محمر بدبس التمر وزبيدي محشي ومشوي اكليها ودوري فراشج

[ريمه الكويت]

​

المقادير
للعيش المحمر​

جيله ونص عيش مغسل ومنقع نص ساعه(علبه الاناناس)​

كوب وربع دبس تمر​

نص كوب شكر اسمر​

هيل وزعفران وصبغه زعفران​

بصله كبيره مقصصتها جوانح​

زيت وزبده​

اما الزبيديه المشويه​

سمج زبيدي كبار منظف ومفتوح بطنه ومتبل بالكركم والملح​

بصله مفرومه
حبتين ثوم مقطعين
2 قفشه كبيره زرشك مغسل​

كزبره خضره نص شده مفرومه​

ملح وليمون اسود وكزبره بورده وكركم​

الطريقه​

اولا العيش​

تاخذين البصل الجوانح وتحمسينها بجدر كبير فيه شويه زيت مع قفشه زبده وحطي عليها رشه زعفران وهيل بودره وشويه صبغه زعفران​

شيلي حمسه البصل وحطيه بطاسه على جنب​

وبنفس الجدر وببقيه الزيت حطي 3 حبات هيل عدل ورشه زعفران وكوب دبس مع نص كوب سكر اسمر وقلبيهم عدل​

لما يذوب الشكر صبي ماي بحيث يغطي العيش ب4 اصابع​

وخليه يغلي وانتي هم ذوقي المروق اذا احتاج شكر زياده​

اذا غلى الماي صفي العيش من ماي النقع وحطيه بالمروق وخليه يطبخ لما جريب حبته تستوي ويتشرب المروق

اخذي ربع كوب دبس ذوبيه بنص كوب ماي مغلي مع رشه هيل وزعفران وقفشه وسط زبده اوسمن​

وصبيه على العيش وقصري على النار 5 دقايق​

بعدها حطي حمسه البصل الي بالطاسه على العيش​

وبعدين حطي قطعه حديده تحت الجدر وغطي العيش بالغطا وتركيه يتسكر ويستوي على نار هاديه​

​

نيي للسمج​

نغسله زين من الكركم والملح ونسوي تتبيله لها​

عصير ليمونه+ شويه ليمون اسود بودره مع فلفل اسود+ ملح وكزبره بودره وكركم وقفشه معجون طماط​

نمسح فيها السمجه من برا وداخل​

اما الحشوه​

نحمس البصله مع الثوم بشوي زيت دقيقتين بس
نحط الملح والزرشك والكزبره الخظره مع رشه فلفل اسود ونقلبهم عالسريع ونسكر النار​

ننطر الحشوه تبرد ونحشي فيها السمجه​

نحط السمجه بصينيه فرن مدهونه بالزيت ونغطيها بالقصدير​

وندخلها بالفرن نص ساعه
بعدها نشيل القصدير
ونحط خلطه التحمير الي اهي​

قفشه كبيره معجون طماط مع قفشه زيت ورشه بابريكا وصبغه زعفران وندهن فيها السمجه من فوق
​

نفتح نار الشوايه لما تحمر السمجه نقدمها مع العيش المحمر​

وتعالي اكلي وشربي عصير الليمون ودوري مخدتج:rerrerek::rerrerek:​

​

​

​

​

​

سمجه من داخل​

​

ممكن تقدمين معاها دقوس​

​

او مرق سمج انا سويت مرقه بلطي​

​

​

بالعافيه​

 

[نهى الأحمد]

يمي يمي


تسلم يمناج حبيبتي ريوووووم



طبق يشووووووق


واكلج حلووووووووووووووو ريووومه

والزين ما يطلع منه الا الزين

 

[أحلى همبه كويتية]

عاشت ريووووووم

شيشتكم على المحمر انا
يااااااااااااااا حبي له
غرامي الطبخ اللي مالح وحلو مع بعض
نااااااااااااطع

عجيب تسلم ايدج وبالعافية
بجربه بدبس التمر انا اسويه بالسكر

​

 

[كلي-حلآ]

شهيييتيني عالمحمممر وذكرتيني باول يوم بعيد الفطر لازم غدانا محمر وزبيدي مقرر ههههه

تسلم ايييييدياااتج حبيبتي

 

[سمو الغلآ]

تسسسسلم ايدج

ماشاء الله تبارك الرحمن شكله عجيييييب.

