تأجير سيارات الليموزين ... وين أحصل ضروري!

[** آية من الجمال **]

بنات منتداي الغالي :eh_s(17):​

طلبتكم وين أحصل مكتب زين لتأجير الليموزين ضروري!​

دقيت على الخرينج رد على واحد مصري وقال يبي يآخذ الفلوس كلها مقدم قلتله وإذا تأخرت أو صار شي؟ قالي عندك العقد قلت وشبسوي فيه حزتها؟ عالأقل إخذ نص السعر وبعدين إخذ الباقي ما رضى وقال كيفك!​

صراحه ما عجبني إسلوبه ، فياليت بنات إللي تعرف مكتب زين وسعره مناسب تخبرني بسرعة لأني بغيته باجر ضروري وإللي تجاوبني جزاها الله خير الجزاء وهذي وردة مني مقدما حق كل وحدة تتفضل وتجاوبني :eh_s(7):​

 

[** آية من الجمال **]

ليش يا بنات 13 مشاهده للحين وولا وحدة ردت علي لو بكلمة طيبة

):

 

[حرم لوردفلدموت]

مااعرف

بس لعيونج الحلوة ياعسسسل


اب

 

[توت بارد]

لعيوونك .. اااب
واتمنى البنات يسااعدونك ماراح يقصروون..

 

[** آية من الجمال **]

حرم لوردفلدموت

توت بارد

ما تقصرون على كلامكم الطيب حبايبي وجزاكم الله خير

 

[** آية من الجمال **]

سلام عليكم بنات

بس حبيت أشكر البنتين الوحيدتين إللي ردو علي حرم لوردفلدموت وتوت بارد وأشكر الـ47 مشاهدة حتى الآن

وأقولكم إني الحمدالله حصلت إللي طلبته بفضل من الله ومنة :eh_s(17): ما قصرتو

 

[الشيخه فطامي]

حبيبتي بالبلاجات بس ماعرف اسم المحل

بالزاويه يصير يم التسجيلات او محل تأجير سيارات

 

[** آية من الجمال **]

مشكورة يالشيخة خلاص أنا بغيته ضروري عشان شذي نزلته موضوع بغيت فزعتكم بس للأسف خاب ظني ماغير حرم لوردفلدموت وتوت بارد إللي ردوا علي وبعد ما كان عندهم معلومة بس يكفي إنهم عبروني!

عالعموم أنا حصلت حزتها حمدالله فضل الله وكل شي تم على خير وإذا تبين رقمهم فأنا حاضرة وبالشوفه!

وشكرا على مرورك!

 

[جُوري ..]

اختي بغيت ارسل لج ع الخاص ماقدر مشاركاتي شويه

عندي استفسارات :-
جم سعر ؟ و المدة ؟ و شلون خذا فلوسه ؟
و اذا كنت ابي نفس الهمر الوردي اللي عند الخرينج في مثله ؟
و هل تستاهل التجربه اذا بتفاجئين احد ؟
اسفه اسالتي كثيييرة

 

[** آية من الجمال **]

اختي بغيت ارسل لج ع الخاص ماقدر مشاركاتي شويه

عندي استفسارات :-
جم سعر ؟ و المدة ؟ و شلون خذا فلوسه ؟
و اذا كنت ابي نفس الهمر الوردي اللي عند الخرينج في مثله ؟
و هل تستاهل التجربه اذا بتفاجئين احد ؟
اسفه اسالتي كثيييرة

حياك الله أختي عالعام مو مشكلة أنا بريدي بعد مليان وعشان حتى اللي يشاهد الموضوع عن بعد يستفيد :eh_s(7):

شوفي سعره 30 د.ك بالساعة وأنا عطيته إكرامية دينارين من عندي وهذا بالنسبة للسيارة الفورد العادية والفلوس فضلت أعطيه بالبداية ...

بالنسبة طبعا للهمر الوردي السعر يختلف أكيد بيكون أكثر انا قال لي عن السيارة الوردية بس ماعتقد كانت همر مو متأكدة بـ 40 دك قال وأتوقع الهمر بتكون أغلا .

على فكرة الخرينج يآخذ منك المبلغ قبل بيوم والمبلغ كامل أنا كنت داقه سآلتهم نفس ماذكرت بموضوعي حتى عندي بطاقة خصم 10% عندهم بس ما عجبني تعاملهم لأن حتى الوقت إذا حطيتيه مايرضى مثلا إتأجلين نص ساعة / ساعة إذا صارت لك ظروف ، لكن إللي خذت من عنده والله أجلته شذي نص ساعة ماذكر بالضبط ويمكن قبل الموعد بساعة بس ... وما قال أي شي بالعكس بكل رحابة صدر كان يرد علي!

والتجربة حدااااااا تستاهل خاصة إذا انت أول مرة سواء بالنسبة لك أو بالنسبة للي بتفاجئينه أنا هذي ثالث مرة تقريبا بس المرتين إللي قبل من زمااان وناسيه اسم المكتب بس أيضا كان ممتاز...

وودي بعد كل شهر ما مليت وااايد وناسة إذا ما جربتيه لايطوفك وإللي بتفاجئينهم بيطيرون من الوناسة إن شاءالله والساعة أصلا تطير ما تحسين إلا انت واصله بس إحنا حاشتنا زحمة ووقفة وايده عشان شذي حسيت ما مشينا ... بس إذا تبين تقدرين تخلينه ساعتين بس طبعا يزيد المبلغ!

أنا حاضرة أجاوبك أختي حياك الله بأي وقت وأتمنى أكون فدتك وجاوبت كل أسئلتك :rerrerek:

تحياتي :eh_s(8):

 

[softlady]

عليج بالعافيه وسامحينا يمكن لان الواحد ما يطري عليه على السريع

اذا ماعليج كلافه وان شاء الله ما تكونين زعلانه تحطين رقمه على علشان الكل يستفيد

وسوري ولا تاخذين بخاطرج

 

[** آية من الجمال **]

أفا عليك بس سوفت ليدي أحد يسمع كلامك هذا ويزعل

يمكن بالبداية تضايقت لأني دايم أساعد البنات بإللي أعرفه ماقصر ... بس عادي حصل خير

أعطيك الرقم وللجميع ليش لأ! والسموحة إذا تأخرت عليك لأنه مويايلي إللي فيه الرقم كان خربان وأمس خذناله بطارية يديدة وقاعدة أشحنها الحين ... بس اشتغل طلعت لك الرقم ولو

مركز الليموزين للمناسبات
97269998
66585550
بو حمـــد

دقي عليه ما يقصر طيب ومعاملته ممتازة إن شاءالله

ومن أرجع البيت إذا قدرت أنزل لك صورة الليموزين

حياك الله