اللي ينزل لها بدل بطاله كل شهر تبلغنااا

[زين ودلال]

امبيه لازم يزيدون البدل كل من زادوه حتى الجامعه

واحنا مطيحين حظنا لا بدل سنع ولاوظيفه استغفرالله

والله اني اتحسف اقعد الصبح حق المراجعه عشان ١٥٠

 

[ليمونة كويتية]

تنزل مرات 14 مرات 15 مرات 20 مرات 21 مرات 23 مرات 24

والي تقولون نازلها ناقص هذا لانها ماسجلت باول ما فتحو التسجيل

يعني شي طيبعي اذا سجلتي اخر الشهر راح تنزل مع كل البنات الي مسجليين بس راح تنزلج ناقصه

بس الي مسجله من اول مافتحوا التسجيل وما طوفوت ولا موعد تنزله كامله

هذا انا كل سجلت اول يوم افتحو التسجيل حق دفعتي وكل شهر تنزلي كامله ي 14 او 22 الشهر

انا مستغربه من البنات الي تقولون نزلت نصها او ربعها .. اكيد وانا متأكده من كلامي انكم راحين عقب مانفتح التسجيل بعشر ايام او 20يوم او اسبوع
صح ؟؟؟

مرحبا اختي
انا دفعة36للديوان سجلت ببدل البطاله اول مافتحوا التسجيل كان على نهاية شهر3
وسجلت بتاريخ 28-3 ونزللي البدل بتاريخ 15هالشهر لكن:eh_s(16):
نزللي بس51 دينار :eh_s(2):
استغربت شالسالفه
يعني موعدمراجعتي كل شهربتاريخ28 طيب الحين اقولهم بالموعدالجاي عاللي نزلوه لي والا فشله اسكت وانطراشوف شبينزلون المره الجايه :eh_s(10):

 

[شافوك بحساسي]

انا سجلت 29_3 ونزلت لي 77 وموعدي اول شهر 6

تتوقعون ينزلولي شي بشهر 5؟؟

 

[Lady Sweet]

مرحبا اختي
انا دفعة36للديوان سجلت ببدل البطاله اول مافتحوا التسجيل كان على نهاية شهر3
وسجلت بتاريخ 28-3 ونزللي البدل بتاريخ 15هالشهر لكن:eh_s(16):
نزللي بس51 دينار :eh_s(2):
استغربت شالسالفه
يعني موعدمراجعتي كل شهربتاريخ28 طيب الحين اقولهم بالموعدالجاي عاللي نزلوه لي والا فشله اسكت وانطراشوف شبينزلون المره الجايه :eh_s(10):

قوليلهم مو دافعين شي من جيبهم ... انا مادري ليه ينزلوكم جذي لانه انا دايما ينزلوليها كامله

 

[بصْمةُ ضِيَاءْ]

ليمونه قوليلهم حقج ليش فشله!

 

[سمو الغلآ]

شسالفتهم ليش ماينزلوونهاا كامله ؟؟

 

[ليمونة كويتية]

ليمونه قوليلهم حقج ليش فشله!

منورة بصمة ضياء انشاء الله الاسبوع الجاي موعد مراجعتي وراح اقولهم :eh_s(7):
مادري ليش حسسوني انهم مثل ارباح الجمعية وحده نازلها19 ووحده 77 ووحده72 وانا51 :eh_s(2):
بسال البدل 150 ثابت للكل يعني للي معاهم شهاده متوسط ودورة وثانوي ودورة وتطبيقي وكلية وجامعه
يعني 150 سواسيه للكل :yaaaaaarb::bbbiu::eh_s(10):
ياطول الليل كنا نقول نعمه150تقضيلها حاجه ليما ينزل الاسم بوظيفه زينه الحين طلعت51 :eh_s(2):

الله المستعان ......:eh_s(8)::eh_s(17):

 

[تفداج روحي]

لا بنات سألت رفيجتي عن اول مره ينزل فيها البدل اهيا تشتغل هناك
وتقول ان اول شهر يعتمد على تاريخ اللي انتي قدمتي
المفروض اول ما ينزل الاعلان تقدمين بس اللي يتاخرون اهما اللي ينزل لهم ناقص
وباجي الاشهر تنزل ١٥٠ ما تنقص بعدين

