وابتدأت الحكــايـه •’• من نقطــة البدايـــة

[كريم كراااميل]

بروحوها = بروحها

بدليه طووفووا

 

[صاحبة أمل]

ماشاء الله ماشا الله
متجمعين عند النبي يارب ... صحبة وأنا معكم ...
دا أنا فاتني خير كثير أمس ... اتفاقات وتحديات ورجيمات ودعوات ... باقول لكم ايه ... أنا فيها يا أخفيها !!! ههههههههههههههههههه
ربنا يبارك لكم حبيباتي ... أنا داخلة معاكم في الريجيم والدعوات ... لكن التحديات لا أنا مسكينة ... أخشى غالبا ما أحصل 2 كيلو بالأسبوع

والا أأقول لكم ... ماشي ... ولو خسرت ... نبقى نشوف عقاب مناسب

لكن بأمر الله هاكسب ... أنا منافسة شرسة ... إحترسوا ... باطلع في الضلمة ههههههههههه

مقضياها تهريج أنا ومش عارفة إنتوا فاهمين لغتي والا لا ... طيب خلينا جد شوية

هاتابع معاكم ريجيم طالب الشمري من اليوم ... وبدون تخبيصات

صباح الاتفاقات يا حلوات ... والرشاقة والجمال

تعالي يا لحونة اشتركي معانا في التحدي والله عن تجربة نفضي للدكاترة ... الريجيمات مالية النت وإحنا بنشجع بعض ولا أحسن طاقم طبي ... موفقة حبيبتي وين ما كنتي

 

[P!Nk StraWbeRRy]

صباح الخير :eh_s(17)::eh_s(17):


حتى أنا بدش تحدي :eh_s(9): وبشد حيلي


عاد اليوم شرفت علي الدورة أكيد راح أخسر هالاسبوع يكون زايد وزني او واقف :eh_s(4):
بس هم بشد حيلي بحاول ما اخربط :eh_s(9):

تكملة يومي امس

السناك : قهوة عربية + اصبع تويكس صغير

العشا : سلطة شرقية + روب

 

[زييزا]

ماشاء الله اجل كل اسبوع بنحط شغله نتحدا عليها

الاسبوع هذا ٢كيلوا اللي بعده نزودها او نزيد المشي

احس حماااااس

وغيرنا الروتين لاني كنت ماله تسلمين كراميلا علۍ الفكره

 

[زييزا]

ستراوبري شدي الهمه احسج ملتزمه مادري ليش

صاحبة امل يالله تعالي انتي قدها ان شاء الله

 

[زييزا]

بنات انا مليت من رجيم طالب ومانزلت عليه كتير

شفت التجمع الثاني عندهم نظام حلو صارم شوي بس مافي نشويات

وبسويه اللي هو نظام الدكتور فااادي وبديت اليوم

الريوق بيضتين +خيار +شاي

الغدا سلطه خضرابليمون بدون طماطم وملح خفيف

وارد لكم بعد العشا ان شاء الله

لحونه نبي اخبارج

 

[كريم كراااميل]

مسااااء الخير :eh_s(17)::eh_s(17)::eh_s(17)::eh_s(17):

صااحبة أمل فااهمين كلامج ياعسل:eh_s(7):

زييزا شنو نظام د.فادي حلو تنصيحينا فيه يعني:eh_s(10):


ستروبري و صاحبة أمل و زييزا
لاتنسوووووون التحدي :eh_s(9)::eh_s(9)::eh_s(9)::eh_s(9):

 

[زييزا]

اااه مانسيت

اليوم مشيت ٢٥ دقيقه ع اساس امشي مثلهم اخر الليل بس حاشني مغص

تعشيت لحم مسلوق واكلت كم قفشه مصقعه من جارتنا مره كبيره بس اكلها لايقاوم

اعطي نفسي اليووم ٧٥٪

مابين التزام ورياضه وان شاء الله بكره ١٠٠٪

 

[زييزا]

حبيبتي كراميلا البنات فاتحين تجمع لنظام الدكتور فادي

شوفيه بنفس صفحة التجمعات


الصراحه انا جسمي مجربته ماينزل بسرعه اذا اكلت نشويات

وذا النظام اغلبه بروتين لاسكريات ولا نشويات يعني بدون كاربوهيدراتز

بشوف اليوم اول يوم وعلۍ الله

 

[صاحبة أمل]

موفقات دايما جروب الرشاقة والتحدي

صباح الخيرات على الرشيقات

أنا بدأت أمس الشمري ... والحمد لله كملت اليوم عال

جربوا فادي ونشوف لو حلو وجاب نتائج كويسة معاكم من دون جوع وصداع ونرفزة ... أجربه الأسبوع الجاي بأمر الله

