حرآم ومايجوز وتغيير لخلق الله بعرف انتو وش دينكم ترا الحمدلله والشكر احنا مسلمين

ونعرف ان مايجوز هالشي بالله بسألكم تصلون واذا كنتي تصلين شلون تقابلين ربك وتدعي وانتي عاصيته

خافوا ربكم !!! اللهم اني بلغت اللهم فأشهد .

انزين الواحد لي بغى ينصح ما ينصح بهالاسلوب
تنفرين الناس الله يهداج بس
في اسلوب احسن من جذي
و انا اقدر لج غيرتج على دينج بس هم ارد و اقول مو جذي اسلوب النصح
ياريت اللي ما عندها اسلوب بالنصيحة تحاول تتعلم
او تكتب حديث او ايه و تمشي
اما جملة ( وش دينكم ) هذي كووم ثاني :eh_s(8)::eh_s(8):

 

[Dreamy G!rl]

اهم شي اللي تعرف دكاتره ايرانيين ههههه عندهم خبرة بكبر الخشوم
وثاني شي تتكلمون على موضوع كانه شي نورمل وطبيعي .....
الحمد لله على نعمة العقل ...
من جد حسيتكم كلكم تشبهون الممثلة مها محمد ههههههه من بعد التجميل عفواا اقصد التجكيرر
مممم بعد حبيت اقولكم ان الموضوع ما تتطرق للكسور والتشوهات ....
وبعد اللي صدمني !!!!!! اللي تستخير ههههههههههههههههههههههههههههههههههههههه شلون تستخيرين بشي محرررررم واهم شي الراحة اللي حسيتي فيها من وين جت !!!!!
عالعموم يا ليت يحذف الموضوع باسرع وقت لان قاعدين يحذفون مواضيع فيها هوشات بين العضوات ولا تحذف المواضيع اللي فيعا تشجيع للحرام .... اتمنى من الكل يحكم عقله و يرتقي ........

ترا الدنيا دوارة اليوم تضحكين على الناس و تتشمتين باجر الله يبليج بمصيبة اعظم من هذي
و تنظمين لقائمة الملعونين بتغيير خلق الله
فمسكي السانج احسن
و مو ملزومين نشرح حق وحده وحده من اشكالج شنو مشاكلنا
و انما الاعمال بالنيات
و انا اشوف اني استفدت من الموضوع وايد
و اللي مو عاجبها تتوكل على الله .. و الا جان في مواضيع تكبير صدر و مؤخرة
حطوا حيلكم فيهم مو يايين اهني اغلبنا نعاني من مشاكل في التنفس و الشكل
و الله ما ودي ادعي على امثالج و اقول الله يبليج بمصيبة بخشمج بس بقول
الله يهديج و يربيج تتعلمين تنصحين مثل الناس

 

[Dreamy G!rl]

بنات خشمي صارله اسبوع منتفخ حيييل و احسه صار مفروش
و الدكتور حطلي موعد بعيد عشان يجيك على خشمي اتوقع حطه بعيد
لان خشمي محتاج هالفترة كلها عشان يفش
متى تتوقعون يبدي يفش الحين انا باجيلي اسبوعين و اخلص 3 شهور

 

[رنو7]

بنات لقيت موقع اجنبي عجبني لناس مسويين عمليات قبل وبعد بالانف
قلت احط الرابط للفراشات

http://www.realself.com/Rhinoplasty/before-and-after-photos
​

 

[$نرجس$]

هلااا والله دريمي امنوره قلبي ... والله عندهم اقساام يتنااجروون فيهااا ولاا يتمسخروون ويضحكوون نفس الي معااي بالدواام كاان كلاامهاا نفس طريقتهم ليين بعد سنه قااصه خشمهااا قص ويااوييلهاا الي اتكلم عليهااا ويوم وحده كلمتهااا وقاالت انتي قلتي قاامت اتصاارخ عليهاا بعد يعني اول اتسب البناات ويووم سوت خشمهاا اهي اكلت البناات بلساانهاا

 

[$نرجس$]

جم صاارلج دريمي من سويتي ومن شنوو انتفخ

 

