مرحبااا بنوتات
اول مره انزل موضوع فمنتداكم اللي وايد استفدت منه
المهم انا وحده جسمي كله تصبغات و كل مكان لونه غير عن الثاني جربت وايد و ماحب اكتب عن شي الا وانا مجربته
قعدت اسوي سيرج و ادور و ادور لين لقيت موضوع يتكلم عن التصبغات فالجسم و اسبابها
و لقيت انه سبب التصبغات و اللون الغير موحد هي الكليه
وكل هذا بسبب اكلنا و نظامنا الغير صحي اللي ياثر عالكلى ويخليها تفرز صبغة قاتمة اللون :eh_s(2):
و دورت على حلول لتنظيف الكلى و لقيت الحل في شرب عصير ليمون و ماي دافي عالريق وبعدها بساعه ابدي تريقي
وقلت يلا بنجرب شو ورانا:rerrerek:
فعلاا بنات كنت اقعد الصبح اشرب كوب ماي دافي واعصر عليه نص ليمونه وبعدها بساعه ومرات نص ساعه ابدا اتريق
صارلي 20يوم فقط و جد شفت نتيجه عجيبه
جسمي تغير لونه و بدا يتوحد بنسبه 40%
الهالات تحت عيوني خفت بنسبه 50%
طبعا انا ناويه استمر على هالنظام وما اتركه يعني يستوي عاده منها صحي و منها عشان هالتصبغات تختفي نهايئا و ما ترد
و بعد شي اسمه بيبسي انسوه اخر مره قريت انه يسبب سرطانات :eh_s(2): انا ما استغنى عن الغازات بدلته ب سفن اب يعني اهون بوايد و مافيه صبغه..
و بالنسبه للكريمات قطيت اي شي فيه خلطات و خرابيط و قمت استخدم بدالها كريم جليسوليد او فازلين بزبدة الكاكاو ترطيبه عالي .. و قبله استخدم زيت بيبي اويل وبس :d
و لا تنسون الحمامات المغربيه و السكرابات لها دور بس اسويها كل اسبوعين ..
امشو على هالنظام و بتتغيرون لا تستخدمون اي شي فيه كورتيزون و خرابيط عشان البياض ترا جد نتايجها من تكبرون بتشوفونها الحين ما راح يبين شي و بتقولون ما فينا الا العافيه :eh_s(2):
اتمنى استفدتو من تجربتي :eh_s(7):
