** تجمع الي مسوين جراحة الفك**

[Esraa.a]

هذي مقابلة قديمة لدكتور عادل العصفور غير مقابلة يوم الخميس اللي قلت لكم عنها ( للي حاب يستفيد)



http://www.youtube.com/watch?v=rJbc-ieo294&feature=relmfu



http://www.youtube.com/watch?v=dm4KaCzq-4Q&feature=relmfu

 

[مامن حظ]

بالنسبة ل أمل العوضي وفكها أنا اتفق مع اسراء فك امل طبيعي من الله
وفيه بنات اعرفهم فكهم زي امل حتى فيه بنت شفتها صغيره مأعطيها اكثر من 14 سنه
مشاء الله يارسمة فكها ودقنها جماااااال رباني


اسراء
يسلمو ع المقاطع جالسه اشوفهن

 

[ملامح ناعمة]

ياااااااي مستانسة باقي ٩ ايام على عمليتي
صج في رهبه لانها عملية بس لما افكر بالنتايج واتذكر الصور الي شفتها نفس حالتي احس بطير من الفرررررررح

 

[روان المؤدبه]

ملامح نااعمه الله معآآآك ..

بسألك انتي مركبه تقويم قبل ؟؟

وان شاء الله ننتظرك بعد العمليه و الأخبار الطيبه ^_^

 

[توتة بنوتة]

السلام عليكم و رحمة الله و بركاته ..

رجعت لكم من يديد ... كانت عمليتي بتاريخ 11-4-2012 في مستشفى خليفة عند الدكتور المبدع ميشيل ... الحمدلله و الشكر نجحت العملية ... كانت عمليتي قريبا 6 ساعات .. بس وايد تعبت ... كانت مشكلتي الفك السفلي متجدم شوي و العلوي راد لي ورا و غير جيه اسناني ما تبين كلش سواء لمن اتكلم او ابتسم او اضحك و الحمدلله الدكتور عالج هالمشكلة .... ان شالله في اقرب وقت بحطلكم الصور ...

 

[الـهاجريه]

إذا الفرصه ما تسمح لج إلا برمضان .. سويها برمضان



بخصوص الأجهزه المستخدمة لجراحة الفك
مستشفى السيف عندهم أجهزه متطوره >> حتى بمقابلة دكتور عادل العصفور يوم الخميس اللي فات على قناة العداله صرح بهالشي
قال المستشفى الوحييييييد بالكويت اللي عنده هالأجهزه هو مستشفى السيف

وشرح عن جهاز أشعه ثلاثي الأبعاد بالكويت مو موجود إلا عندهم .. يبين شكل الفك كامل من ورا ويقدر يحركه بالطريقه اللي يبيها ( بالكمبيوتر)
يعني كأنه فكج بالضبط أمامه وهالشي وااااااااااايد يسهل على الدكتور أثناء العمليه ويختصر الوقت
الأجهزه العاديه تبين شكل الفك من الأمام
ما أعرف شلون أشرح لكم بس اللي شاف المقابله راح يفهمني



ومادري بصراحة إذا عندكم هالأنواع من الأجهزه المتطورة او لأ


وبالنسبه لليزر مافيه عمليه كامله تتم بالليزر .. يستخدمونه لشيء معين فقط لاغير

حلوه الاجهزه ياريت كانت متوفره عندنا بس ماعتقد ،، يمكن بالمستشفيات الخاصه بس الحكوميه مستحيل للاسف ،،، وبخصوص المقابله شفت اولها الصراحه الدكتور باين انه فاهم شغله اكيد طلعتي حلوه :eh_s(7): الف الحمدالله ع السلامه ادري متاخره بس ماحصلت لي الفرصه اني اتحمدلج بالسلامه اختي اسرااء و مشكوره

،،،

توته بنوته الف الف الحمدالله ع السلامه ،،، بس عميلتج كانت يوم 11 ؟ انا قالولي الدكتور مسافر ومابيرجع الا تاريخ 15 وهو نفس يوم موعدي حتى يوم سالتهم قالولي اليوم وااصل حتى كان مسوى تااان شكلهم كذبوو عليه :eh_s(10):

 

[ملامح ناعمة]

ملامح نااعمه الله معآآآك ..