جووعتييني ههههههههه


يعطططيج العافيه اختي

 

[أم عزيـز]

شكلها روووووووووووووووووووووعه تسلم ايدج حبيبتي
بس انا ما احب العيش الحالي (المحمر) يمكن اسوي عيش لونه احمر مع دبس الرمان بس من غير شكر واناناس
ونفس تتبيله السمج والزبيدي

الف شكر يا قلبي

 

[امـونه]

ماشاء الله يهبل تسلم ايدج حبوبه

 

[نارنجه]

ماشااااء الله
تسلم ايدينج

عذبتيناا بالصور ههههههه

مداخيل العافية يارب

 

[MiSS B.K]

لا لا مااقدر اقاوم يقولون انا باجر معزومه عندج :d

 

[ضحكة الدنيا]

عجيييييب

تسلم الايادي ريومه

ويعطيج العافيه

 

[حلااي]

امممممم ماشالله تسلم الايادي بس عندي سوال شلون العيش ينحط معاه شكر شلون يصير طعم العيش حالي !!!مو متخيلة سكر مع العيش
شلون بيكون طعمه اذا حطيت ملح بدل الشكر يضبط والا لا ؟
وولو سمحتي ابي طريقة مرقة السمج بليز
يعطيج الف عافية ياعمري ما قصرتي

 

[بنت الاحلام]

واو طبق يهبل ويشهي حده

 

[Om zayd]

ماشاء الله تسلم ايدج طبخ ولا اروع

 

[ريمه الكويت]

يمي يمي


تسلم يمناج حبيبتي ريوووووم



طبق يشووووووق


واكلج حلووووووووووووووو ريووومه

والزين ما يطلع منه الا الزين

يسلمج يارب وزينتي صفحتي بمرورج الكريم

 

[ريمه الكويت]

عاشت ريووووووم ​

شيشتكم على المحمر انا
يااااااااااااااا حبي له
غرامي الطبخ اللي مالح وحلو مع بعض
نااااااااااااطع​

عجيب تسلم ايدج وبالعافية
بجربه بدبس التمر انا اسويه بالسكر ​

اي والله شيشتينا عليه وذكرتيني مومسويته منزمان والدبس احلا بس نقي الدبس الزين انا هذا يايبنه لي من السعوديه

 

[ريمه الكويت]

شهيييتيني عالمحمممر وذكرتيني باول يوم بعيد الفطر لازم غدانا محمر وزبيدي مقرر ههههه

تسلم ايييييدياااتج حبيبتي

صج والله وناسه تعيدون بالمحمر العيد عيدين

 

[ريمه الكويت]

تسسسسلم ايدج

ماشاء الله تبارك الرحمن شكله عجيييييب.

جووعتييني ههههههههه


يعطططيج العافيه اختي

عيونج الحلوه

 

[ريمه الكويت]

شكلها روووووووووووووووووووووعه تسلم ايدج حبيبتي
بس انا ما احب العيش الحالي (المحمر) يمكن اسوي عيش لونه احمر مع دبس الرمان بس من غير شكر واناناس
ونفس تتبيله السمج والزبيدي

الف شكر يا قلبي

انزين دبس الرمان مايصير حامض ؟؟....؟؟؟؟

 

[ريمه الكويت]

ماشاء الله يهبل تسلم ايدج حبوبه

 

[ريمه الكويت]

ماشااااء الله
تسلم ايدينج

عذبتيناا بالصور ههههههه

مداخيل العافية يارب

يعافيج وتامرين عليه