** تجمع الي مسوين جراحة الفك**

[Esraa.a]

مرحبا بنات .. أنا صارلي 11يوم مسوية عملية وكان عندي موعد امس وصدمني الدكتور قالي عندج التهاب(عفن) مكان العملية وعطاني مضمضه المشكلة امس استخدمته 4 مرات في اليوم على حسب ماقالي الدكتور وتعبت امس طول الليل انقطعت عنه حسيت روحي بتطلع لانه لما استخدمة احس بضيق تنفس وصدري حرارة واحس في حلجي ملوحه كانه شاربه كوب فيه ملح تمنيت انه ما استخدمته أبدا المشكلة انه الملوحة ماراحت عني ساعدوني بنات شسوي

الالتهاب هذا شي وارد >> ممكن يصير


غلاااااااه بعد صار معاها التهاب بعد العمليه



اتبعي تعليمات الدكتور واخذي العلاج لا تهملينه .. أهم شي الغسول

الله يشافيج يارب

 

[Esraa.a]

صدق العيون تتغير
انا عيوني شوي جاحظة طالعة لبرا يعني :d
فكي العلوي بارز يعني لو ابسوي العملية اكيد بتطلع زيادة :d:d
بس ماهمني اهم شي تروح منظر لثتي البشع وكشرتي :eh_s(2)::eh_s(2):

لاااا لااااا مو لهالدرجة عاااااااد


أصلا مو شرط إنه العين تتغير >> نسبة كبيره مننا عيونهم ما تغيرت


وإذا فيه تغيير راح بسييييييط غير ملحوظ .. مو لدرجة إنها تبشع شكل العين




السبب إنه شكل العين يتغير في بعض الحالات >> إنه الدكتور لما يرفع الفك العلوي >> الوجنات تبرز
فتحسين إنه شكل العين غارت لداخل شوي

أو مثل حالة سيرز تفاح يفتحون فتحه ويدخلون الجهاز ويحركونه باستمرار >> فالعين ممكن تتأثر بهالحاله

 

[(توته مربربه)]

انا متابعتكم
من زمان واختفيت عن الموضوع مده مارضيت ارجع الاوانا مركبه تقويم الحين مركبته وكل شهر عندي موعد يشدونه عليه
وعقب التقويم بيسوون لي العمليه يعني للحين ماتحددت

 

[(توته مربربه)]

السلام عليكم بنات شخباركم

أنا صارلي شهر ونص مسويه خشمي فايران عند دكتور لطفي زاده طبعا ههههههههه
والنتيجه واو واو كل اللي جافوني من اهلي يبون يروحون له



المهم الحين افكر اسوي الفك لان الفك السفلي عندي راجع على ورى. شوي
في وحده تعرف دكتور فيـي قطر ممكن اروح له او سامعه عن دكتور فك لاني كلش ماعرف
ومالي وجه قدام اهلي اسافر مره ثانيه هههههههههههههه


انتظركم حبايبي احبكم

حبيبتي احسن دكتور للفك في قطر دكتور مصطفى الخليل مستشفى رميله انا متابعه معاه ورفيجتي بعد وانصحوني مااسويها فالخاص علشان خبرتهم اقل اما رميله فعندهم حالات وايد ومتمكنين من العمليه

 

[الـهاجريه]

السلام عليكم

بنات انا اليوم الصبح كان موعدي اللي انتظرته من ثلاث اسابيع مع الجراح :eh_s(9): اول شي دخلوني و خذو مني الطول الوزن و اذا عندي حساسيه من اي ادويه الخ

وبعدها دخلونا عند وحده فرنسيه اول ماشفتني سالتني انتي ليش تبين العمليه ؟ قتلها عشان اعدل ويهي الطويل و ابتسامتي تكون احلى ،، قالت لي انا متاكده بعد العمليه بتكونين راضيه و جابت مجسم صغير و يلست تشرحلي وقالت لي انتي يبالج عمليتين وحده لتوسيع الفك العلوي لانه صغير وبتكون صغيره ومدتها 45 دقيقه

