محتاجه احد يكلمني الله يوفقكم ساعدوني ؟؟؟

[كروزهـ]

السلام عليكم ورحمه الله وبركاته​

بنات انا محتاجه احد يساعدني في مشكله مع زوجي

بقولكم مشكلتي انا حامل الحين وتعرفون الوحده يوم تحمل تتغير بشرتها وشكلها ونفسيتها وكل شي فيها ((رقبتي قلبت سودااااااااااااااا والمناطق الحساسه قلبت سودااااااااا وحلمااتي سووود وتشققات بالجلد وكاااااااااااااااااااااااااااااااااااارهه نفسي ومالي خلق اي شي


المهم زوجي كل مايشوف وحده حلوه ورقبتها بيضاء وجسمها حلوو يقول نهايتك قربت


واخوه بيتزوج بعد كم يوم
واكيد العروس مسنعه عمرها وبيضاء وشحلاتها واخاف يشوف مرة اخوه ويكرهني بزياااده وانا حااامل ومو بيدي اسوي شي كله من الحمل


تكفون ابي وحده تعلمني وشلون اطلع حلوه قداامه وافهمه ان كل اللي قاعد يصير لي من الحمل وتخربط هرمونات
وابي وحده تعلمني على الحركات اللي اسويها عشان يرجع يحبني

الله يوفقها ويسعدها ويعطيها مرادها ولايحرمها اللي في بالها اللي ترد علي وتنقذ بيتي من لانهيااار :yaaaaaarb:

واللي عندها شي خاص تقوله لي بالخاص تراني اختكم ومحتاجكم واعرفكم ماتقصروووون :eh_s(2)::eh_s(2)::eh_s(2)::eh_s(2):

 

[*آسوومه*]

اففففففففففف شفيهم الريايل ؟
يبون يهال و لما تحمل المره يعلقون و مادري شنو
مالت عليهم

حبي ما عليج منه خليه يولي
و فديتج احين ما تقدرين تجربين خلطات و هالسوالف لان خطر عليج
انطري لين تولدين و ابدي اعتني بنفسج
و ان شاء الله يرد جسمج مثل ما كان و احسن :*

 

[كربون امها]

بعد احترامي لج ريلج مايستحي ومو كفو الحين المره لما تحمل يالله تشيل عمره واجهيه وقوليله انا حامل والحامل يصير فيها جدي انتظرني بعد الولاده بتغير وايد وعيشي بامل ولااعبين عمرج لاا هذا حال الحوامل بس اذا مصره انج تغيرين صبغي شعرج في صبغ بالصالون خاص للحوامل روحي صالون اشتري من بيضون كريمات طبيعيه وغيري لوك لبسج والله يكون بعونج

 

[حلاه الكون]

ريلج مايقدر
انتي خلج واثقه من نفسج جدامه
واذا عيب عليج
سوي روحج منصدمه منه
وقوليلي استغفر ربك ماتبي ذريه
هذا انا الحامل مااشتكيت
وقوليله روح شوف نفسك اذا مرضت
تصير جنك شرشبيل اللي مع سنافر خخخخخخخ
وعلقي عليه علشان يسكت
ترا في رياييل يسكتهم الرد القوي
وانتي حطي كريم اساس وحمره وكحل وماسكره والازم منه
وكل جم اسبوع روحي للصالون يهتمون فيج
والعطر والملابس الحلوه

 

[أجمل إنسـآنـه ~]

أآب

ان شاءالله البنات يفيدونج

حبيت ارفع الموضوع

 

[ماركة انثى]

الحين لاتفكرين بشي اهم شي انتي والبيبي


وبعد الولاده تسنعي على كيف كيفج


اهم شي صحتج لا سمح الله اذا صار فيج شي محد بينفعج ​

 

[مكاييل]

طيب جربي الصنفرة وطريقة الحمام المغربي بدون بخار او سوي مثل ما انا اسوي ادهن جسمي اول مايطلع زوجي للدوام بزيت زيتون مع زين جلوسليد واخليه كم ساعه عقب اجيب ليمون وسكر وافرك ومن ثم اسوي حمام مغربي بدون بخار وارطب جسمي واتعطر واتبخر والبس احلى ما عندي يوم جذي ويوم صنفرة ستيفين بس اسويها عالناعم ويوم ايه ويوم لا

 

[انثى عاشقة]

وديه معاك عند دكتورة النسا والولادة
خليها تفهمه وتقول قدامه ان كل هالتغييرات تصير لكل الحوامل
وبعد الولادة تروح
يقهرون الرجال من قلب
انتي لاتعطي الموضوع اكبر من حجمه
اذا علق قولي له كل الحريم يصير فيهم هالشي
وبس نولد نرجع لطبيعتنا ​

 

[بنت الاجواااد]

زوج مايحس ماعنده احساس ليش جذي الضاهر من النوعيه الي بس يتطنز وشغال تعليييييق !!
انتي اهتمي بنفسج عادي ولاجنج حامل ورقببببببببتتتتتتتتج لقيت لج حل؟؟؟؟قصصي قذلتج من جدام وشويه من شعرج الي على رقبتج يعني مدرجات على رقبتج :eh_s(4):وخليه جذي على طول يعني مو ترففعين شعرج وانتم بأضأه قويه لااا هنيه المصيبه اكيد بيلاحظ جذي والباقي عليج تزيني وكشخي وتمكيجي:eh_s(7): وبس

