- إنضم
- 16 يوليو 2009
- المشاركات
- 3,480
- مستوى التفاعل
- 0
- النقاط
- 0
=====
( اللهم لك الحمد حمدا كثيرا طيبا مباركا كما ينبغى لجلال وجهك الكريم وعظيم سلطانك)
هلا ومرحبا بعضوات كويتيات ،ان شاء الله تكونون بأتم صحه وعافيه، اليوم راح نسوى شوربة الجبده بلسان العصفور، هالوصفه غنيه بالحديد وتفيد اللى فيهم فقر دم الله يشافيهم،ودايم نسويها بالعايله عندنا وقت رمضان وبالولاده ، وما يحتاج أقولكم اشكثر اهى لذيذه والتجربه خير برهان.
نبدأ بالمقادير
====
كبدة( جبدة دياي) مغسوله جيدا ومنقوعه بالكركم لمدة نص ساعه عالأقل/ بصله مفرومه / مكعب ماجى مذوب 2 كأس ماء ساخن/م ص كرم/ م ص فلفل أبيض بودر/ ملح حسب الذوق/ م ك كمون ناعم/ كوب ونص لسان العصفور( نوع من أنواع المعكرونا)
هاذى الجبده مغسوله وصفيناها من الماي
مثل ماقلنا من قبل مكعب الماي مذوبته بماى حار
فى البدايه نحط قفشة زيت نباتي و3 قفاش زيت زيتون ونصبر لغايه ما يسخن الزيت نضيف الجبده ونحرك راح يتغير لونها وينزل ماى الجبده
نصبر لغاية ما يظهر زيت ويقل ماي الجبده اهنيه تشيلين الجبده وتحطينها بصحن على جنب،بعدها راح نستخدم الزيت وبقايا الجبده اللى صارت معاج بالجدر ونحط البصل المفروم ونحمس لغايه مايصير لونه شفاف
هاذي الجبده خلينها بصحن لحين الأستخدام
البصل صار معاج شفاف مثل ما تلاحظون
ضيفى البهارات عالبصل وحركيهم ويا بعض
لحظه بنات بكمل لحد يرد الله يحفظكم:eh_s(7):
