كارهه عمري وكاره كل شي

[دلوعة كويتيات]

تعبت بنات

علموني شلون اتعامل مع ريلي
صايره مايمر يومين الا متهاوشين
افكر وايد اتطلق مرات لاننا مو متفاهمين
حسو فيني تعبت تعبت غير موضووع الحمال اللي
متعبني فحوصاتي بعد الاجهاض كان عندي هرمون مرتفع
وعالجته ، انا مرات تيني حالات امره ريلي ودي اذبحه لووول
ومرات عادي
بنات قبل لما ازعل ييي يمي يراضيني الحين
بالطقاق رضيت مارضيت وفوق هذا برامج الايفون الوسخه
مثل بارلنغو وهو ز هير وجات كلهم عنده
تعبت قمت احن لايام العزوبيه وافكر اتطلق منه
ساعدوني انا لو اتطلق اول شي افكر فيه هل اضمن ايييي ريال غيره احسن منهه؟؟ استغفرالل
مدري شقمت اخربط احس عين لان قبل شحلاتنا بس حاليا لا لا كارهته
واحس اييني بس علشان الجنس
حتى بالجنس ما يونسني اهم شي روحه
واهو مو صغير
بنات احس عايشه برعب وافكر بمستقبلي شلون بيصير معاه
تعبت
وسوري مشرفات كتبت اهني هذاك يطول على ما ينزل وانا ماقدر ابي حلول

 

[sosowaty]

حبيبتي لا تلومينه اذا زهق و ما قام يراضييج

الشي اذا زاد عن حدة انقلب ضدة

و اذا عشان ال ج ن س قوليله و فهميه باسلوب حلو و بالتفااهم كل شي ينحل

و اكثر الرياييل عندهم هالبرااامج

عليج بالصبر

 

[ام الحلوااات]

اللــــــــــــه يـــهـــــديـــــه ويــــســـــــخــــــره لـــــج

 

[احلامي غير]

الله يهدي سركم يارب انتي لاتخلينه هو محور اهتمامك اليومي اطلعي روحي شاركي بنادي اعزمي انا بغربة والله نفس مشكلتك بس انا بدون اهل ولااحباب لو بديرتي عرفت اونس نفسي تراى اسمه شريك الحياة مو الحياة كلها انتي شابة وصغيرة لاتقهرين عمرك والله بكرى ان مرضتي يخليك ببيت اهلك وموضوع الحمل بيدالله انا تاخرت سنتين بعد زواجي والله اكرمني بعد صبر الفرج بيجيك ربي كريم انبسطي وافرحي الحياة حلوووووووووووووووووووووووة

 

[دآنة آلرشآيده]

الله يهديج ويسخره لج
تعوذي من بليس باجر تحملين وتجيبين
عيال وراح يتغير للافضل
عسا الله يوفقج ويسعدج ويفرح قلبج

 

[أكذب عليك]

هدي حبيبتي

انتي مضغوووطه حيل لانه الضغط اهو يسببلج مشاكل بدون ماتعرفين سببهم
لاتصيرين ضعيفه عشان ماحملتي او اجهضتي تري هالامور تاثر بالحياة الزوجيه
بس ماتتحكم فيهااا

ثانيااا

تلفونه وبرامجه وووو هالشغلات حلات المرا مادور فيهم شوفي اذا زوجج يخونج لاسمح الله
او يفكر بغيرج لاتحاولين انج ادورين هالشي لانه بينكشفلج بدوووون ماادورين وذيك الساعه حاسبيه


سالفه انه ماتهمه دموعج هذا شي طبيعي الرجال بدايه الزواج حيييييل يهتم بخاطر مرته بس لا تعودوا وصارت ميانه
مايهتم..تخيلي تشوفين شخص يبجي قدامج تقريبااا كل يومين بالبدايه بتتأثرين بعدين طاااف فالرجال جذي ومل امهاتنا
ينصحونا مانبجي قدام ازواجنااا لانه غلط كبييييير


الطلاق مو حل كلنا نحن للعزوبيه بس لاصار الصج نبي الاستقرار ونبي ازواجنااا وحيااتنا الزوجيه
واذا الوحده انجبرت بطلق ماراح تطلق ع اي شي فكري بعقلج وحكميه انتي ماتزوجتي الا انج مرا كبيرا
وفاهمه وعاقله قيسي الامور لاتحطين نفسج انج مظلومه ولاظالم ولاتقعدين تقولين اهوو واهووو كله كله
حددي المواقف وشوفي شنو اسباب هالمواقف وبتعرفين الصح والغلط

وماانصحج تحاورين او تناقشينه شوفي اذا فيج غلط صحيحه وخلاص مشي حياتج


والعين حق بس لايمكن انه نعيش ونخرب حياتنا ونقووول عين هذا غلط لانج بتقولين عين وخلاص
مو كل شي عين ترى مرات الانسان نفسه اهووو يستكثر النعمه عليه


الخين اخذيلج راااااحه واقعدي فكري برووووحج وبنفسج وشلون تعيشن بسعاده انتي مو تفكرين بحياتج
الزوجيه شلوون تصير زينه طول ناتفكرين بروح وانج تصيرين سعيده هالشي بينعكس عليج وعلي حياتج
فكري بنفسج اكةر شي ودوري الشغلات اللي تونسج وسويهااا




سوري ع الاطاله بس عسي الله يفرج همج يارب

 

[شوبارد قطر]

