تكفووون ساعدووني

[الراجيه الله]

بنات انا تعبت مشاكلي كثيييره بس كله صوووب والوسواس القهري صووووب تخيلو ليفتره طووويييييييييييييله وانا ادعي ربي ييسر لي همومي ويوم تيسر بعضا منها زادعلي الوسواس القهري افكار عقييده وشرك والخ وكل يوووم اجاهد نفسي واستغفر وابكي بكاء مر لاكني اخاف ان الله مايستجييب دعائي بسسبب هذا الوسواس الله يخلييكم ريحوني قولولي ايش اسوي تكفووون احس كل ماقربت لله احس ان الوساويس تزييييد بقووووووووووووووووه خنقتني وع العموم انا قبل ماكان فيني شيء بس من كثر الخيبات اللي بحياتي وكثر المصايب قمت افكر كثيير وصابني وسواس القهري دلوني وش اسوي حالي مايسر حتى العدو

 

[Tom ♥ Jerry]

.


الوسواس القهري علاجه نفسي
+ التقرب من الله

 

[Patcholli]

تحتاجين راحه واستجمام وسبيس للنقاهه والتفكير بهدوء ..

الوسواس شي نفسي بيدج تواجهينه وتنهينه وبيدج تخلينه يتزايد وينمو ..

الحل سهل بس يحتاج تطبيق ..

اول شيء حاولي تطلعين روحج من اجواء المشاكل والتوتر .. عطي نفسج فرصه تكتسبين طاقه ايجابيه شوي ..
الطاقه السلبيه طاغيه عليج
طلعي .. استانسي .. دشي مجمع سينما مطعم تمشي عالبحر لوني رسمي سوي اي شي ..
لاتفكرين بشي سواء بالعقيده او غيره لاتخلين هالافكار حالياً تمر فبالج
القلوب لها اقبال وادبار انتي هالفتره قلبج وعقلج مدبرين عن العباده والشيطان يحاول يستغل هالفرصه عشان يضعفج
لاتكثرين افكار بهالخصوص وحاولي تتجنبينها بشكل نهائي ..
اي فكره مو زينه تمر فبالج حاولي تقطعينها قبل لاتكتمل وقولي استغفر الله اعوذو بالله ولعني ابليس ..
هاذي وسواسه شيطانيه لاتمسحينلها تسيطر على عقلج ..
فكري باشياء حلوه باشياء تشرح القلب والصدر ..
اذا تقدرين تقرين قرآن فقط بدون اداء عبادات او ادعيه او اي شي ثاني
يبي قلاص ماي واقري عليه سورة الانشراح 7 مرات وسورة الفاتحه والمعوذات وشربي ورشي شوية على صدرج وراسج
هالشي حاولي تكررينه كل يوم
خلي الاستغفار على طول بلسانج ترى الله يعلم بالقلوب وبالنوايا مو بس الامور الظاهريه دايما حطي هالشي فبالج وخليه تخويف لج ..
حاولي تتعودين على السكوت .. ولما شي يظايقج لاتردين على طول لاتصرخين ولاتعصبين حاولي تتنفسين وتعدين من 1 لي 20
واذا كنتي واقفه قعدي واذا كنتي قاعده اوقفي هالشي يعتبر رياضه بدنيه ونفسيه وله تأثير عالغضب والضيقه ..
وهالفتره بعد حاولي تتجنبين تسمعين مشاكل الناس ..
فلانه تطلقت وفلانه انطردت من الدوام والي تدق تبجي وتتشكى لا وخري عنهم
جابلي الناس المريحه والمتفائله .. صدقيني انتي كل الي محتاجته شوية ريلاكسيشن وشوية صفاء مع النفس ..
وانصحج بالقراءه اقري روايات واشياء مسليه لاتقرين اشياء علميه وتاريخيه واشياء تصدع الراس اقري اشياء خفيفه عالنفس وتونس بنفس الوقت ..

 

[ام الدرر]

ماقصرت باتشولي جزاها الله خير

اسال الله العلي العظيم ان يمن عليك بفرج ورحمة من عنده ​

 

[متيمة بالشعر]

​

الآسـتغفآر علآج لـ كل شي , ..
و حآولي تريحين نفسج من التفكير .. عالآقل هالفترة
فكري بـ كل شي حلو .. آنتي قلتي آن الحمدلله تيسرت لج بعض آمورج
فكري بهالنقطه .. فكري اشلون تغيرت هالامور من السيئ الى الاحسن ..
فكري آن الله هو القآدر على كل شي .. و بيشرح صدرج
ويبعد عنج مثل هالافكآر
بس انتي صآرعي هالوسواس بذكر الله الدائم و الاستغفآر
لا تحآتين دام قلبج متعلق بذكر الله ما راح ترتكبين شي
تندمين عليه .. بإذن الله
بس المهم ان ما تستلمين لمثل هالافكآر .. دآيما غيري مجرى تفكيرج
لآي شي حلو وفيه اسم الله ..

