¦ «• رجيم التمر واللبن ㋡ منو تبلش معاي ببدي الاحد 29/4 •» ¦

[f600sh]

السلام عليكم ورحمه الله وبركاته :eh_s(8):
شلونكم بنات ان شاء الله بخير؟؟؟ :eh_s(7):
بصصراحه انا سجلت بهالمنتدى عشان هالقسم << حست نفسها بططه هههه :jumpon:
وعجبتني روح الاخوه بالتشجيع بينكم و روح التحدي العجيب :ggdw:
من جذي قلت اسجل وابلش معاكم و اللي حابه تبلش معاي حياها الله oster_av1:




الشروط :

- ذكر الوزن + الهدف أو الهدف بروحه :eh_s(10):
- وضع صورة الميزان يوم الجمعه << للي تبي بس انا افضله عشان الحماس :eh_s(15):
- الالتزام ثم الالتزام ثم الالتزام بجدولنا عشان تكون النتايج اسرع :rerrerek:
- تحطون يومياتكم يوميا بالموضوع او على الاقل 3 ايام بالاسبوع ولا تطنشون :eh_s(4):



جدولنا :

- الريوق : كوب ماي + 7 تمرات + كوب لبن خالي الدسم + كوب ماي ثاني بعده

- الغدا : كوب ماي + 7 تمرات + كوب لبن خالي الدسم + كوب ماي ثاني بعده

- السناك : كوب ماي + اي فاكهه من الاتي [ شريحتين اناناس طازج او حبه كيوي او نص برتقاله ]
او عصير اناناس او برتقال كي دي دي << عشان الشكر فيه قليل + كوب ماي

- العشى : كوب ماي + 7 تمرات + كوب لبن خالي الدسم + كوب ماي ثاني بعده


الرياضه :

مشي على الجهاز نص ساعه او تنظيف البيت او اي رياضه المهم حركي جسمج خل يحرق



نقطه مهمه :

ركزوا على الماي قبل الوجبه وبعدها وحتن بالسناك نفس الشي اوكي ..
وحتن بعد الرياضه بربع ساعه اخذي لج بطل وسط شربيه ركزي بعدها بربع ساعه مو قبلها ولا بعدها على طول مو زين .




وبس هذا كل شي سهل ان شاء الله بس نبي تعاون و نشاط


يلا بنات اللي بدش معاي تكتب مشتركه و تحط الهدف

 

[f600sh]

اكلمكم عن نفسي


انا وزني 64 وحابه انزل لين 55

يعني الهدف 9 كيلو الله يسهلها ..

 

[غــلآ]

يلا انا وياج ان شاء الله

بس سؤال

انتي مجربه هالنظام من قبل ؟

بالنسبه لي وزني الحين 114 طولي 170
كبدايه بخلي هدفي مثل هدفج 9 كيلوات يعني يصير وزني 105 ان شاء الله باذن الله

 

[f600sh]

هلا حبيبتي حياج الله
انا شخصيا لا .. بس وحدة من العايله مجربته وتمدحه وايد كل يوم بكيلو
يعني 9 ايام واحنا خالصين ان شاء الله لكن يبي له اصرار عشان نوصل للي نبيه
و هالرجيم ما ينصحون فيه اكثر من شهر يعني اللي بتسويه لفترة طويله تسوي شهر وتريح شهر وترد له وجذي
بس اللي بتسويه فترة وتسوي تخفيف شهر ثاني وترد له واااااااااااايد زززين

 

[غلاي امي وزوجي]

مشتركه

وزني ١١٤


وان شاء الله نلتزم

 

[f600sh]

هلا حياج الله حبيبتي

جم الهدف اللي ودج فيه ؟

الله يسهلها يارب

 

[f600sh]

تنبيه هام //


بنات حبايبي قريت هالمعلومه في يوميات وحدة من البنات الله يعطيها العافيه و حبيت افيدكم فيها عن الماي

عليكي شرب ٨ اكواب كبيرة من الماء و يشترط شرب كوب منها قبل كل وجبة طعام بـ ١٠ دقائق وممنوع نهائياً شرب الماء بعد الاكل لانه يسبب الكرشه و النفخه في حجم عضلات البطن

 

[((shoOoshoOo))]

موفقين يارب

 

[f600sh]

اجمعين حبوبه ..

 

[f600sh]

كويتيات حبيباتي اليوم مشيت ربع ساعه كـ بدايه قبل الرجيم نحرك الجسم شويه بدال الخمال اللي اهو فيه

و صورت وزني طلع 63.3 يعني يبي له انزل 8.3 ان شاء الله ببدي باجر وايد متحمسه فقلت ابلش قبل لا اطخ هههههه

دقايق ارفع صورت الميزان واحطها لكم و حياكم الله بتبلش معاي باجر =)

 

[f600sh]

هذا اهو :ggdw:

 

[meee]

سلام بنات انا بشترك معكم

انا وزني ٦٨ وطولي ١٥٩ هدفي الاول اوصل ٥٥ والهدف الثاني ٤٥

انا راح اسويه الدايت لمدة شهر ان شاء الله

متى راح تبدووون ؟!

 

[f600sh]

عليكم السلام
هلا حبيبتي حياج الله
انا راح ابدي اليوم السبت ان شاء الله لمدة 9 ايام تقريبا
بلشي معاي نشجع بعض و ان شاء الله نوصل للي نبيه بصحه وعافيه

 

[~OM~]

انا معاكم
كنت مشتركه بتجمع ثاني. بس مااستمريت كنت مريضه
بس الحين لا خلاص لي متى هالشحم ووووع

وزني 92.5
الهدف الاول 80

 

[f600sh]

حبيبتي حياج الله
وما تشوفين شر ي قلبي
اي والله لين متى لازم ننتبه لصحتنا شوي
ان شاء الله توصلين للي تبينه يارب

 

[ليدي هيفا]

السلام عليكم
شلونكم يا حلوات
انا ببلش معاج بأذن الله
اول اذكر قصتي
من اسبوعين تقريبا صرت اخفف و صار معاي نزله معويه
فنزل وزني من 94 الى 89
و بعدها بديت رجيم الكورن فلكس سويته لمدة خمس ايام مع تخربط بسيط
من شوي وزنت و اليوم هو يوم الوزن
و زني من 89 صاار
صار
صار
86
يا رب لك الحمد و الشكر
و ان شاء الله ببلش معاج برجيم التمر مدة عشر ايام
و ارجع لرجيم الكورن فلكس
الهدف الاول 80

 

[f600sh]

عليكم السلام
بخير ي قلبي انتي شخبارج ؟
وووويه حبيبتي ما تشوفين شر مع ان ياب نتيجه بالوزن ههههه
يلا ان شاء الله تنزلين هالـوزن معانا بصحه وعافيه
من اليوم بلشي حبوبه

 

[ليدي هيفا]

انا بخير ربي يحفظك
اي ببلش بأذن الله
و الشر ما يجيك يا رب

 

[meee]

سلام بنات انا ببدا بكرا اللبن ماشريته بس باقي الاغراض عندي

راح اشتريه اليوم وببدا بكرا ان شاء الله

 

[لمن اكون]

بناات انا بشترك معااكم وزني ماراح اقول لمااضعف حيل << سوري بس والله مااقدر
اسم لمن اكون
من اليووم ان شاءالله
غداا كان شويت كباب مشوي وصدر دجاج مشوب باباغنوج وبيبسي دايت
بس راح ابتدي من عشاا