بسألك انتي مركبه تقويم قبل ؟؟

وان شاء الله ننتظرك بعد العمليه و الأخبار الطيبه ^_^

اي حاطة
بقول لج سالفتي انا اسناني موب منعفسة وايد واصلا باقي لي وقت علي العلاج يعني جي كم شهر
بس سألت الجراح ودكتور التقويم اقدر اسويها الحين ولا لازم تنطر قالو لي مافي مشكلة يعني
الاختيار يرجع لي
اخترت اني اسوي العملية لعدة اسباب اول شي واهم شي كنت مخطوبة فقلت لازم اسويها قب لايصير شي
عشان مايشوفني تغيرت بس التحاليل طلعت موب متطابقة والحمدالله علئ كل حال
والشغله الثانية مابي احاتي وايد انا من النوع الي ما اخلي شي ما احاتية هههههه
ودام الدكتترة واهلي شجعوني اسويها وافتك توكلت على الله

 

[Esraa.a]

حلوه الاجهزه ياريت كانت متوفره عندنا بس ماعتقد ،، يمكن بالمستشفيات الخاصه بس الحكوميه مستحيل للاسف ،،، وبخصوص المقابله شفت اولها الصراحه الدكتور باين انه فاهم شغله اكيد طلعتي حلوه :eh_s(7): الف الحمدالله ع السلامه ادري متاخره بس ماحصلت لي الفرصه اني اتحمدلج بالسلامه اختي اسرااء و مشكوره

،،،

توته بنوته الف الف الحمدالله ع السلامه ،،، بس عميلتج كانت يوم 11 ؟ انا قالولي الدكتور مسافر ومابيرجع الا تاريخ 15 وهو نفس يوم موعدي حتى يوم سالتهم قالولي اليوم وااصل حتى كان مسوى تااان شكلهم كذبوو عليه :eh_s(10):

ايييييي والله واااااايد فاهم شغله

دكتور عادل شهادتي فيه مجروحه الصراحه .. كثر ما أتكلم عنه ما أوفيه حقه



والله يبااااااارك فيج حبيبتي ما تقصرين >> صوري موجوده صفحه 305 و 343 إذا حابه تشوفينهم :sfg:

 

[Esraa.a]

ياااااااي مستانسة باقي ٩ ايام على عمليتي
صج في رهبه لانها عملية بس لما افكر بالنتايج واتذكر الصور الي شفتها نفس حالتي احس بطير من الفرررررررح

الله يتمم عليج الوناسه إلى ما بعد العمليه وتفرحين بالنتيجه اللي تتمنينها يااارب



أهم شي يكون عندج خلفيه عن اللي راح تواجهينه بعد العمليه من تعب ونفسيه سيئه ..إلخ >> هذا شي طبيعي اول الأيام
بس ان شاء الله التحسن راح يصير بشكل تدريجي إلى ما تستقرين عالنتيجة النهائيه :rerrerek:

 

[Esraa.a]

السلام عليكم و رحمة الله و بركاته ..

رجعت لكم من يديد ... كانت عمليتي بتاريخ 11-4-2012 في مستشفى خليفة عند الدكتور المبدع ميشيل ... الحمدلله و الشكر نجحت العملية ... كانت عمليتي قريبا 6 ساعات .. بس وايد تعبت ... كانت مشكلتي الفك السفلي متجدم شوي و العلوي راد لي ورا و غير جيه اسناني ما تبين كلش سواء لمن اتكلم او ابتسم او اضحك و الحمدلله الدكتور عالج هالمشكلة .... ان شالله في اقرب وقت بحطلكم الصور ...

