طريقة تصوير السوائل بالصور

[Maneena Manaana]

طريقة تصوير السوائل

أول شي لازم كامرة.. ويفضل عدسة ماكرو بس اذا ماكو مو مشكلة
(صوري كلها بعدسة 18-55)

نيي الحين للأشياء المطلوبة


بطل ماي صغير..قضوا قض صغييير بالغطا(للقطرات) وقض ثاني بقاع البطل



أوراق ملونه (للخلفية)




ماعون كبير (بايركس) بس مايكون واايد عميق (للماي او السوائل)




ماعون عادي صغير ( نستعمله بالقلبة بحيث مايكون فيه وايد سائل)




ألوان(للسوائل)




عباية ( للخلفية والارضية)



البوكس انا مسويته... عبارة عن 4 وسايل بس متينه شوي لزقتهم ببعض على هالشكل وفتحت فتحة مربعة بحجم غطا بطل الماي اللي عندي

وهذي صورة للفتحة عن قرب

الطريقة :

فرشوا العباية على طاولة وحطوا عليها الكرتون.
حطوا ماي بالبايركس(الماعون) وماي بالبطل.
قلبوا البطل بحيث الغطا يدخل بالفتحة اللي بالكرتون من فوق.. وينقط بالبايركس.

وابدوا بالتجاارب.. لونوا الماي أو لونوا بس الماي اللي ينقط

والصور بهالموضوع كلها بالماي الملون

http://www.q8yat.net/showthread.php?t=134262

بالنسبة للماعون الابيض الصغير.. قلبته وحطيت بالقلبة مقداار صغير من حليب وخلفية سودة والقطرات عبارة عن حليب..بس الصراحة.. ما عدت هالطريقة لأن حسيت ان حرام اللعب بالحليب .

وهذي النتايج

http://www.q8yat.net/showthread.php?t=137176


بالنسبة لاعدادات الكامرة

قبل كل شي...أحسن طريقة للتصوير هي قراءة اعدادات الغير وتجربونها وبعدين تحاولون تلعبون انتوا بالاعدادات بحيث توصلون للنتيجة اللي تبونها...

اعداداتي هي :

f16 وساعات كنت اسويه 20
250/1
iso 100


بعد ما شرحت لكم الطريقة.. ناطرة ابدااعااتكم يا مصورات

 

[جورية كويتية]

والله شي
يعطيج العافيه حبيبتي
وانا احب التصوير ومحتاجه لهالدروس الروعه منج
مشكوره

:eh_s(18): :eh_s(7): :eh_s(18):
​

 

[ام كتكوت]

عاد انا مخي مقفل طريقه البطل مافهمتها حدي

بس لاتتعبين نفسج لان بس بلاغه شف انا بعيده كل البعد عن التصوير


تسلم ايدج رروووووووووووعه

 

[OmRashed]

مشكوره .. خوش طريقه

بقول حق بنتي عنها لانها تحب التصوير

 

[Pink GirL]

يعطيج العافية على الدرس

 

[أمونه الأموره 2007]

الله شغلج روووووعه
وشرحج حلوو ومبسط
بس في شغله مافهمتها
اللي اهي
اعداداتي هي :

f16 وساعات كنت اسويه 20
250/1
iso 100

مافهت الاعدادات واشلوون انحطها بالكاميرا وانا كامرت كانون ونسيت جم بكسل بس اخر شي نزل من كانون

 

[supermarket]

يابعد قلبي منينا

كثري من الوورك شوب


خلينا نعيد امجاد نادي التصوير

 

[Maneena Manaana]

والله شي
يعطيج العافيه حبيبتي
وانا احب التصوير ومحتاجه لهالدروس الروعه منج
مشكوره

:eh_s(18): :eh_s(7): :eh_s(18):
​

الله يعاافيج جورية...عاد مو تنسين تحطين لنا ابدااعااتج

عاد انا مخي مقفل طريقه البطل مافهمتها حدي

بس لاتتعبين نفسج لان بس بلاغه شف انا بعيده كل البعد عن التصوير


تسلم ايدج رروووووووووووعه

لاا بحطها لج بعد شوي...بلاغة الشف هذي فينا كلنا هههههههههه

مشكوره .. خوش طريقه

بقول حق بنتي عنها لانها تحب التصوير

العفو حبيبتي...عاد لما تجربها.. حطيلنا النتاايج خنشووف

يعطيج العافية على الدرس

الله يعاافيج مشرفتنا

الله شغلج روووووعه
وشرحج حلوو ومبسط
بس في شغله مافهمتها
اللي اهي
اعداداتي هي :

f16 وساعات كنت اسويه 20
250/1
iso 100

مافهت الاعدادات واشلوون انحطها بالكاميرا وانا كامرت كانون ونسيت جم بكسل بس اخر شي نزل من كانون

