ودي ارضع ولدي طبيعي

[PinkLulu]

مرة قريت مقولة اعجبتني...

مثل ما كان في بطنج وعطيته كل الغذاء اللي يحتاجه عشان يكبر ويطلع على هالدنيا...

تقدرين ترضعينه وتغذينه من حليبج بعد الولادة

لا تفقدين الثقة بنفسج...الله خالق المرأة تقدر ترضع ولدها

من المستشفى قولي لهم أبي أرضعه طبيعي لا تعطونه صناعي

وأنصحكم تاخذون صدرية الرضاعة الطبيعية

عشان ما تنعزلون عن الناس

طلعي سافري استانسي...حتى السوق...دشي غرفة قياس أي محل ورضعي ولدج


أول جم شهر راح تحسين بألم وقت الرضاعة...بس عقب الشهر الثالث أو الرابع يختفي الألم

ولما يكمل الشهر الخامس أو السادس و تبدين تدخلين أكل...عدد الرضعات باليوم راح تقل وما راح تحسين بتعب

وكل شهر راجعي طبيب أطفال عشان يشوف وزنه...وإذا كان وزنه طبيعي استمري بالرضاعة

وإذا كان أقل من الطبيعي...الطبيب ينصحج شنو لازم تسوين​

 

[انسام الكويت]

خوش موضوع ومفيد ومشكوره صاحبة الموضوع عالطرح

واخت بينك لولو ماقصرتي كلامج بصراحه مفيد ويشجع وانا ودي استفيد واعرف اكثر شلون ارضع طبيعي

عالاقل لو احد يحط لنا فيديو شلون طريقة الرضاعه الطبيعيه للبيبي ..!

 

[Unico Style]

حبيبتي نصيحة رضعي طبيعي و لحد يحبطج

 

[حكآية قلب]

وووووودي ارضع طبيعي


ان شالله خااااصه انه ولادتي بالصيف و عندي ٣ شهور عطله

مااااودي تضيع بحليب صناعي



ياااارب تقدرنااا علي تربيتهم

 

[*kim*]

بنك لولو اند كويتيه مشكورين استفدنا منكم
ومشكوره صاحبة الموضوع و البنات اللي ردو

 

[*ضيفة*]

احلى شي الرضاعة الطبيعية وسبحان الله كل ما قرأت عنها اكتشف فوائد جديدة وانا اعتبر اللي ما ترضع ولدها طبيعي دلع وخوف اعتبرها مجرمة في حق ولدها والله يقدر كل الامهات على الرضاعة الطبيعية وماشاء الله الاخت بنك لولو كفت ووفت الله يجعله بميزان حسناتها
احلى شي شعور الام لما يرضع الطفل منها يارب لا تحرم ام من هاللحظة الجميلة

 

[english muffin]

مصيرج بترضعين صناعي

احس الزمن هذا البنت صعب ترضع طبيعي

اول الايام بترضعينه صناعي لاازم حتى الطبيب يرضعونه صناعي واذا طبيعي يبيلج كلىشوي تنخشين وترضعينه وبتملين واذا نمتي اهلج بيعطونه صناعي

احس صعب

لا ما احسه صعب
كا صديقتي تشتغل وعمر بنتها سنة ماشاء الله ولحين عالطبيعي
ان شاء الله اقدر اصير نفسها

 

[english muffin]

ضيفة
حتى انا احس حرام
الحليب يانا من الله لسبب لازم نرضع البيبي حرام

يارب كلنا نقدر نرضع طبيعي والله يقومنا بالسلامة

 

[أنت روحى]

أمين يارب وعسى الله يقومكم بالسلااامة

 

[Wi-Mi]

انا الصراحه مع الرضاعه الطبيعيه بالدرجه الاولى لما لها من اثر كبير على نفسية و صحة الام و الطفل​

و لا تسمعين كلام الناس رضعي و لج الاجر ان شاء الله ​

كل اللي رضعو مو احسن منج .. و انتي اكدي عليهم بالمستشفى انج تبين ترضعينه طبيعي عشان كل ما ياع اييبونه لج ​