والله يفرج همج حبيبتي , ​

 

[الراجيه الله]

طيب هل الله مابيتقبل دعائي عشان الوسواس والافكار الكفريه ؟ هذا شي مجننني لاني قاعده امر بمشكله عصيبه مايحلها سوى الله وانا محتاجته يجيب دعائي وفنفس الوقت قاعده تجيني الافكار اللعينه يعني مادري وش اقول احيانا احس اني منافقه والعب على الله يارب سامحني

 

[متيمة بالشعر]

حبيبتي آحنآ ما نقدر نقولج إذا ربج بيستجيب لـ دعائج آو لا ! هاذا شي بعلم الغيب ما احد يعلم فيه
سواه سبحآنه .. ​

بس انتي قولي [ يا رب ] .. و ادعيه من قلب وبـ نية خالصة و ثقي بـ آنه قادر يطلعج من اللي انتي فيه بس
انتي لا تنسين ذكره
وإذا اللي يحصل كله غصبن عنج فـ ربج عالم بـ نيتج ..
بس كثري من الاستغفار .. و خلي ذكر الله دايما على لسانج ​

و الله يفرج همج .. ​

 

[الراجيه الله]

لاحول ولاقوه الابالله

 

[فرح1]

شوفي اختي انا عرفت ناس كان عندهم وساواس مثلا صديقتي كنت ما اقول لها ساعدي نفسك بنفسك وكافحي هو كل مايجيك منو خوف انت لازم تقولي انو انا مابخايفة لازم تغلبيه تهزميه وحقا تغلبت عليه والحمد لله

مثلا انا يجيني بافكار سيئة ولما اتغلغل في التفكير انسى انو هو يسوء حالي واخاف كثير
ولما اعرف انو هو الوسواس اقولو كذا ما تقدر تعمل شي ويروح كل شي
وعرفت شخص كل مايجيه الوسواس هو يمشي ويتابع خطواتو تاخر في العلاج لانو ماساعد نفسو
اختي انا انصحك تتقربي من الله اكثر وتساعدي نفسك بنفسك لا تستني اي احد يساعدك لانو علاجك في ايدك
وعلاجك انك تكافحي الوسواس بروحك .

 

[جنون العاطفه]

الله يفرج همج ي رب ​

 

[*الهنوف*]

انا مريت بنفس حالتج
وسواس وشك ايام سوده
بس ضغط علي نفسي عشان اصلي عالاقل

ورقيت نفسي وتسبحت بماي وملح وسدر لمدة ١٠ ايام ري بعض
وكنت غصب اضغط علي نفسي اقري قران والله كان صعب علي

وشوي شوي فكت العقده
تدرين هذا شنو سببه الاسراف بحياتنا نسمع اغاني ونرتكب معاصي لين الشيطان تملك مننا ودش يشككنا بديننا

 

[بايعتهاا]

هذا مقطع أتمنى تستفيدين منه واااااااااااايد حلو ومريح ويقولج من وين ايينا هالوسواس ؟ مع العلاااااج


http://www.youtube.com/watch?v=eEu6s5p9HSI

 

[ĎĩĄɱȬȵḒ]

كثري الاستغفار

وتعوذي من ابليس دايم واقري الاذكاار

خلي عندج ثقه كبيره برب العالمين

وصدقيني كل مشكله ولها حل

بس اهم شي ايمانج بالله يكون كبيرررررررررر

والله يسهل عليج

 

[قمر بيت أبوها]

شوفي هالرابط بيفيدك عن كل تسألاتك وارجع للعناوين اللي بجهة اليمين بالرابط لانه مقسمه بشكل افضل

http://www.tabibnafsany.com/weswas-defention.html

 

[Cander]

صار فيني نفس الحالة بالضبط وبجي طول اليوم

بس الوسواس طنشيه اذا فكرتي فيه وقعدتي تحاتينة يتمكن منج ويزيييد حدة

بس اذا يالج وسواس بسرعة قومي اشغلي نفسج بأي شي وغيري تفكيرج

وكثري استغفار كثر ماتقدرين

 

[عسل سل]

تحتاجين راحه واستجمام وسبيس للنقاهه والتفكير بهدوء ..

