انطلاقة يوميات طفولية بالصور ..

[طـفولية]

~ بسم الله الرحمن الرحيم ~

السلام عليكم ورحمةالله وبركاته


بدش بالموضوع على طول :eh_s(2):

أنا يا محفوظات السلامة شهر 9 إلي طاف كان وزني 58 وانا طولي 158 وهالوزن كان بعد جهد جهييييد ..

والحين وزني 65 وأعشار جدامها وايد ..

يعني جريب الــ 8 كيلو زيادة !!

و أنا تعودت بفضل الله إن عزيمتي حديد ، و إني أغلب نفسي ..

بسوي أهداف لمن أوصل باذن الله



الهدف الأول : 62 من تاريخ7-4-2012 إلى 20 - 4 - 2012
الهدف الثاني : 58 من تاريخ 21-4-2012 إلى 4 - 5 - 2012
الهدف الثالث : 55 من تاريخ 5-5-2012 إلى 18-5 -2012

يعني كل هدف اسبوعين و ان شاء الله بشد حيلي وكله على الله


انا اليوم انطلقت بفضل الله ..

حزة صلاة الفير شربت بطل ماي صغير و أول ما قعدت من النوم الساعة 10 هم شربت بطل ماي صغير ..

لعبت تمارين كرووز

وتريقت ( حليب + كورن فلكس بران + ملعقة كبيرة شوفان )

و إن شاء الله راح أوافيكم بنهاية اليوم بيومياتي .. وبيكون بالصور

عاد شجعوني عاد

 

[اثمان]

هلا حبيبتى طفوليه

شلونج وشلون الدراسه ...؟


متابعينج

وموفقه ان شاء الله

 

[ღ Mzajiya ღ]

موفقه حبيبتي وانا بعد اليوم بديت بس يبيلي اشد حيلي شوي
انا تابعت يومياتج من قبل ومشالله خوش شي بتابعج واشجعج عشان اتشجع
و الله يعطيج الصحه والعافيه يارب وتوصلين الوزن اللي تبينه :*​

 

[((shoOoshoOo))]

برافوووووووووووووووووو

ربي يوفقج وتوصلين 58

 

[قمر بيت أبوها]

ياحبيبتي ان شاء الله تنحفين من غير سوء وبالتوفيق عزيزتي

 

[طـفولية]

يزاكم الله خير كل الي شجعوني ودعولي ربي يفرحكم ويسعدكم
ربي ما يحرمني من طلتكم الحلوة :*

 

[طـفولية]

تكلمة يوميات أمس .. وسامحوني على اليوم الأول بدون صور :$

الظهر كليت تفاحة حمرة

الغداء مجبوس دياي ( صحن عيش + صدر دجاج + دقوس )

شربت بعدها قلاصين أعشاب

قبل المغرب بشوي تبولة من دايت كير

الساعة 6 ونص كانت آخر وجبة عندي : حليب خالي الدسم + صمونة سمرة طوالية حشوتها (شريحة مرتديلا + شريحتين طماط + قفشة لبنة + رشة زعتر + نقطة زيت زيتون )

عالسالعة 9الا تقريبا مشيت على الجهاز 20 دقيقة

ورديت شربت مطارة كاملة جاي أعشاب

وختمت يومي بروب قليل الدسم

وسلامتكم وتعيشون :d


وان شاء الله اليوم أوافيكم بيومياتي وبالصور إذا ربي سهل

 

[اثمان]

بالعافيه ما اكلتى

 

[طـفولية]

السلام عليكم ورحمة الله وبركاته ..
اليوم الأحد 8-4-2012
قعدت من الساعة 5 حق صلاة الفير وهذي قعدتي ما عرفت أرد أنام
شربتلي بطل ماي أبراج صغير
ولعبت تمارين كروز (( تمارين 8 دقايق ))
وبعدها على القرص الدوار دقيقتين >> تعبت نفسي
وبعدها يا محفوظات السلامة طلعت برا بالفريج مشيت نص ساعة مشي محترم .. وبعدها رحت الجمعية ( مشي ) وتبعد عن منزلنا 5 دقائق مشي .. حلوة تبعد صح ؟ :ggdw:
المهم
شريتلي سندويجة أمريكانا ديك رومي وتحتوي على 153 كالوري

وهذا ريوقي :
سندويجة أمريكانا نصيحة للي يسوون رجيم عطوها شوي تذوب حشوتها بالمكرويف نص دقيقة جذي دقيقة وبعدين حطوها بالساندوج ميكر بس لا تسكرونه عدل بس خفيف عشان تحمش من فوق وتحت ,, تطلع عجيييبة كأن سوالف الكفيهات كاريبوا وربعه ..

+
حليب خالي الدسم مهيل مع جاي

+

قطعة ككاو احنا ببيتنا نسميه ككاو فيل عاد ما ادري انتوا شنو تسمونه
فيها يا حلوين 57 كالوري

وهذي البكجر :rerrerek:



يالله أبي تشجيع لا صار ولا استوى :eh_s(1):

 

[طـفولية]

بالعافيه ما اكلتى

هلا وغلا أثمان ..
الله يعافيج وبيت مكة يوديج ومن زمزم يسقيج ..
فديت الي متابعني والله :d

 

[اثمان]

هلا حياتي

أنا واياج وكل المسلمين يااااا رب


حياتى تسلمين والله

 

[ღ Mzajiya ღ]

عليج بالعافيه ياقلبي :*​

 

[طـفولية]

اثمان ومزايا فديتكم :***

 

[طـفولية]

أشكر المتابعين لي وإلي يسيرون علي ويشجعوني :eh_s(15):
وهم الي يسيرون بدون حس


الله يسلمكم الساعة 11 كليت سناك إلي اهوا موزة بس كنت بالسيارة وكليتها بسرعة نسيت اصورها ..



شربت جاي اعشاب بالجامعة ريحته فشلتني :eh_s(2):
بس كله في سبيل الرشاقة يهون :eh_s(4):

ونيي حق الغداء :

سالفة طويلة صارت على الغدى الزبدة ان كليت وجبة من دايت كير ما احبها وايد ولا افضلها ولكن شاء الله أن يكون ذلك :eh_s(16):
ستيك لحم بصلصلة المشروم بالرمان مع ماش بتيتو + جرجير + لبن مراعي قليل الدسم


و إن شاء الله أوافيكم بالباقي

هالفيس ماله سالفة بس احبه حيل احسه يشابهني ههههههه فبستعمله :eh_s(22):

 

[طـفولية]

سناك :
سلطة ( جرجير + بقدونس + كرفس + نعناع + فلفل أحمر + جزر + طماط + ليمونة + م ك زيت زيتون + رشة أويقانو + رشة سماغ )

عور معدتي الليمون

 

[طـفولية]

السناك 3 :
2ككاو فيل + حليب خالي الدسم

وهذ عشاي
بيضة وحدة بدون دهن + مسحة جبن + شريحتين طماط + حليب خالي الدسم

وخلصنا =)

نشوفكم باجر ان شاء الله​

 

[طـفولية]

سامحوني كان عندي مشكلة باللاب توب والشحن .. خلتني انقطع هالانقطاع

ما راح اقدر احط الايام السابقة ..

فبحط من اليوم ..

نطروني بحط الريوق ..

 

[طـفولية]

هذا ريوقي ..
حليب خالي الدسم + فطيرة جبن من دايت كير + ككاو كندر

 

[om_fajer83]

موفقة
بس قللي من الككاو لانه يا يزيد الوزن أو يثبته

 

[سعوديه 6]

ماشاء الله الله يوفقك