سوالف طلبات النت (( مكياج و أغراض تنظيم المكياج ))

[ضماي انت]

سحر الورد
اهم طرشوا لج ايميل ان يا يتلفون الغرض اللي عليه ريستريكشن او يرجعونه المصدر مو ان يتلفون كل الطلبيه
منو قالج مايبطلون تدرين مره ياني باليت اربنديكاي 1 مسوين له سواتشز
ومره طلبت اوردر من نوردستروم مايحتاي اقولج شنو كان الاوردر خخخخ اكيد ميك اب
ومعاه فكس لمراد بطلوا البوكس كالمعتاد ونثروهم وكسروهم وقالوا لي بنقطه او عندج عنوان باليو اس بنطرشه او نرجعه المصدر عاد انا ماتكلمت ولا عطيتهم ويه شالوه ودزولي الباقي البيت
يعني يستحيل مايبطلونه ويستحيل مايدزون اللي ماعليهم مشاكل
اذكر مره ياني اوردر وت اند وايد كل الاغراض سليمه الا برونز واحد صاير بعلبه صغيره فوق وتحت بلاشز مافي الا اهو مكسور شنو معناته الا انهم ايبطلونه ويكسرونهم
والانفيرسري شريته ولا استخدمته اطلاقاااااااااااااااا مفلوت مع اخوانه بس لواسه ولازم اشتريه والا ايني ياثووووووم المكياج اخذيييييييييه واخذييييييييه بيخلص هههه بس عاد انا بدون شي ايرادتي تايوان بسرعه اتهز واشتريه بس هالايام الشعب صامل والمعازيب شجعان لا وقفوا تشقى القلوب الغلايل مادري اشفيني ابد حاقرة المكياج ولا افتر الا على لابيلووووووو بالجمعيات ههههه آخ يا قلبي اخاف ايي اليوم اللي افتر على فير اند لافلي مال بوهنود من البخل اللي حايشني بسم الله علي

مراوي
العين قويه اللي يايتني كلش مالي خلق اشتري حتى كريم طبي من الصيدليه شوفي لوين وصل فيني العيز
وحتى لو نزلت اربنديكاي بسيفورا بعد مانقدر نشتري منهم لازم نطق للسعوديه نشتري من الخبر ونرد البحرين
يعني جنها ماعندنا نفس الشي فافضل النت احسن واكيد بيكون فيه فرق للسعر وايد بعد وموشويه هالجشعين التجار
الا الوان تغلي الوان لو الهند جريبه كل يوم البس واروح دقيقه يكتون على من صبغ عيد الالوان واروح الجامعه متمكيجه وخالصه ولا منتهم

 

[عز النفس يغنيني]

مشكوره بحور الشوق

 

[alroza]

مراوي يا مراوي​

ترا جرايمج ماشاء الله ماشاء الله اكثرت هالايام

انا اقول نصيحة يعني نصيحة :eh_s(10): ركدي خل نركد وياج :dddds: لان شكل ريلي جريب بيطردني من البيت :23_asmilies-com:​

سحر الورد باحبيبتي انتي​

يارب تنحل مشكلتج مثل ما ساعدتيني في حل مشكلتي :yaaaaaarb: جعل الله يرزقج بالزوج الصالح اذا كنتي مومتزوجة واذا كنتي متزوجة جعل الله يرزقج بالذرية الصالحة :eh_s(7): قولوا آميييييييييييييييين يابنات​

 

[alroza]

انزين الحين باحط لكم لستتي اللي انطرها بس قبل كل شي حبيت اقولكم ان انا من زمان اتابعكم وماقمت اطلب من النت الا بعد مادخلت هالتجمع وكان ودي احط لكم مشترياتي وتواصل اكثر معاكم بس عندي بنوتة عمرها الحين 9 اشهر الله يهداها ماخذة كل وقتي :eh_s(16):من النوع اللي ماتبي احد في البيت الا انا لدرجة ان قمت ما اروح ولا اطلع من البيت والسبة اهي عاد الحين اهي نايمة وانا شبعانة نوم فبحط لكم لستتي وبعدها مشترياتي السابقة، وااااااااااي شكثر هذارة انا​