و قت النوم بالليل راح ترتاحين مافي ماي حار و ماي بارد و تعقيم مميات و اللويه هاذي كلها ​

اهم شي انج ترضعينه اول ست شهور طبيعي اذا قدرتي تكملين كملي ما قدرت كفيتي و وفيتي ​

و اذا طلعتي مع ولدج مجمعات او اماكن عامه و ياع الولد دخلي انتي وياه المصليات و قعدي ورى ورضعي و اخذيلج من ماماز اند باباز عندهم مثل قطعه تغطين فيها روحج اذا بترضعين بمكان عام او اذا تستحين ترضعين جدام اهلج ​

اصلا الرضاعه حلوه حلوه حلوه راح تحسين الولد كله بقلبج يازينه و يا حلاته .. تحسينه قريب منج .. و لا لما يرضع و عيونج تكون بعيونه ​

الرضاعه الطبيعيه يبقى اثرها النفسي على الياهل الى المدى البعيد .. يحنن قلب الولد على امه .. ​

عسى الله يقدرج على الرضاعه الطبيعيه ​

مالج شغل باللي يكسر مياديفج من اول ما تييبين الولد عطيه صدرج .. توكلي على الله و رضعي ​

 

[Wi-Mi]

مصيرج بترضعين صناعي

احس الزمن هذا البنت صعب ترضع طبيعي

اول الايام بترضعينه صناعي لاازم حتى الطبيب يرضعونه صناعي واذا طبيعي يبيلج كلىشوي تنخشين وترضعينه وبتملين واذا نمتي اهلج بيعطونه صناعي

احس صعب

حبيبتي اللي يبي شي يسويه يسويه
يعني انا اولد تم ترشيحي حق الوظيفه و انا بالشهر التاسع
قبل ولادتي باسبوع بالضبط .. انا توقعت بتروح علي الوظيفه .. بس الحمدالله صارت استقاله الحكومه و تعطلت اوراق الموظفين الجدد و ولدت بالسلامه و بس خلصت اربعيني دقو علي قالو تعالي عشان تباشرين عمل

و ولدي كان توه شهرين كنت اشفط و اخليله بالثلاجه و لي ست شهور بعدها خليته الصبح ياكل و يشرب عصاير و ماي و لما ارد من الدوام ارضعه .. لما كمل سنه و اسبوع جان اكتشف اني حامل و توني دخلتله حليب صناعي و بس يلخذه مره او مرتين باليوم

الرضاعه مو صعبه .. هذي نعمه من الله و احنا نحرم عيالنا من الفايده و الصحه و العافيه .. ليش

و الله انها متعه الرضاعه و اللي ما تجرب الرضاعه خسرااااااانه

 

[Khota8]

جزاكم الله خير على الكلام الحلو

مو مشكله المستشفى اول يومين انتي تعبانه لو بس تحطينه ويمصمص لانه مافي حليب بس جنه تدريب له بس عقب ماتطلعين البيت اربعين يوم وانتي بالسرير وكل اوامرج مستجابه يعني مرتاحه ف ماكو عندج غيره كل ماياع حطي صدرج بحلجه اهوا تعب انا كنت كل عشر دقايق ارضعه واذا نزل بحلجه شي نام وخلاني رديته فراشه ويرد يبجي عقب عشر دقايق وسمعت من الناس كل شي انتي ماتشبعينه انتي ماتنامين انتي مافيج صحه شلون بترضعينه لاتجادلين ولاتردين على احد وتعورين قلبج احتسبي الاجر و اهم شي الصناعي مايدش الا اذا انتي يوم تعبانه او طالعه مايضر رقم واحد اواثنين اهوا المشكله مو بالحليب المشكله بالمميه لايتعود عليها وجذي ماتطلعين الاربعين الا يكون متعود وبين ساعات الرضاعه وقت مناسب
والله يقومج بالسلامه وترضعين وانتي وباجي البنات ويكتبلنا الله الاجر ويحفظ اعيالنا وبناتنا امين

 

[PinkLulu]

خوش موضوع ومفيد ومشكوره صاحبة الموضوع عالطرح

واخت بينك لولو ماقصرتي كلامج بصراحه مفيد ويشجع وانا ودي استفيد واعرف اكثر شلون ارضع طبيعي

عالاقل لو احد يحط لنا فيديو شلون طريقة الرضاعه الطبيعيه للبيبي ..!

