إللي عندها أي استفسار بخصوص الديكورات والبناء تتفضل ( للفائده فقط )

[أدريانا.]

الله ..
يعطيك العافيه هَ على الجهد ..

الي تبذلينه هَ . .

 

[tattoma]

الله ..
يعطيك العافيه هَ على الجهد ..

الي تبذلينه هَ . .

الله يعافيج ويخليج

 

[tattoma]

أخت tattoma ​

بصراحه موضوك مرره حلو وتساعدين فيه الكل ​

وأنا من راي لو انه بالمره تنزليين دورس من فتره لفتره يعني عشان الكل يستفيد منها ​

وكمان ان ماتكثرت الاسئله يمكن كل وحده تلاقي الجواب اللي تبيه من الدرس ​

واتمني لك كل خير ​

دمتي بود ​

مشكورة حبيبتي على الإطراء.. وفكرتج حلوة وايد

ويا ليت إذا عندي وقت أسوي هالدروس بس إن شاء الله إذا استقريت في العمل واعتمدت على موظفين غيري في الـمحل راح أفضى للكمبيوتر

 

[tattoma]

السلام عليكم ​

اختي ممكن مساعده
انا شقتي غرفه وصاله وتكرمين حمامين ومطبخ
الصاله مساحتها 10 امترا بخمسه
وحبيت اخذ من الصاله 4 امتار واسكرها بس مو عارفه اسكرها شلون ما بي ابني طوفه من الطوب
ابي شي ثاني يكون خفيف ورخيص

لانه ابي اسوي غرفه ثانيه​

الجبس بورد سهل تركيبه وخفيف وينحط بين اللوحين عازل

 

[غـَلآهـ]

ناااااااااااااااااطرتج تشبكين وتشوفيلي حل مع الغرفة الضيجة اللي تبط الجبد حتى ماقدر احط كراسي فييها

غرفتي ياية بالطول اتوقع 6 باربع ماددري خمس وخشب الغرفة حيل متيييييين ومضيج الغرفة شوفيلي حل شلون ارتبها واقدر احط كراسي او لا

 

[amani]

الله يعافيج بقيت جم تطلع تكلفة البنيان الأسود لغرفتين وممر وحمام ؟ يعني عطيني التقريبي

بارك الله فيج

 

[جوري بنت ابوها]

السلام عليكم شلونج حبيبتي يعطيج العافيه علي هالابداع وان شالله يكون في ميزان حسناتج ابي منج مساعدة
عندي صالتي في الدور الاول من توقفين عندنهايه الدرج بعد ماتصعدين علي يمينك مطبخ تحضير وامامك الصاله طولها 10 امتار وعرضها 5 امتار في نهايتها الشباك امامك
طويله جدا لا اعرف ماذا افعل بطولها من حيث (الاصباغ والاثاث )فزوجي يريد ان تكون جلسه ارضيه نضع فيها البلازما مثل قعدة يوميه لنا وللابناء وانا اريد ان اغير فيها هل اقسمها بطابوق زجاجي علي جنب اواغير بالاصباغ اواضع جلسه ارضيه مع طقم قنفات ماذا اعمل رجاءا ساعديني ومشكورة مقدما
​

 

[tattoma]

ناااااااااااااااااطرتج تشبكين وتشوفيلي حل مع الغرفة الضيجة اللي تبط الجبد حتى ماقدر احط كراسي فييها

غرفتي ياية بالطول اتوقع 6 باربع ماددري خمس وخشب الغرفة حيل متيييييين ومضيج الغرفة شوفيلي حل شلون ارتبها واقدر احط كراسي او لا

أختي إذا القياسات نفس اللي حطيتيها، فالغرفة ما تعتبر صغيرة..

وإذا الأثاث كبير، الحل الوحيد إنج تغيرينها وتخلينها عصرية

 

[miss-apple]

:eh_s(7):
السلام عليكم

مشكوورة ع موضوعك المميز ..

أنا بغير أثاث غرفة نومي لأنها حييل عفسة المهم الغرفة صغيرة جدا و مشتركة بيني و بين أختي

نبغى أفكار علشان نزيد مساحة بالغرفة .. هذي اقتراحاتي بس أبغى رأيك:

أولا : فكرت نشيل الأسرة لأنها مآخذة حيز كبير و نحط بدالها الأسرة أبوطابقين ..

ثانيا: نشيل التسريحة و نحط دولاب بأدراج يكون غير عريض علشان المساحة و نحط مرايا فوقه

بكذا أحس بيكوون فيه مساحة حق قعدتنا و أقدر أحط لي بعد مكتب صغيير ..


رأيك لوسمحت ..​

 

[أدريانا.]