لستتي اللي انطرها من الدراق ستور​

2e.l.f. Studio Powder Brush - 1 ea$6.00Curler - 1 ea$1.491CoverGirl Lip Perfection Lipstick, Divine 330 - .12 oz$5.591CoverGirl Lip Perfection Lipstick, Spellbound 325 - .12 oz$5.591CoverGirl Lip Perfection Lipstick, Fairy Tale 405 - .12 oz$6.992Wet n Wild Color Icon Palette Eyeshadow Set, Vanity 249 - .25 oz$9.98​

2 at $4.991Wet n Wild Color Icon Palette Eyeshadow Set, Greed 246 - .25 oz$4.991Wet n Wild Color Icon Palette Eyeshadow Set, Lust 248 - .25 oz$4.992​

3Wet n Wild Color Icon Collection Eyeshadow Set, Comfort Zone 738 - .3 oz$14.97​

3 at $4.991Revlon ColorBurst Lip Butter, Lollipop - .09 oz$5.991
Revlon ColorBurst Lip Butter, Sweet Tart - .09 oz$7.49​

Clean & Clear Oil Absorbing Sheets - 50 ea​

طلبيتي من sleek​

كل البلشرات اللي بو ثلاث الوان (by 3) ماعدا ال lace لان كنت طالبة من قبل ويبو لي 4 منهم :rgewrg: وبالاضافة الى باليت شدو ناجرال لان ماعندي​

وطلبت من ايباي شدوات لوريال (Infallible) كل الالوان لان يوم اللي طلبت من الدراق ستور كان مافيه مخلصين مادري شالسالفة فما قدرت امسك نفسي صادتني حوسة فدورت في ايباي وحصلتهم بسعر زين ارخص من الدراق ستور​

وآخر شي طلبته قبل ساعتين من تشيش مراوي , من امازون باليت Anniversary و Book of Shadows Vol III​

وبس​

 

[alroza]

صادتني الحركة الخايسة :eh_s(14): :eh_s(14): :eh_s(14): ساعة وانا احمل وانزل الصور واكتب واخر شي تمحى كل شي خلاص عصبت بعدين بحط لكم مشترياتي:rgewrg::rgewrg:​

 

[alroza]

مشترياتي الفترة اللي طافت مابغيت احصل وقت عندي بنوتة الله يهداها ماتعرف طعم الرقادي على قولتهم ماخذة كل وقتي افف صج قثا العيال بس حلوين خخخخخ​

صندوق الورلد شيب

من الدراق ستور

​

خذيته عشان اول وحدة من اليسار عجبتني

​

من نورد ستورم شدوات نايلون وود وينكد

​

من اليسار pink plaid plumfull up the amp revlon pink pout

 

[alroza]

من Z palette​

من امازون Sigma Beauty Eyes Kit خذتهم لان كنت متخذة من قبل السيت اللي فيه 15 فرشة بس ما استفدت منه وايد فأخذت هذيلا​

من سيقما خذتهم من فترة وللحين ما استعملتهم والصغيرة اللي يمهم من موقع صيني رخيصة بس فضيعة ولا شعرة طاحت منها​

من امازون سيفورا​

كلهم من موقع بريطاني ماعدا bad girl and Lace من سليك​

 

[غرووووور]

Alroza عليييييج بألف عافيه
إتهبل أغراضج

 

[أحلى من الخيال]

عليكم بالعافية​

 

[مراوي22]

سحوره

إن شاء الله تنحل مشكلتج حاسه فيج والله كريه جذي والردود سويلها كوبي آنه تعقدت كل جمله أكتبها أسوي كوبي تعرفين نهذر وايد فحرام يروح الرد

ضماي إنت

إنصدمت بردج تعرفين توني من جمن يوم يوم أطلب باليت الانفرسري كنت على وشك أتهور وأطلب النيكد 2 بس إستغربت جفت ريته نازل كلش مع إنه البايع سيفورا دشيت أجوف الريفيو إلا وحده كاتبه نفس كلامج تقول طبعة الصبع مبينه في الشدو مبين مسوين لهم سواتش ومنصدمه وايد إنه موظفين سيفورا مسوين جذي عبالها بايعينها واحد مستعمل وحدها مطنقره والصراحه يحق لها بس مثل ماتقولين يمكن عمال الشحن يبطلون ويتلعبون فيهم :rgewrg:

الروزه

ماشاء الله تبارك الرحمن كل غرض أحلى من الثاني ذوقج نفس ذوفي إلا شسالفه بنات أجوف أذواقنه متقاربه إلا كوبي بيست نفس الشي

تتهنين فيهم ولستتج اليايه تشوق أنتظر تقولين رايج عن حمر كفر كيرل زين إنج ماتهورتي وطلبتي منهم وايد تعرفين إكتشفت إنه بعضهم فيهم ريحه قويه تنرفز فقمت أحط منهم وأطبطب فوقه بالكلينكس عشان ماحس بالريحه تخف شوي بس إنتي طلبتي أحلى الالوان :eh_s(15):

في إنتظار الصور القادمه _03BA:


وآنه عني ليحين أنتظر أوردراتي مالهم حس والانفرسري ليحين ماوصل جنه طول سحور :eh_s(10):

 

[مراوي22]

الروزه

جاري طلب باليتات Z

:krkrkr:

 

[ضماي انت]

مراوي
اكيد الشحن والا اللي بسيفورا شبعانين من منهم وعليج بالعافيه مقدما على باليت الانفيرسيري جني بطلب واحد حق بنت اختي مع انها تحب النيل بولش بشتري لها من الحين حق تخرجها لان بصراحه العلبه رووووووووووعه بس تنطبع الاصابع عليها وحمدالله حصلته بالايباي باقل من 55 دولار حتى مع الشحن ماوصل لي هالمبلغ

بنات طلبوا هاليومين لان عندهم عيد الام في تاريخ 13 هالشهر في بريموشنز وشحن سريع

الروزا
عليج بالعافيه حبيبتي واااااي ايونس الكرتون كل شي فيه مره وحده
جم كلفج الشحن هالكرتون؟؟
والورد شيب لهم سيارات توصيل خاصه للبيت مثل اراميكس يعني مكتوب على السياره ورلد شيب
وباليتات زي من زمان ابيهم بس متكيسله احسهم اوفر من باليتات ماك
وشنو حاطه بالعلبه البنكيه؟؟
والشدو الصفه اللي تحت اول واحد على اليمين هذي انا ميته عليه قوليلي شرايج فيه دامه عندج احس الوانه صيفيه موت
خاطري اطلب اليوم شي ولاول مره رحت ادور بامازون اشيا للبيت لاجد فيني شي عادتا الا غالبا مكياج ادور

 

[مراوي22]

وصلني مسج أوردري بالطريج رايح لي البيت درب السلامه إن شاء الله

:eh_s(9):

:eh_s(9):

أنتظرووووووووووو الصورررررررررر

 

[! Miss.Q8 !]

بنات شلون افتح حساب بالورلد شيب بدون ما يكون عندي paypal يطلع لي تحويل بنكي لبنك الراجحي ما ادري شنو هذا مال السعودية !!

 

[ضماي انت]

بنات ابي رغوة جونسون واااااااااااي عيزت ادورها من فتره
دورتها بالبحرين والسعوديه مالقيتها
ياخوفي اذا انقطعت وااااااااااااااااااااااء بصيح والله
حدها اتينن وتشيل المكياج من قلب
بليز بليز بليز بنات اللي شافتها تخبرني وين
بنات البحرين والسعوديه والامارات وقطر اللي تدري وين احصلها تخبرني
ابيهاااااااااا ابيهاااااااااا
حطتها مراوي من قبل بموضوع وخذيت منها الصوره لما كنت اسوي سيرج

 

[zooz14]

مراوي ناطرين الصور

يالله عاد نبي نشوف

 

[alroza]

غروووووور​

الله يعافيج يلا عاد دشي معانا بالجو ترا فللة​

مراوي
مراوي حبيبتي عيونج الحلوة ترا كله دروس منج ماخذتها واذا ذوقي نفس ذوقج عيل طمنتيني يعني حلو وزين قلتيلي عن كفر قيرل انا اساسا ماكنت ناوية اطخهم كلهم لان ماعندي سالفة ماردي باكودهم وبيحزرون عندي ولا بستعملهم​

