ولدي و السب

[Queen.Girl]

السلام عليكم

أنا أعاني مع ولدي معاناة السب عمره سنه وسبع شهور وايد. انحرج منه يسب الكل لكبير ولصغير ومادري أشلون أتعامل معاه ما ابيه يسب
شنو نوع العقاب الي ينفع معاه او الاسلوب
وشكرااااااا. *

 

[AVE.NJ]

الله يعينج
ولدج كبر ولدي بس غريبه يسب
انه ولدي مايقول الا ماما وبابا
ماشاءالله عليه اكيد عنده اخوان اهما معلمينا
انه مااقدر افيدج بشي
بس دخلي على اكاونت تويتر د مصطفى ابو سعده راح يفيدج

 

[Queen.Girl]

مشكوره على الرد حبيبتي
لا والله ماعنده إخوان هذا بجري بس متعلم من الحضانة واليهال

 

[ملاك الغيد]

المشكله انج تربين عيالج عدل ثماً يختلطون بجهال ثانين يخربونه

 

[ملاك الغيد]

بس إذا ماعلمتيه ان السب غلط من الحين مراح يرد عليج لي كبر

اللي عليج انج تحقرينه وزعلي عليه

 

[نـعـومـه]

حرام بهالعمر يسب


قوليله عيب او مايصير علميه على هالشي او وديه حضانه ثانيه

 

[beauty rose]

الله يعينج صعبه والله
حاولي تعلمينه عن طريق الهدايا
يعني اذا شفتيه سب وريه الهدية و قوليله ماااكوو انت مو حلووو و عادي خليه يبجي يفحط
و مرة ثانية اذا شفتيه فجأة ساكت عطيه الهديه او لمة يسمع كلامج بشغلع خليه يتعلم ان لمة يسب ماكو شي و لمة يصير شاطر تعطينه
و تبين الصج ؟ يهال هالوقت ما ينقدر عليهم كل شي يتعلموووون

 

[ام الحلوااات]

اللــــه يــعــــيــنـــج

 

[%F&R%]

اذا سب عاقبي خلي مكان محدد عندج بالبيت لمن يسب قوليلا هذا تايم اوت وقعديه مده محدده وماتخلينه يقوم منها الا لمن يخلص الوقت الي حددتيه ولمن تقومينه قوليله خليه يتاسف انا هذي طريقتي مع بناتي ولله الحمد وايد فايدتني هالطريقه

 

[a7la_7b]

الله يعينج اكيد مخالط اطفال هم معلمينه

 

[الأميرة جوري]

صغيررر احس صعب تعلمينه

 

[DO7AWE]

المشكله انج تربين عيالج عدل ثماً يختلطون بجهال ثانين يخربونه

اناشهد

بس انا لاسمعت كلمة وصخه من ولدي ماااتحمل علي طول عقااااااب شديد عشاااان يتوووب

 

[أم يزيد &سديم&]

أحسن شيئ تعضين لسانه عظة محترمة
والله عشان يتوب

 

[كويتيه شماليه]

خلي عندج خيزرانه بالبيت كل ما يغلط علميه الادب لاتقولين صغير اولدج اللي اصغر منه يفهمون
اهم شي ان الطفل يخاف من امه اذا مايخاف منج ماكو فايده الله يعينج

 

[بنت شتره]

كبر ولدي

شدعوه راد علي ولدي

تعلم من عيال حمولتي

يقولي جب ويتفل حتا لما اطقه يصارخ عشان يزعجني

مع انه بجري

بس في دكتوور يقول
لما تعاقبين طفل لا اطالعينه
شوفي جهه ثانيه ووجهي الكلام له

لانه نبينا محمد صل الله عليه وسلم

كان يسوي جذي

طبعن سويت هالعقاب
تل شعري ككككككككككككككككككك

فديت شطانته والله

 

[جذابه بنت ذيابه]

ههههههه بنت شتره الله يخليه لج


ذكرتوني بولدي يوم كان صغير يقول تب ويتفلشدعوه الحين مايقول بس الحين اهووووون الصراحه

انتي زفيه و طيري عيونج عليه خليه يخاف .. لا تطقينه لان ما يفيد الطق يززيده ..

 

[روح الأحزان]

حبيبتي زعلي منه
انه كنت اقوله خلاص لاتقولي ماما انه زعلانه واحقره وابدا لاتطقينه لان الطق مايفيد ويأثر على نفسيته عندنا وعندج خير الله يصبرني على اللي عندي

 

[نونة حبيبها]

احسن حل
هي القصص قولي له قصص عن اطفال حلوين والماما تحبهم
بس واحد كان يقول كلام غلط وصاروا الناس مايحبوه وكذا
انا اتبع هالاسلوب مع ولدي بكل شي وينفع معاه

 

[Accepted]

الولد صغير ما المفروض يتعاقب كل الي تسوينه انج تتجاهلينه لان هالعمر يحبون يعاندون و يلفتون الانتباه فانت تجاهلي و حاولي تحولين الكلمه الي يقولها حق كلمه مقبوله يعني لو قال جب قوليله تقصد hug و انت مبتسمه و حضنيه را تشتتين انتباهه و تعطينه حب
و اهم شي فوق كل هذا البيئه تتغير يعني الحضانه فاشله

 

[om.googi]

اذا سب عاقبي خلي مكان محدد عندج بالبيت لمن يسب قوليلا هذا تايم اوت وقعديه مده محدده وماتخلينه يقوم منها الا لمن يخلص الوقت الي حددتيه ولمن تقومينه قوليله خليه يتاسف انا هذي طريقتي مع بناتي ولله الحمد وايد فايدتني هالطريقه

طريقة العايلة ,, هههههههههههههههههههه ما فاد وياهم الا هالسالفة ..

لو اقدر انزل فيديو حق ولد اختي شلون لما يسب يتذكر ان امه بتشيله بتوديه الغرفة ويقعد بنصها ع طووووول يصرخ ( مااااااااااابي أقعد مااااااااابي آثف آثف )

ههههههههههه مشكلة هالصبيان ..

جربيها وان ما تاب عليكي بالولاعة ( تهديد بس حسسيه بحرورتها ) .. كلشي جربنا وفاد الحمدالله​