March & April Favorites

[googoosh]

Hi​

قوه بنات ​

شلونكم شخباركم انشالله بخير ​

شرايكم فيني و انا مدلعتكم موضوعين بيومين لووول ​

هذولي الاشياء المفضله عندي خلال هالشهرين و انشالله ناوية احط موضوع الميكب اللي باخذه معاي حق دبي اذا تبون اسويه قولولي يعني نفس طقة What's in my makeup bag ​

المهم ما اطول عليكم و ببدي بالموضوع​

​

​

لووول ادري بتقولون شنو هذا.. هذا مقشر حق الويه خذيت طريقته من اليوتيوب و الصراااحه روووووعه وايد نفعني لان بشرتي جافه و استخدمه مره او مرتين بالاسبوع و ينفع البشره الجافه ما انصح اللي بشرتهم دهنية يستخدمونه ..
طريقته : شكر و زين زيتون و عسل و لازم تحطينه بره مو بالثلاجه و يكفي شهر و ما يخترب و فوق كل هذا طبيعي و ما فيه مواد ..​

اللي يمه ماسك من لش وااايد حلو و يناسب كل انواع البشره ..​

​

الكليراسونيك ميا طبعااا ما يبيله كلااام لان حددده روووعه و ما استغني عنه استخدمه كل يوم و عادي مع اي غسول .. ​

شور جل من لش اسمه It's raining men روووووووووووعه يهبل و اللي تحب ريحة التوفي اكيد بيعجبها ..​

غسول حق الويه من كلين اند كلير الصراحه وايد حلو انا كنت استخدم القديم الاخضر و قلت بجرب هذا و صج عجبني حلو ..​

​

الاي برايتنر من سانلوران حده عجيييب روووعه ..
رول غارنيه وااايد حلوووووو ..
و كونسيلر برولونقوير من ماك واااايد عجبني بس فل كفر يعني مو حق كل مكان او على حسب هالاتج ..
و بودره ماك MSF NATURAL ماااااااايبيله كلاااام best of the best ​

​

الcharged water من ماك واايد بنات ما عجبهم بس انا عجبني الصراحه و استخدمه عقب الميكب يصفي الفاونديشن و الويه نفس الفكس بس عندي احلى منه شويه ..​

و سبري الويه من لش حددددده عجيب في منه انواع على حسب نوع البشره و اللي عندي بماي الورد و الافندر و استخدمه عقب السباحه او قبل الميكب ..​

​

الفايتالوميير اكوا روووووووووعه شويه عليه هالفاونديشن تغطيته وسط و شفت بنات بشرتهم دهنيه و بنات بشرتهم جافه يمدحونه يعني يناسب كل البشرات لان فيه نسبه كبيره من الماي عشان جذي لازم تخضونه عدل قبل ما تجربونه ..​

بوبي براون سكين فاونديشن روووووووعه بعد واااايد حلو و لا جنج حاطه شي و يغطي و ينور الويه ..​

برايمر ميكب فور ايفر العادي وااايد عجبني كان عندي اللي لونه اخضر و خلصته و عندي هذا احلى ..
برايمر غيرلان غاالي وايد بالنسبه حق البرودكت يعني في نفس مستواه و ارخص بس اهوه حلو يعني بس مو بمستوى سعره..​

​

لاش كيرلر من شو اومورا حددددده يهبل رعصه خفيفه ويوصل رموشج لي فوق..​

و قلم بيج حق داخل العين ..​

و كحل فيلاين من ماك ..​

كحل بورجوا الووتر بروووف عجيييييييييييب ..​

مسكرة لانكوم و بورجوا ..​

​

مسكرة الحواجب من بوبا الملونه وااايد حلوه شوي و يخلص اللي عندي..​

قلم حواجب من ماك سبايكد وااااايد حلو بس طبعا ترسمين على الخفيف مو تلونين لووول ..​

و كريم الايد من سوب اند غلوري وااايد حلو زبده ..​

​

باليت نيكد تو يهههههههههههبل
باليت ستورم من سليك روعه
باليت من nyx​

​

باليت صغير من جيفنشي الوانه وايد حلوه حق الهايلايترز احط عند مدمع العين و على الخشم على الخفيف و يطلع وايد حلو و ذرب ..​

شدو كريمي من شانيل على غلتر خفييييييف وايد احبه ساعات لمن احط لون بني فاتح خفيف على عيني احط منه شوي و يطلع وااايد حلو ..​