وبعدها تركبين تقويم و جهاز لتوسيع الفك لثلاث اربع شهور و العمليه الكبيره حق الفكين بتكون احتمال من سنه لسنتين على حسب التقويم ،،
و هي تتكلم دخل علينا دكتور ميشيل الجراح اول مادخل قالي بالعربي مرهبااااا عربي زعيف المهم قال نفس كلام الدكتوره و قال للسستر تسويلي اشعه عسبت يتاكدون و سويتها و رجعت عند الفرنسيه و الجراح كان محد ويلست تكلمني عن العمليه ،و انه بتستوي فتحه صغيره في الضرسين الاثنين اللي قداام بعد العمليه ومع التقويم و الشد بترجع الضروس طبيعيه ،،

و دخل علينا مره ثانيه الدكتور ميشيل و شرحلي عن العمليه و انه بيستوي انتفاخ و مشاكل بالنطق اول يومين السين بيستوي شين :eh_s(11): و انه عمليه مضمونه و انا اسوي هل عمليات كل اسبوع و من هل كلام

و قالي تعالي مكتبي عشان اتشوفين الصور اللي قبل وبعد ورحنا شفنا وفعلا فررق كبيير تقريبا فوق ال 300 صوره حتى هو يوم شافني مستغربه قالي انا احسن الواحد خخخخخ بالعربي و نحن ساعه لين نفهم شو يقول المهم قالي بعد العمليه شكلج كلله بيتغير مثل هذي الصور ،،

وقالي انا كل مريض عندي مثل اهلي ،، وسالني اذا عندي اي سؤال للعمليه قتله لا قالي خلاص متى تبين العمليه الاولى ؟ قتلهم اباها واحد ثمانيه لان بنص سبعه بكون توني مخلصه امتحاناتي و ابي اريح اسبوعين قبل العمليه ع الاقل ،،

وشافو هو و السستر بجدول المواعيد وفعلا طلع مافي اصلا الا واحد ثمانيه خخخ ماتو ضحك قالولي انتي داخله ع السستم ومتجسسه ؟؟ المهم قالولي قبل العمليه بيوم بنحط لج مثبت او حديده ع الضروس ،، بعدها دخلت علينا الدكتوره الفرنسيه و قالي الجراح نحن من خمس لست اشخاص بالفريق وبنكون موجودين معاج لين تخلصين كل شي :eh_s(15): و الفرنسيه قالت لي لازم تهتمين في اكلج و تزيدين لانه بتضعفين كثير خصوصا بعد العمليه الثانيه ،،، و عطاني الجراح ورقه اعطيها لدكتور التقويم و قالي لازم اشوفج ع الاقل مره قبل موعد العمليه ، وسالته قبل لا اطلع عن نسبه نجاح العمليات قالي مافي نسبه العمليه بتنجح ولامره فشلت !

الصراحه واايد ارتحت معااهم حسيت اني بحط نفسي في ايد امينه و استويت ضامنه نجاح العمليه باذن الله ومب خايفه ابد ،، لاكن في شغلتين مسببين لي ازعاج اول شي الفتحه الصغيره اللي بتستوي في الضرسين اللي قداام ؟؟؟ :eh_s(2): و جهاز توسيع الفك شي مثل الخاتم ينحط داخل الفم قالولي لثلاث او اربع اشهور وبنشيله بس مادري حد من البنات جربت اتحطه هنيه ؟؟ وهل يسبب ازعاج عند الاكل و الكلام ؟؟؟ :eh_s(10):

و بخصوص تاريخ العمليه تحسوني تسرعت ؟ لان بيكون بعد اسبوع من رمضان هل بيكون مناسب ؟ و البنات اللي مسويات برمضان هل الجو و الوقت يسمح لعمليات ؟ ولا اخليها لبعد العيد ؟

و اسفه لاني طولت بس حابه افضفض وياكم اشويه ،، لاتنسونا من دعواتكم :yaaaaaarb:

 

[مزيونة الدوحة]

حبيبتي احسن دكتور للفك في قطر دكتور مصطفى الخليل مستشفى رميله انا متابعه معاه ورفيجتي بعد وانصحوني مااسويها فالخاص علشان خبرتهم اقل اما رميله فعندهم حالات وايد ومتمكنين من العمليه

مشكوؤؤؤؤره حبيبتي
اي أنا بعد قلت بروح رميله ألحمدلله انج قلتي عنه :eh_s(9):
الله يجــزاج الجنه يالغاليه. شكلي بروحلهم

 

[طبيبة أسنان]

ان شاء الله أكلمها وأخليها تراسلج

بس عموما هي بانتظار عمليتها الثانيه >> يعني ليلحين النتيجة النهائيه لعمليتها ما بينت

هي مو سوت عمليتين؟

اذكر سوت العمليه الاساسيه بعدين انكسر الجهاز وسوولها عمليه ثانيه ؟؟؟؟؟؟؟؟

طيب هي وش حالتها بالضبط ليش احتاجت لاكثر من عمليه ؟؟؟ <<<< بدت تخاف

 

[الـهاجريه]

هذا الجهاز اللي بيحطونه فيني بعد العمليه ،، حد جربه ؟ ويعور ولا

 

[Hope..]