يعطيك العافيه هَ ..​

​

 

[ملاك بطبعي]

السلام عليكم
مشكوره على الجهد الواضح
يالغاليه انا من السعوديه البيت الحين خلص عظم وبنبدا بالسباكه والكهرباء والديكور
نصايحك واخطاء يجب نتجنبها
ولو ماعليك امر ابي صور لديككورات سقف والقبه بالوسط
البيت عباره عن صاله كبيره تحت وفيها درج بالوسط يتفرع لدرجين
نفس نظام صالات الكويت الكبيره

بانتظارك

 

[**الخزامى**]

مساء. الخير
أختي بغيت اسالج. صالتنا. قياسها 10 ب 10. بس السقف حيل نازل. مخرب ع الصاله أبي طريقه للسقف.
هل أنتئ مصممه. تجين تصمميلي. الصاله لأن حدي محتاااره. أتمنى انج تواصلين معاائ. للضروره

 

[أفناان]

مسااااااء الخير
الله يعافيج طقم الاستقبال لونه سماوي بذهبي محتاااره بلون ورق الجدران أنا بخاطري أحط جبس بورد داير مدار الطوفه بالنص لونه ذهبي شلوون تصير طريقة ورق الجدران وللعلم السماوي أكثر من الذهبي. وشرااايج شراح يكون لون الستااااره وشكراً 

 

[tattoma]

مسااااااء الخير
الله يعافيج طقم الاستقبال لونه سماوي بذهبي محتاااره بلون ورق الجدران أنا بخاطري أحط جبس بورد داير مدار الطوفه بالنص لونه ذهبي شلوون تصير طريقة ورق الجدران وللعلم السماوي أكثر من الذهبي. وشرااايج شراح يكون لون الستااااره وشكراً 

مساء النور

أولاً: ليش الجبس بورد؟ هل الطوفة فيها عيوب أو تبين تقسمين الإستقبال؟

ثانياً: بالنسبة للون الحوائط لا تحطين ورق جدران ولا تفكرين بألوان، حطي لون محايد، درجات البيج فقط.. وإنسي السماوي والذهبي.. ممكن بديكور السقف تلعبين بالذهبي ودرجاته بس الحوائط لا تفكرين

أما الستارة ممكن مشجرة وممكن سادة والأفضل تدخلين فيها لون ثالث مع الذهبي والسماوي

 

[tattoma]

مساء. الخير
أختي بغيت اسالج. صالتنا. قياسها 10 ب 10. بس السقف حيل نازل. مخرب ع الصاله أبي طريقه للسقف.
هل أنتئ مصممه. تجين تصمميلي. الصاله لأن حدي محتاااره. أتمنى انج تواصلين معاائ. للضروره

السقف لازم أحد يشوفه عشان يعرف إذا فيه مجال داخله أو لأ.. إذا سنترال معناته ممكن فيه احتمال بس إذا السقف سادة ومستقيم معناته ما نقدر نرفعه

 

[tattoma]

السلام عليكم
مشكوره على الجهد الواضح
يالغاليه انا من السعوديه البيت الحين خلص عظم وبنبدا بالسباكه والكهرباء والديكور
نصايحك واخطاء يجب نتجنبها
ولو ماعليك امر ابي صور لديككورات سقف والقبه بالوسط
البيت عباره عن صاله كبيره تحت وفيها درج بالوسط يتفرع لدرجين
نفس نظام صالات الكويت الكبيره
بانتظارك

لو ترسلين لي الخريطة عالخاص ممكن أساعدك بشكل أفضل

 

[جوري بنت ابوها]

السلام عليكم شلونج حبيبتي يعطيج العافيه علي هالابداع وان شالله يكون في ميزان حسناتج ابي منج مساعدة
عندي صالتي في الدور الاول من توقفين عندنهايه الدرج بعد ماتصعدين علي يمينك مطبخ تحضير وامامك الصاله طولها 10 امتار وعرضها 5 امتار في نهايتها الشباك امامك
طويله جدا لا اعرف ماذا افعل بطولها من حيث (الاصباغ والاثاث )فزوجي يريد ان تكون جلسه ارضيه نضع فيها البلازما مثل قعدة يوميه لنا وللابناء وانا اريد ان اغير فيها هل اقسمها بطابوق زجاجي علي جنب اواغير بالاصباغ اواضع جلسه ارضيه مع طقم قنفات ماذا اعمل رجاءا ساعديني ومشكورة مقدما
حبيبتي اتمنى تفيدينا بخبراتج ومشكورة

 

[أفناان]

مساء النور

أولاً: ليش الجبس بورد؟ هل الطوفة فيها عيوب أو تبين تقسمين الإستقبال؟

ثانياً: بالنسبة للون الحوائط لا تحطين ورق جدران ولا تفكرين بألوان، حطي لون محايد، درجات البيج فقط.. وإنسي السماوي والذهبي.. ممكن بديكور السقف تلعبين بالذهبي ودرجاته بس الحوائط لا تفكرين

أما الستارة ممكن مشجرة وممكن سادة والأفضل تدخلين فيها لون ثالث مع الذهبي والسماوي[/QUOTE

يعطيج العاافيه حبيبتي الجبس البورد اللي قصدته مثل الزنار يقسم الطوفه بالعرض نصين وتفضلين يكون بني اوذهبي وشكراً

 

[tattoma]

يعطيج العاافيه حبيبتي الجبس البورد اللي قصدته مثل الزنار يقسم الطوفه بالعرض نصين وتفضلين يكون بني اوذهبي وشكراً

الله يعافيج.. الجبس بورد إذا حطيتيه للتقسيم عاملية معاملة طوفة.. شنو لون الصبغ اللي عالحوائط؟ خليه نفسه

 

[أفناان]

الله يعافيج.. الجبس بورد إذا حطيتيه للتقسيم عاملية معاملة طوفة.. شنو لون الصبغ اللي عالحوائط؟ خليه نفسه

حبيبتي آسفه أزعجتج بس إنتي ما فهمتي علي اللي قصدته الديكور اللي ينحط جنه حزام بنص الطوفه بالعرض وينصبغ