الوسواس شي نفسي بيدج تواجهينه وتنهينه وبيدج تخلينه يتزايد وينمو ..

الحل سهل بس يحتاج تطبيق ..

اول شيء حاولي تطلعين روحج من اجواء المشاكل والتوتر .. عطي نفسج فرصه تكتسبين طاقه ايجابيه شوي ..
الطاقه السلبيه طاغيه عليج
طلعي .. استانسي .. دشي مجمع سينما مطعم تمشي عالبحر لوني رسمي سوي اي شي ..
لاتفكرين بشي سواء بالعقيده او غيره لاتخلين هالافكار حالياً تمر فبالج
القلوب لها اقبال وادبار انتي هالفتره قلبج وعقلج مدبرين عن العباده والشيطان يحاول يستغل هالفرصه عشان يضعفج
لاتكثرين افكار بهالخصوص وحاولي تتجنبينها بشكل نهائي ..
اي فكره مو زينه تمر فبالج حاولي تقطعينها قبل لاتكتمل وقولي استغفر الله اعوذو بالله ولعني ابليس ..
هاذي وسواسه شيطانيه لاتمسحينلها تسيطر على عقلج ..
فكري باشياء حلوه باشياء تشرح القلب والصدر ..
اذا تقدرين تقرين قرآن فقط بدون اداء عبادات او ادعيه او اي شي ثاني
يبي قلاص ماي واقري عليه سورة الانشراح 7 مرات وسورة الفاتحه والمعوذات وشربي ورشي شوية على صدرج وراسج
هالشي حاولي تكررينه كل يوم
خلي الاستغفار على طول بلسانج ترى الله يعلم بالقلوب وبالنوايا مو بس الامور الظاهريه دايما حطي هالشي فبالج وخليه تخويف لج ..
حاولي تتعودين على السكوت .. ولما شي يظايقج لاتردين على طول لاتصرخين ولاتعصبين حاولي تتنفسين وتعدين من 1 لي 20
واذا كنتي واقفه قعدي واذا كنتي قاعده اوقفي هالشي يعتبر رياضه بدنيه ونفسيه وله تأثير عالغضب والضيقه ..
وهالفتره بعد حاولي تتجنبين تسمعين مشاكل الناس ..
فلانه تطلقت وفلانه انطردت من الدوام والي تدق تبجي وتتشكى لا وخري عنهم
جابلي الناس المريحه والمتفائله .. صدقيني انتي كل الي محتاجته شوية ريلاكسيشن وشوية صفاء مع النفس ..
وانصحج بالقراءه اقري روايات واشياء مسليه لاتقرين اشياء علميه وتاريخيه واشياء تصدع الراس اقري اشياء خفيفه عالنفس وتونس بنفس الوقت ..

ماشاء الله عليها كفت ووفت
والله كلااامها عين العقلللل وانا معاها قلبا وقاالبن :eh_s(7):
افكارج كلها سلبيه وتعوذي من ابليس وبالعكس مافي شي لحمدلله انتي تصلين وكل شي
وروحي البحر عالشاطئ امشي حافيه (بدون جوتي )يعطي طاقة ايجابيه :eh_s(7)::eh_s(17):والله يبعد عنج كل ضييقه يااااارب وكل انسان تحوشه وساوس شي طبيعي بس الي مو طبيعي ان الافكااار تكبر وتدوور براااسج اشغلي نفسج لاتعطين ابليس مجال يلعب براسج
بس حاولي تخلين نفس ايجابيه ومتفاءله اكثر:eh_s(7):وكثري استغفاااار عشان يروح منج هالشي او هالافكاررر:eh_s(17):

 

[nour el denya]

الوسواس القهري له علاج حسب علمي عند دكتور نفسي
روحي عيادة خاصه و إن شاءلله تتعالجين

 

[رنا 2012]

اقري الرقية الشرعية اللة يشفيك

 

[الراجيه الله]

بنات تعرفوون الشيء اللي قاهرني اني احب الله واموووت فيه وكل ماقربت احس دعوتي قريبة الاستجابه تتسلط علي الافكار اللعيينه
يعني تعرفون ناس فيهم وسواس العقيده واستجابلهم الله دعائهم اللي يدعونه يعني المشكله ماتتسلط علسي هالافكار الا لين احس ان الله بيفرج امووري تقووم تتسلط علي واذا تركت الدعاء عادي ماكان فيني وسواس الله يخليييكم ردو علي

 

[الراجيه الله]

بنااات ردو علي في ها لسؤااال....والله االلي بترد علي بدعيلها والله يوفقها ويحقق اللي ببالها