هذا الجهاز اللي بيحطونه فيني بعد العمليه ،، حد جربه ؟ ويعور ولا

انا جربته لاتخافين ما يعور :eh_s(15):

 

[الـهاجريه]

^^

و كيف النطق و الاكل ؟

 

[reematy]

ط±ط¯: ** طھط¬ظ…ط¹ ط§ظ„ظٹ ظ…ط³ظˆظٹظ† ط¬ط±ط§ط*ط© ط§ظ„ظپظƒ**

my key arabic key board not work bropapley so i hope you understant me in english.

Om al fatnat: my loo3ab was for mostly 10 days it was so musch, i was put ( Kamamat) all the time, but i was clean my mouthe by warm water and sea salt 7 times a day espcialty before and after sleeping

 

[مزيونة الدوحة]

رد: ط±ط¯: ** طھط¬ظ…ط¹ ط§ظ„ظٹ ظ…ط³ظˆظٹظ† ط¬ط±ط§ط*ط© ط§ظ„ظپظƒ**

my key arabic key board not work bropapley so i hope you understant me in english.

Om al fatnat: my loo3ab was for mostly 10 days it was so musch, i was put ( Kamamat) all the time, but i was clean my mouthe by warm water and sea salt 7 times a day espcialty before and after sleeping

????د??ہ على سلامتج.
بسش لون النتيجه وهل انتي مستانسه انج سويتيها
لاني حدي متردده اني اسويها
كم نسبة رضاج عنها فديتج ؟

وممكن تقولين لنا وين سويتيها وعند اي دكتور.:rerrerek:

 

[Hope..]

^^

و كيف النطق و الاكل ؟

اول ماحطيته كنت قرفانه منه لدرجة اذا لمسته بلساني بالغلط احس اني ودي ارجع الله يكرمك
بس هذا تقريبا اليومين الاولى بعدها كان عادي
اهم شي تحرصين على التنظيف ومن الحين جيبي لك اشياء تساعدك على تنظيفه لان مستحيل تقدرين تفرشينه بالفرشه العاديه
تقدرين تستخدمين الواتر جت و الفرش الصغار حقت التقويم

الاكل طبعا اول ماتاكلين شي تحسين الجهاز امتلى خخخخخ
احيانا وانا اكل يتجمع فيه وادزه بلساني ويضبط الوضع :d

بالنسبه للنطق ما تأثر كثير اساسا انا عندي السين مو مره كويس
بس اكيد بعد العملية باسبوع ماتقدرين تتكلمين زين

قبل العملية بيحطون لك مسامير وقت تركيبها وفكها كانت مؤلمه شوي لانها تكون بسقف الحلق


بعد العملية عطوني شي صغير احرك الجهاز يوميا وهم بيعلمونك عليه وتصيرين تسوينه بالبيت



ان شاء الله ما اكون نسيت شي :d واي سؤال انا حاضره

 

[الامل القريب]

مــــــــــرحبا بنات كيفكم من زمان عنكم لكم وحشششششه:eh_s(7):الحمدلله على سلامت اللي سووا العمليه ومبررروك للي تحددت عملياتهم وربي يقومكم بالسلامه يارب وربي يسهل للي ينتظرون عمليه يارب:yaaaaaarb:اخباري انا لي شهرين و26يوم والحمدلله ياربي الاحساس لسى بس تحت الخدود رجع والباقي لسى الخشم على الخدود على الدقن على الشفايف كنت احط مغطات اسبوعين بس بالليل بعدين قال خلاص لاتحطينهم :eh_s(9):انا للحين عند الجراح مابديت مع دكتور التقويم يبيلي يعني وبالموعد الجاي طلب اسوي اشعه مقطعيه وربي يسهل يارب وعلى طاري العيون احسهم تغيروا مو زي قبل :eh_s(10):بس الحمدلله ياربي بس على قولتكم بصبر لين 6شهور ان شاء الله واحكم والخشم احسه كبر يمكن عشان وجهي صغر:eh_s(10):لاني نحفت هو حلو بس احسه اكبر من وجهي لان الورم خف مررره مادري يمكن يتخيل لي بس رازه وجهي بالمرايه مليت من كثر ماشوف وجهي خخخخخخخخخخخوالله زي ماقلتوا كل يوم شكل