 

[Q 8 Y A t]

روحي الصيدلية واخذي كريم سودو

وحطيه وبعد كم ساعة غسليه

ولو فيه خير ما طالع الحريم

وانتي دايم ادعي

ترى هو مو من صجه بس يبي ينرفزج



وانتي حامل

ما عليج منه

 

[Q 8 Y A t]

شوفي هو يحبج
وانا واثقة من جذي

لكن بعضهم يحبون ينرفزون زوجته
يحسبها واحد معاه بالديوانية


ما عليج منه

 

[رانس]

ماعليج منه قولي له تبي تتحملني لما اولد ولا كيفك بالطقاق يعني شيبيج تسوين خلطات؟؟ كريمات؟؟ كلها بتأثر على الي بطنج حرااام لا تسوين شي وهو مرده لج صدقيني

 

[al-musk]

ياسلام يبي عيال بدون لا تتغيرين ! ولا يتحمل
فهميه ان هالشي طبيعي وعيب يقول نهايتج قربت لازم يثمن الكلام

 

[العفاسيه وبس]

الحين لاتفكرين بشي اهم شي انتي والبيبي


وبعد الولاده تسنعي على كيف كيفج


اهم شي صحتج لا سمح الله اذا صار فيج شي محد بينفعج ​

الصراحة كلامج أختي (ماركه أنثى )عين العقل تسلمين اممممممم والله الوحدة مننا لواتسوي المستحيل هم مايبين في عيونهم المهم حبيبتي ماعليج منه خليج واثقه من نفسج واهتمي بعمرج

 

[Patcholli]

بختصار قوليله انا حامل ..!!

واهو اكيد شايفج قبل الحمال شلون كنتي ومن عقب الحمال بدت تطلع فيج هالاشياء وهاذا شي طبيعي وحال اي وحده تحمل ..

هم يبون عيال وهم يبون جسم ورشاقه اشلون يعني ؟؟ حرمه ولا رجل آلي ؟؟

 

[بقلبي انت]

قوليله الوحده اذا حملت تتغير هرمونات جسمها ويتغير الجسم بس تولدين سنعي عمرج
الحين لا تسوين شي مو زين تجربين علي نفسج وخذيه معاج عند الدكتوره خليها تفهمه ان الوحده تتغير بالحمال
وجسمها يتغير
والله ماندري شنسوي لهم هالرياجيل الله يهديم ويسخر كل زوج لزوجته

 

[غرام القمة]

الله يعبييييييييين

 

[جوري 2007]

اشلون تبينه يشوفج حلوة وانتي نفسج مطيحة حظ روحج !! كلنا رقابنا تصير سودا بس مو يعني نهمل روحنا وننطر 9 شهور عشان عقبها

نبدي صبغ وغسيل وتشحيم !!

حبوبة هذا مايمنع تلبسين لبس حلو وانثوي بالبيت ، مكياج خفيف ، شعر مسشور ، حركات ودلع وسوالف مع الزوج

مارسي حياتج طبيعي ولا كانج حامل خو الحمال مومرض !

 

[miss_uk]

حبيبتي كل شي ان شالله يرد بعد الحمال
لكن ممكن تسويين اشياء تقلل الاضرار

روحي طبيب تغذيه وهالشي حييييل انصحج فيه ولاتقولين حق احد الا زوجج للأسف الناس عندنا فيها عقد حمال
التغذيه يعطونج برنامج حق فترة الحمال تغذيج وتغذي الياهل وما يزيد وزنج
لانه التشققات تزيد اذا الجسم زاد عن حدة ان شالله هالشي وايد بساعدج بعد الولادة

ثاني شي
خلطه مزيونه زشقرة الصابونيه زينه وقالت انها مسموحه للحمل وانا كنت استخدمها

خرابيط بالنفاس ما نبي ،، هاللله هالله بالمشاوي والشوربات السنعه

بلا قبوط وعصيدة ،، احسن عصيدة عبارة عن ( سمنه نباته وتمر ورشاد) بلا طحين ،،، انا اقولج عن تجربه ياهلين الحمدالله لا خرابات ولا مشاكل وجسمي جني بنت الحمدالله وربي شاهد على كلامي

الحامل تاكل تاكل اللي تشتهي على بو انها حامل وهالشي يسوي كآبه بعد الولاده

واي شي ان حاضرة ،، وللازم زيادتج طول الحمال ما تتعدي 13 كيلو ،، غير جذي البطن يتشقق *

 

[miss_uk]

اشلون تبينه يشوفج حلوة وانتي نفسج مطيحة حظ روحج !! كلنا رقابنا تصير سودا بس مو يعني نهمل روحنا وننطر 9 شهور عشان عقبها

نبدي صبغ وغسيل وتشحيم !!

حبوبة هذا مايمنع تلبسين لبس حلو وانثوي بالبيت ، مكياج خفيف ، شعر مسشور ، حركات ودلع وسوالف مع الزوج

مارسي حياتج طبيعي ولا كانج حامل خو الحمال مومرض !

كلامها عين العقل وهذا الصج
اللي تحمل جنها منبوذه لا تعدل لا تكشخ كل شي بعد الولادة دام مايضر ليش لا
حتى لازم على الخامس تجهيز قمصان