ريجيم غاب الكبيره عند عبدالله المطوع

[GAP^^الكبيرة]

السلام عليكم.. شلونكم بنوتات

امس كان اول موعد عندي بعياده العوضي عند عبدالله المطوع بعيادة المنقف...
وعطاني ريجيم قال انه بينزل من زوني 7 كيلوات بالشهر_03BA:...ان شاء الله يا رب

فتح الملف مع تحليل الدهون ب 25 و التحليل الشامل ب 40 بس انا مسويته بالمستوصف ووديته معاي..وعندهم شاي اعشاب ب 10... واهم شي بالنسبة لي ما يعطي حبوب وهوما شاء الله عليه نفسيته تييب العافيه..

المم نيي حق الريجيم.. وحطو ببالكم اني قلت له ما اكل بقول او دياي او بيض

الريوق

2 توست اسمر مع جبنه او لبنه قليله الدسم مع شاي

الضحى

نسكافيه مع شكر تروبيكانا... او اي مشروب من ماركه تروبيكانا

الغدا

3-4 قفاش عيش او نص خبزه سمره خفيفه والادام يكون 60 غرام ..يعني بمقدار نص الكف محضر باي طريقه بس ما يكون مقلي طبعا... وسلطه عليها قفشه زيت زيتون وملح وليمون وفلفل حسب الرغبه..
او
تشيز برجر من ماكدونالدز مع دايت كولا.. بعد الغدا اشرب شاي اعشاب
و بأي خيار لازم .. بعد الغدا اشرب شاي اعشاب


المغرب>>> هذي ركزو عليها

ككاو :dddds:


العشا

2-3 برتقال بو صره

او

توسته سمره مع مرتيدلا او جبن مع دايت كولا

او

اي نوع سلطه من ماكدونالدز والدريسنغ لازم يكون لايت دريسنغ مالهم

ونفس الشي .. شاي اعشاب بعد العشا


عاد ادعولي انزل عليه يا رب واوصل للوزن المثاليييييييي

 

[كنوووده]

اذا استمريتي على هالنظام راح تنزلين بأذن الله





والله ويفقج ان شاء الله وتلاقين الي تحلمين فيه



موفقققققققققه ان شا ءالله

 

[كشاكش]

يسلمج اخيتي يا كبيرة ممكن تقولين جم وزنج الحين وشكثر لازم تنزلين حسب طولج عشان اقدر احدد اذا في مجال اشاركج النظام ونتحدى بعض

وان شاء الله تنزلين اكثر مني <<<<<<<< ياعيني على الايثار

 

[^^دموع الكويت^^]

مشكوووووووورة

وعسى الله يوفقج وتوصلين للوزن المطلوب

 

[GAP^^الكبيرة]

اذا استمريتي على هالنظام راح تنزلين بأذن الله





والله ويفقج ان شاء الله وتلاقين الي تحلمين فيه



موفقققققققققه ان شا ءالله

مشكوووووووووووره حبيبتي على هالدعوه وما تقصرين:eh_s(6):

يسلمج اخيتي يا كبيرة ممكن تقولين جم وزنج الحين وشكثر لازم تنزلين حسب طولج عشان اقدر احدد اذا في مجال اشاركج النظام ونتحدى بعض

وان شاء الله تنزلين اكثر مني <<<<<<<< ياعيني على الايثار

هههههه تسلمين حبيبتي....بس سمحي لي الطلبات اللي تطلبينها تعجيزيه وسر من اسرار البنتاغون خخخخخخخخ:dddds:... الله يوفقج ان شاء الله حبيبتي وياليت تشاركيني ونتحدى بعض:tomato2:

مشكوووووووورة

وعسى الله يوفقج وتوصلين للوزن المطلوب

حياج الله يالغااااااااليه.. ومشكووووره على الدعوه

 

[زيـنـه]

خوش برنامج

تنزلين بالصحه و العافيه ان شاءالله

 

[GAP^^الكبيرة]

تسلميييين زيووونه حبيبتي... واتمنى لج كل التوفيييق بعد

 

[سمسميه]

جاب اشلونج؟
رجيمج حلو استمري عليه وان شاءالله توصلين للوزن الي تبينه

وباشرينا بالنتايج

 

[GAP^^الكبيرة]

صديقه كفااح الريجيم

مبروووووووووووووووووووووووووووووووووووووووووووووووووووووك على الاشراف.. وصج الانسان المناسب في المكان المناسب


وريجيمي مو بس حلو الا فللي .. واهو قالي اذا ماعجبج بغيره لج المره اليايه.. احد حاصل له ككاو كل يوم ويقول لء ههههههههه

يالله ان شاء الله يكون هذا اخر ريجيم اسويه

ومشكوره يا قلبي

 

[q8**girl]

شلوونج قااب ؟؟ ولهانه علييج
رجييمج حلوو استمري علييه ويارب تضعفيين ونضعف بصحه وعاافيه

 

[nero]

شي عجيب هالرجيم

كله ماكدونلدز وكاكاو

.. شكلي بجربه

واستمري عليه شكله مو متعب ويونس

موفقه قبقووب

 

[نــور1]

ياريت تقوليلنا وزنج الحالي ويالطول علشان اذا مثلي بتبعه


ةتنزلين بالعافية

 

[q8engineera]

وايد حلو الريجيم وكله اكل...بس بسألج شنو نوع الكاكاو اللي مسموح لج تاكلينه...؟؟؟ ولا اي نوع عادي؟