[القطوووه]

فديتج نرجس انتي قبله المنتدا .. دريمي من دشيت وأنا أسأل وين سويتي عمليتج ولا رديتي !؟ وبناات لاتنسسسوني من دعواتكم ان الله يقومني بالسلامه ويصير خشمي طبيعي ومثل ماحب تكفوووون دعوواتكم 

 

[DeCToOoRa]

انا دخلت بالشهر الثالث .. الارنبه اشوفها صارت كبيره وايد مادري ليش .. خايفه الكمام امأثر
متحسفه ليش مارحت عن ماجد تقي ..
يعني خالد الصبيح شغله مافيه شي .. بس عادي حده عادي .. مافيه رسمه كلش .. وياريته صغره اكثر
انا ويهي وايد صغير وكل شي صغير فليلحين احس خشمي كبير ..

عادي لما اطق عليه بالاسفنج يوم احط الفاونديشن .. وعادي انام على جنب ؟؟
وقالولي لا تاكلين شي يابس !!

 

[$نرجس$]

قطووووه يااارب يطلع حلوو بس ليش مارحتي شفتي تقي شوفي اكثر من دكتوور والله احسن لج وعلى فكره خاالد الصبيح الي اعرفه من تجاارب البناات ماايصغر الخشم وجنه مااسوواا شي يعني بيكوون تغيير بسيط

 

[$نرجس$]

دكتوراا انشاءالله يصيير احسن ...عشاان جذيه كنت استغرب الي يمدحوونه احسه ماا جنه حااش الخشم وفي رفيجت اختي الي خرب خشمهاا صار معووج واول ما دخلت المنتدى كتبت تجربتهااا للبناات وقلت لهم بس استغربت البناات يمدحوونه قلت يمكن حااله وحده بس وشفت الكل يمدحه وانشاءالله يطلع حلوو ولما تلبسيين الكماام حاولي ما تضغطين علييه واي لاا تاكليين شي ياابس يقوولوون يأثر

 

[$نرجس$]

جم صاارلج دكتوراا

 

[ياحلمي لابد أوصلك]

بنات خاشه عرض انا

بس عندي سؤال
ليش ليلو جبريت موقوفه ؟!!
كنت متابعتهاااا

 

[noona]

قمة الاحباط خشمي وارم مو طبيعي ةيهي دهني والصراحهه اعاني من هالدهن

 

[noona]

صج خالد ما صغر خشمي بس حلاني عدله شوي وانا طالبه جذي


الله كريم ويروح الدهن والله احس تحت خشمي يركة دهون

 

[noona]

صاجه نرجس بعض الناس تتفلسف وحرام وتسوي قصه واهي ما تدري شنو مسكله البنت الي سوت عمليه عقب تشوفينا اكثر من عمليه وحقها يصير حلال

 

[Dreamy G!rl]

نرجس عدل كلامج هذا اللي قصدته
الدنيا دوارة ما تخلي احد
اللي يعيب اليوم باجر الله يبليه على طوول
تصدقيني ما تخسر شي لو داشه قايله كلمة طيبة و الا دعتلنا بالهداية
بس السان الحريم منو يقدر عليه غير الله ماقول غير الله يعين رياييلهم هذا اذا في احد يبيهم طبعا
صارلي الحين بالضبط شهرين و 18 يوم
و انتي نرجس ؟؟
الدكتور قالي الارنبة تحتاج 6 شهور عشان تفش و عشان تاخذ النتيجة النهائية يبيلها سنة
و صج خشمي صاير ياااابس و حتى بالمساج احس وارم و متخدرة جهة اليمين وايد
و لما قريت بمواقع ان التخدير ياخذ شهور طبعا مو كل الخشوم تتخدر في خشوم بسرعة يتعدل وضعها
العملية اللي طافت ما تخدر كلش بس هالمرة مخدر و حتى من صوب الفتحة اللي ع اليمين متخدر
وااي معاناة العملية و الله

 

[Dreamy G!rl]