 

[أسم العضو]

الدكتور احمد اليماني في عياده سمايا في جده من افضل الاطباء على مستوى المملكة مو بس جده

وعملية فك واحد عنده بخمسة وعشرين الف الى ثلاثين الف

موفقه

يعطيك العافيه بس الاخت / اخت الامل صلحت عمليه عنده وتقول ان عمليتها فشلت وخوفتني منه بصراحه فكرت اروح له بس بعد ما قرات مواضيعها خفت بصدق الله يستر​

 

[أسم العضو]

افضل دكتور واكثرهم امانة عبدالله القرشي هو رئيس جراحة الوجة والفكين في مستشفى الملك فهد وبالخاص يشتغل بعيادة الامين بحي الروضة روحي لة وبتدعيلي

انا كان نفسي اسوي عمليتة الفاشلة عندة بس للاسف ماعرفتو الامتاخر

روحي لة تراة جدا امين مو مادي واظن انو مو غالي وتراة يراعي ويقدر الظروف
موفقة​

الله يسعدك يالغاليه متى ممكن يتواجد بالعياده وهل العمليه يسويها بمستشفى الملك فهد

او في العياده ..​

 

[انوثتي غير وياك]

شوفووو فك أمل العوضي

يهبـــــــــــــل

http://www.youtube.com/watch?v=jyjKcVsohk0&feature=youtube_gdata_player

اسراااء شمسويه بفكهااا ؟؟؟

 

[Esraa.a]

شوفووو فك أمل العوضي

يهبـــــــــــــل

http://www.youtube.com/watch?v=jyjkcvsohk0&feature=youtube_gdata_player

اسراااء شمسويه بفكهااا ؟؟؟

مو مسويه شي. ... فكها خلقه عريض ( قصته حلوه)




اهي سوت خشمها ونفخت خدودها وشفايها غير جذي اهي كبرت وملامحها نضجت بس فكها هذا هو عريض من صغرها








فيه عمليه يسوونها حق تعريض الفك باستخدام الحشوات
كنت حاطه فيديو لهالعمليه من قبل

 

[شوشو بنت أمها]

السلام عليكم احلى بنات
انا حديدية جديدة هنا ومتابعتكم في الموضوع وااايد حمستوني اسوي العملية عندي الفك العلوي gummy smile والدقن صغير
، حبيت أشكركم صراحة شجعتوني بتجاربكم الله يسعدكم وحدة وحدة ساعدتوني أخذ قراري
سويت أشعة وحددت الموعد بعد شهر ان شاء الله
قلت للدكتور ان ملكتي بعد العيد * ^
علشان يسويلي العملية ب اقرب وقت >> أبوي مالقى غير هالعذر :| عشان يوافق هههه
سألني اذا خطيبي موافق ولا لا قلت :ليش ؟ قال : سويتها لبنت قبلك ولما شافها خطيبها بعد العملية تغيرت ملامحها رفضها المسكينة >>عاد انا ماراح تفرق معي
قاللي بيقص من الفك ٣ او٤ ملم بس خايفة وجهي يصغر زيادة وهو اصلا صغير ويطلع شين علي
ادعووولي @@
احتاج لستة بالاشياء اللي احتاجها في المستشفى وكيف اكل بعد العملية :s بيكون أسهل علي وشكراااا

 

[روان المؤدبه]

اهلا ياصبايا ..

توني راجعه من دكتوره: مريم الهندي عسسل ذوق اخلاق .. اعجززز وان امدحها .. تجنن ياناس .

عنددي موعد بعد شهر ونصف تقريبا مع دكتور التقويم د .مهنا .. عاد اسناني يبي لها خلع ابي اركب تقويم بسررررررررعه .. يارب يسر ..

وبس هذا بإختصار لإختصار