 

[بصْمةُ ضِيَاءْ]

بوجودج ي قلبي
لا مونفس الشي الجامعه ١٧٠ المتوسط والله مادري بس اتوقع ١٥٠
الله يرزقنا بالوظيفه ونفتك من منتهم 

 

[عروسة الكويت]

وي انا بطو جبدي قالولي لازم يصيرلج سنه من
استقلتي وبعدها تسجلين لاني كنت بقطاع خاص
:bbbiu:

 

[تفداج روحي]

عروسه الكويت

بس بغيت اسال اذا ممكن
انتي توظفتي بقطاع خاص على نفس هالسهاده والا كنتي بارت تايم بقطاع خاص اثناء الدراسه ولما تخرجتي قدمتي استقالتج وقدمتي بالديوان على شهادتج اليديده؟؟
*

 

[عروسة الكويت]

عروسه الكويت

بس بغيت اسال اذا ممكن
انتي توظفتي بقطاع خاص على نفس هالسهاده والا كنتي بارت تايم بقطاع خاص اثناء الدراسه ولما تخرجتي قدمتي استقالتج وقدمتي بالديوان على شهادتج اليديده؟؟
*

لآ حبي انا خلصت دراسه بالتجاري وخذيت شهادتي (دبلوم محاسبه) وبعدها
قدمت ع البنك واشتغلت فل تايم مو بارت تايم ظليت بالبنك سنه ونص وقدمت
استقالتي وبعدها سجلت بالديوان ع شهادتي نفسها الدبلوم

بس ع بدل البطاله يوم بقدم عندهم قالولي انتي كنتي موظفه واستقلتي
فلازم يصيرلج سنه وبعدها تقدمين ع بدل البطاله ..

آن شآء آلله اشتغل وما آقدم ع آلبدل :eh_s(4):

 

[تفداج روحي]

الله كريم يوخيتي
ومشكوووره عالرد
انا كنت اشتغل على شهاده الثنويه بقطاع خاص وتخرجت قبل ٥ اشهر وقدمت استقالتي وسجلت بالديوان على شهاده الجامعه
ضروري اسال عن الموضوع 

 

[بصْمةُ ضِيَاءْ]

اب اب

 

[q8 knosha]

انا انزلت لي مالت شهر اربعه 20-4
150

ايه والله الكل زادوهم حتى إعانة المعهد
خو زيدونا قاعدين ننطر الوظيفه من متى!
ولا كل شهر قعده من الصبح حق 150!

الله كريم موعدي 2-5 اروح اوقع
:/

 

[ام خدود ورديه]

بنات انا قالولي تبينه انقدملج على بنك يبون وجم شركه قلتلهم اي اوكي يعني قابليني المكان ولا شنو؟
وعطوني موعد بعد 3 اشهر ايي اوقع ؟

 

[LoLaTi]

اي والله المفروض يزيدونا كل الناس طلبة وموظفين زادوهم الا احنا :eh_s(4):

 

[kanoosha]

بنات انا قالولي تبينه انقدملج على بنك يبون وجم شركه قلتلهم اي اوكي يعني قابليني المكان ولا شنو؟
وعطوني موعد بعد 3 اشهر ايي اوقع ؟

انتي مقدمه علي الديوان اشلون تبين خاص!!! اهما جذيه البطاله كل مالقو شركه فاضيه راح يدقون ورفضي قولي مابي. موحابه هالوظيفه ،،، راح يدقون عليج ثلاث مرات علي ثلاث وظايف ورفضي عادي عشان يمشي لج البطاله لما ينزل اسمج

 

[om 5dood]

السلام عليكم ..
بنات ياليت احد يفهمني لان موفاهمه شلون الطريقه ..

انا قدمت على بدل بطاله و رحت مراجعه اول مره قالو لي اول مره ما راح نحطج بالوظايف خاص بالمراجعه الثانيه راح نحطج بالوظيفه خاص واذا تبينها وافقي و اذا ما تبينها رفضي و قالو لي اذا رفضتي 3 مرات بـ 3مراجعات راح توقف الاعانه منج !!

بنات عيل شلون اخليها تمشي بدل البطاله لين اتوظف ؟؟

و شكرا ..
في امان الله

 

[بصْمةُ ضِيَاءْ]

Up up