بس خليكوا فاكرين كل شيء علشان تفيديوني بالتفاصيل

صباح العسل على جميع الجرووب العسل

صحيح هو ريجيم فادي أسبوع واحد أم أظنه أربع أسابيع ؟؟؟

 

[كريم كراااميل]

صباح الورد يا ورد

يوومي امس
الفطور كان 3 حبات تمر +قهوه+ماي
و بعد ساعه شوربه

عقب الفطوور جاني صدااع قووي
شربت شاي احمر بدون سكر ابي الصداع يخف و لكن للاسف ما سوى شيء

الساعه 10 اكلت برتقاله + تفاحه خضرا
و مازال الصداع مستمر

اخذت حبتين بندول الساعه 1
الحمدلله عقب ساعه بدا مفعول الحبووب و خف الصداع

السحور الساعه 3 الفجر
حبة توست ساده + كووب زنحبيل و دارسين

بعد الصلاة الفجر سويت رياضه ربع ساعه.... ما طولت عشان ما احس بعطش

 

[كريم كراااميل]

حبيبتي كراميلا البنات فاتحين تجمع لنظام الدكتور فادي

شوفيه بنفس صفحة التجمعات


الصراحه انا جسمي مجربته ماينزل بسرعه اذا اكلت نشويات

وذا النظام اغلبه بروتين لاسكريات ولا نشويات يعني بدون كاربوهيدراتز

بشوف اليوم اول يوم وعلۍ الله

قريته حلووو:bbbiu:
بس بصراحه انا ما احب اتبع نظام الي يحدد لي الاكل بيوم معين صعب التزم فيه:eh_s(4):


قريت اليوم دراسة استراليه تقول ان نظام البروتين يصلح للمرأه و يخليها تفقد وزن اكثر من الانظمه الاخرى:ggdw::ggdw:

جربيه هالاسبوع و عطينا نتايج و التزمي فيه عدل :eh_s(9)::eh_s(9):
كل الي جربووه يمدحوونه سوويت سيرج عنه

بالتووووفيق ان شاااء الله:eh_s(7):

 

[زييزا]

صبااااحكو احلے العسل

يعني احفظه لكم ابشروا

صاحبة امل ياصاحبتي اهو اربع اسابيع بس سهل

كراميلا بالعكس انا احب التحديد لاني كذا التزم اكثر ومايكون خيار الاكل متروك لي

علشان نفسي ماتسولي .،.،.،
اه بسويه والله يعين دامني بديت رجيم رجيم

وعلشان الصيام ليش صايمه كل الايام ورا بعض

صعب عليج كذا صومي يوم ويوم اسهل وجسمج لان الجسم مو متاقلم

احيان الصداع يكون من اختراب نظام النوم او العطش بمعنے اصح تجفف الجسم

او نظر مو شرط الجوع لاتحطينها فبالك علشان بكرا ماتلاقين لنفسج اعذار للاكل

عساج علۍ القوه حبيبتي

لحن وين غطيتي
ستراوبري نبي البشاير علۍ اي نظام ماشيه وايش مسويه

 

[كريم كراااميل]

وعلشان الصيام ليش صايمه كل الايام ورا بعض

صعب عليج كذا صومي يوم ويوم اسهل وجسمج لان الجسم مو متاقلم

احيان الصداع يكون من اختراب نظام النوم او العطش بمعنے اصح تجفف الجسم

او نظر مو شرط الجوع لاتحطينها فبالك علشان بكرا ماتلاقين لنفسج اعذار للاكل

عساج علۍ القوه حبيبتي

لحن وين غطيتي
ستراوبري نبي البشاير علۍ اي نظام ماشيه وايش مسويه[/QUOTE]



مرحبااا صباااايااا

زييزا بالنسبه للصيام
صايمه عشان كان يوم خميس
الجمعه و السبت و الأحد هي الايام البيض
ناويه اصوم الاثنين بعد زيادة اجر
يارب يتقبلها:yaaaaaarb:

و الله يقوويج حبيبتي ابي اسمع اخبار حلووه بالالتزام :eh_s(9)::eh_s(9):

 

[زييزا]

الله يثيبج ويكتب لج الاجر ان شاء الله ذكرتيني بامي

الله يذكرج الشهاده اكيد فديتها صايمه الله يبلغني واكحل عيني بشوفتها

 

[زييزا]

اليوم تريقت بيض وخياره
والغدا كان

بس كليت اتنين والزبادي ويا الكتان

العش بس خيار ماكان لي حيل اقطع سلطه

وشربت شاي اخضر اغتثيت عقب الغدا

 

[كريم كراااميل]

الله يبلغج شووفتها سالمه و يخليها لج و يطول عمرها بطاعته
يارب

و بالعافيه عليج و اهنيج ع الالتزام....