يلا عاد سرعي حطي لنا صور الانفرسري اللاي يابختج وناسة​

　​

ضماي انت
يعافيج ربي ,الله يسلمج هاذي كانت اول مرة اتعامل فيها مع الورلد شيب للامانة خدمتهم وايد حلوة و زينة طبعا انا في البداية ما كنت حاطة بالي زين لما ييت بدفع خلاص فما اخترت الشحن الاقتصادي فصار الاختيار شحن سريع الفرق ان الشحن السريع يوصل
خلال ثلاث ايام فقط وناسة بس عاد ياخذون زود عليج والافضل ان تختارين اقتصادي لان يوصل خلال خمس ايام يعني بعد زين
بس وايد زين حق تجميع
يعني لو على ارامكس اتوقع بيطلع وايد على كل شحنة​

بس الصندوق اللي جفتيه صار شحن سريع فتقريبا 80 دولار مو متذكرة بالضبط ,وايد بس لو كان شحن اقتصادي جان بيصير اقل​

البلشرز​

peaceful من تارت​

peachtwist shemmer blush من ماك​

الثالث ماعرف شسمه قطيت علبته من بودي شوب عندي من زمان لونه بنك​

بالنسبة الشدو السليك هذي موناكو مثل ماقلتي الوانه فرش حلوه للصيف مع اني انا ما احب هالالوان وايد بس حبيت الباليت يكون عندي خخخخ لواسة تعرفين​

وبعدين اسم الله عليج شفيج هالايام مالج الا الشبة والسويدة هههههه لا بس انشاء الله مافيج شي اعتقد صايدج تشبع من المكياج فترة وبتعدي​

 

[مراوي22]

بنات شلون افتح حساب بالورلد شيب بدون ما يكون عندي paypal يطلع لي تحويل بنكي لبنك الراجحي ما ادري شنو هذا مال السعودية !!

والله ماعرف عن السعوديه بس إنتظري إن شاء الله بنزل لج معلومات بتفيدج

بنات ابي رغوة جونسون واااااااااااي عيزت ادورها من فتره
دورتها بالبحرين والسعوديه مالقيتها

جفتييييييي لمن سويت موضوع شنو إلي عندج منه باك أب قالو لي ليش تكودين مادام تحصلينه هاااي السبب إلي يخليني أكود من إلي أحبه لو تلاحظين ذكرت إنه ذي الرغوه بالذات إتيها فترت تنقطع ويردون إيبون ستوك منها مادري ليش

إلي صار معاي إنه الباك أب إلي عندي باقي منه شوي رحت أدور بشتري منه إلا مافي ولا مكان ماخليت لاصيدليه ولاسوبرماركت كل مكان حست حوس مافي خذيت من كلير أند كلير رغوه لكن كلش ماعجبتني ولاتسوي شي :eh_s(2):

إنتظري مافي حل بيبون منها بس عاد نطري متى :eh_s(4):

ماتصدقين إشقد متأذيه من أحط مكياج لين رديت البيت أبي أشيله أتذكر إنه مخلص أتضايق أعرف إني بعاني

حطتها مراوي من قبل بموضوع وخذيت منها الصوره لما كنت اسوي سيرج

مراوي ناطرين الصور

يالله عاد نبي نشوف

باليت الانفرسري توه واصلني إيميل إنه وصل المحرق :eh_s(9): إن شاء الله يوصلونه اليوم وسيقما بعد وصلني إيميل إنه إنشحن بس ليحين ماوصل البحرين يبيله جمن يوم

الروزه

عرفت اللواسه إلي تقصدينها شكلي آنه إلي معاديتج :krkrkr: ساعات مابي الشغله بس لواسه ولا القهر إني أكود منها بس الزين فيني إني لو خذيت شي ماعجبني أحاول أستغله بأي طريقه والحين أبشرج جفتي الاغراض المكوده تحت بعض قمت شلتهم وكل غرض حطيته بمكان عشان ما أنساهم وأستخدمهم على طول مثلا حمر كفرجيرل حاطه وحده بشنطتي ووحده في درج الشغل ووحده في الغرفه إلي أبدل فيها حق الدوام ووحده يكرم السامع بالحمام تخيلي من أدش أجوفها أحط منها يعني صايره طول اليوم براطمي ملونه :krkrkr:

والبلشرات نفس الشي 3 مطلعتهم 2 من ماك ليحين يدد ووحده مالت نارس إلي محفوره حطيت صورتها من قبل قلت أخلصها أخلصها وحاذفه كل بلشر بمكان عشان بس ماتعيز وأحط منهم

ماينفع معاي إلا جذي :bbbiu:

والحين يه دور المشتريات

مافي شي مميز يعني من جذي ماكنت متشجعه أنزل الصور بس دام مصرين ولايهمكم

إي تذكرت عسوله مالها حس وحشتني سوالفها ومشترياتها الحلوه :eh_s(10): عسى المانع خير إن شاء الله

يالله نبتدي

بسم الله

 

[مراوي22]

معجون بالقرحه :krkrkr: كنت خايفه أجربه أهو مكتوب عليه إنه يبيض الاسنان بس إسمه يخرع شنو قرحه بعيد الشر المهم سويت سيرج عنه جفت إنه معجون عادي حاله حال أي معجون مبيض بس فيه ماده إضافيه لعلاج القرحه أو الوقايه منها فقلت أجربه وأجوف ... رايي كلش ماعجبني طعمه قوي يتم بالحلج لي فتره مو طعم دوا لا طعم المعجون العادي وشنو بعد إي مايسوي رغوه أحب المعجون يكون فيه رغوه عشان أحس إني قاعده أنظف ضروسي بس ذي لا كلش مافيه جنج تفركين ضروسج بفرشه خاليه

ماعلينه أهم شي النتايج بس المهم والاكيد إني راح أطلب من أمازون كرست 3d حبيب ألبي





لاتزفوني مو لي حق إختي :bbbiu:



نص لي ونص حق إختي :eh_s(22):



هذي يعتمد أعطيها لو لا عورت قلبي بعطيها واحد ما إهتمت بعطيها طاف



اللون الوحيد إلي كان بخاطري من هذيله هو fig jam أول واحد عاليسار الغامج في النت السواتش مب جذي لونه إنصدمت غامج صج مب بجمنتد حمرهم بس كلش ماحب هالدرجات المارونيه إلي على بني

والباقي ماجربتيهم بس باين حلوين



غني عن التعريف



NYC Bronzer in Sunny

أخيرررراً قدرت ألمسه بإيديني وااااي حدي كنت مشتاقة له :krkrkr: حشى ظناها مب برونزر

تعرفون قصتي معاه مايحتاي أقول مره ثانيه المهم جربته وفضييع حبيته وايد قارنت اللون مع برونزر بوبي براون متشابه حيل بس بوبي براون صاير على حمار أكثر ذي كلش طبيعي

سعره 2 دولار طبعا حده رخيص مو لأنه مب زين لا عرفت ليش

الباكيجين ماله حده جيب ذكرني بمكياج باربي إلي كنه نشتريه أول المكياج الالعاب جفتو إشلون بلاستيك ضعيف نفس مكياج الفلبينيات ماعرف أشرح بس أكيد فهمتو علي

يعني كلش مو مخسرين على الباكيجين بس البرودكت فضيع :rerrerek:

برجع أشتريه لو لا ماعرف خل أحكه عدل وبقول رايي النهائي فيه

 

[مراوي22]

هالرد خذيته من إخت حبوبه وايد إهي سعوديه بس أغلب المعلومات إلي ذكرتها تنطبق على كل الدول

يعني منقووووووووووول

وأحب أذكر إسمها banoota cute ماحبيت أنقل تعبها من غير ماذكر إسمها ربي يوفقها وايد حبوبه