نطري علي شوي.. بس اخلص من الشباب اللي عندي واقعد لج قعدة اعلمج على الاعدادات

يابعد قلبي منينا

كثري من الوورك شوب


خلينا نعيد امجاد نادي التصوير

هلاا والله سوبر مااركت..يلا ترى ناطرة تجاااربج

 

[Anwaar]

مشكورة على التوظيح تعبناج معانا

تشكرات

 

[Maneena Manaana]

أم كتكوت... هذا قصدي

عسى وصلت الفكرة؟؟

 

[Maneena Manaana]

أمونة الأمورة 2007

كل صورة عشان تصورينها.. لازم في اعدادات معينه تسوينها عشان تطلع لج الصورة بالشكل الي تشوفينه

في اعدادات جاهزة مثل ال close -up (صورة الورده) او portrait (صورة الراس). وفي ال Auto بكامرتي عبارة عن مربع أخضر.. وفي كذا شي

أما اذا انتي تبين اتحكمين بأعدادات الصورة.. تحطينه على ال M يعني Manual ( يدوي ) وانتي تحددين الاعدادات

اللي هي عبارة عن :

shutter speed (سرعة الغالق) واللي من خلااله اتحكمين بكمية الضوء الي تدخل ..تحسب الثواني والاجزاء من الثواني..

iso... حساسية الفلم..كلما زدتي الرقم كلما زادت حساسية الفلم..الارقام من 100 الى 3200 او يمكن أكثر مادري.. كل كلما زادت الاضاءة كلما قللنا ال iso

ال aperture ويرمز له بال f-number يعني فتحة العدسة..كلما كانت الفتحة أكبر, يدخل ضوء أكثر وتلعكس..اذا كان ال f-number كبير ..مثل f-11 فالضوء الي يدخل الكامرة من العدسة يكون شوية.. والعكس.. اذا كان الرقم صغير... كبرت الفتحة وبالتالي كمية الضوء اللي تدخل أكثر

هذا شرح عالسريع للأرقام اللي كنت كاتبتها...الموضوع شوية معقد بس مع التجاارب راح توضح الرؤية

 

[miss5]

فعلا انا بعد ماعرف للاعدادات

اانا Sony Cybershoot

بس الاعدادات حاطتهم اوتوماتيك

يعني اذا كان بليل ولا في شمس ولا مايي بروحه اشوف المؤشر مثل كيرف يتحرك بس ماعرفله

 

[زيـنـه]

تسلمين
صج يبيلنا دورة تصوير و انا من الناس اللي ادور دورات تصوير لي مده

 

[لوكريسيا]

مشكورة

و تسلم الأيادي يا رب

 

[Maneena Manaana]

فعلا انا بعد ماعرف للاعدادات

اانا Sony Cybershoot

بس الاعدادات حاطتهم اوتوماتيك

يعني اذا كان بليل ولا في شمس ولا مايي بروحه اشوف المؤشر مثل كيرف يتحرك بس ماعرفله

مس5... لا تشيلين هم الاعدادات.. انا صارلي شكثر مع هالكامرة.. ترى توني بس اللي بديت اصور بال M
في البداية ..خلي الكامرة تشووف شغلها وتضبط لج الاعدادات.. بس عاد مو كله تحطينها عالاوتو

شايفة صورة الوردة والجبل والراس.. كل واحد منهم له اعدادات خاصة فيه غير عن الباجي..

يعني تبين تصورين شي قرييب مثل داخل وردة أو قطرة ماي ... أو كيكة من قرييب.. فحطيتها على صورة الورده ( close up)

تبين تصورين ويه (وجه) أو بمصطلح ثاني..بورتريه..فحطي الكامرة على رسمة الراس

بالهطريقة.. الكامرة بروحها تسوي الاعدادات اللازمه على حسب الاجواء المحيطة


الواجب:

تصوير ثمرة فاكهة عن قرب ههههههههه جني صدقت عمري

بس لا صج.. يبييلج فاكه .. أي شي على ذوقج واتحفينا بابداعاتج بال close up mode

تسلمين
صج يبيلنا دورة تصوير و انا من الناس اللي ادور دورات تصوير لي مده

الله يسلمج وبالنسبة للدورات.. شوفي ردي على موضوع ombaza "دورة تصوير للجادات فقط" شي جذي العنوان ..

مشكورة

و تسلم الأيادي يا رب

العفو والله يسلمج يا رب ... أي مسد يو ألوووت

 

[ميرا ميرال]

يسلموووووووووووو روعه

 

[كبْرٍيآء]

واو درس مميز

مشكوووووووره قلبو

وعساج عالقوه

 

[.]

مشكوووره..

 

[STYLISH STYLE]

مشكوره .. خوش طريقه

 

[xxx]

مشكوووووووورة على الدرس

فنانه ماشاءالله