ألف الحمدلله عالسلااااااااااامه .. ومبرووووك على نجاح العمليه:ggdw:




منتظرين صورج على أحر من الجمر :eh_s(9):

 

[Esraa.a]

القائمه الحديديه​

1- أحب أمي ( انتهت من العمليه 18-5-2010) الكويت >> د.عماد النجاده
2-antonya ( انتهت من العمليه 12-8-2010) الكويت >> د. ناجي ابوشبل ( لبنان)
3- emo princess ( انتهت من العمليه 28-11-2010) الكويت >> د.أحمد الدنف
4- صدى صوت ( انتهت من العمليه10-12-2010) السعوديه >> د.عبدالعزيز الوتيد
5- e7sas.majro07 (انتهت من العمليه 24-1-2011) الإمارات >> د.ميشيل
6- maha al (انتهت من العمليه3-3-2011 ) السعوديه >> اشرف ابو كركي( الأردن)
7- عيون عليا (انتهت من العمليه 5-3- 2011) الكويت >> د.نائل الهزيم + د.عادل العصفور
8- غلااا الروح (انتهت من العمليه 3-2011) الكويت >> د.نائل الهزيم + د.عادل العصفور
9- jnona (انتهت من العمليه 8-3-2011) الكويت >> د.عماد النجاده
10- غلاااااه (انتهت من العمليه 20-4-2011) السعوديه >> د.حامد البارقي
11- دلوعة شيوخها (انتهت من العمليه 3-5-2011) السعوديه
12-عبير الصباح ( انتهت من العمليه 6-5-2011 ) السعوديه >> د.مازن المصري
13- ego-girl (انتهت من العمليه 6-5-2011) الإمارات >> د.مارك كراش
14- black & white (انتهت من العمليه 24-5-2011) الكويت >> د.بيتر
15- nenna92 ( انتهت من العمليه 1-6-2011 ) الكويت >> د.نائل الهزيم + د.عادل العصفور
16- reem.m ( انتهت من العمليه 8-6-2011) السعوديه >> د.صالح البازعي
17- دموع منسيه ( انتهت من العمليه 30-6-2011) السعوديه
18- innocence ( انتهت من العمليه6-7-2011 ) السعوديه >> صالح البازعي
19- كتكوته 2010 ( انتهت من العمليه14-7-2011) السعوديه >> د.أحمد اليماني
20- miss l ( انتهت من العمليه 5-7-2011) الكويت >> د.عادل العصفور
21- عصي الدمع (انتهت من العمليه 14-8-2011) السعوديه >> د.عثمان الطويرقي+د.فراس الخيال
22- barbie girl (انتهت من العمليه 10-9-2011) الكويت >> د.نائل الهزيم + د.عادل العصفور
23- ساره ( انتهت من العمليه 1-10-2011) السعوديه >> د.ناصر النوح
24- فطامي ( انتهت من العمليه18-10-2011 ) الامارات >> د.لويس (لندن)
25- جمانة الرياض ( انتهت من العمليه 19-11-2011) السعوديه >> د.ناصر النوح
26- princess.78 ( انتهت من العمليه 20-11-2011) السعوديه >> د.بيشي القرني
27- سيزر تفاح ( انتهت من العمليه 3-12-2011) السعوديه >> د.عبدالله العتل
28- noona 12 ( انتهت من العمليه 1-1-2012 ) عمان >> د.محمد النبهاني
29- لينك ( انتهت من العمليه 5-1-2012) السعوديه >> د.أحمد اليماني
30- Esraa.a ( انتهت من العمليه 22-1-2012) الكويت >> د.عادل العصفور + د.نائل الهزيم
31- خوخة1990 ( انتهت من العمليه 30-1-2012) الإمارات >> د.توماس
32- سمنه ع عسل ( انتهت من العمليه 4-2-2012) السعوديه >> د.عثمان الطويرقي
33- الحمدلله ( انتهت من العملية 16-2-2012) السعودية >> د.بدر الجندان
34- الامل القريب ( انتهت من العملية21-2-2012) السعوديه >> د.عبدالعزيز الوتيد
35-reematy ( انتهت من العملية 26-3-2012) الامارات >> د. ناجي ابوشبل ( لبنان)
36- أم الفاتنات ( انتهت من العملية2-4-2012) الامارات >> د.توماس
37- توتة بنوتة ( انتهت من العملية 11-4-2012) الامارات >> د.ميشيل ​