بينت بوت Genuine treasure واااايد حلو بس حسافه ليميتد ​

برايمر العين من تارت وااايد عجبني بس حسافه عندي منه سامبل صغير​

​

بلشر شانيل رقم 15 يهبل ​

MSF بلوند من ماك صج اني توني شاريته بس الصراحه وقعت بغراااامه يهبببببل ..​

MSF كومفورت عندي من زمااااااان بس ما كنت معطيته حقه بصراحه بس توني اكتشفه مره ثانيه وااااايد حلو اذا حطيتي منه على الخفيف اهوا برونزر طبعااا ..​

بلشر سانلوران الكريمي الصراحه يهبل وايد وايد ذرب ..​

اللي على اليسار الوردي هذا جينتل واايد حلو يهبل و لمعته تهبل ..​

اللي تحتهSincere واايد حلو حق اللو ك الناتشورال ..​

​

هايلايتر استي لودر ليميتد بس تلقون منه الحين رووووووووووعه اهوا و هايلايتر بينيفت اثنينهم تووووب ..​

​

​

من اليمين : Quit the thing
غلوس غيرلان
غيرلان 166
Tim Ford 17
Mac Rebel
ysl 16
ysl 6​

​

​

​

انشالله يفيدكم الموضوع ​

بنااااااااااااات بموضوع حمر ماك في صورة ناسيتها فيها سبع حمر اذا بتشوفونها بتكون ب صفحه4 ​

و ناطرتكم ​

بااااااااااااي ​

 

[Makeup.Queen]

يعطيج العافيه حبيبتي حطيت شوية اشيا بللسته مالتي

 

[مملكه الرشاقه]

يعطيج العافيه عالموضوع المفيد
احب المواضيع اللي من هالنوع
بعض الصور للاسف مو طالعين

انا بشرتي جافه صوب الحلج شنو تنصحيني بفاونديشن ؟

 

[Sparkle]

غووغوووش يييت طيران لما شفت العنوان قلت أكيد هذا موضوعها :*** عليج بالعافيه قلبووو

وناااسه حبيت السكراب الطبيعي للويه أحب هل سوالف

وبخاطري أجرب فاونديشن شانيل بس خل يخلص الي عندي

كونسيلر Pro longwear من ماك جربته بس ما عجبني يمكن ما جربته عدل واقفه على راسي وحده لوول

راح أجرب لمعت Estee Lauder عاجبني شكله

بنسبه حق غسوول ماك شوفي مو منتظمه فيه بس الي عجبني تحسين ويهج نظيييف من قلب من وراه ويمكن يعجبج لان لما بحثت عنه بالنت شفت بنات يستخدمون ويا ال clairsonic بس كتفتيح ما أدري أتوقع يبيله مداومه بس عاجبني أكثر شىء شفت مدح عليه وعلى ال serum

 

[googoosh]

يعطيج العافيه عالموضوع المفيد
احب المواضيع اللي من هالنوع
بعض الصور للاسف مو طالعين

انا بشرتي جافه صوب الحلج شنو تنصحيني بفاونديشن ؟

هلا والله حبيبتي تسلمين

شوفي البشره الجافه لو تستخدمين اي نوع فاونديشن ما راح ينفع الا انج تستخدمين مقشر او سكرب حق الويه بعدين تحطين مرطب و بعدين برايمر يعني لازم تسوين كل هالخطوات عشان يطلع الفاونديشن حلو و نظيف ..
وايد في فاونديشنات حلوه مثل اللي حطيت صورتهم و عندج بعد ال HD فاونديشن من ميكب فور ايفر و بعد عندج بوبي براون اللي حق البشره الجافهMoisture Rich foundation حلو بعد ..

صج في صور مو طالعين ??اي صور ??

