اهل زوجي

[دلوعه حبييبي]

السلام عليكم ورحمه الله وبركاته

هذا اول موضوع لي

اول شي بعرفكم عليه انا من الاماراات وزوجي من السعوديه تزوجت من شهر تقريبا

في بدايه الزواج كانت وايد مستانسه ويا زوجي الحينه ما صار لي اسبوع وصلت السعوديه

طبعا انا عايشه في بيت اهله وهو بيت كبير لانه ناس واصليين وخذيته عن حب

اول اسبوع كانو مسوين حقي عزيمه وكذي وكان في المزرعه حوالي الساعه 9 بليل سرنا لهم


قعنا وسوالف وضحك ويا البنات ويمعه كانت كلها اهليه وكل المعازيم معرسين وماكو يهال

بعد ساعه عرفت انه كل اللي جالسين مدخنين انا الوحيده اللي مادخن بينهم صدمني هذا الشي

وزوجي يقولي عادي جربي واستانسي رفضت بحجه المرض واني تعبانه وبعد 3 ايام بنسير المزرعه ومليون بالميه بيسون كذي هل اني ادخن وياهم واكسر هذا الحاجز ولا اتم مثل ما انا ؟؟


ماني عارفه وش اسوي ؟؟

 

[لوفيه]

زوجج يطلب منج ادخنين ؟؟ هزلت والله

وين الوناسه بالموضوع التدخين كله امراض

لاتدخنين نصيحه وين قاعدين حريم يدخنون

اصلا منظرج يصير مقزز جنج ريال

شهالريل اللي يقول لمرته استانسي بالتدخين

 

[شادن33]

لا حبيبتي شنو اتدخنين
وشنو هالشله اللي حريمهم يدخنون واااي يخرعون
وماعليج من ريلج الله يهديه

 

[Patcholli]

لاتروحينلهم :/

 

[لمى الهاجري]

هاي شي راجع لج

 

[قلب طفـــله]

مادري سؤالج غريب يعني شرايج التدخين حرام وبيخرب شكلج وريحتج بتصير نوكومنت ! هذا غير صحتج وايد ناس مدخنين يموتون من السكته وازمه قلبيه بكيفج اذا موراضيه لاتروحين لهم الله يعينج على هالريل زواج الحب مشكله الحين شنو استفدتي ماعرفتي طبعه الحب اعمى !

 

[الريم_85]

احس الموضوع فيه ان

مالقت موضوع والفت لنا قصه​

 

[سلمى الدلوعه]

اعوذ بالله ... خيييييير ان شاء الله ليه انتي مو مسلمه !! وش دينك وش مذهبك والي انتي ماخذته سعودي بعد
ويطلب منك تدخنين !! خييييير " حــــــــــــــــــــرآم " تعرفين وشو يعني " ححــــــرام "


استغفرالله استغفرالله ""اللهم لا تؤاخذنا بما فعل السفهاء منا""


اسمحي لي وتقبلي رائيي بصدر رحب ... ولا تسمعين كلامه وانصحي اهله تاخذين اجرهم !


الله يهدي الجميييع ... ويرزقك ويصلح زوجك ..

 

[مشتاقة الى الله]

الله يهديج

بامانة سوالج عجيب

تبيعين صحتج ودينيج عسب ريلج واهله

والله القرار قرارج وانتي الادرى والله يهديج

 

[!الجادل الصعب!]

الي يقط نفسه بالنآر مو ضروري تقلدينه .. قولي مآحب وبس ..

 

[ماتغير شي]

لا حبيبتــي لا ادخنين ولا شي اول شي حرام وبعدين مضر بالصحة
ويخرب اسنانج ويغير لونج و يسبب لج مرض سرطان بعيد الشر عنج
عشان جذيه حرام لانه الله سبحانه مايحرم شي إلا لانه له أضرار

 

[دلوعه حبييبي]

احس الموضوع فيه ان

مالقت موضوع والفت لنا قصه​

لإنج ماعشتي اللي عشته عسب جي تقولين ألفت


الخوات ماقصرو كفؤ وفو

 

[عتآق الخيل]

الان تبين تدخنين عشان تكسرين الحـآجز؟؟
الآن انتي في وضع تنصحينهم كلهم
وعلميهم كيف شخصيتك
مو كل ماقالك سوي تسوين وينا فيه؟؟؟
طآعة الزوج في غير معصية الخـآلق
الله يعينك وانتبهي لحـآلك حبيبتي .~

 

[دلوعه حبييبي]

انا. أنطره يرد من قطر وأقوله أني ماريد وبتجج بحجه انه صدري ما يتحمل وما قدر اروح المزرعة

تسلمون خواتي رأيكم بيضا

 

[مناير ...!]

مااعجبتني السالفه
شنو عايله كامله كلها يدخنون
حتى بالرياجيل ماتصير @@

 

[فهده المطيري]

لو بيحذفون عمارهم من الدريشه بتلحقينهم ؟
لأ حبيبتي ، لآتدخنين وآلوآحد لآزم تكون عِنده شخصيه مستقله
ولايتأثر سلبيآ بغيره ،
مّرض آلتدخين ورّبي مرض !

 

[رنا 2012]

اي حاجز تكسرينه
اذا قالولك ليش مادخنين مثلنا
قولي لهم انا احافظ على صحتي وجمالي
وبعدين زوجك يقولكِ جربي وستانسي واللة مافيه وناسه في معصيه للرب وقرف ان حريم يدخنون
خليهم هم يصيرون مثلك مايدخنون بقوة شخصيتك وارادتك مو انتي تقلدينهم في الغلط

 

[ELFAD3Ah]

حبيبتي شهسؤال يعني منو بقولج دخني

خوش ريال يقول حق مرته دخني

الله يهديكم

 

[حلا الخليج]

طبعا لا تدخنين فهو حرام حسب رأي أهل العلم، وأيضا مضر بالصحة لاسيما للمرأة!!
لكن أختي شكل زوجك من أهل الحجاز، لأن بعض (أقول بعض) لا تطلع لي وحدة من الحجاز تخرب بيتي!!!! أقول بعض العائلات في الحجاز التدخين والشيشة عندهم عادي لا تسغربين هالشيء ومحد جابرك أنك تدخنين إنتي روحي لهم بالمناسبات وفهميهم إنك ما تدخنين وما راح يجبرونك ولو حالوا يعرضون عليك قولي أسفه أنا اعتبره حرام وعادتنا وتقاليدنا بالأمارات ما تسمح

 

[جذابه بنت ذيابه]

حرااااام. لا تزورينهم وبس