وبالنسبة للدكتور عنده عياده غير اللي بالمنقف؟؟؟ انا سامعه انه عنده عيادة ثانية؟

 

[xxx]

عسى الله يوفقج

 

[go0omar]

قلبي صح كلام االبنات رجيمج حلو وانشالله تنزلين عليه بالصحه والعافيه
وانشالله بنبديه معاج بس ماعندج فكره اذا اقدر الغي جاي الاعشاب وماااسبدل شي عادي بس انا اتوقع انه اهو الي يساعدج على تنزيل وزنج

 

[لوكريسيا]

جاب ----> ان شاء الله تنزلين بالصحة و العافية

 

[زينة2008]

كاب الله أوفقج انشالله وتضعفين
أنا كنت أراجع عند الدكتور بس ما أستمريت لأني ماأقدر أتحمل أسبوعين بدون مراجعه وايد والسبب الثاني مكانه وايد بعيد

 

[روزيتا]

موفقه يا gap

وانا ناويه اروح له وشجعتينى :ggdw: الاسبوع الياى استلم تحاليلى ا شاء الله وازرق له بالعوضى سنتر

اقرب لى من المنقف :eh_s(6):

بس بغير لى الغدا لانى نباتيه وبشوف لو صج صج 7 بالشهر عز الطلب


ويلا موفقه حبوبه:tek:

 

[ظبية الامارات]

حلو مافيه حرمان ..

 

[GAP^^الكبيرة]

شلوونج قااب ؟؟ ولهانه علييج

رجييمج حلوو استمري علييه ويارب تضعفيين ونضعف بصحه وعاافيه

هلالالالالالالالالالالالالالالالالالا وغلا... وانا بعد ولهانه على الجروووب كلهم... انتي شلونج وشخبارج؟؟.. انا الحمدالله زينه

ومشكووووره حبيبتي على التشجيع.. بس للحين ما التزمت فيه عدل..3 ايام مخربطه :tomato2:

شي عجيب هالرجيم

كله ماكدونلدز وكاكاو

.. شكلي بجربه

واستمري عليه شكله مو متعب ويونس

موفقه قبقووب

هلالالالالالالالالالالالا بالغاليه... اهو مو متعب بس باول الايام كنت احس بيوع وما اشبع .. بس تعودت الحين... الله يستر من النتيجه كنت مخربطه تخربط عدل.. وجربيه وان شاء الله يفيدج

ياريت تقوليلنا وزنج الحالي ويالطول علشان اذا مثلي بتبعه

ةتنزلين بالعافية

حبيبتي عذريني ... بس انا فوق الوزن المثالي ب 20 كيلو تقريبا

وايد حلو الريجيم وكله اكل...بس بسألج شنو نوع الكاكاو اللي مسموح لج تاكلينه...؟؟؟ ولا اي نوع عادي؟

وبالنسبة للدكتور عنده عياده غير اللي بالمنقف؟؟؟ انا سامعه انه عنده عيادة ثانية؟

هلا حبيبتي ام جاسم...بالنسبه للعياده في منها بشرق والمنقف وجني قريت بعد بالفروانيه بس مادل اي صوب... والككاو... يكون اصبع اذا كبير او نوع التريت= الصغار.. واي نوع تحبين تاكلينه عادي

عسى الله يوفقج

الله يسلمج حبيبتي ومشكوووره على المرور

قلبي صح كلام االبنات رجيمج حلو وانشالله تنزلين عليه بالصحه والعافيه

وانشالله بنبديه معاج بس ماعندج فكره اذا اقدر الغي جاي الاعشاب وماااسبدل شي عادي بس انا اتوقع انه اهو الي يساعدج على تنزيل وزنج

مشكوووره حبيبتي.. وبالنسبه للشاي انا للحين مو ملتزمه فيه عدل لاني ما احب طعمه... بس رفيجتي ما كانت تشرب من شاي وكانت تنزل عادي فاتوقع ان مو مهم.. بس بسالج بالمره اليايه

جاب ----> ان شاء الله تنزلين بالصحة و العافية

هلالالالالالالا وغلالالالالا ... ومشكووووووره يا قلبي

كاب الله أوفقج انشالله وتضعفين

أنا كنت أراجع عند الدكتور بس ما أستمريت لأني ماأقدر أتحمل أسبوعين بدون مراجعه وايد والسبب الثاني مكانه وايد بعيد

عزيزتي.. ترا اغلب اخصائيين التغذيه مواعيدهم كل اسبوعين.. واذا حسيتي انها وايد طلبي منه موعد كل اسبوع.. وترا عنده عياده ثانيه بشرق و الفروانيه... تصدقين حتى علي انا بعد بعيده بس لان مواعيده بشرق تكون الصبح فمضطره ...ومشكووره حبيبتي

موفقه يا gap

وانا ناويه اروح له وشجعتينى :ggdw: الاسبوع الياى استلم تحاليلى ا شاء الله وازرق له بالعوضى سنتر

اقرب لى من المنقف :eh_s(6):

بس بغير لى الغدا لانى نباتيه وبشوف لو صج صج 7 بالشهر عز الطلب


ويلا موفقه حبوبه:tek:

هلالالالالا.. وناسسسه قروب المشي كلهم هني...روحي له نفسيته وايد حلوه وباله وسيع... وطمنيني

حلو مافيه حرمان ..

صاجه يا غاليه... بس المشكله فيني اني ما التزمت عدل