 

[googoosh]

غووغوووش يييت طيران لما شفت العنوان قلت أكيد هذا موضوعها :*** عليج بالعافيه قلبووو

وناااسه حبيت السكراب الطبيعي للويه أحب هل سوالف

وبخاطري أجرب فاونديشن شانيل بس خل يخلص الي عندي

كونسيلر Pro longwear من ماك جربته بس ما عجبني يمكن ما جربته عدل واقفه على راسي وحده لوول

راح أجرب لمعت Estee Lauder عاجبني شكله

بنسبه حق غسوول ماك شوفي مو منتظمه فيه بس الي عجبني تحسين ويهج نظيييف من قلب من وراه ويمكن يعجبج لان لما بحثت عنه بالنت شفت بنات يستخدمون ويا ال clairsonic بس كتفتيح ما أدري أتوقع يبيله مداومه بس عاجبني أكثر شىء شفت مدح عليه وعلى ال serum

هلااااااااا والله سوسو حيااااتي
شوفي كونسيلر برو لونقوير اول ما استخدمته بماك ما عجبني قلت ثقيل بعدين رحت مره ثانيه و جربته مع فرشه و عجبني يطلع وااايد مرتب الحين احب استخدم الفرشه اللي من ريل تكنيك البنفسجيه اللي حق الكونسيلر و البلندنغ وااااااااايد يطلع حلو وياه جربيه مره ثانيه يمكن يعجبج و انا معاج اهوا ثقيل شوي بس مع البرش يطلع حلووو ..

مادري ليش متشوقه اجرب الغسول و السيرم اللي عند ماااك خلاااص بروح اخذهم ماني مخليتهم بخاطري لوول


سباااااااااااااركل متى تنزلين لووووكات I miss مواضيعج

 

[مملكه الرشاقه]

هلا والله حبيبتي تسلمين

شوفي البشره الجافه لو تستخدمين اي نوع فاونديشن ما راح ينفع الا انج تستخدمين مقشر او سكرب حق الويه بعدين تحطين مرطب و بعدين برايمر يعني لازم تسوين كل هالخطوات عشان يطلع الفاونديشن حلو و نظيف ..
وايد في فاونديشنات حلوه مثل اللي حطيت صورتهم و عندج بعد ال hd فاونديشن من ميكب فور ايفر و بعد عندج بوبي براون اللي حق البشره الجافهmoisture rich foundation حلو بعد ..

صج في صور مو طالعين ??اي صور ??

لا الحين طلعو الصور
انا اغسل ويهي بغسول وبعدين احط مقشر وعقبه مرطب من غارنيه بس صوب الحلج يضايقني شكله مادري شلون يصير

ومشكورةعالرد

 

[ޢޢޢإيمانޢޢޢะۣۨ>]

ذوقج روعه ماشاءالله
والتصوير عجيييب
يعطيج ألف عافية ​

 

[googoosh]

اهم شي اني كاتبهTim Tom توني استوعب حدددددي دايخه لووول

 

[ambitious me]

حبيبتي قوقوش ،، مواضيعج دايما تشوق..
بشرتي جافة بعد، وشكلي بجرب اخذ فاونديشن الفايتالوميير اكوا من شانيل، هم شفت سامانثا تشامبان تمدحه بفيديواتها لللبشرة الجافة. وبعد باخذلي جم شغلة على ذوقج مثل الهايلايتر اللي من ايستي لاودر والحمر..
تقريبا احسج نفس ذوقي لآن اللي عندج عندي اياه ووعاجبيني مثل ما اهم ماشين معاج اوكي، فما احاتي اقلد يور فيفوريتس:eh_s(15):

والله يعطيج العافية على مجهووودج​

 

[الغـــــزال]

ذوقك بـ الميكب حلووو كثير..

وحطيتي براسي فاونديشين شانيل .. اجرب وش وراي ( :


يسلموو

 

[عاشقة العطور]

ماشاءالله تبارك الله

أيش أفضل فاونديشن بوبي براون أو فور إيفر لأني أنا إستخدم فور إيفر لي نفس أغير ومحتاره

 

[بنت اجا وسلمى]

يعطيج العافية بجرب الاكوا ان شاءالله:eh_s(7):​

 

[ذكرى الفجر]

ماشاءالله تبارك الله

 

[ميس هارودز]

متألقة كالعادة في الاختيارات وعجبني الأسبراي
يعطيج الف عافية

 

[نوارة الرياض]

مشكور غو غوش على الموضوع الحلو

 

[Killer^Girl]

ماشالله عليج بالعافيه وايد حلوين

 

[lovely lovely]

بودرة ماك شنو مميزاتها ودي اشتريها
وعليج بالعافيه

 

[Roty]

مشالله نااااايس

عليج بالعافيه

وتسلمين عالموضوع متعوب عليه

 

[جيجي-جيجي]

عليج بالعافية