انا يوومي

الفطوور
شربت ماي بس كنت بالصالون و عقب ساعه شربت عصير كوكتيل

فطووري كان الساعه 9 و نص
توست حبتين محمص و عليها مسحة جبنه دايت
و تبووله

الساعه 1 بالليل سويت غوري زنجبيل و دارسين و شربته كله

توني متسحره صمونة بيض + نص كوب عصير

بعد سااعه بسوووي ريااضه

 

[P!Nk StraWbeRRy]

صباح الخير بنات :eh_s(17)::eh_s(17):

بالعافية بنات :eh_s(17):

امس يوم فررري بس ما خربتها وايد بس خليت وجبة العشا فري كنت طالعة ويا خواتي

ما ادري للحين ما شفت لي ريجيم مناسب لي :eh_s(4):


جاررري البحث عن ريجيم مناسب ...........

 

[لحن مختلف]

الــــسلاااااام عليكــــم

كيفكم يا حلوين... ... انا موجوودة ما اقدر استغني عنكم يا احلى عااالم

اليوم كان موعد الزيارة في العيادة فكنسلت الموعد.. حسيت اني ما انجزت صراحه واستحيت اروح
فقلت ما راح اروح الا وانا نازله على الاقل 10 كيلو فرجعت طلعت كل الريجميات اللي اعطتني اياهم الدكتورة..
وقررت ارجع اتبعهم من اول وجديد وان شاء الله هالمره استمر واضعف شوي قبل رمضان والعزايم" وكل عام وانتم بخير يارب "
فاليوم بخليه مفتوح ... والتزم بالتكه من بكره ان شاء الله..

ونظام التحدي كثير حلو ويساعد مدري ادخل التحدي معاكم ولا قرب ينتهى اسبوعكم !!
عموما انا ببدا من بكرة باعادة الانظمه واللي تحب تكمل معي على رجيمي حياها..
لان بصراحه كل رجيمات المنتدى ما كنت استمر عليها وبسرعه اخرب.. لكن استمريت فتره مع دكتورتي وما خرب علي الا الزواره والعزايم اللي راحت والمناسبات.. لكن لما قلت لها اني خربطت وهذا السبب.. ردت وقالت: والله اللي يبي يخربط يخربط لو بروحه واللي ما يبي يخربط ومتلزم ما يخربط لو كان صاحب المطاعم والبوفيهات " كلامها صح وحسيت باحراااج
واول مرة اشوفها مضايقه مني هالكثر.. فقررت ما اروح الا وانا نازله شوي وبعدين ارجع اتابع معاها..وبما اني كنت مرتاحه على رجيماتها فراح اعيدها.. ودعوااااااتكم يا احلى خوااات

 

[لحن مختلف]

الـــبرنامج الاول..... بما انه يمكن تكراره ...بستمر عليه اسبوعين يعني..

من 7/5...................الى 21/5



والميزان راح يكون يوم....21/5
بهالاسبوعين ما راح اخذ يوم مفتوح الا يوم 22/5



قبل الفطور بنصف ساعه.. 2 كوب ماء


الفطور:احد هذه البدائل:
*2شريحه توست+ بيضة مسلوقة+حبه بندوره
*2شريحة توست+ قطعة صغيره حلوم+ حبه بندورة
*2شريحه توست+2ملعقه لبنه+ خيار وخس
* 2 ملعقه صغيره فول او حمص +بندورة وخس


سناك:حبه فاكهة متوسطه الحجم



الغداء:
*1/2 كوب ارز او 1معكرونه او1/2خبز اسمر صغير مع واحد من البدائل:
*صدر دجاج مشوي او لحم مشوي او سمك مشوي+ سلطه اوكوب شوربة خضار او 1/2 كوب خضار مسلوق
* نصف كوب بقوليات( عدس_ بازلاء_حمص..)+ سلطه
*علبة تونه+ سلطه
* 2 هوت دوغ او اهبورجر دجاج + سلطه بدون زيت



سناك: حبه فاكهه متوسطه


العشاء:
*توست+ سلطه روب بالخيار
*توست+ جبنة بيضاء قليلة الدسم
*توست + بيضه اومليت+ سلطه
كورن فلكس+1/2كوب حليب



ملاحظــــاااات...
* مسموح بشرب كوب حليب فقط باليوم خالي الدسم
*شرب شاي او قهوة باي وقت مسموح بدون سكر ( او استخدام سكر فري كال )
*ممارسة الرياضه بما لا يقل عن نصف ساعه 3 مرات بالاسبوع ( كبدايه ثم يزيد عدد الايام والساعات بالتدريج )
* شرب ما لا يقل عن 8 اكواب ماء يوميا


دعواتــــكم..