تجهزي لحفلتج بنفس من أ الى ي.... متجدد

[ميس هارودز]

موضوع رائع وشجعتيني اجرب اسوي ظوافري حق نفسي
مجهود رائع وتوقعت ان الموضوع يستمر من اول صفحة

 

[بحر الذكريات]

ماشاء الله عليج

الله يعطيج العافيه

 

[bnt_mafia]

الله يعافيكم كلكم كلكم وفديتكم ياحلوين وياعسل
وسلمحوني على القصور ادري صارلي جم يوم مو قاعده ارد ولا ضفت شي جديد
اعذروني كنت لاهيه شوي وماكان عندي وقت وكنت مسويه جراحه لضرسي بعيد الشر عنكم وكله دايخه وانام مبجر
بس الحين الحمدالله الاوضاع تمام التمام
طبعا اليوم الاثنين وماسويت شي انا راح اكمل على الاظافر وان شاء الله على الاسبوع الجاي نكمل موضوع جديد

الهديه مني لكم اختارواا اي موضوع تبيونه اتكلم فيه ونشوف الاغلبيه راح نسوي موضوع عنه حق استعداد للحفله
علشان احضر مبجر واصور واضبط وتامرون امر ياحلوين

 

[bnt_mafia]

طبعا مثل ماوقفنا راح نكمل لكم الاظافر
مثل ماتكلمنا عن تركيب الاظافر انا استخدمت اللي يركبون طرف الظفر بعا هذا المفضل عندي واللي يحسون انه وايد تعب
في الاظافر العافيه بس اختاري المقاس وبردي الجوانب وحطي الصمغ على كامل الظفر انطري دقيقه وحطي الظفر الصناعي فوقه
طبعا انواع واشكال والصور راح توضح لكم

طبعا هني الاشكال الجاهز مثل

هذا طرف الظفر

هذا الساده وفي الوان طبعا

خلونا نطبق ديزاين مثال

الحين راح نجرب حركه مابي احد يقولي صعب او ماعرف او ماعندي ياويلكم ماكو اسهل من جذي هههههه

شرايكم فيني وانا ازفكم هههه اي بلا كسل
اول شي ناخذ لزاق عادي يفضل اللي يصير مثل الورق ونحطه على الظفر على جنب وحسب المسافه اللي تبونها
بالشكل هذا

بعدها ناخذ صبغ اسود

ونصبغ الطرف اللي فوق طبعا هالخطوه نسيت اصورها اسفه
ونخليف ينشف شوي انا طبعا احب استخدما هالآله

بعد مانشف الصبغ ناخذ اللون الابيض

وناخذ الماشه اللي طرفها مدور

ونحط على ورقه عاديه شوي صبغ ونحط الماشه عليه مره مرتين ثلاث على حسب الحجم اللي تبينه

ونحطه على الظفر من فوق الصوره تبين شنو اقصد

طبعا بعد كل عمليه نحط بالجهاز علشان ينشف
وبعد مانشيل اللزاق يطلع هالشكل المرتب

الحين مانبي يبين مكان اللزاق لازم نستخدم شي يغطيه .... طبعا مثل مانتوا شايفين استخدمت اللمعه او الزري على طرف في نوعين طافي او لامع على حسب ذوقج انا حبيت الزري احلى

وبعد ماحطينا اللمعه راح يطلع هالشكل وبعدها نحط الصبغ الشفاف وبس سلامتكم طبعا انا استعجلت وحطيته من جذي خرب شوي

 

[bnt_mafia]

طبعا في اشكال من الديزاينات وانا عندي واسوي وايد بس بحط لكم جم صورة من زمان مصوره في بدايه الممار صرت سه على الرسم خخخخخ الحين صرت خبره طبعا هذيل صور قديمه

 

[مملكه الرشاقه]

يعطيج العافيه
الديزاينات حلوه ماشاءالله

 

[متواضعة]

up up

 

[N.o.L]

ووااااو الدايزانيات تهبببببببل ..

وشرررحك حلووو ومفهوووم..



ويا الله ناطرينك بعد تجاربك ترررا ني طمعااانهـ لوووووول<< الطمع شين هع..

 

[krkooora]

ما شاء الله

صج الله يعطيج العافيه موضوع مميز

ما عمري شفت احد بالقسم هذا خاصة اهتم بالاظافر و الديزاينات و البشرة صج مميزة

حبيت وايد الاظافر و عندي سؤال من وين تشترين الاظافر اللي في صفحة 5 ؟ انا اظافري طويله بس مرا ينكسر واحد و يصير شكل ايدي x ابيهم حق الازمات

يعطيج الف عافيه

keep it up

 

[<> إيلاف الكويت <>]

خوووش موضوع
يعطيج العافيه حبيبتي
متابعينج

 

[Sparkle]

خوش موضوع يهبل بصراحه :*

أستمتعت بدروس الأظافر مشاء الله حلوه طريقتج :* وأنا من محبين منتجات الشاي الأخضر للبودي شوب بس للاسف جهاز سيجما ما مشى وياي جربت كل الرؤوس وكل السرعات زين ما شلع يلدي والله بدون مبالغه ويهي قب أحمر ويعور معنا بس أستخدمته ثوااني على كل جهه وغطيته بس أستخدمه للجسمي للتقشر ويا السكربات باخذلي Clarisonic للبشره الحساسه

 

[شذونه]

واااااااااااو روووعه

 

[kuwaitya_zoGaa]

يا سلام عليج ... انتي كده

 

[styli]

thanks

 

[bnt_mafia]

يعطيج العافيه
الديزاينات حلوه ماشاءالله

تسلمين انتي الاحلى والله يعافيج

up up

ووااااو الدايزانيات تهبببببببل ..