هذا من تغير الهرمونات
حاولي تمشين وتغيرين من نفسيتج وخلي ريلج يشتاق لج ولاتحنين عليه
وبالنسبه للبرامج هذا بعد اختراع وهم مستانسين عليه اللي عليج انتي شلون تغيرينه بطريقه حلوه وتلهينه

 

[RO0O7Y KUWAITYA]

عسا ربي يهديهم لنا ويسخرهم
ادعي واستخيري
وع سالفة ان يجيج واحد احسن منه .. صدقيني يالغاليه الحين اغلب الرياجيل نفس بعض الا من هداه الله

 

[اتعبني]

شوفي اختي..
المشكله مب مشكله ريلج..المشكله فيج انتي..حاولي تتغيرين معاه حاولي قد ماتقدرين لا اتعصبين ولا اتردين عليه..
ترى الريال مثل الياهل كلمه اتودي وكلمه اتيبه..
وحاااولي انج انتي تتقربين بريلج..اشلوووون..؟ يعني كل فتره طرشي مسج غزل وهو ف دوام حتى اذا مارد,,عادي خليج مب مهتمه..حااولي كل نهايه ويكند اتسوووين بااارتي بينج وبينه..صدقيني الريال يحب حد يدلعه..لما ناايم تحرشي فيه او اهمسي ف اذنه قول كلام حلو..

صدقيني الريااال يحب حد يدلعه..لا تقولي هو مايدلعني ولا شي..انتي لا تقصرين معاه دلعي..خلي يحس لما يرجع البيت يحس ف ملاك ناطرته..


والسموووحه طوولت معااكم..

^^

 

[حب1985]

الله يهدي سركم يارب

 

[جـــواهر]

هدي حبيبتي

انتي مضغوووطه حيل لانه الضغط اهو يسببلج مشاكل بدون ماتعرفين سببهم
لاتصيرين ضعيفه عشان ماحملتي او اجهضتي تري هالامور تاثر بالحياة الزوجيه
بس ماتتحكم فيهااا

ثانيااا

تلفونه وبرامجه وووو هالشغلات حلات المرا مادور فيهم شوفي اذا زوجج يخونج لاسمح الله
او يفكر بغيرج لاتحاولين انج ادورين هالشي لانه بينكشفلج بدوووون ماادورين وذيك الساعه حاسبيه


سالفه انه ماتهمه دموعج هذا شي طبيعي الرجال بدايه الزواج حيييييل يهتم بخاطر مرته بس لا تعودوا وصارت ميانه
مايهتم..تخيلي تشوفين شخص يبجي قدامج تقريبااا كل يومين بالبدايه بتتأثرين بعدين طاااف فالرجال جذي ومل امهاتنا
ينصحونا مانبجي قدام ازواجنااا لانه غلط كبييييير


الطلاق مو حل كلنا نحن للعزوبيه بس لاصار الصج نبي الاستقرار ونبي ازواجنااا وحيااتنا الزوجيه
واذا الوحده انجبرت بطلق ماراح تطلق ع اي شي فكري بعقلج وحكميه انتي ماتزوجتي الا انج مرا كبيرا
وفاهمه وعاقله قيسي الامور لاتحطين نفسج انج مظلومه ولاظالم ولاتقعدين تقولين اهوو واهووو كله كله
حددي المواقف وشوفي شنو اسباب هالمواقف وبتعرفين الصح والغلط

وماانصحج تحاورين او تناقشينه شوفي اذا فيج غلط صحيحه وخلاص مشي حياتج


والعين حق بس لايمكن انه نعيش ونخرب حياتنا ونقووول عين هذا غلط لانج بتقولين عين وخلاص
مو كل شي عين ترى مرات الانسان نفسه اهووو يستكثر النعمه عليه


الخين اخذيلج راااااحه واقعدي فكري برووووحج وبنفسج وشلون تعيشن بسعاده انتي مو تفكرين بحياتج
الزوجيه شلوون تصير زينه طول ناتفكرين بروح وانج تصيرين سعيده هالشي بينعكس عليج وعلي حياتج
فكري بنفسج اكةر شي ودوري الشغلات اللي تونسج وسويهااا




سوري ع الاطاله بس عسي الله يفرج همج يارب

:eh_s(15):
:eh_s(15):

 

[الجوهرا]

الله يسخره ويهدي سركم يارب

 

[سعودية بالكويت]

أول شيء عليج تسوينه الصلاة وقيام الليل تدعين

ربج يرزقج الحمل السليم وهداية زوجج قولي يارب اجعل

بيني وبينه السكن والمودة والرحمة يارب أرزقني معه السعادة

والتوفيق قولي يارب جملني بعينه وسخرنا لبعض يارب يألف بين

قلوبكم ولا تعاتبين أو تبينين له أنج متضايقة وزعلانة من تصرفاته

ولاتبجين قدامه روحي لأمج لخواتج فضفضي وطلعي كل اللي بخاطرج

وارجعي له

وأهم شي انشغلي عنه بنفسج وبيتج وأهلج صدقيني الرجال مايحب المرة

اللي لازقة فيه أربع وعشرين ساعة عشان مايمل منج خلي بينكم مساحة شوق

حتى وأنتم فبيت واحد

أعتذر يمكن تفلسفت عليج بس هذا اللي لازم كل مرة تسويه وأنا معكم أحاول قد ما أقدر

أطبقه بحياتي وتوني بديت حسيت جاب نتيجة مبدأية​