سبحان الله الرضاعة الطبيعية فطرة بالياهل

بس تمسكينه يم صدرج وهو يوعان راح يفتح حلجه ويبدي يمص

أهم شي تكونين مرتاحة...مسندة إيدج...وحاطة يمج شي يسليج

وتتأكدين إن صدرج مو مسكر على خشمه

وإذا ما كان يمص...تلعبين بخده أو أذونه عشان يصحصح وينتبه معاج ويمص

الرضاعة تاخذ 20 دقيقة من كل صدر...وعقب 20 دقيقة تبدلين الجهة

عشان لا يصير صدر أكبر من الثاني ولا يتعود الرضيع على جهة ويكره الجهة الثانية

أول شهرين الياهل أغلب الوقت يكون نايم...وإذا قعد يعني يوعان

بس يقعد ويحن...قبل لا يبجي حطيه على صدرج وخليه يمص

لما يبجي ويعصب...مرات يرفض يمص أو ما يكون مستوعب إنه صار قريب من صدرج لأنج تأخرتي عليه

وبالمستشفى طلبي ممرضة تعلمج على الرضاعة الطبيعية بشكل عملي

 

[princess89]

بنك لولو مشكووووووووووووووورة ياقلبي صج أستفدنا

 

[kuwaitiya_84]

بنك لولو اند كويتيه مشكورين استفدنا منكم
ومشكوره صاحبة الموضوع و البنات اللي ردو

هلا حبيبتي ولو ماسوينا شي بالعكس كلنا خوات ونساعد بعض وصج صج الرضاعه الطبيعيه شي خيااااال في بنات يقولون مردج للصناعي صح في اذا نشف الحليب لكن اذا انتي مستمره وتاكلين اكل يدر الحليب ماينشف لو شنو والي تقول وانتي نايمه اهلج يعطونه صناعي لا نبهي عليهم تخيلي انا بالاربعين وادور النوم من يبجي الياهل امي تقعدني تقولي قومي رضعي علشان اتعود لي رديت البيت ما اتكيسل واتعلم اقوم ارضعه باليل والي تقول جدام الناس وشلون عادي غطي نفسج في الف طريقه عيل شلون امهات قبل يرضعون ويشتغلون بالبيت ويطلعون بس الي ماتبي تطلع اعذااار

 

[kuwaitiya_84]

وعلي فكره عن تجربه بنات والله عيالي الاثنين اسمالله عليهم مع الرضاعه الطبيعيه المتن والحلات ومبين فيهم صحه والاهم من هذا كله الياهل يتعود علي عدد رضعات معينه يقعد بوقت الحليب يتنظم نومه اسمالله عليهم مشالله ماكنل شهرين الا نومهم متعدل ولا يتعبوني الله يحفظ لي الوالده الي علمتني من اول ياهل انا الحين حامل بالثالث وانشالله نفس الشي

 

[english muffin]

وااايد شجعتووووني
يااارب اقدر ارضع ولدي طبيعي ياارب

 

[جنون أنثى]

موضوع عجيب و مفيد
والله يعطي كل اللي تبي ترضع طبيعي على نيتها

 

[أملي بعد الله]

بنات رديت للموضوع مرة ثانية كثر مانا متشوقة أرضع وليدي حبيبي .. والله العظيم ياتني البجوة وغرغرت عيوني وأنا أقرى تجارب الأمهات اللي رضعوا :'( والله شعور حلــــــو ..

الله يبلغني وأحطك على صدري حبيبي وأشوف عيونك ..

والله يرحم أميمتي اللي رضعتني وتعبت علي ... قولوا آمين

 

[english muffin]

امين