كل شي يتعلق بالدفع راح اتكلم عنه باختصار .. علشان ما يكون الموضوع شوي معقد ..
أي موقع تتسوقين منه بيعطيك خيارات كثيره للدفع .
- الفيزا العاديه اللي ينزل لك فيها شهريا مبلغ محدد حسب راتبك ( وما انصح فيها ابدا ابدا )
- ماستر كارد العاديه برضو اللي ينزل فيها مبلغ شهريا حسب راتبك ( وما انصح فيها )
- الفيزا او الماستر كارد مسبقة الدفع ( افضل شي ) طبعا البطاقات مسبقة الدفع هي افضل شي للي حابين يدفعون مباشره بدون paypal .
- الويسترن يونيون .. اللي هو الحوالات البنكيه .. وما انصح فيها ابدا ابدا وغالبا ما يتسعمل هالطريقه الا المواقع الصينيه واغلبهم تحولون لهم المبلغ ويسحب عليك ومافيه اي طريقه انك ترجعين فلوسك فيها الا لو تسافرين للصين وترفعين قضيه

فيه وسائل دفع ثانيه تكلمت عنه بالاجزاء السابقه بس كثير منكم ما يفضلها
زي اميريكان اكسيبريس .. لانهم شوي معقدين علشان تفتحي عندهم حساب لازم تحطي رصيد من 20 الف و فوق وامور ثانيه شوي معقده فا بوجود بطاقات مسبقة الدفع حنا بغنى عن الوسائل الثانيه
___________________________
بطاقات مسبقة الدفع :
كل البنوك السعوديه صارت توفر البطاقات هذي اما فيزا أو ماستر كارد ماتفرق ( الراجحي / الاهلي / الرياض / سامبا / بنك انماء / البلاد ..... الخ )
_ الافضل انك تطلعي بطاقه مسبقة الدفع من البنك اللي تتعاملين معاه علشان يكون اسهلك تحويل الرصيد من حسابك العادي الى الفيزا مسبقة الدفع
مثلا انا حسابي بالبنك الاهلي / والماستر كارد اللي اتسوق منها من البنك الاهلي ..
_النقطه الثانيه البطاقه مسبقة الدفع من الافضل انها تكون دائما فاضيه بدون رصيد .. وبالوقت اللي تحبين تتسوقين فيها شوفي كم احتياجاتك و حولي المبلغ اللي تحتاجينه بالتسوق فقط . مثلا انا بتسوق بقيمة 1000 ريال احول من حسابي العادي الى بطاقتي مسبقة الدفع مبلغ 1300 ريال اعمل حساب تكاليف الشحن .

هذي افضل و أأمن طريقه لان بعض مواقع التسوق ماتكون مره مشهوره هذا ما يمنع اننا ما نتسوق منها لكن مستوى الأمان بالدفع ما يكون عالي فا لما ما يكون الموقع قوي تخافين من الهكرز علشان كذا ما انصح انك تدفعين بالفيزا اللي شهريا ينزلك فيها مبلغ من البنك
لان لو تسربت معلومات البطاقع من اي موقع تسوق ضعيف ممكن كل شهر ينسحب منها مبلغ
لكن مسبقة الدفع دائما فاضيه ومجرد ما ابغى اتسوق انزل فيها المبلغ اللي احتاجه وبنفس اللحظه ادفعه للموقع وترجع بطاقتي فاضيه بدون رصيد فا لو تسربت معلوماتها ونادرا تصير يلقونها دائما فاضيه
______________________
بيانات الدفع :
البيانات المطلوبه وباختصار .. لما تكوني خلصتي تسوق حطيتي جميع مشترياتك بعربة التسوق وبتعملي تشيك اوت
يصير باقي خطوة الدفع يطلب منك هذي الاشياء
_ الاسم اللي مكتوب عالبطاقه ( ضروري نفس الاسم وبنفس الطريقه اذا فيه فراغات او اختصارات تكتبينها زي اللي بالبطاقه تماما )
_ تاريخ انتهاء البطاقه الشهر والسنه ( تلقون فوق التاريخ مكتوب فوق الشهر حرف M وفوق السنه حرف Y )
_ تاريخ اصدار البطاقه .. مو مهم حتى كثير مواقع تتركه اختياري اساسا ما يكون مسجل عالبطاقه و مو ضروري اهم شي تاريخ انتهاء البطاقه اللي مسجل عليها
_ الـ CCV لازم تكتبين الثلاث ارقام الموجوده خلف بطاقتك جدا مهم .

فقط هذي البيانات المطلوبه من بطاقتك اائتمانيه