فديتج نرجس انتي قبله المنتدا .. دريمي من دشيت وأنا أسأل وين سويتي عمليتج ولا رديتي !؟ وبناات لاتنسسسوني من دعواتكم ان الله يقومني بالسلامه ويصير خشمي طبيعي ومثل ماحب تكفوووون دعوواتكم 

حبيبتي ما شفت سؤالج !
الحين اكتبلج بالخاص عند منو
:d:d
و الله يسهل عليج العملية

 

[Dreamy G!rl]

انا دخلت بالشهر الثالث .. الارنبه اشوفها صارت كبيره وايد مادري ليش .. خايفه الكمام امأثر
متحسفه ليش مارحت عن ماجد تقي ..
يعني خالد الصبيح شغله مافيه شي .. بس عادي حده عادي .. مافيه رسمه كلش .. وياريته صغره اكثر
انا ويهي وايد صغير وكل شي صغير فليلحين احس خشمي كبير ..

عادي لما اطق عليه بالاسفنج يوم احط الفاونديشن .. وعادي انام على جنب ؟؟
وقالولي لا تاكلين شي يابس !!

امبيه الظاهر كلنا جذي من ندش بالثالث ينتفخ لان انا و انتي و نونا كلنا قلنا نفس الكلام
و الكمام ما يأثر ع الارنبة بس يأثر على مكان الخشم من فوق فوق العظم ف ديري بالج لا تشدين عليه حيل او حطي قطنة او كلنكس من فوق و انتي لابسة الكمام
نامي على جنب و اكلي شي يابس خلاص مروا شهرين مو شوي و عيشي حياتج ريلااكس

يلا بنات تفائلوا لا تتحبطون مثلي من اشوف خشمي انتفخ تصك فيني الدنيا و مالي خلق احد مع الايام راح يتغير ان شاالله

 

[cuteq8tya]

قوه بنات
أنا عضوه يديده وامس سويت عمليتي عند ايلي غاريوس وانا للحين بلبنان وشابكه بتلفوني

بنات أنا خشمي مو كبير حجمه عادي بس فيه عرض شويه بالارنبه فبغيت اصغرها واصغر فتحات الخشم شوي بشكل طبيعي

قال لي راح اصغر لج الفتحات والارنبه وانحت لج شوي من العظم فوق وكله تنعيم بسيط عشان يصير شكله متناسق وطبيعي

والخياط راح يكون داخلي مو خارجي لان فتحاتج مو وايد كبيره فما يسوى اخيطهم من بره

قلت له اوكي بس ابيك تصغر كل شي حبتين يعني شي بسيط

المهم سويت العمليه ورحت له اليوم طلعو الفتايل وشفت شكله انصدمت !

بنات والله خنقتني العبره الارنبه صايره اعرض من قبل والفتحات مدووره ! ونفس حجمها القديم إذا مو اكبر

غير أنه ارتفع شوي فوق مع انه قال لي ماراح ارفع لج

قالت لي السستر لا تخافين راح ينزل وراح تصغر الفتحات والارنبه وكل شي !

بس واضح انه الفتحات ماصغرهم لان نفس حجمهم القديم ! مجرد ان صارو مدورين اكثر لانه قصر شوي من اليمين واليسار مادري إذا فهمتوني ولا لا

من الصبح وانا ابجي مو متقبله شكلي وامي تجاملني بس ماني عارفه شسوي

ونا مادري إذا فيه غرز للحين داخل ولا لا اهيه قالت لي بشيل لج الفتايل بس شالت القطن ! يعني بسالكم الحين الفتايل اهيه القطن؟

والغرز شي ثاني ؟؟ أنا عبالي الغرز اهيه نفسها الفتايل!!

مادري شسوي قاعده افكر ادق عليه اقول له بسوي عمليه ثانيه تصغر لي فيها الفتحات اكثر ويكون الخياط خارجي !

انتو كلكم قلتو على الشهر الثالث ينتفخ يعني اهوه بعد العمليه مو منتفخ وايد؟

اهيه قالت لي العكس ، قالت بعد الثالث بتشوفين انه راح يفش بس من السادس لي سنه راح ياخذ شكله النهائي

تكفون بنات فهموني عقدتني اللبنانيه وانا ماعرفت اسالها عدل من الصدمه