وشرررحك حلووو ومفهوووم..



ويا الله ناطرينك بعد تجاربك ترررا ني طمعااانهـ لوووووول<< الطمع شين هع..

ههه حبيبتي تسلمين انتي العسل افا عليج من عيوني انتي امري بس

ما شاء الله

صج الله يعطيج العافيه موضوع مميز

ما عمري شفت احد بالقسم هذا خاصة اهتم بالاظافر و الديزاينات و البشرة صج مميزة

حبيت وايد الاظافر و عندي سؤال من وين تشترين الاظافر اللي في صفحة 5 ؟ انا اظافري طويله بس مرا ينكسر واحد و يصير شكل ايدي x ابيهم حق الازمات

يعطيج الف عافيه

keep it up

الله يعافيج ويسلمج تسلمين حبوبه اخجلتيني هههه تستاهلون اكثر والله
الله يسلمج الاظافر التركيب تلاقينهم بالسرداب الشايع اللي في المباركية على حسب تبين كامل او نص حتى الصمغ من عنده وحياج باي اساتفسار

خوووش موضوع
يعطيج العافيه حبيبتي
متابعينج

الله يعافيج تسلمين

خوش موضوع يهبل بصراحه :*

أستمتعت بدروس الأظافر مشاء الله حلوه طريقتج :* وأنا من محبين منتجات الشاي الأخضر للبودي شوب بس للاسف جهاز سيجما ما مشى وياي جربت كل الرؤوس وكل السرعات زين ما شلع يلدي والله بدون مبالغه ويهي قب أحمر ويعور معنا بس أستخدمته ثوااني على كل جهه وغطيته بس أستخدمه للجسمي للتقشر ويا السكربات باخذلي Clarisonic للبشره الحساسه

حبيبتي تسلمين شهاده اعتز فيها :eh_s(22):
الشاي الاخضر حده عجيب حق البشره وفوايده وايد .. اما بالنسبه للجهاز لا انا استانست عليه ينظف ... اي صح ضروري السكرب للبشره بجميع انواعها وعليج بالعافيه مقدما

واااااااااااو روووعه

تسلمين حبوبه

يا سلام عليج ... انتي كده

تسلمين انتي اللي كده :rerrerek: وعسل

thanks

styli
مشكوره حبوبه

مشكورين كلكم بنات ماقصرتوا على التشجيع والكلام الحلو والله كومنتاكم تفتح النفس وتشجع الواحد ان يحط كل شي وتستاهلون اكثر :hjy5jewf:

ماقلتولي شنو تبون موضوع حق الاثنين الياي

 

[كل مانسنس]

طبعا بعد ما لصقنا الحين يبتدي القص
راح استخدم هالاله

راح نقص الطول اللي نبيه طبعا انا احب طوال

الحين راح نبرد من الجوانب ومن فوق الظفر المركب طبعا نسيت اقول عالملحوظه
انا بس ركبت من طرف الظفر مو كله .....
راح نستخدم مبرد خشن للعمليه هذي

الحين ناخذ مبرد ناعم ونبرد فوق الظفر نبرد لما تصير طبقه وحده

طبعا يفضل طول الوقت يكون عندج هالاداه تنظفين فيها كل شوي

اذا حابه تستخدمين هالمبرد اللي في 4 بدال المبرد الناعم تستخدمين كل الجهات اللي فيه برد تنعيم لمعه

او بعد المبرد الناعم نستخدم المبرد الجهتين

بالنهايه راح نطلع بالشكل هذا

الحين من بعد ماخلصنا نستعمل هالزيت هذا نحطه على الطرف هذا الزيت يطول بالاسبوع تشوفون الفرق
بس لازم كل يوم تحطون منه

طبعا حطيه على الطرف وسوي مساج خفيف

عدم الرد في تكمله

عادي الوضوء فيهم لان مااصكر عالادين كلها ؟؟

:eh_s(10)::eh_s(10)::eh_s(10)::eh_s(10)::eh_s(10)::eh_s(10):

 

[ام غازي 2012]

لاهنتي
ويعطيج الف عافيه

 

[مملكه الرشاقه]

عادي الوضوء فيهم لان مااصكر عالادين كلها ؟؟

:eh_s(10)::eh_s(10)::eh_s(10)::eh_s(10)::eh_s(10)::eh_s(10):

اسمحيلي بنت المافيا ارد عليها
حبيبتي اللي اعرفه ان ما يصير لان الماي لازم يحوش الاظفر كله ومادري اذا تقدرين تتوضين بتركيب الاظافر جذي او ما يصير

 

[رهف طيف]

موضوووعج رووعه ..كملي لايوقف..

 

[طعنـــة غـــدر]

يعطيج الــف عافية خووووش موضوع روووووووعه

بس ياريت تتكلمين عن تنيظف البشرة بعد المناسبة يعني عرس وحفله العناية من مسح الميك اب الى وضع كريم الترطيب وطريم الليل