شنو افضل طريقة لحفظ ورق العنب

[مشتاقة لأبوها]

:bbbiu:السلام عليكم حبيباتي أنا عضوة جديدة به المنتدى الحلو وحابة اسأل الخبرات شذون أجمد ورق العنب.....يعني بعد ما أحشيه ولا بعد مااطبخه لأني جربت الطريقتين ولا وحدة منهم ضبطت معاي. :krkrkr::krkrkr::krkrkr:يصير الرز مكسر كانه برغل والصراحة يخترب الطعم ....بليز اللي عندها خبرة تعلمني والله يعطيكم العافية

 

[مشتاقة لأبوها]

أسفة على البدليات لأني اكتب من الايباد. تصحيح بعض الكلمات. شذون :شلون. الخبرات: الخبيرات

 

[جارة القمر]

تفضلي طلبك::


http://www.q8yat.com/t191157.html

 

[أم عزيـز]

انا عن نفسي احشي والرز مو مستوي واحطه بالفريزر
ووقت الطبخ اصفه بجدر تحته طبقة بطاطا واحط عليه الصلصة واخليه ساعتين الإ ربع او ساعتين على نار هاديه ويطلع لذيذ وذايب

 

[ام الدرر]

الرز المصري مايتكسر
احمس خلطتي عالنار (زيت -بصل- طماط- كزبر- شبنت - الرز المنقوع - دبس رمان -كتشب ) لورق العنب الحامض حلو
و بدون لا احمس (بصل- طماط -نعناع -زيت زيتون -ملح ) ورق عنب بالزيت
واسوي كميه كبيرة وافرزنه طبقات فوق بعض بينهم ورق نايلون ​

 

[مشتاقة لأبوها]

الله يعطيكم الف عافية. بس جربت أجمدة والرز في الاساس مؤ مطبوخ بس منقوع ومع ذلك نفس الشي يصير يتكسر الرز. والله حايسة بالحيل لأني ادرس فمضطرة اسوي كمية وافرزنه. عموما ما قصرتوا بجرب طرقكم ويشوف النتيجة النهائية. جارة القمر يعافيج ربي على الرابط.

 

[نورالبدر كله]

جا سؤالك بوقته توني امس اسأل كيف أفرزن ورق العنب لأني احبه كثير بس مافهمت شرح البنات ياليت احد يوضح بطريقة اسهل للمبتدئات مثلي وشكراً

 

[نورالبدر كله]

بنات بليز ممكن احد يوضح اكثر

 

[ام الدرر]

بنات بليز ممكن احد يوضح اكثر

حبوبة شنو اللي مافهمتيه بالضبط
طريقة الحشو ولف الورق
ولا
التفرزن ​

 

[نورالبدر كله]

الله يجزاك خير يا ام الدرر على تكرمك لجواب سؤالي اللي هو طريقة التفرزن وشلون اعمل الحشوه يعني مطبوخه عدل ولا نص ونص و كيف أفرزتها شكراً

 

[أحلى همبه كويتية]

انا جربت الفه واثلجه وبعدين اطبخه ما عجبني

احسن شي تطبيخينه كامل ولما يبرد تصفينه في تبر وير وبالفريرز

وان بغيتيه طلعيه قبلها بفترة حتي يفك شوي
وحطيه بجدر وسويله شوي ماي وليمون وخليه يسخن ويطبخ شوي

وبالعافية










شكرا جارة وام الدرر

 

[ام الدرر]

الله يجزاك خير يا ام الدرر على تكرمك لجواب سؤالي اللي هو طريقة التفرزن وشلون اعمل الحشوه يعني مطبوخه عدل ولا نص ونص و كيف أفرزتها شكراً

واياك ياقلبي
الحشوة مثل ماذكرت
ورق عنب بالزيت
بدون طبخ تخلطين المقادير وتلفينها وتصفينها طبقات بينهم نايلون بحافظه بلاستيك
عند الطبخ
قدر فيه زيت نباتي وصفي حلقات بطاط
اخذي كمية ورق العنب اللي تبين وصفيها بالجدر
سوي الصوص
ماي حار +مكعب ماجي خضار +عصير ليمونه+زيت زيتون
حطي صحن ثقيل يمنع تفكك الورق وصبي الخلطة وعلى نار عاليه اول 10 دقايق وعقب وطي النار وخليه يستوي على راحته اقل شي ساعتين

ورق العنب الحامض حلو
انا اقلب الخلطة عالنار تقليب خفيف عشان تتسبك مع بعض بس بدون استواء واحشي الورق ونفس طريقة التفرزن
وللطبخ بس اغير الصوص
دبس رمان -مكعب ماجي خضار وماي وجربيه بعصير المانجا عجيب
واي سؤال حبوبه حاضرين​

 

[ميما الاموره]

اطيب شي لورق العنب طازه
انا شخصيا ما بفرزه بس بفرز الورق ولما بدي اطبخه بسلق الورق وبحشيه
اما تفريز ما عمري جربته بس اي شي بتفرزيه بتغير طعمه شوي​

 

[هـاجريه]

الطازج الذ لان بحزته بس الفريزر حيل يغير الطعم

 

[ام الدرر]

الطازج الذ لان بحزته بس الفريزر حيل يغير الطعم

حبوبة
اذا غلفتيه عدل بتبر وير مسكر
ما يتغير
انا على طول اسوي كميات وافرزنه لان وايد يحبون اللي اسويه
وكل ما وديت وياي لموجب ولا يمعه يسالون عن الطريقة والمقادير
والدليل الحريم اللي يبيعون ورق العنب تهقين تسوي يومي
اكيد مفرزن تطلع وتطبخ حسب الطلب
​

 

[رنيم الروح]

يسلموووو ام الدرر

 

[Alaly]

يعطيكم العافيه خووش طريقه بصراحه ساعات ما يكون عندي وقت الف الورق عنب
جربت مره أني اثلجه بس ماضبط معاي بس ان شاءالله بجرب هالطريقه
تسلم ادييكم​