38-لابيرلا
39- دنيا الحب
40- قهوة تركي
41- شتآآت
42- ليلى
43- توته مربربه
44- ستايلك​

45- نرجس
46- سنفوره كويتيه
47- كتكوته غنوجه
48- ريهام
49-sendrila
50- miss_o
51- رعشة الخفوق
52- مس لزيزه
53- s h o u g
54- diana*
55- هتانة الغيمة
56- ملامح ناعمة
57- هديل جداوي
58- اخت الرجال 29
59- كوكب..
60- روان المؤدبه
61- طبيبة أسنان​

العدد قابل للزياده بإذن الله​

 

[Esraa.a]

أي بنت حابه أضيف اسمها بالقائمة تعطيني خبر

 

[DaLaLy]

انا خلصت كل مراحل التقويم
بس الاميري للحين ذاليني على موعد العمليه للحين ما عطوني موعد :eh_s(2)::eh_s(4):

 

[الامل القريب]

ملامح ناعمه...ربي يسهلها لك يارب وتتهنين بالنتيجه اللي تعجبك يارب

 

[الامل القريب]

توتـــــــــــــــــه بنوته....
الـــــــــــــــــف حمدلله على سلامتك وربي يعجل بشفاك يارب

 

[الامل القريب]

اســــــــــــــــــــــــــــــــوره كيف الاحساس عندك:eh_s(10):انا للحين بقى ايام واتم شهرين اللي تحت الخشم احسه اكثر شيء متبنج والخشم كذالك:eh_s(10):انتي زيي

 

[الامل القريب]

برنسس وينها مختفيه احد يعرف اخبارها؟؟؟

 

[Esraa.a]

انا خلصت كل مراحل التقويم
بس الاميري للحين ذاليني على موعد العمليه للحين ما عطوني موعد :eh_s(2)::eh_s(4):

معروووووف حبيبتي الحكومه اذا ما عندج واسطه المواعيد تطول سنين

 

[Esraa.a]

اســــــــــــــــــــــــــــــــوره كيف الاحساس عندك:eh_s(10):انا للحين بقى ايام واتم شهرين اللي تحت الخشم احسه اكثر شيء متبنج والخشم كذالك:eh_s(10):انتي زيي :d

هلا وغلا


الحمدلله الاحساس رجعلي بأغلب المناطق بس بقى أجزاء من الشفه السفلى مع الذقن


وطبعا لثتي ما احس فيها خصوصا مكان الخياط >> هالشي مضايقني بصراحه لانه بقايا الاكل تترسب عليها وما احس .. والتقويم يعتبر عامل مساعد >> يترسب عليه الاكل ويدخل بين الحدايد
وهالشي للأسف ممكن يسبب التهاب اللثه






قاعده أحاول أستخدم غسول وأفرش أسناني اذا كنت بالبيت بعد كل وجبه .. حتى بعد الوجبات الخفيفه ( اللي تكون بين الوجبات الاساسيه)




بس مشكله اذا كنت طالعه او زواره او دوام
مجرد أقوم أتمضمض بماي خالي بعد الاكل .. والمضمضه غير كافيه



ان شااااااء الله ما أخذ فرشتي معاي بيت الناس وأدخل حمامهم أفرش
أو رايحه أتسوق والفرشه والمعجون والغسول معاي بالشنطه هههههههههههههههه

 

[Esraa.a]

برنسس وينها مختفيه احد يعرف اخبارها؟؟؟

انا اعرف أخبارها




برنسس مو عاجبتها نتيجة عمليتها فقاعده تبحث عن دكتور يصلح عمليتها




هي الشكل الخارجي مافيها شي .. النتيجه حلوه
بس المشكله لما تضحك القمي سمايل مازالت موجوده .. الدكتور مو قاص اللثه او رافع الفك بالشكل الكافي >> المفروض يقص ويرفع الفك أكثر شووي علشان القمي سمايل تختفي وقت الضحك او الابتسامه


طبعا الدكتور برر الموقف بوجود كراون ( تلبيسات) بالاسنان الأماميه وهالشي بناء على كلامه سبب له عائق وخلاه يرفع الفك لحد معين وما يتجاوز